| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੧. ਗਦ੍ਰਭવਗ੍ਗੋ
1. Gadrabhavaggo
੧. ਗਦ੍ਰਭਙ੍ਗਪਞ੍ਹੋ
1. Gadrabhaṅgapañho
੧. ‘‘ਭਨ੍ਤੇ ਨਾਗਸੇਨ, ‘ਗਦ੍ਰਭਸ੍ਸ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਗਦ੍ਰਭੋ ਨਾਮ ਸਙ੍ਕਾਰਕੂਟੇਪਿ ਚਤੁਕ੍ਕੇਪਿ ਸਿਙ੍ਘਾਟਕੇਪਿ ਗਾਮਦ੍વਾਰੇਪਿ ਥੁਸਰਾਸਿਮ੍ਹਿਪਿ ਯਤ੍ਥ ਕਤ੍ਥਚਿ ਸਯਤਿ, ਨ ਸਯਨਬਹੁਲੋ ਹੋਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਤਿਣਸਨ੍ਥਾਰੇਪਿ ਪਣ੍ਣਸਨ੍ਥਾਰੇਪਿ ਕਟ੍ਠਮਞ੍ਚਕੇਪਿ ਛਮਾਯਪਿ ਯਤ੍ਥ ਕਤ੍ਥਚਿ ਚਮ੍ਮਖਣ੍ਡਂ ਪਤ੍ਥਰਿਤ੍વਾ ਯਤ੍ਥ ਕਤ੍ਥਚਿ ਸਯਿਤਬ੍ਬਂ, ਨ ਸਯਨਬਹੁਲੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਗਦ੍ਰਭਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ‘ਕਲਿਙ੍ਗਰੂਪਧਾਨਾ, ਭਿਕ੍ਖવੇ, ਏਤਰਹਿ ਮਮ ਸਾવਕਾ વਿਹਰਨ੍ਤਿ ਅਪ੍ਪਮਤ੍ਤਾ ਆਤਾਪਿਨੋ ਪਧਾਨਸ੍ਮਿ’ਨ੍ਤਿ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਸਾਰਿਪੁਤ੍ਤੇਨ ਧਮ੍ਮਸੇਨਾਪਤਿਨਾਪਿ –
1. ‘‘Bhante nāgasena, ‘gadrabhassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, gadrabho nāma saṅkārakūṭepi catukkepi siṅghāṭakepi gāmadvārepi thusarāsimhipi yattha katthaci sayati, na sayanabahulo hoti, evameva kho, mahārāja, yoginā yogāvacarena tiṇasanthārepi paṇṇasanthārepi kaṭṭhamañcakepi chamāyapi yattha katthaci cammakhaṇḍaṃ pattharitvā yattha katthaci sayitabbaṃ, na sayanabahulena bhavitabbaṃ. Idaṃ, mahārāja, gadrabhassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena ‘kaliṅgarūpadhānā, bhikkhave, etarahi mama sāvakā viharanti appamattā ātāpino padhānasmi’nti. Bhāsitampetaṃ, mahārāja, therena sāriputtena dhammasenāpatināpi –
‘‘‘ਪਲ੍ਲਙ੍ਕੇਨ ਨਿਸਿਨ੍ਨਸ੍ਸ, ਜਣ੍ਣੁਕੇਨਾਭਿવਸ੍ਸਤਿ।
‘‘‘Pallaṅkena nisinnassa, jaṇṇukenābhivassati;
ਅਲਂ ਫਾਸੁવਿਹਾਰਾਯ, ਪਹਿਤਤ੍ਤਸ੍ਸ ਭਿਕ੍ਖੁਨੋ’’’ਤਿ॥
Alaṃ phāsuvihārāya, pahitattassa bhikkhuno’’’ti.
ਗਦ੍ਰਭਙ੍ਗਪਞ੍ਹੋ ਪਠਮੋ।
Gadrabhaṅgapañho paṭhamo.
