| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੭੬. ਗਾਮਸੀਮਾਦਿ
76. Gāmasīmādi
੧੪੭. ਅਸਮ੍ਮਤਾਯ , ਭਿਕ੍ਖવੇ, ਸੀਮਾਯ ਅਟ੍ਠਪਿਤਾਯ, ਯਂ ਗਾਮਂ વਾ ਨਿਗਮਂ વਾ ਉਪਨਿਸ੍ਸਾਯ વਿਹਰਤਿ, ਯਾ ਤਸ੍ਸ વਾ ਗਾਮਸ੍ਸ ਗਾਮਸੀਮਾ, ਨਿਗਮਸ੍ਸ વਾ ਨਿਗਮਸੀਮਾ, ਅਯਂ ਤਤ੍ਥ ਸਮਾਨਸਂવਾਸਾ ਏਕੁਪੋਸਥਾ। ਅਗਾਮਕੇ ਚੇ, ਭਿਕ੍ਖવੇ, ਅਰਞ੍ਞੇ ਸਮਨ੍ਤਾ ਸਤ੍ਤਬ੍ਭਨ੍ਤਰਾ, ਅਯਂ ਤਤ੍ਥ ਸਮਾਨਸਂવਾਸਾ ਏਕੁਪੋਸਥਾ। ਸਬ੍ਬਾ, ਭਿਕ੍ਖવੇ, ਨਦੀ ਅਸੀਮਾ; ਸਬ੍ਬੋ ਸਮੁਦ੍ਦੋ ਅਸੀਮੋ; ਸਬ੍ਬੋ ਜਾਤਸ੍ਸਰੋ ਅਸੀਮੋ। ਨਦਿਯਾ વਾ, ਭਿਕ੍ਖવੇ, ਸਮੁਦ੍ਦੇ વਾ ਜਾਤਸ੍ਸਰੇ વਾ ਯਂ ਮਜ੍ਝਿਮਸ੍ਸ ਪੁਰਿਸਸ੍ਸ ਸਮਨ੍ਤਾ ਉਦਕੁਕ੍ਖੇਪਾ, ਅਯਂ ਤਤ੍ਥ ਸਮਾਨਸਂવਾਸਾ ਏਕੁਪੋਸਥਾਤਿ।
147. Asammatāya , bhikkhave, sīmāya aṭṭhapitāya, yaṃ gāmaṃ vā nigamaṃ vā upanissāya viharati, yā tassa vā gāmassa gāmasīmā, nigamassa vā nigamasīmā, ayaṃ tattha samānasaṃvāsā ekuposathā. Agāmake ce, bhikkhave, araññe samantā sattabbhantarā, ayaṃ tattha samānasaṃvāsā ekuposathā. Sabbā, bhikkhave, nadī asīmā; sabbo samuddo asīmo; sabbo jātassaro asīmo. Nadiyā vā, bhikkhave, samudde vā jātassare vā yaṃ majjhimassa purisassa samantā udakukkhepā, ayaṃ tattha samānasaṃvāsā ekuposathāti.
੧੪੮. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਸੀਮਾਯ ਸੀਮਂ ਸਮ੍ਭਿਨ੍ਦਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਯੇਸਂ, ਭਿਕ੍ਖવੇ, ਸੀਮਾ ਪਠਮਂ ਸਮ੍ਮਤਾ ਤੇਸਂ ਤਂ ਕਮ੍ਮਂ ਧਮ੍ਮਿਕਂ ਅਕੁਪ੍ਪਂ ਠਾਨਾਰਹਂ। ਯੇਸਂ, ਭਿਕ੍ਖવੇ, ਸੀਮਾ ਪਚ੍ਛਾ ਸਮ੍ਮਤਾ ਤੇਸਂ ਤਂ ਕਮ੍ਮਂ ਅਧਮ੍ਮਿਕਂ ਕੁਪ੍ਪਂ ਅਟ੍ਠਾਨਾਰਹਂ। ਨ, ਭਿਕ੍ਖવੇ, ਸੀਮਾਯ ਸੀਮਾ ਸਮ੍ਭਿਨ੍ਦਿਤਬ੍ਬਾ। ਯੋ ਸਮ੍ਭਿਨ੍ਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ।
148. Tena kho pana samayena chabbaggiyā bhikkhū sīmāya sīmaṃ sambhindanti. Bhagavato etamatthaṃ ārocesuṃ. Yesaṃ, bhikkhave, sīmā paṭhamaṃ sammatā tesaṃ taṃ kammaṃ dhammikaṃ akuppaṃ ṭhānārahaṃ. Yesaṃ, bhikkhave, sīmā pacchā sammatā tesaṃ taṃ kammaṃ adhammikaṃ kuppaṃ aṭṭhānārahaṃ. Na, bhikkhave, sīmāya sīmā sambhinditabbā. Yo sambhindeyya, āpatti dukkaṭassāti.
ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਸੀਮਾਯ ਸੀਮਂ ਅਜ੍ਝੋਤ੍ਥਰਨ੍ਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਯੇਸਂ, ਭਿਕ੍ਖવੇ, ਸੀਮਾ ਪਠਮਂ ਸਮ੍ਮਤਾ ਤੇਸਂ ਤਂ ਕਮ੍ਮਂ ਧਮ੍ਮਿਕਂ ਅਕੁਪ੍ਪਂ ਠਾਨਾਰਹਂ। ਯੇਸਂ, ਭਿਕ੍ਖવੇ, ਸੀਮਾ ਪਚ੍ਛਾ ਸਮ੍ਮਤਾ ਤੇਸਂ ਤਂ ਕਮ੍ਮਂ ਅਧਮ੍ਮਿਕਂ ਕੁਪ੍ਪਂ ਅਟ੍ਠਾਨਾਰਹਂ। ਨ, ਭਿਕ੍ਖવੇ, ਸੀਮਾਯ ਸੀਮਾ ਅਜ੍ਝੋਤ੍ਥਰਿਤਬ੍ਬਾ। ਯੋ ਅਜ੍ਝੋਤ੍ਥਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ। ਅਨੁਜਾਨਾਮਿ, ਭਿਕ੍ਖવੇ, ਸੀਮਂ ਸਮ੍ਮਨ੍ਨਨ੍ਤੇਨ ਸੀਮਨ੍ਤਰਿਕਂ ਠਪੇਤ੍વਾ ਸੀਮਂ ਸਮ੍ਮਨ੍ਨਿਤੁਨ੍ਤਿ।
Tena kho pana samayena chabbaggiyā bhikkhū sīmāya sīmaṃ ajjhottharanti. Bhagavato etamatthaṃ ārocesuṃ. Yesaṃ, bhikkhave, sīmā paṭhamaṃ sammatā tesaṃ taṃ kammaṃ dhammikaṃ akuppaṃ ṭhānārahaṃ. Yesaṃ, bhikkhave, sīmā pacchā sammatā tesaṃ taṃ kammaṃ adhammikaṃ kuppaṃ aṭṭhānārahaṃ. Na, bhikkhave, sīmāya sīmā ajjhottharitabbā. Yo ajjhotthareyya, āpatti dukkaṭassāti. Anujānāmi, bhikkhave, sīmaṃ sammannantena sīmantarikaṃ ṭhapetvā sīmaṃ sammannitunti.
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਗਾਮਸੀਮਾਦਿਕਥਾ • Gāmasīmādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਗਾਮਸੀਮਾਦਿਕਥਾવਣ੍ਣਨਾ • Gāmasīmādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਗਾਮਸੀਮਾਦਿਕਥਾવਣ੍ਣਨਾ • Gāmasīmādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਗਾਮਸੀਮਾਦਿਕਥਾવਣ੍ਣਨਾ • Gāmasīmādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭੬. ਗਾਮਸੀਮਾਦਿਕਥਾ • 76. Gāmasīmādikathā
