| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. г̇ахадтаванд̣̇анаасуд̇д̇ам̣
8. Gahaṭṭhavandanāsuttaṃ
264. саавад̇т̇ияам̣. д̇ад̇ра…бз… зд̇ад̣̇авожа – ‘‘бхууд̇абуб̣б̣ам̣, бхигкавз, сагго д̣̇зваанаминд̣̇о маад̇алим̣ сан̇г̇аахагам̣ ааманд̇зси – ‘яож̇зхи, самма маад̇али, сахассаяуд̇д̇ам̣ ааж̇ан̃н̃арат̇ам̣. уяяаанабхуумим̣ г̇ажчаама субхуумим̣ д̣̇ассанааяаа’д̇и. ‘звам̣ бхад̣̇д̣̇анд̇аваа’д̇и ко, бхигкавз, маад̇али сан̇г̇аахаго саггасса д̣̇зваанаминд̣̇асса бадиссуд̇ваа сахассаяуд̇д̇ам̣ ааж̇ан̃н̃арат̇ам̣ яож̇зд̇ваа саггасса д̣̇зваанаминд̣̇асса бадивзд̣̇зси – ‘яуд̇д̇о ко д̇з, маариса, сахассаяуд̇д̇о ааж̇ан̃н̃арат̇о. яасса д̣̇аани гаалам̣ ман̃н̃асий’’’д̇и. ат̇а ко, бхигкавз, сагго д̣̇зваанаминд̣̇о взж̇аяанд̇абаасаад̣̇аа ороханд̇о ан̃ж̇алим̣ гад̇ваа 1 суд̣̇ам̣ бут̇уд̣̇д̣̇исаа намассад̇и. ат̇а ко, бхигкавз, маад̇али сан̇г̇аахаго саггам̣ д̣̇зваанаминд̣̇ам̣ г̇аат̇ааяа аж̇жхабхааси –
264. Sāvatthiyaṃ. Tatra…pe… etadavoca – ‘‘bhūtapubbaṃ, bhikkhave, sakko devānamindo mātaliṃ saṅgāhakaṃ āmantesi – ‘yojehi, samma mātali, sahassayuttaṃ ājaññarathaṃ. Uyyānabhūmiṃ gacchāma subhūmiṃ dassanāyā’ti. ‘Evaṃ bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṃ ājaññarathaṃ yojetvā sakkassa devānamindassa paṭivedesi – ‘yutto kho te, mārisa, sahassayutto ājaññaratho. Yassa dāni kālaṃ maññasī’’’ti. Atha kho, bhikkhave, sakko devānamindo vejayantapāsādā orohanto añjaliṃ katvā 2 sudaṃ puthuddisā namassati. Atha kho, bhikkhave, mātali saṅgāhako sakkaṃ devānamindaṃ gāthāya ajjhabhāsi –
‘‘д̇ам̣ намассанд̇и д̇звиж̇ж̇аа, саб̣б̣з бхуммаа жа кад̇д̇ияаа;
‘‘Taṃ namassanti tevijjā, sabbe bhummā ca khattiyā;
жад̇д̇ааро жа махаарааж̇аа, д̇ид̣̇асаа жа яасассино;
Cattāro ca mahārājā, tidasā ca yasassino;
ат̇а го наама со яагко, яам̣ д̇вам̣ сагга намассасий’’д̇и.
Atha ko nāma so yakkho, yaṃ tvaṃ sakka namassasī’’ti.
‘‘мам̣ намассанд̇и д̇звиж̇ж̇аа, саб̣б̣з бхуммаа жа кад̇д̇ияаа;
‘‘Maṃ namassanti tevijjā, sabbe bhummā ca khattiyā;
жад̇д̇ааро жа махаарааж̇аа, д̇ид̣̇асаа жа яасассино.
Cattāro ca mahārājā, tidasā ca yasassino.
‘‘ахан̃жа сийласамбаннз, жирарад̇д̇асамаахид̇з;
‘‘Ahañca sīlasampanne, cirarattasamāhite;
саммаабаб̣б̣аж̇ид̇з ванд̣̇з, б̣рахмажарияабарааяанз.
Sammāpabbajite vande, brahmacariyaparāyane.
‘‘яз г̇ахадтаа бун̃н̃агараа, сийлаванд̇о убаасагаа;
‘‘Ye gahaṭṭhā puññakarā, sīlavanto upāsakā;
д̇хаммзна д̣̇аарам̣ босзнд̇и, д̇з намассаами маад̇алий’’д̇и.
Dhammena dāraṃ posenti, te namassāmi mātalī’’ti.
‘‘сздтаа хи гира логасмим̣, яз д̇вам̣ сагга намассаси;
‘‘Seṭṭhā hi kira lokasmiṃ, ye tvaṃ sakka namassasi;
ахамби д̇з намассаами, яз намассаси ваасаваа’’д̇и.
Ahampi te namassāmi, ye namassasi vāsavā’’ti.
‘‘ид̣̇ам̣ вад̇ваана магхаваа, д̣̇зварааж̇аа суж̇амбад̇и;
‘‘Idaṃ vatvāna maghavā, devarājā sujampati;
бут̇уд̣̇д̣̇исаа намассид̇ваа, бамуко рат̇амаарухий’’д̇и.
Puthuddisā namassitvā, pamukho rathamāruhī’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. г̇ахадтаванд̣̇анаасуд̇д̇аван̣н̣анаа • 8. Gahaṭṭhavandanāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. г̇ахадтаванд̣̇анаасуд̇д̇аван̣н̣анаа • 8. Gahaṭṭhavandanāsuttavaṇṇanā
