| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. жад̇уд̇т̇аваг̇г̇о
4. Catutthavaggo
1. г̇ахварад̇ийрияад̇т̇зраг̇аат̇ааван̣н̣анаа
1. Gahvaratīriyattheragāthāvaṇṇanā
пудто д̣ам̣сзхийд̇и ааяасмад̇о г̇ахварад̇ийрияад̇т̇зрасса г̇аат̇аа. гаа уббад̇д̇и? со гира буримаб̣уд̣̇д̇хзсу гад̇аад̇хигааро ид̇о згад̇им̣сз габбз сикисса бхаг̇авад̇о гаалз миг̇алуд̣̇д̣̇о худ̇ваа аран̃н̃з вижаранд̇о ад̣̇д̣̇аса сиким̣ бхаг̇аванд̇ам̣ ан̃н̃ад̇арасмим̣ ругкамуулз д̣̇званааг̇аяагкаанам̣ д̇хаммам̣ д̣̇зсзнд̇ам̣, д̣̇исваа бана басаннамаанасо ‘‘д̇хаммо зса вужжад̇ий’’д̇и сарз нимид̇д̇ам̣ аг̇г̇ахзси. со д̇зна жид̇д̇аббасаад̣̇зна д̣̇звалогз уббанно буна абараабарам̣ суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇ид̇ваа ‘‘аг̇г̇ид̣̇ад̇д̇о’’д̇и лад̣̇д̇ханаамо ваяаббад̇д̇о бхаг̇авад̇о яамагабаадихаарияам̣ д̣̇исваа сан̃ж̇аад̇аббасаад̣̇о саасанз баб̣б̣аж̇ид̇ваа гаммадтаанам̣ г̇ахзд̇ваа г̇ахварад̇ийрз наама аран̃н̃адтаанз васад̇и. д̇знасса г̇ахварад̇ийраяод̇и саман̃н̃аа ахоси. со вибассанам̣ вад̣дхзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.52.44-50) –
Phuṭṭhoḍaṃsehīti āyasmato gahvaratīriyattherassa gāthā. Kā uppatti? So kira purimabuddhesu katādhikāro ito ekatiṃse kappe sikhissa bhagavato kāle migaluddo hutvā araññe vicaranto addasa sikhiṃ bhagavantaṃ aññatarasmiṃ rukkhamūle devanāgayakkhānaṃ dhammaṃ desentaṃ, disvā pana pasannamānaso ‘‘dhammo esa vuccatī’’ti sare nimittaṃ aggahesi. So tena cittappasādena devaloke uppanno puna aparāparaṃ sugatīsuyeva saṃsaranto imasmiṃ buddhuppāde sāvatthiyaṃ brāhmaṇakule nibbattitvā ‘‘aggidatto’’ti laddhanāmo vayappatto bhagavato yamakapāṭihāriyaṃ disvā sañjātappasādo sāsane pabbajitvā kammaṭṭhānaṃ gahetvā gahvaratīre nāma araññaṭṭhāne vasati. Tenassa gahvaratīrayoti samaññā ahosi. So vipassanaṃ vaḍḍhetvā nacirasseva arahattaṃ pāpuṇi. Tena vuttaṃ apadāne (apa. thera 2.52.44-50) –
‘‘миг̇алуд̣̇д̣̇о бурз ааси, аран̃н̃з вибинз ахам̣;
‘‘Migaluddo pure āsi, araññe vipine ahaṃ;
ад̣̇д̣̇асам̣ вираж̇ам̣ б̣уд̣̇д̇хам̣, д̣̇звасан̇гхабурагкад̇ам̣.
Addasaṃ virajaṃ buddhaṃ, devasaṅghapurakkhataṃ.
‘‘жад̇усажжам̣ багаасзнд̇ам̣, д̣̇зсзнд̇ам̣, амад̇ам̣ бад̣̇ам̣;
‘‘Catusaccaṃ pakāsentaṃ, desentaṃ, amataṃ padaṃ;
ассосим̣ мад̇хурам̣ д̇хаммам̣, сикино логаб̣анд̇хуно.
Assosiṃ madhuraṃ dhammaṃ, sikhino lokabandhuno.
‘‘гхосз жид̇д̇ам̣ басаад̣̇зсим̣, асамаббадибуг̇г̇алз;
‘‘Ghose cittaṃ pasādesiṃ, asamappaṭipuggale;
д̇ад̇т̇а жид̇д̇ам̣ басаад̣̇зд̇ваа, уд̇д̇арим̣ д̣̇уд̇д̇арам̣ бхавам̣.
Tattha cittaṃ pasādetvā, uttariṃ duttaraṃ bhavaṃ.
‘‘згад̇им̣сз ид̇о габбз, яам̣ сан̃н̃амалабхим̣ д̇ад̣̇аа;
‘‘Ekatiṃse ito kappe, yaṃ saññamalabhiṃ tadā;
д̣̇уг̇г̇ад̇им̣ наабхиж̇аанаами, гхосасан̃н̃ааяид̣̇ам̣ палам̣.
Duggatiṃ nābhijānāmi, ghosasaññāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа бхаг̇аванд̇ам̣ ванд̣̇ид̇ваа саавад̇т̇ияам̣ аг̇амааси. д̇асса ааг̇ад̇абхаавам̣ суд̇ваа н̃аад̇агаа убаг̇анд̇ваа махаад̣̇аанам̣ бавад̇д̇зсум̣. со гад̇ибаяад̣̇ивасз васид̇ваа аран̃н̃амзва г̇анд̇угаамо ахоси. д̇ам̣ н̃аад̇агаа, ‘‘бханд̇з, аран̃н̃ам̣ наама д̣ам̣самагасаад̣̇ивасзна б̣ахубариссаяам̣, ид̇хзва васат̇аа’’д̇и аахам̣су. д̇ам̣ суд̇ваа т̇зро ‘‘аран̃н̃аваасоязва маяхам̣ ружжад̇ий’’д̇и вивзгаабхирад̇игид̇д̇анамукзна ан̃н̃ам̣ б̣яаагаронд̇о ‘‘пудто д̣ам̣сзхий’’д̇и г̇аат̇ам̣ абхааси.
Arahattaṃ pana patvā bhagavantaṃ vanditvā sāvatthiyaṃ agamāsi. Tassa āgatabhāvaṃ sutvā ñātakā upagantvā mahādānaṃ pavattesuṃ. So katipayadivase vasitvā araññameva gantukāmo ahosi. Taṃ ñātakā, ‘‘bhante, araññaṃ nāma ḍaṃsamakasādivasena bahuparissayaṃ, idheva vasathā’’ti āhaṃsu. Taṃ sutvā thero ‘‘araññavāsoyeva mayhaṃ ruccatī’’ti vivekābhiratikittanamukhena aññaṃ byākaronto ‘‘phuṭṭho ḍaṃsehī’’ti gāthaṃ abhāsi.
31. д̇ад̇т̇а пудто д̣ам̣сзхи магасзхийд̇и д̣ам̣санасийлад̇ааяа ‘‘д̣ам̣саа’’д̇и лад̣̇д̇ханаамаахи анд̇хагамагкигаахи, магасанан̃н̃ид̇зхи жа суужимукабаан̣зхи пуссид̇о д̣̇адтод̇и ад̇т̇о. аран̃н̃асминд̇и ‘‘бан̃жад̇ханусад̇игам̣ бажчима’’нд̇и (баараа. 654) вуд̇д̇ааран̃н̃алагкан̣аяог̇ад̇о аран̃н̃з. б̣рахааванзд̇и махааругкаг̇ажчаг̇аханад̇ааяа махааванз аран̃н̃аанияам̣. нааг̇о сан̇г̇аамасийсзваад̇и сан̇г̇аамааважаро хад̇т̇инааг̇о вияа сан̇г̇аамамуд̣̇д̇хани барасзнаасамбахаарам̣. ‘‘аран̃н̃аваасо наама б̣уд̣̇д̇хаад̣̇ийхи ван̣н̣ид̇о т̇омид̇о’’д̇и уссаахаж̇аад̇о сад̇о сад̇имаа худ̇ваа д̇ад̇ра д̇асмим̣ аран̃н̃з, д̇асмим̣ ваа д̣ам̣саад̣̇исампассз убадтид̇з ад̇хиваасаяз ад̇хиваасзяяа сахзяяа, ‘‘д̣ам̣саад̣̇аяо мам̣ ааб̣аад̇хзнд̇ий’’д̇и аран̃н̃аваасам̣ на ж̇ахзяяаад̇и ад̇т̇о.
31. Tattha phuṭṭho ḍaṃsehi makasehīti ḍaṃsanasīlatāya ‘‘ḍaṃsā’’ti laddhanāmāhi andhakamakkhikāhi, makasanaññitehi ca sūcimukhapāṇehi phussito daṭṭhoti attho. Araññasminti ‘‘pañcadhanusatikaṃ pacchima’’nti (pārā. 654) vuttaaraññalakkhaṇayogato araññe. Brahāvaneti mahārukkhagacchagahanatāya mahāvane araññāniyaṃ. Nāgo saṅgāmasīsevāti saṅgāmāvacaro hatthināgo viya saṅgāmamuddhani parasenāsampahāraṃ. ‘‘Araññavāso nāma buddhādīhi vaṇṇito thomito’’ti ussāhajāto sato satimā hutvā tatra tasmiṃ araññe, tasmiṃ vā ḍaṃsādisamphasse upaṭṭhite adhivāsaye adhivāseyya saheyya, ‘‘ḍaṃsādayo maṃ ābādhentī’’ti araññavāsaṃ na jaheyyāti attho.
г̇ахварад̇ийрияад̇т̇зраг̇аат̇ааван̣н̣анаа нидтид̇аа.
Gahvaratīriyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. г̇ахварад̇ийрияад̇т̇зраг̇аат̇аа • 1. Gahvaratīriyattheragāthā
