| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੨. ਗਦ੍ਰਭਸੁਤ੍ਤਂ
2. Gadrabhasuttaṃ
੮੩. ‘‘ਸੇਯ੍ਯਥਾਪਿ, ਭਿਕ੍ਖવੇ, ਗਦ੍ਰਭੋ ਗੋਗਣਂ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧੋ ਹੋਤਿ – ‘ਅਹਮ੍ਪਿ ਦਮ੍ਮੋ, ਅਹਮ੍ਪਿ ਦਮ੍ਮੋ’ਤਿ 1। ਤਸ੍ਸ ਨ ਤਾਦਿਸੋ વਣ੍ਣੋ ਹੋਤਿ ਸੇਯ੍ਯਥਾਪਿ ਗੁਨ੍ਨਂ, ਨ ਤਾਦਿਸੋ ਸਰੋ ਹੋਤਿ ਸੇਯ੍ਯਥਾਪਿ ਗੁਨ੍ਨਂ, ਨ ਤਾਦਿਸਂ ਪਦਂ ਹੋਤਿ ਸੇਯ੍ਯਥਾਪਿ ਗੁਨ੍ਨਂ। ਸੋ ਗੋਗਣਂਯੇવ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧੋ ਹੋਤਿ – ‘ਅਹਮ੍ਪਿ ਦਮ੍ਮੋ, ਅਹਮ੍ਪਿ ਦਮ੍ਮੋ’’’ਤਿ।
83. ‘‘Seyyathāpi, bhikkhave, gadrabho gogaṇaṃ piṭṭhito piṭṭhito anubandho hoti – ‘ahampi dammo, ahampi dammo’ti 2. Tassa na tādiso vaṇṇo hoti seyyathāpi gunnaṃ, na tādiso saro hoti seyyathāpi gunnaṃ, na tādisaṃ padaṃ hoti seyyathāpi gunnaṃ. So gogaṇaṃyeva piṭṭhito piṭṭhito anubandho hoti – ‘ahampi dammo, ahampi dammo’’’ti.
‘‘ਏવਮੇવਂ ਖੋ, ਭਿਕ੍ਖવੇ, ਇਧੇਕਚ੍ਚੋ ਭਿਕ੍ਖੁ ਭਿਕ੍ਖੁਸਙ੍ਘਂ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧੋ ਹੋਤਿ – ‘ਅਹਮ੍ਪਿ ਭਿਕ੍ਖੁ, ਅਹਮ੍ਪਿ ਭਿਕ੍ਖੂ’ਤਿ। ਤਸ੍ਸ ਨ ਤਾਦਿਸੋ ਛਨ੍ਦੋ ਹੋਤਿ ਅਧਿਸੀਲਸਿਕ੍ਖਾਸਮਾਦਾਨੇ ਸੇਯ੍ਯਥਾਪਿ ਅਞ੍ਞੇਸਂ ਭਿਕ੍ਖੂਨਂ, ਨ ਤਾਦਿਸੋ ਛਨ੍ਦੋ ਹੋਤਿ ਅਧਿਚਿਤ੍ਤਸਿਕ੍ਖਾਸਮਾਦਾਨੇ ਸੇਯ੍ਯਥਾਪਿ ਅਞ੍ਞੇਸਂ ਭਿਕ੍ਖੂਨਂ, ਨ ਤਾਦਿਸੋ ਛਨ੍ਦੋ ਹੋਤਿ ਅਧਿਪਞ੍ਞਾਸਿਕ੍ਖਾਸਮਾਦਾਨੇ ਸੇਯ੍ਯਥਾਪਿ ਅਞ੍ਞੇਸਂ ਭਿਕ੍ਖੂਨਂ। ਸੋ ਭਿਕ੍ਖੁਸਙ੍ਘਂਯੇવ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧੋ ਹੋਤਿ – ‘ਅਹਮ੍ਪਿ ਭਿਕ੍ਖੁ, ਅਹਮ੍ਪਿ ਭਿਕ੍ਖੂ’’’ਤਿ।
‘‘Evamevaṃ kho, bhikkhave, idhekacco bhikkhu bhikkhusaṅghaṃ piṭṭhito piṭṭhito anubandho hoti – ‘ahampi bhikkhu, ahampi bhikkhū’ti. Tassa na tādiso chando hoti adhisīlasikkhāsamādāne seyyathāpi aññesaṃ bhikkhūnaṃ, na tādiso chando hoti adhicittasikkhāsamādāne seyyathāpi aññesaṃ bhikkhūnaṃ, na tādiso chando hoti adhipaññāsikkhāsamādāne seyyathāpi aññesaṃ bhikkhūnaṃ. So bhikkhusaṅghaṃyeva piṭṭhito piṭṭhito anubandho hoti – ‘ahampi bhikkhu, ahampi bhikkhū’’’ti.
‘‘ਤਸ੍ਮਾਤਿਹ , ਭਿਕ੍ਖવੇ, ਏવਂ ਸਿਕ੍ਖਿਤਬ੍ਬਂ – ‘ਤਿਬ੍ਬੋ ਨੋ ਛਨ੍ਦੋ ਭવਿਸ੍ਸਤਿ ਅਧਿਸੀਲਸਿਕ੍ਖਾਸਮਾਦਾਨੇ, ਤਿਬ੍ਬੋ ਨੋ ਛਨ੍ਦੋ ਭવਿਸ੍ਸਤਿ ਅਧਿਚਿਤ੍ਤਸਿਕ੍ਖਾਸਮਾਦਾਨੇ, ਤਿਬ੍ਬੋ ਨੋ ਛਨ੍ਦੋ ਭવਿਸ੍ਸਤਿ ਅਧਿਪਞ੍ਞਾਸਿਕ੍ਖਾਸਮਾਦਾਨੇ’ਤਿ। ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ। ਦੁਤਿਯਂ।
‘‘Tasmātiha , bhikkhave, evaṃ sikkhitabbaṃ – ‘tibbo no chando bhavissati adhisīlasikkhāsamādāne, tibbo no chando bhavissati adhicittasikkhāsamādāne, tibbo no chando bhavissati adhipaññāsikkhāsamādāne’ti. Evañhi vo, bhikkhave, sikkhitabba’’nti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਗਦ੍ਰਭਸੁਤ੍ਤવਣ੍ਣਨਾ • 2. Gadrabhasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੫. ਸਮਣਸੁਤ੍ਤਾਦਿવਣ੍ਣਨਾ • 1-5. Samaṇasuttādivaṇṇanā
