| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘. คหฎฺฐวนฺทนาสุตฺตวณฺณนา
8. Gahaṭṭhavandanāsuttavaṇṇanā
๒๖๔. อฎฺฐเม ปุถุทฺทิสาติ จตโสฺส ทิสา จตโสฺส อนุทิสา จฯ ภุมฺมาติ ภูมิวาสิโนฯ จิรรตฺตสมาหิเตติ อุปจารปฺปนาหิ จิรรตฺตสมาหิตจิเตฺตฯ วเนฺทติ วนฺทามิฯ พฺรหฺมจริยปรายเณติ ทสปิ วสฺสานิ วีสติปิ วสฺสานิ…เป.… สฎฺฐิปิ วสฺสานิ อาปาณโกฎิกํ เอกเสยฺยํ เอกภตฺตนฺติอาทิกํ เสฎฺฐจริยํ พฺรหฺมจริยํ จรมาเนติ อโตฺถฯ ปุญฺญกราติ จตุปจฺจยทานํ กุสุมฺภสุมนปูชา ทีปสหสฺสชาลนฺติ เอวมาทิปุญฺญการกาฯ สีลวโนฺตติ อุปาสกเตฺต ปติฎฺฐาย ปญฺจหิปิ ทสหิปิ สีเลหิ สมนฺนาคตาฯ ธเมฺมน ทารํ โปเสนฺตีติ อุมงฺคภินฺทนาทีนิ อกตฺวา ธมฺมิเกหิ กสิโครกฺขวณิชฺชาทีหิ ปุตฺตทารํ โปเสนฺติฯ ปมุโข รถมารุหีติ เทวานํ ปมุโข เสโฎฺฐ รถํ อารุหิฯ อฎฺฐมํฯ
264. Aṭṭhame puthuddisāti catasso disā catasso anudisā ca. Bhummāti bhūmivāsino. Cirarattasamāhiteti upacārappanāhi cirarattasamāhitacitte. Vandeti vandāmi. Brahmacariyaparāyaṇeti dasapi vassāni vīsatipi vassāni…pe… saṭṭhipi vassāni āpāṇakoṭikaṃ ekaseyyaṃ ekabhattantiādikaṃ seṭṭhacariyaṃ brahmacariyaṃ caramāneti attho. Puññakarāti catupaccayadānaṃ kusumbhasumanapūjā dīpasahassajālanti evamādipuññakārakā. Sīlavantoti upāsakatte patiṭṭhāya pañcahipi dasahipi sīlehi samannāgatā. Dhammena dāraṃ posentīti umaṅgabhindanādīni akatvā dhammikehi kasigorakkhavaṇijjādīhi puttadāraṃ posenti. Pamukho rathamāruhīti devānaṃ pamukho seṭṭho rathaṃ āruhi. Aṭṭhamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. คหฎฺฐวนฺทนาสุตฺตํ • 8. Gahaṭṭhavandanāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. คหฎฺฐวนฺทนาสุตฺตวณฺณนา • 8. Gahaṭṭhavandanāsuttavaṇṇanā
