| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਗਹਟ੍ਠવਨ੍ਦਨਾਸੁਤ੍ਤવਣ੍ਣਨਾ
8. Gahaṭṭhavandanāsuttavaṇṇanā
੨੬੪. ਅਟ੍ਠਮੇ ਪੁਥੁਦ੍ਦਿਸਾਤਿ ਚਤਸ੍ਸੋ ਦਿਸਾ ਚਤਸ੍ਸੋ ਅਨੁਦਿਸਾ ਚ। ਭੁਮ੍ਮਾਤਿ ਭੂਮਿવਾਸਿਨੋ। ਚਿਰਰਤ੍ਤਸਮਾਹਿਤੇਤਿ ਉਪਚਾਰਪ੍ਪਨਾਹਿ ਚਿਰਰਤ੍ਤਸਮਾਹਿਤਚਿਤ੍ਤੇ। વਨ੍ਦੇਤਿ વਨ੍ਦਾਮਿ। ਬ੍ਰਹ੍ਮਚਰਿਯਪਰਾਯਣੇਤਿ ਦਸਪਿ વਸ੍ਸਾਨਿ વੀਸਤਿਪਿ વਸ੍ਸਾਨਿ…ਪੇ॰… ਸਟ੍ਠਿਪਿ વਸ੍ਸਾਨਿ ਆਪਾਣਕੋਟਿਕਂ ਏਕਸੇਯ੍ਯਂ ਏਕਭਤ੍ਤਨ੍ਤਿਆਦਿਕਂ ਸੇਟ੍ਠਚਰਿਯਂ ਬ੍ਰਹ੍ਮਚਰਿਯਂ ਚਰਮਾਨੇਤਿ ਅਤ੍ਥੋ। ਪੁਞ੍ਞਕਰਾਤਿ ਚਤੁਪਚ੍ਚਯਦਾਨਂ ਕੁਸੁਮ੍ਭਸੁਮਨਪੂਜਾ ਦੀਪਸਹਸ੍ਸਜਾਲਨ੍ਤਿ ਏવਮਾਦਿਪੁਞ੍ਞਕਾਰਕਾ। ਸੀਲવਨ੍ਤੋਤਿ ਉਪਾਸਕਤ੍ਤੇ ਪਤਿਟ੍ਠਾਯ ਪਞ੍ਚਹਿਪਿ ਦਸਹਿਪਿ ਸੀਲੇਹਿ ਸਮਨ੍ਨਾਗਤਾ। ਧਮ੍ਮੇਨ ਦਾਰਂ ਪੋਸੇਨ੍ਤੀਤਿ ਉਮਙ੍ਗਭਿਨ੍ਦਨਾਦੀਨਿ ਅਕਤ੍વਾ ਧਮ੍ਮਿਕੇਹਿ ਕਸਿਗੋਰਕ੍ਖવਣਿਜ੍ਜਾਦੀਹਿ ਪੁਤ੍ਤਦਾਰਂ ਪੋਸੇਨ੍ਤਿ। ਪਮੁਖੋ ਰਥਮਾਰੁਹੀਤਿ ਦੇવਾਨਂ ਪਮੁਖੋ ਸੇਟ੍ਠੋ ਰਥਂ ਆਰੁਹਿ। ਅਟ੍ਠਮਂ।
264. Aṭṭhame puthuddisāti catasso disā catasso anudisā ca. Bhummāti bhūmivāsino. Cirarattasamāhiteti upacārappanāhi cirarattasamāhitacitte. Vandeti vandāmi. Brahmacariyaparāyaṇeti dasapi vassāni vīsatipi vassāni…pe… saṭṭhipi vassāni āpāṇakoṭikaṃ ekaseyyaṃ ekabhattantiādikaṃ seṭṭhacariyaṃ brahmacariyaṃ caramāneti attho. Puññakarāti catupaccayadānaṃ kusumbhasumanapūjā dīpasahassajālanti evamādipuññakārakā. Sīlavantoti upāsakatte patiṭṭhāya pañcahipi dasahipi sīlehi samannāgatā. Dhammena dāraṃ posentīti umaṅgabhindanādīni akatvā dhammikehi kasigorakkhavaṇijjādīhi puttadāraṃ posenti. Pamukho rathamāruhīti devānaṃ pamukho seṭṭho rathaṃ āruhi. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਗਹਟ੍ਠવਨ੍ਦਨਾਸੁਤ੍ਤਂ • 8. Gahaṭṭhavandanāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਗਹਟ੍ਠવਨ੍ਦਨਾਸੁਤ੍ਤવਣ੍ਣਨਾ • 8. Gahaṭṭhavandanāsuttavaṇṇanā
