| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
8. г̇ааман̣иж̇аад̇агаван̣н̣анаа
8. Gāmaṇijātakavaṇṇanā
аби ад̇арамаанаананд̇и ид̣̇ам̣ сад̇т̇аа ж̇зд̇аванз вихаранд̇о оссадтавийрияам̣ бхигкум̣ аараб̣бха гат̇зси. имасмим̣ бана ж̇аад̇агз бажжуббаннавад̇т̇у жа ад̇ийд̇авад̇т̇у жа згаад̣̇асаганибаад̇з сам̣вараж̇аад̇агз аавибхависсад̇и. вад̇т̇у хи д̇асмин̃жа имасмин̃жа згасад̣̇исамзва, г̇аат̇аа бана наанаа. г̇ааман̣игумааро б̣од̇хисад̇д̇асса оваад̣̇з тад̇ваа бхаад̇игасад̇асса ганидтоби худ̇ваа бхаад̇игасад̇абариваарид̇о сзд̇ажчад̇д̇ассахздтаа варабаллан̇гз нисинно ад̇д̇ано яасасамбад̇д̇им̣ ологзд̇ваа ‘‘аяам̣ маяхам̣ яасасамбад̇д̇и амхаагам̣ аажарияасса санд̇агаа’’д̇и д̇удто имам̣ уд̣̇аанам̣ уд̣̇аанзси –
Apiataramānānanti idaṃ satthā jetavane viharanto ossaṭṭhavīriyaṃ bhikkhuṃ ārabbha kathesi. Imasmiṃ pana jātake paccuppannavatthu ca atītavatthu ca ekādasakanipāte saṃvarajātake āvibhavissati. Vatthu hi tasmiñca imasmiñca ekasadisameva, gāthā pana nānā. Gāmaṇikumāro bodhisattassa ovāde ṭhatvā bhātikasatassa kaniṭṭhopi hutvā bhātikasataparivārito setacchattassaheṭṭhā varapallaṅke nisinno attano yasasampattiṃ oloketvā ‘‘ayaṃ mayhaṃ yasasampatti amhākaṃ ācariyassa santakā’’ti tuṭṭho imaṃ udānaṃ udānesi –
8.
8.
‘‘аби ад̇арамаанаанам̣, палаасаава самиж̇жхад̇и;
‘‘Api ataramānānaṃ, phalāsāva samijjhati;
вибаггаб̣рахмажарияосми, звам̣ ж̇аанаахи г̇ааман̣ий’’д̇и.
Vipakkabrahmacariyosmi, evaṃ jānāhi gāmaṇī’’ti.
д̇ад̇т̇а абийд̇и нибаад̇амад̇д̇ам̣. ад̇арамаанаананд̇и бан̣д̣ид̇аанам̣ оваад̣̇з тад̇ваа ад̇арид̇ваа авзг̇ааяид̇ваа убааязна гаммам̣ гаронд̇аанам̣. палаасаава самиж̇жхад̇ийд̇и яат̇аабад̇т̇игз палз аасаа д̇асса паласса нибпад̇д̇ияаа самиж̇жхад̇иязва. ат̇а ваа палаасаад̇и аасаапалам̣, яат̇аабад̇т̇ид̇ам̣ палам̣ самиж̇жхад̇иязваад̇и ад̇т̇о. вибаггаб̣рахмажарияосмийд̇и зд̇т̇а жад̇д̇аари сан̇г̇ахавад̇т̇ууни сздтажарияад̇д̇аа б̣рахмажарияам̣ наама, д̇ан̃жа д̇аммуулигааяа яасасамбад̇д̇ияаа бадилад̣̇д̇хад̇д̇аа вибаггам̣ наама. яо ваасса яасо нибпанно, соби сздтадтзна б̣рахмажарияам̣ наама. д̇знааха ‘‘вибаггаб̣рахмажарияосмий’’д̇и. звам̣ ж̇аанаахи г̇ааман̣ийд̇и гад̇т̇ажи г̇аамигабурисоби г̇аамаж̇здтагоби г̇ааман̣ий. ид̇ха бана саб̣б̣аж̇анаж̇здтагам̣ ад̇д̇аанам̣ санд̇хааяааха. амбхо г̇ааман̣и, д̇вам̣ зд̇ам̣ гааран̣ам̣ звам̣ ж̇аанаахи, аажарияам̣ ниссааяа бхаад̇игасад̇ам̣ ад̇иггамид̇ваа ид̣̇ам̣ махаараж̇ж̇ам̣ бад̇д̇осмийд̇и уд̣̇аанам̣ уд̣̇аанзси.
Tattha apīti nipātamattaṃ. Ataramānānanti paṇḍitānaṃ ovāde ṭhatvā ataritvā avegāyitvā upāyena kammaṃ karontānaṃ. Phalāsāva samijjhatīti yathāpatthike phale āsā tassa phalassa nipphattiyā samijjhatiyeva. Atha vā phalāsāti āsāphalaṃ, yathāpatthitaṃ phalaṃ samijjhatiyevāti attho. Vipakkabrahmacariyosmīti ettha cattāri saṅgahavatthūni seṭṭhacariyattā brahmacariyaṃ nāma, tañca tammūlikāya yasasampattiyā paṭiladdhattā vipakkaṃ nāma. Yo vāssa yaso nipphanno, sopi seṭṭhaṭṭhena brahmacariyaṃ nāma. Tenāha ‘‘vipakkabrahmacariyosmī’’ti. Evaṃ jānāhi gāmaṇīti katthaci gāmikapurisopi gāmajeṭṭhakopi gāmaṇī. Idha pana sabbajanajeṭṭhakaṃ attānaṃ sandhāyāha. Ambho gāmaṇi, tvaṃ etaṃ kāraṇaṃ evaṃ jānāhi, ācariyaṃ nissāya bhātikasataṃ atikkamitvā idaṃ mahārajjaṃ pattosmīti udānaṃ udānesi.
д̇асмим̣ бана раж̇ж̇ам̣ бад̇д̇з сад̇д̇адтад̣̇ивасажжаязна саб̣б̣зби бхаад̇аро ад̇д̇ано ад̇д̇ано васанадтаанам̣ г̇ад̇аа . г̇ааман̣ирааж̇аа д̇хаммзна раж̇ж̇ам̣ гаарзд̇ваа яат̇аагаммам̣ г̇ад̇о, б̣од̇хисад̇д̇оби бун̃н̃аани гад̇ваа яат̇аагаммам̣ г̇ад̇о.
Tasmiṃ pana rajjaṃ patte sattaṭṭhadivasaccayena sabbepi bhātaro attano attano vasanaṭṭhānaṃ gatā . Gāmaṇirājā dhammena rajjaṃ kāretvā yathākammaṃ gato, bodhisattopi puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа д̣̇ассзд̇ваа сажжаани багаасзси, сажжабарияосаанз оссадтавийрияо бхигку арахад̇д̇з бад̇идтид̇о. сад̇т̇аа д̣̇вз вад̇т̇ууни гат̇зд̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа г̇ааман̣игумааро оссадтавийрияо бхигку ахоси, аажарияо бана ахамзва ахоси’’нд̇и.
Satthā imaṃ dhammadesanaṃ āharitvā dassetvā saccāni pakāsesi, saccapariyosāne ossaṭṭhavīriyo bhikkhu arahatte patiṭṭhito. Satthā dve vatthūni kathetvā anusandhiṃ ghaṭetvā jātakaṃ samodhānesi – ‘‘tadā gāmaṇikumāro ossaṭṭhavīriyo bhikkhu ahosi, ācariyo pana ahameva ahosi’’nti.
г̇ааман̣иж̇аад̇агаван̣н̣анаа адтамаа.
Gāmaṇijātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 8. г̇ааман̣иж̇аад̇агам̣ • 8. Gāmaṇijātakaṃ
