| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၈. ဂဟဋ္ဌဝန္ဒနာသုတ္တဝဏ္ဏနာ
8. Gahaṭṭhavandanāsuttavaṇṇanā
၂၆၄. အဋ္ဌမေ ပုထုဒ္ဒိသာတိ စတသ္သော ဒိသာ စတသ္သော အနုဒိသာ စ။ ဘုမ္မာတိ ဘူမိဝာသိနော။ စိရရတ္တသမာဟိတေတိ ဥပစာရပ္ပနာဟိ စိရရတ္တသမာဟိတစိတ္တေ။ ဝန္ဒေတိ ဝန္ဒာမိ။ ဗ္ရဟ္မစရိယပရာယဏေတိ ဒသပိ ဝသ္သာနိ ဝီသတိပိ ဝသ္သာနိ။ပေ.။ သဋ္ဌိပိ ဝသ္သာနိ အာပာဏကောဋိကံ ဧကသေယ္ယံ ဧကဘတ္တန္တိအာဒိကံ သေဋ္ဌစရိယံ ဗ္ရဟ္မစရိယံ စရမာနေတိ အတ္ထော။ ပုညကရာတိ စတုပစ္စယဒာနံ ကုသုမ္ဘသုမနပူဇာ ဒီပသဟသ္သဇာလန္တိ ဧဝမာဒိပုညကာရကာ။ သီလဝန္တောတိ ဥပာသကတ္တေ ပတိဋ္ဌာယ ပဉ္စဟိပိ ဒသဟိပိ သီလေဟိ သမန္နာဂတာ။ ဓမ္မေန ဒာရံ ပောသေန္တီတိ ဥမင္ဂဘိန္ဒနာဒီနိ အကတ္ဝာ ဓမ္မိကေဟိ ကသိဂောရက္ခဝဏိဇ္ဇာဒီဟိ ပုတ္တဒာရံ ပောသေန္တိ။ ပမုခော ရထမာရုဟီတိ ဒေဝာနံ ပမုခော သေဋ္ဌော ရထံ အာရုဟိ။ အဋ္ဌမံ။
264. Aṭṭhame puthuddisāti catasso disā catasso anudisā ca. Bhummāti bhūmivāsino. Cirarattasamāhiteti upacārappanāhi cirarattasamāhitacitte. Vandeti vandāmi. Brahmacariyaparāyaṇeti dasapi vassāni vīsatipi vassāni…pe… saṭṭhipi vassāni āpāṇakoṭikaṃ ekaseyyaṃ ekabhattantiādikaṃ seṭṭhacariyaṃ brahmacariyaṃ caramāneti attho. Puññakarāti catupaccayadānaṃ kusumbhasumanapūjā dīpasahassajālanti evamādipuññakārakā. Sīlavantoti upāsakatte patiṭṭhāya pañcahipi dasahipi sīlehi samannāgatā. Dhammena dāraṃ posentīti umaṅgabhindanādīni akatvā dhammikehi kasigorakkhavaṇijjādīhi puttadāraṃ posenti. Pamukho rathamāruhīti devānaṃ pamukho seṭṭho rathaṃ āruhi. Aṭṭhamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၈. ဂဟဋ္ဌဝန္ဒနာသုတ္တံ • 8. Gahaṭṭhavandanāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၈. ဂဟဋ္ဌဝန္ဒနာသုတ္တဝဏ္ဏနာ • 8. Gahaṭṭhavandanāsuttavaṇṇanā
