| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៧. គទ្ទុលពទ្ធសុត្តវណ្ណនា
7. Gaddulabaddhasuttavaṇṇanā
៩៩. សត្តមេ យំ មហាសមុទ្ទោតិ យស្មិំ សមយេ បញ្ចមេ សូរិយេ ឧដ្ឋិតេ មហាសមុទ្ទោ ឧស្សុស្សតិ។ ទុក្ខស្ស អន្តកិរិយន្តិ ចត្តារិ សច្ចានិ អប្បដិវិជ្ឈិត្វា អវិជ្ជាយ និវុតានំយេវ សតំ វដ្ដទុក្ខស្ស អន្តកិរិយំ បរិច្ឆេទំ ន វទាមិ។ សា គទ្ទុលពទ្ធោតិ គទ្ទុលេន ពទ្ធសុនខោ។ ខីលេតិ បថវិយំ អាកោដិតេ មហាខីលេ។ ថម្ភេតិ និខណិត្វា ឋបិតេ ថម្ភេ។ ឯវមេវ ខោតិ ឯត្ថ សុនខោ វិយ វដ្ដនិស្សិតោ ពាលោ, គទ្ទុលោ វិយ ទិដ្ឋិ, ថម្ភោ វិយ សក្កាយោ, គទ្ទុលរជ្ជុយា ថម្ភេ ឧបនិពទ្ធសុនខស្ស ថម្ភានុបរិវត្តនំ វិយ ទិដ្ឋិតណ្ហាយ សក្កាយេ ពទ្ធស្ស បុថុជ្ជនស្ស សក្កាយានុបរិវត្តនំ វេទិតព្ពំ។ សត្តមំ។
99. Sattame yaṃ mahāsamuddoti yasmiṃ samaye pañcame sūriye uṭṭhite mahāsamuddo ussussati. Dukkhassa antakiriyanti cattāri saccāni appaṭivijjhitvā avijjāya nivutānaṃyeva sataṃ vaṭṭadukkhassa antakiriyaṃ paricchedaṃ na vadāmi. Sā gaddulabaddhoti gaddulena baddhasunakho. Khīleti pathaviyaṃ ākoṭite mahākhīle. Thambheti nikhaṇitvā ṭhapite thambhe. Evameva khoti ettha sunakho viya vaṭṭanissito bālo, gaddulo viya diṭṭhi, thambho viya sakkāyo, gaddularajjuyā thambhe upanibaddhasunakhassa thambhānuparivattanaṃ viya diṭṭhitaṇhāya sakkāye baddhassa puthujjanassa sakkāyānuparivattanaṃ veditabbaṃ. Sattamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៧. គទ្ទុលពទ្ធសុត្តំ • 7. Gaddulabaddhasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៧. គទ្ទុលពទ្ធសុត្តវណ្ណនា • 7. Gaddulabaddhasuttavaṇṇanā
