| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౮. గహట్ఠవన్దనాసుత్తవణ్ణనా
8. Gahaṭṭhavandanāsuttavaṇṇanā
౨౬౪. అట్ఠమే పుథుద్దిసాతి చతస్సో దిసా చతస్సో అనుదిసా చ. భుమ్మాతి భూమివాసినో. చిరరత్తసమాహితేతి ఉపచారప్పనాహి చిరరత్తసమాహితచిత్తే. వన్దేతి వన్దామి. బ్రహ్మచరియపరాయణేతి దసపి వస్సాని వీసతిపి వస్సాని…పే॰… సట్ఠిపి వస్సాని ఆపాణకోటికం ఏకసేయ్యం ఏకభత్తన్తిఆదికం సేట్ఠచరియం బ్రహ్మచరియం చరమానేతి అత్థో. పుఞ్ఞకరాతి చతుపచ్చయదానం కుసుమ్భసుమనపూజా దీపసహస్సజాలన్తి ఏవమాదిపుఞ్ఞకారకా. సీలవన్తోతి ఉపాసకత్తే పతిట్ఠాయ పఞ్చహిపి దసహిపి సీలేహి సమన్నాగతా. ధమ్మేన దారం పోసేన్తీతి ఉమఙ్గభిన్దనాదీని అకత్వా ధమ్మికేహి కసిగోరక్ఖవణిజ్జాదీహి పుత్తదారం పోసేన్తి. పముఖో రథమారుహీతి దేవానం పముఖో సేట్ఠో రథం ఆరుహి. అట్ఠమం.
264. Aṭṭhame puthuddisāti catasso disā catasso anudisā ca. Bhummāti bhūmivāsino. Cirarattasamāhiteti upacārappanāhi cirarattasamāhitacitte. Vandeti vandāmi. Brahmacariyaparāyaṇeti dasapi vassāni vīsatipi vassāni…pe… saṭṭhipi vassāni āpāṇakoṭikaṃ ekaseyyaṃ ekabhattantiādikaṃ seṭṭhacariyaṃ brahmacariyaṃ caramāneti attho. Puññakarāti catupaccayadānaṃ kusumbhasumanapūjā dīpasahassajālanti evamādipuññakārakā. Sīlavantoti upāsakatte patiṭṭhāya pañcahipi dasahipi sīlehi samannāgatā. Dhammena dāraṃ posentīti umaṅgabhindanādīni akatvā dhammikehi kasigorakkhavaṇijjādīhi puttadāraṃ posenti. Pamukho rathamāruhīti devānaṃ pamukho seṭṭho rathaṃ āruhi. Aṭṭhamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౮. గహట్ఠవన్దనాసుత్తం • 8. Gahaṭṭhavandanāsuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౮. గహట్ఠవన్దనాసుత్తవణ్ణనా • 8. Gahaṭṭhavandanāsuttavaṇṇanā
