| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. ဂဒ္ရဘသုတ္တဝဏ္ဏနာ
2. Gadrabhasuttavaṇṇanā
၈၃. ဒုတိယေ ပိဋ္ဌိတော ပိဋ္ဌိတောတိ ပစ္ဆတော ပစ္ဆတော။ အဟမ္ပိ ဒမ္မော အဟမ္ပိ ဒမ္မောတိ အဟမ္ပိ ‘‘ဒမ္မော ဒမ္မမာနော’’တိ ဝဒမာနော ဂာဝီတိ။ သေယ္ယထာပိ ဂုန္နန္တိ ယထာ ဂာဝီနံ။ ဂာဝော ဟိ ကာဠာပိ ရတ္တာပိ သေတာဒိဝဏ္ဏာပိ ဟောန္တိ, ဂဒ္ရဘသ္သ ပန တာဒိသော ဝဏ္ဏော နာမ နတ္ထိ။ ယထာ စ ဝဏ္ဏော, ဧဝံ သရောပိ ပဒမ္ပိ အညာဒိသမေဝ။ သေသံ ဥတ္တာနတ္ထမေဝ။ ဣမသ္မိမ္ပိ သုတ္တေ တိသ္သော သိက္ခာ မိသ္သိကာဝ ကထိတာတိ။
83. Dutiye piṭṭhito piṭṭhitoti pacchato pacchato. Ahampi dammo ahampi dammoti ahampi ‘‘dammo dammamāno’’ti vadamāno gāvīti. Seyyathāpi gunnanti yathā gāvīnaṃ. Gāvo hi kāḷāpi rattāpi setādivaṇṇāpi honti, gadrabhassa pana tādiso vaṇṇo nāma natthi. Yathā ca vaṇṇo, evaṃ saropi padampi aññādisameva. Sesaṃ uttānatthameva. Imasmimpi sutte tisso sikkhā missikāva kathitāti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂. ဂဒ္ရဘသုတ္တံ • 2. Gadrabhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၅. သမဏသုတ္တာဒိဝဏ္ဏနာ • 1-5. Samaṇasuttādivaṇṇanā
