| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൭. ഗദ്ദുലബദ്ധസുത്തവണ്ണനാ
7. Gaddulabaddhasuttavaṇṇanā
൯൯. സത്തമേ യം മഹാസമുദ്ദോതി യസ്മിം സമയേ പഞ്ചമേ സൂരിയേ ഉട്ഠിതേ മഹാസമുദ്ദോ ഉസ്സുസ്സതി. ദുക്ഖസ്സ അന്തകിരിയന്തി ചത്താരി സച്ചാനി അപ്പടിവിജ്ഝിത്വാ അവിജ്ജായ നിവുതാനംയേവ സതം വട്ടദുക്ഖസ്സ അന്തകിരിയം പരിച്ഛേദം ന വദാമി. സാ ഗദ്ദുലബദ്ധോതി ഗദ്ദുലേന ബദ്ധസുനഖോ. ഖീലേതി പഥവിയം ആകോടിതേ മഹാഖീലേ. ഥമ്ഭേതി നിഖണിത്വാ ഠപിതേ ഥമ്ഭേ. ഏവമേവ ഖോതി ഏത്ഥ സുനഖോ വിയ വട്ടനിസ്സിതോ ബാലോ, ഗദ്ദുലോ വിയ ദിട്ഠി, ഥമ്ഭോ വിയ സക്കായോ, ഗദ്ദുലരജ്ജുയാ ഥമ്ഭേ ഉപനിബദ്ധസുനഖസ്സ ഥമ്ഭാനുപരിവത്തനം വിയ ദിട്ഠിതണ്ഹായ സക്കായേ ബദ്ധസ്സ പുഥുജ്ജനസ്സ സക്കായാനുപരിവത്തനം വേദിതബ്ബം. സത്തമം.
99. Sattame yaṃ mahāsamuddoti yasmiṃ samaye pañcame sūriye uṭṭhite mahāsamuddo ussussati. Dukkhassa antakiriyanti cattāri saccāni appaṭivijjhitvā avijjāya nivutānaṃyeva sataṃ vaṭṭadukkhassa antakiriyaṃ paricchedaṃ na vadāmi. Sā gaddulabaddhoti gaddulena baddhasunakho. Khīleti pathaviyaṃ ākoṭite mahākhīle. Thambheti nikhaṇitvā ṭhapite thambhe. Evameva khoti ettha sunakho viya vaṭṭanissito bālo, gaddulo viya diṭṭhi, thambho viya sakkāyo, gaddularajjuyā thambhe upanibaddhasunakhassa thambhānuparivattanaṃ viya diṭṭhitaṇhāya sakkāye baddhassa puthujjanassa sakkāyānuparivattanaṃ veditabbaṃ. Sattamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. ഗദ്ദുലബദ്ധസുത്തം • 7. Gaddulabaddhasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. ഗദ്ദുലബദ്ധസുത്തവണ്ണനാ • 7. Gaddulabaddhasuttavaṇṇanā
