| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. க³ஹட்ட²வந்த³னாஸுத்தவண்ணனா
8. Gahaṭṭhavandanāsuttavaṇṇanā
264. அட்ட²மே புது²த்³தி³ஸாதி சதஸ்ஸோ தி³ஸா சதஸ்ஸோ அனுதி³ஸா ச. பு⁴ம்மாதி பூ⁴மிவாஸினோ. சிரரத்தஸமாஹிதேதி உபசாரப்பனாஹி சிரரத்தஸமாஹிதசித்தே. வந்தே³தி வந்தா³மி. ப்³ரஹ்மசரியபராயணேதி த³ஸபி வஸ்ஸானி வீஸதிபி வஸ்ஸானி…பே॰… ஸட்டி²பி வஸ்ஸானி ஆபாணகோடிகங் ஏகஸெய்யங் ஏகப⁴த்தந்திஆதி³கங் ஸெட்ட²சரியங் ப்³ரஹ்மசரியங் சரமானேதி அத்தோ². புஞ்ஞகராதி சதுபச்சயதா³னங் குஸும்ப⁴ஸுமனபூஜா தீ³பஸஹஸ்ஸஜாலந்தி ஏவமாதி³புஞ்ஞகாரகா. ஸீலவந்தோதி உபாஸகத்தே பதிட்டா²ய பஞ்சஹிபி த³ஸஹிபி ஸீலேஹி ஸமன்னாக³தா. த⁴ம்மேன தா³ரங் போஸெந்தீதி உமங்க³பி⁴ந்த³னாதீ³னி அகத்வா த⁴ம்மிகேஹி கஸிகோ³ரக்க²வணிஜ்ஜாதீ³ஹி புத்ததா³ரங் போஸெந்தி. பமுகோ² ரத²மாருஹீதி தே³வானங் பமுகோ² ஸெட்டோ² ரத²ங் ஆருஹி. அட்ட²மங்.
264. Aṭṭhame puthuddisāti catasso disā catasso anudisā ca. Bhummāti bhūmivāsino. Cirarattasamāhiteti upacārappanāhi cirarattasamāhitacitte. Vandeti vandāmi. Brahmacariyaparāyaṇeti dasapi vassāni vīsatipi vassāni…pe… saṭṭhipi vassāni āpāṇakoṭikaṃ ekaseyyaṃ ekabhattantiādikaṃ seṭṭhacariyaṃ brahmacariyaṃ caramāneti attho. Puññakarāti catupaccayadānaṃ kusumbhasumanapūjā dīpasahassajālanti evamādipuññakārakā. Sīlavantoti upāsakatte patiṭṭhāya pañcahipi dasahipi sīlehi samannāgatā. Dhammena dāraṃ posentīti umaṅgabhindanādīni akatvā dhammikehi kasigorakkhavaṇijjādīhi puttadāraṃ posenti. Pamukho rathamāruhīti devānaṃ pamukho seṭṭho rathaṃ āruhi. Aṭṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. க³ஹட்ட²வந்த³னாஸுத்தங் • 8. Gahaṭṭhavandanāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. க³ஹட்ட²வந்த³னாஸுத்தவண்ணனா • 8. Gahaṭṭhavandanāsuttavaṇṇanā
