| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਗਾਮਸੀਮਾਦਿਕਥਾ
Gāmasīmādikathā
੧੪੭. ਏવਂ ਬਦ੍ਧਸੀਮਾવਸੇਨ ਸਮਾਨਸਂવਾਸਞ੍ਚ ਏਕੂਪੋਸਥਭਾવਞ੍ਚ ਦਸ੍ਸੇਤ੍વਾ ਇਦਾਨਿ ਅਬਦ੍ਧਸੀਮੇਸੁਪਿ ਓਕਾਸੇਸੁ ਤਂ ਦਸ੍ਸੇਨ੍ਤੋ ‘‘ਅਸਮ੍ਮਤਾਯ, ਭਿਕ੍ਖવੇ, ਸੀਮਾਯ ਅਟ੍ਠਪਿਤਾਯਾ’’ਤਿਆਦਿਮਾਹ। ਤਤ੍ਥ ਅਟ੍ਠਪਿਤਾਯਾਤਿ ਅਪਰਿਚ੍ਛਿਨ੍ਨਾਯ। ਗਾਮਗ੍ਗਹਣੇਨ ਚੇਤ੍ਥ ਨਗਰਮ੍ਪਿ ਗਹਿਤਮੇવ ਹੋਤਿ। ਤਤ੍ਥ ਯਤ੍ਤਕੇ ਪਦੇਸੇ ਤਸ੍ਸ ਗਾਮਸ੍ਸ ਭੋਜਕਾ ਬਲਿਂ ਲਭਨ੍ਤਿ, ਸੋ ਪਦੇਸੋ ਅਪ੍ਪੋ વਾ ਹੋਤੁ ਮਹਨ੍ਤੋ વਾ, ਗਾਮਸੀਮਾਤ੍વੇવ ਸਙ੍ਖ੍ਯਂ ਗਚ੍ਛਤਿ। ਨਗਰਨਿਗਮਸੀਮਾਸੁਪਿ ਏਸੇવ ਨਯੋ। ਯਮ੍ਪਿ ਏਕਸ੍ਮਿਂਯੇવ ਗਾਮਖੇਤ੍ਤੇ ਏਕਂ ਪਦੇਸਂ ‘‘ਅਯਂ વਿਸੁਂ ਗਾਮੋ ਹੋਤੂ’’ਤਿ ਪਰਿਚ੍ਛਿਨ੍ਦਿਤ੍વਾ ਰਾਜਾ ਕਸ੍ਸਚਿ ਦੇਤਿ, ਸੋਪਿ વਿਸੁਂਗਾਮਸੀਮਾ ਹੋਤਿਯੇવ। ਤਸ੍ਮਾ ਸਾ ਚ ਇਤਰਾ ਚ ਪਕਤਿਗਾਮਨਗਰਨਿਗਮਸੀਮਾ ਬਦ੍ਧਸੀਮਾਸਦਿਸਾਯੇવ ਹੋਨ੍ਤਿ, ਕੇવਲਂ ਪਨ ਤਿਚੀવਰવਿਪ੍ਪવਾਸਪਰਿਹਾਰਂ ਨ ਲਭਨ੍ਤਿ।
147. Evaṃ baddhasīmāvasena samānasaṃvāsañca ekūposathabhāvañca dassetvā idāni abaddhasīmesupi okāsesu taṃ dassento ‘‘asammatāya, bhikkhave, sīmāya aṭṭhapitāyā’’tiādimāha. Tattha aṭṭhapitāyāti aparicchinnāya. Gāmaggahaṇena cettha nagarampi gahitameva hoti. Tattha yattake padese tassa gāmassa bhojakā baliṃ labhanti, so padeso appo vā hotu mahanto vā, gāmasīmātveva saṅkhyaṃ gacchati. Nagaranigamasīmāsupi eseva nayo. Yampi ekasmiṃyeva gāmakhette ekaṃ padesaṃ ‘‘ayaṃ visuṃ gāmo hotū’’ti paricchinditvā rājā kassaci deti, sopi visuṃgāmasīmā hotiyeva. Tasmā sā ca itarā ca pakatigāmanagaranigamasīmā baddhasīmāsadisāyeva honti, kevalaṃ pana ticīvaravippavāsaparihāraṃ na labhanti.
ਏવਂ ਗਾਮਨ੍ਤવਾਸੀਨਂ ਸੀਮਾਪਰਿਚ੍ਛੇਦਂ ਦਸ੍ਸੇਤ੍વਾ ਇਦਾਨਿ ਆਰਞ੍ਞਕਾਨਂ ਸੀਮਾਪਰਿਚ੍ਛੇਦਂ ਦਸ੍ਸੇਨ੍ਤੋ ‘‘ਅਗਾਮਕੇ ਚੇ’’ਤਿਆਦਿਮਾਹ। ਤਤ੍ਥ ਅਗਾਮਕੇ ਚੇਤਿ ਗਾਮਨਿਗਮਨਗਰਸੀਮਾਹਿ ਅਪਰਿਚ੍ਛਿਨ੍ਨੇ ਅਟવਿਪ੍ਪਦੇਸੇ। ਅਥ વਾ ਅਗਾਮਕੇ ਚੇਤਿ વਿਜ੍ਝਾਟવਿਸਦਿਸੇ ਅਰਞ੍ਞੇ ਭਿਕ੍ਖੁ વਸਤਿ, ਅਥਸ੍ਸ ਠਿਤੋਕਾਸਤੋ ਸਮਨ੍ਤਾ ਸਤ੍ਤਬ੍ਭਨ੍ਤਰਾ ਸਮਾਨਸਂવਾਸਕਸੀਮਾਤਿ ਅਤ੍ਥੋ। ਅਯਂ ਸੀਮਾ ਤਿਚੀવਰવਿਪ੍ਪવਾਸਪਰਿਹਾਰਮ੍ਪਿ ਲਭਤਿ। ਤਤ੍ਥ ਏਕਂ ਅਬ੍ਭਨ੍ਤਰਂ ਅਟ੍ਠવੀਸਤਿ ਹਤ੍ਥਪ੍ਪਮਾਣਂ ਹੋਤਿ। ਮਜ੍ਝੇ ਠਿਤਸ੍ਸ ਸਮਨ੍ਤਾ ਸਤ੍ਤਬ੍ਭਨ੍ਤਰਾ વਿਨਿਬ੍ਬੇਧੇਨ ਚੁਦ੍ਦਸ ਹੋਨ੍ਤਿ। ਸਚੇ ਦ੍વੇ ਸਙ੍ਘਾ વਿਸੁਂ વਿਨਯਕਮ੍ਮਾਨਿ ਕਰੋਨ੍ਤਿ, ਦ੍વਿਨ੍ਨਂ ਸਤ੍ਤਬ੍ਭਨ੍ਤਰਾਨਂ ਅਨ੍ਤਰੇ ਅਞ੍ਞਂ ਏਕਂ ਸਤ੍ਤਬ੍ਭਨ੍ਤਰਂ ਉਪਚਾਰਤ੍ਥਾਯ ਠਪੇਤਬ੍ਬਂ। ਸੇਸਾ ਸਤ੍ਤਬ੍ਭਨ੍ਤਰਸੀਮਕਥਾ ਮਹਾવਿਭਙ੍ਗੇ ਉਦੋਸਿਤਸਿਕ੍ਖਾਪਦવਣ੍ਣਨਾਯਂ વੁਤ੍ਤਨਯੇਨ ਗਹੇਤਬ੍ਬਾ।
Evaṃ gāmantavāsīnaṃ sīmāparicchedaṃ dassetvā idāni āraññakānaṃ sīmāparicchedaṃ dassento ‘‘agāmake ce’’tiādimāha. Tattha agāmake ceti gāmanigamanagarasīmāhi aparicchinne aṭavippadese. Atha vā agāmake ceti vijjhāṭavisadise araññe bhikkhu vasati, athassa ṭhitokāsato samantā sattabbhantarā samānasaṃvāsakasīmāti attho. Ayaṃ sīmā ticīvaravippavāsaparihārampi labhati. Tattha ekaṃ abbhantaraṃ aṭṭhavīsati hatthappamāṇaṃ hoti. Majjhe ṭhitassa samantā sattabbhantarā vinibbedhena cuddasa honti. Sace dve saṅghā visuṃ vinayakammāni karonti, dvinnaṃ sattabbhantarānaṃ antare aññaṃ ekaṃ sattabbhantaraṃ upacāratthāya ṭhapetabbaṃ. Sesā sattabbhantarasīmakathā mahāvibhaṅge udositasikkhāpadavaṇṇanāyaṃ vuttanayena gahetabbā.
ਸਬ੍ਬਾ ਭਿਕ੍ਖવੇ ਨਦੀ ਅਸੀਮਾਤਿ ਯਾ ਕਾਚਿ ਨਦੀਲਕ੍ਖਣਪ੍ਪਤ੍ਤਾ ਨਦੀ ਨਿਮਿਤ੍ਤਾਨਿ ਕਿਤ੍ਤੇਤ੍વਾ ‘‘ਏਤਂ ਬਦ੍ਧਸੀਮਂ ਕਰੋਮਾ’’ਤਿ ਕਤਾਪਿ ਅਸੀਮਾવ ਹੋਤਿ, ਸਾ ਪਨ ਅਤ੍ਤਨੋ ਸਭਾવੇਨੇવ ਬਦ੍ਧਸੀਮਾਸਦਿਸਾ, ਸਬ੍ਬਮੇਤ੍ਥ ਸਙ੍ਘਕਮ੍ਮਂ ਕਾਤੁਂ વਟ੍ਟਤਿ। ਸਮੁਦ੍ਦਜਾਤਸ੍ਸਰੇਸੁਪਿ ਏਸੇવ ਨਯੋ। ਏਤ੍ਥ ਚ ਜਾਤਸ੍ਸਰੋ ਨਾਮ ਯੇਨ ਕੇਨਚਿ ਖਣਿਤ੍વਾ ਅਕਤੋ ਸਯਂਜਾਤਸੋਬ੍ਭੋ ਸਮਨ੍ਤਤੋ ਆਗਤੇਨ ਉਦਕੇਨ ਪੂਰਿਤੋ ਤਿਟ੍ਠਤਿ।
Sabbā bhikkhave nadī asīmāti yā kāci nadīlakkhaṇappattā nadī nimittāni kittetvā ‘‘etaṃ baddhasīmaṃ karomā’’ti katāpi asīmāva hoti, sā pana attano sabhāveneva baddhasīmāsadisā, sabbamettha saṅghakammaṃ kātuṃ vaṭṭati. Samuddajātassaresupi eseva nayo. Ettha ca jātassaro nāma yena kenaci khaṇitvā akato sayaṃjātasobbho samantato āgatena udakena pūrito tiṭṭhati.
ਏવਂ ਨਦੀਸਮੁਦ੍ਦਜਾਤਸ੍ਸਰਾਨਂ ਬਦ੍ਧਸੀਮਾਭਾવਂ ਪਟਿਕ੍ਖਿਪਿਤ੍વਾ ਪੁਨ ਤਤ੍ਥ ਅਬਦ੍ਧਸੀਮਾਪਅਚ੍ਛੇਦਂ ਦਸ੍ਸੇਨ੍ਤੋ ‘‘ਨਦਿਯਾ વਾ ਭਿਕ੍ਖવੇ’’ਤਿਆਦਿਮਾਹ। ਤਤ੍ਥ ਯਂ ਮਜ੍ਝਿਮਸ੍ਸ ਪੁਰਿਸਸ੍ਸ ਸਮਨ੍ਤਾ ਉਦਕੁਕ੍ਖੇਪਾਤਿ ਯਂ ਠਾਨਂ ਮਜ੍ਝਿਮਸ੍ਸ ਪੁਰਿਸਸ੍ਸ ਸਮਨ੍ਤਤੋ ਉਦਕੁਕ੍ਖੇਪੇਨ ਪਰਿਚ੍ਛਿਨ੍ਨਂ। ਕਥਂ ਪਨ ਉਦਕਂ ਉਕ੍ਖਿਪਿਤਬ੍ਬਂ? ਯਥਾ ਅਕ੍ਖਧੁਤ੍ਤਾ ਦਾਰੁਗੁਲ਼ਂ ਖਿਪਨ੍ਤਿ, ਏવਂ ਉਦਕਂ વਾ વਾਲਿਕਂ વਾ ਹਤ੍ਥੇਨ ਗਹੇਤ੍વਾ ਥਾਮਮਜ੍ਝਿਮੇਨ ਪੁਰਿਸੇਨ ਸਬ੍ਬਥਾਮੇਨ ਖਿਪਿਤਬ੍ਬਂ। ਯਤ੍ਥ ਏવਂ ਖਿਤ੍ਤਂ ਉਦਕਂ વਾ વਾਲਿਕਾ વਾ ਪਤਤਿ, ਅਯਮੇਕੋ ਉਦਕੁਕ੍ਖੇਪੋ। ਤਸ੍ਸ ਅਨ੍ਤੋ ਹਤ੍ਥਪਾਸਂ વਿਜਹਿਤ੍વਾ ਠਿਤੋ ਕਮ੍ਮਂ ਕੋਪੇਤਿ। ਯਾવ ਪਰਿਸਾ વਡ੍ਢਤਿ, ਤਾવ ਸੀਮਾਪਿ વਡ੍ਢਤਿ। ਪਰਿਸਪਰਿਯਨ੍ਤਤੋ ਉਦਕੁਕ੍ਖੇਪੋਯੇવ ਪਮਾਣਂ। ਜਾਤਸ੍ਸਰਸਮੁਦ੍ਦੇਸੁਪਿ ਏਸੇવ ਨਯੋ।
Evaṃ nadīsamuddajātassarānaṃ baddhasīmābhāvaṃ paṭikkhipitvā puna tattha abaddhasīmāpaacchedaṃ dassento ‘‘nadiyā vā bhikkhave’’tiādimāha. Tattha yaṃ majjhimassa purisassa samantā udakukkhepāti yaṃ ṭhānaṃ majjhimassa purisassa samantato udakukkhepena paricchinnaṃ. Kathaṃ pana udakaṃ ukkhipitabbaṃ? Yathā akkhadhuttā dāruguḷaṃ khipanti, evaṃ udakaṃ vā vālikaṃ vā hatthena gahetvā thāmamajjhimena purisena sabbathāmena khipitabbaṃ. Yattha evaṃ khittaṃ udakaṃ vā vālikā vā patati, ayameko udakukkhepo. Tassa anto hatthapāsaṃ vijahitvā ṭhito kammaṃ kopeti. Yāva parisā vaḍḍhati, tāva sīmāpi vaḍḍhati. Parisapariyantato udakukkhepoyeva pamāṇaṃ. Jātassarasamuddesupi eseva nayo.
ਏਤ੍ਥ ਚ ਸਚੇ ਨਦੀ ਨਾਤਿਦੀਘਾ ਹੋਤਿ, ਪਭવਤੋ ਪਟ੍ਠਾਯ ਯਾવ ਮੁਖਦ੍વਾਰਾ ਸਬ੍ਬਤ੍ਥ ਸਙ੍ਘੋ ਨਿਸੀਦਤਿ, ਉਦਕੁਕ੍ਖੇਪਸੀਮਾਕਮ੍ਮਂ ਨਤ੍ਥਿ, ਸਕਲਾਪਿ ਨਦੀ ਏਤੇਸਂਯੇવ ਭਿਕ੍ਖੂਨਂ ਪਹੋਤਿ। ਯਂ ਪਨ ਮਹਾਸੁਮਤ੍ਥੇਰੇਨ વੁਤ੍ਤਂ ‘‘ਯੋਜਨਂ ਪવਤ੍ਤਮਾਨਾਯੇવ ਨਦੀ, ਤਤ੍ਰਾਪਿ ਉਪਰਿ ਅਦ੍ਧਯੋਜਨਂ ਪਹਾਯ ਹੇਟ੍ਠਾ ਅਦ੍ਧਯੋਜਨੇ ਕਮ੍ਮਂ ਕਾਤੁਂ વਟ੍ਟਤੀ’’ਤਿ, ਤਂ ਮਹਾਪਦੁਮਤ੍ਥੇਰੇਨੇવ ਪਟਿਕ੍ਖਿਤ੍ਤਂ। ਭਗવਤਾ ਹਿ ‘‘ਤਿਮਣ੍ਡਲਂ ਪਟਿਚ੍ਛਾਦੇਤ੍વਾ ਯਤ੍ਥ ਕਤ੍ਥਚਿ ਉਤ੍ਤਰਨ੍ਤਿਯਾ ਭਿਕ੍ਖੁਨਿਯਾ ਅਨ੍ਤਰવਾਸਕੋ ਤੇਮਿਯਤੀ’’ਤਿ ਇਦਂ ਨਦਿਯਾ ਪਮਾਣਂ વੁਤ੍ਤਂ, ਨ ਯੋਜਨਂ વਾ ਅਦ੍ਧਯੋਜਨਂ વਾ। ਤਸ੍ਮਾ ਯਾ ਇਮਸ੍ਸ ਸੁਤ੍ਤਸ੍ਸ વਸੇਨ ਪੁਬ੍ਬੇ વੁਤ੍ਤਲਕ੍ਖਣਾ ਨਦੀ, ਤਸ੍ਸਾ ਪਭવਤੋ ਪਟ੍ਠਾਯ ਸਙ੍ਘਕਮ੍ਮਂ ਕਾਤੁਂ વਟ੍ਟਤੀਤਿ। ਸਚੇ ਪਨੇਤ੍ਥ ਬਹੂ ਭਿਕ੍ਖੂ વਿਸੁਂ વਿਸੁਂ ਕਮ੍ਮਂ ਕਰੋਨ੍ਤਿ, ਸਬ੍ਬੇਹਿ ਅਤ੍ਤਨੋ ਚ ਅਞ੍ਞੇਸਞ੍ਚ ਉਦਕੁਕ੍ਖੇਪਪਰਿਚ੍ਛੇਦਸ੍ਸ ਅਨ੍ਤਰਾ ਅਞ੍ਞੋ ਉਦਕੁਕ੍ਖੇਪੋ ਸੀਮਨ੍ਤਰਿਕਤ੍ਥਾਯ ਠਪੇਤਬ੍ਬੋ। ਤਤੋ ਅਧਿਕਂ વਟ੍ਟਤਿਯੇવ, ਊਨਕਂ ਪਨ ਨ વਟ੍ਟਤੀਤਿ વੁਤ੍ਤਂ। ਜਾਤਸ੍ਸਰਸਮੁਦ੍ਦੇਸੁਪਿ ਏਸੇવ ਨਯੋ।
Ettha ca sace nadī nātidīghā hoti, pabhavato paṭṭhāya yāva mukhadvārā sabbattha saṅgho nisīdati, udakukkhepasīmākammaṃ natthi, sakalāpi nadī etesaṃyeva bhikkhūnaṃ pahoti. Yaṃ pana mahāsumattherena vuttaṃ ‘‘yojanaṃ pavattamānāyeva nadī, tatrāpi upari addhayojanaṃ pahāya heṭṭhā addhayojane kammaṃ kātuṃ vaṭṭatī’’ti, taṃ mahāpadumatthereneva paṭikkhittaṃ. Bhagavatā hi ‘‘timaṇḍalaṃ paṭicchādetvā yattha katthaci uttarantiyā bhikkhuniyā antaravāsako temiyatī’’ti idaṃ nadiyā pamāṇaṃ vuttaṃ, na yojanaṃ vā addhayojanaṃ vā. Tasmā yā imassa suttassa vasena pubbe vuttalakkhaṇā nadī, tassā pabhavato paṭṭhāya saṅghakammaṃ kātuṃ vaṭṭatīti. Sace panettha bahū bhikkhū visuṃ visuṃ kammaṃ karonti, sabbehi attano ca aññesañca udakukkhepaparicchedassa antarā añño udakukkhepo sīmantarikatthāya ṭhapetabbo. Tato adhikaṃ vaṭṭatiyeva, ūnakaṃ pana na vaṭṭatīti vuttaṃ. Jātassarasamuddesupi eseva nayo.
ਨਦਿਯਾ ਪਨ ਕਮ੍ਮਂ ਕਰਿਸ੍ਸਾਮਾਤਿ ਗਤੇਹਿ ਸਚੇ ਨਦੀ ਪਰਿਪੁਣ੍ਣਾ ਹੋਤਿ ਸਮਤਿਤ੍ਤਿਕਾ, ਉਦਕਸਾਟਿਕਂ ਨਿવਾਸੇਤ੍વਾਪਿ ਅਨ੍ਤੋਨਦਿਯਂਯੇવ ਕਮ੍ਮਂ ਕਾਤਬ੍ਬਂ। ਸਚੇ ਨ ਸਕ੍ਕੋਨ੍ਤਿ, ਨਾવਾਯਪਿ ਠਤ੍વਾ ਕਾਤਬ੍ਬਂ। ਗਚ੍ਛਨ੍ਤਿਯਾ ਪਨ ਨਾવਾਯ ਕਾਤੁਂ ਨ વਟ੍ਟਤਿ। ਕਸ੍ਮਾ? ਉਦਕੁਕ੍ਖੇਪਮਤ੍ਤਮੇવ ਹਿ ਸੀਮਾ, ਤਂ ਨਾવਾ ਸੀਘਮੇવ ਅਤਿਕ੍ਕਾਮੇਤਿ। ਏવਂ ਸਤਿ ਅਞ੍ਞਿਸ੍ਸਾ ਸੀਮਾਯ ਞਤ੍ਤਿ ਅਞ੍ਞਿਸ੍ਸਾ ਅਨੁਸਾવਨਾ ਹੋਤਿ, ਤਸ੍ਮਾ ਨਾવਂ ਅਰਿਤ੍ਤੇਨ વਾ ਠਪੇਤ੍વਾ ਪਾਸਾਣੇ વਾ ਲਮ੍ਬਿਤ੍વਾ ਅਨ੍ਤੋਨਦਿਯਂ ਜਾਤਰੁਕ੍ਖੇ વਾ ਬਨ੍ਧਿਤ੍વਾ ਕਮ੍ਮਂ ਕਾਤਬ੍ਬਂ। ਅਨ੍ਤੋਨਦਿਯਂ ਬਦ੍ਧਅਟ੍ਟਕੇਪਿ ਅਨ੍ਤੋਨਦਿਯਂ ਜਾਤਰੁਕ੍ਖੇਪਿ ਠਿਤੇਹਿ ਕਾਤੁਂ વਟ੍ਟਤਿ।
Nadiyā pana kammaṃ karissāmāti gatehi sace nadī paripuṇṇā hoti samatittikā, udakasāṭikaṃ nivāsetvāpi antonadiyaṃyeva kammaṃ kātabbaṃ. Sace na sakkonti, nāvāyapi ṭhatvā kātabbaṃ. Gacchantiyā pana nāvāya kātuṃ na vaṭṭati. Kasmā? Udakukkhepamattameva hi sīmā, taṃ nāvā sīghameva atikkāmeti. Evaṃ sati aññissā sīmāya ñatti aññissā anusāvanā hoti, tasmā nāvaṃ arittena vā ṭhapetvā pāsāṇe vā lambitvā antonadiyaṃ jātarukkhe vā bandhitvā kammaṃ kātabbaṃ. Antonadiyaṃ baddhaaṭṭakepi antonadiyaṃ jātarukkhepi ṭhitehi kātuṃ vaṭṭati.
ਸਚੇ ਪਨ ਰੁਕ੍ਖਸ੍ਸ ਸਾਖਾ વਾ ਤਤੋ ਨਿਕ੍ਖਨ੍ਤਪਾਰੋਹੋ વਾ ਬਹਿਨਦੀਤੀਰੇ વਿਹਾਰਸੀਮਾਯ વਾ ਗਾਮਸੀਮਾਯ વਾ ਪਤਿਟ੍ਠਿਤੋ, ਸੀਮਂ વਾ ਸੋਧੇਤ੍વਾ ਸਾਖਂ વਾ ਛਿਨ੍ਦਿਤ੍વਾ ਕਮ੍ਮਂ ਕਾਤਬ੍ਬਂ। ਬਹਿਨਦੀਤੀਰੇ ਜਾਤਰੁਕ੍ਖਸ੍ਸ ਅਨ੍ਤੋਨਦਿਯਂ ਪવਿਟ੍ਠਸਾਖਾਯ વਾ ਪਾਰੋਹੇ વਾ ਨਾવਂ ਬਨ੍ਧਿਤ੍વਾ ਕਮ੍ਮਂ ਕਾਤੁਂ ਨ વਟ੍ਟਤਿ। ਕਰੋਨ੍ਤੇਹਿ ਸੀਮਾ વਾ ਸੋਧੇਤਬ੍ਬਾ, ਛਿਨ੍ਦਿਤ੍વਾ વਾਸ੍ਸ ਬਹਿਪਤਿਟ੍ਠਿਤਭਾવੋ ਨਾਸੇਤਬ੍ਬੋ। ਨਦੀਤੀਰੇ ਪਨ ਖਾਣੁਕਂ ਕੋਟ੍ਟੇਤ੍વਾ ਤਤ੍ਥ ਬਦ੍ਧਨਾવਾਯ ਨ વਟ੍ਟਤਿਯੇવ।
Sace pana rukkhassa sākhā vā tato nikkhantapāroho vā bahinadītīre vihārasīmāya vā gāmasīmāya vā patiṭṭhito, sīmaṃ vā sodhetvā sākhaṃ vā chinditvā kammaṃ kātabbaṃ. Bahinadītīre jātarukkhassa antonadiyaṃ paviṭṭhasākhāya vā pārohe vā nāvaṃ bandhitvā kammaṃ kātuṃ na vaṭṭati. Karontehi sīmā vā sodhetabbā, chinditvā vāssa bahipatiṭṭhitabhāvo nāsetabbo. Nadītīre pana khāṇukaṃ koṭṭetvā tattha baddhanāvāya na vaṭṭatiyeva.
ਨਦਿਯਂ ਸੇਤੁਂ ਕਰੋਨ੍ਤਿ, ਸਚੇ ਅਨ੍ਤੋਨਦਿਯਂਯੇવ ਸੇਤੁ વਾ ਸੇਤੁਪਾਦਾ વਾ, ਸੇਤੁਮ੍ਹਿ ਠਿਤੇਹਿ ਕਮ੍ਮਂ ਕਾਤੁਂ વਟ੍ਟਤਿ। ਸਚੇ ਪਨ ਸੇਤੁ વਾ ਸੇਤੁਪਾਦਾ વਾ ਬਹਿਤੀਰੇ ਪਤਿਟ੍ਠਿਤਾ, ਕਮ੍ਮਂ ਕਾਤੁਂ ਨ વਟ੍ਟਤਿ, ਸੀਮਂ ਸੋਧੇਤ੍વਾ ਕਾਤਬ੍ਬਂ। ਅਥ ਸੇਤੁਪਾਦਾ ਅਨ੍ਤੋ, ਸੇਤੁ ਪਨ ਉਭਿਨ੍ਨਮ੍ਪਿ ਤੀਰਾਨਂ ਉਪਰਿਆਕਾਸੇ ਠਿਤੋ, વਟ੍ਟਤਿ। ਅਨ੍ਤੋਨਦਿਯਂ ਪਾਸਾਣੋ વਾ ਦੀਪਕੋ વਾ ਹੋਤਿ, ਤਸ੍ਸ ਯਤ੍ਤਕਂ ਪਦੇਸਂ ਪੁਬ੍ਬੇ વੁਤ੍ਤਪ੍ਪਕਾਰੇ ਪਕਤਿવਸ੍ਸਕਾਲੇ વਸ੍ਸਾਨਸ੍ਸ ਚਤੂਸੁ ਮਾਸੇਸੁ ਉਦਕਂ ਓਤ੍ਥਰਤਿ, ਸੋ ਨਦੀਸਙ੍ਖ੍ਯਮੇવ ਗਚ੍ਛਤਿ। ਅਤਿવੁਟ੍ਠਿਕਾਲੇ ਪਨ ਓਘੇਨ ਓਤ੍ਥਟੋਕਾਸੋ ਨ ਗਹੇਤਬ੍ਬੋ, ਸੋ ਹਿ ਗਾਮਸੀਮਾਸਙ੍ਖ੍ਯਮੇવ ਗਚ੍ਛਤਿ।
Nadiyaṃ setuṃ karonti, sace antonadiyaṃyeva setu vā setupādā vā, setumhi ṭhitehi kammaṃ kātuṃ vaṭṭati. Sace pana setu vā setupādā vā bahitīre patiṭṭhitā, kammaṃ kātuṃ na vaṭṭati, sīmaṃ sodhetvā kātabbaṃ. Atha setupādā anto, setu pana ubhinnampi tīrānaṃ upariākāse ṭhito, vaṭṭati. Antonadiyaṃ pāsāṇo vā dīpako vā hoti, tassa yattakaṃ padesaṃ pubbe vuttappakāre pakativassakāle vassānassa catūsu māsesu udakaṃ ottharati, so nadīsaṅkhyameva gacchati. Ativuṭṭhikāle pana oghena otthaṭokāso na gahetabbo, so hi gāmasīmāsaṅkhyameva gacchati.
ਨਦਿਤੋ ਮਾਤਿਕਂ ਨੀਹਰਨ੍ਤਾ ਨਦਿਯਂ ਆવਰਣਂ ਕਰੋਨ੍ਤਿ, ਤਞ੍ਚੇ ਓਤ੍ਥਰਿਤ੍વਾ વਾ વਿਨਿਬ੍ਬਿਜ੍ਝਿਤ੍વਾ વਾ ਉਦਕਂ ਗਚ੍ਛਤਿ, ਸਬ੍ਬਤ੍ਥ ਪવਤ੍ਤਨਟ੍ਠਾਨੇ ਕਮ੍ਮਂ ਕਾਤੁਂ વਟ੍ਟਤਿ। ਸਚੇ ਪਨ ਆવਰਣੇਨ વਾ ਕੋਟ੍ਟਕਬਨ੍ਧਨੇਨ વਾ ਸੋਤਂ ਪਚ੍ਛਿਜ੍ਜਤਿ, ਉਦਕਂ ਨਪ੍ਪવਤ੍ਤਤਿ, ਅਪ੍ਪવਤ੍ਤਨਟ੍ਠਾਨੇ ਕਮ੍ਮਂ ਕਾਤੁਂ ਨ વਟ੍ਟਤਿ। ਆવਰਣਮਤ੍ਥਕੇਪਿ ਕਾਤੁਂ ਨ વਟ੍ਟਤਿ। ਸਚੇ ਕੋਚਿ ਆવਰਣਪ੍ਪਦੇਸੋ ਪੁਬ੍ਬੇ વੁਤ੍ਤਪਾਸਾਣਦੀਪਕਪ੍ਪਦੇਸੋ વਿਯ ਉਦਕੇਨ ਅਜ੍ਝੋਤ੍ਥਰਿਯਤਿ, ਤਤ੍ਥ વਟ੍ਟਤਿ। ਸੋ ਹਿ ਨਦੀਸਙ੍ਖ੍ਯਮੇવ ਗਚ੍ਛਤਿ। ਨਦਿਂ વਿਨਾਸੇਤ੍વਾ ਤਲ਼ਾਕਂ ਕਰੋਨ੍ਤਿ, ਹੇਟ੍ਠਾ ਪਾਲ਼ਿ ਬਦ੍ਧਾ, ਉਦਕਂ ਆਗਨ੍ਤ੍વਾ ਤਲ਼ਾਕਂ ਪੂਰੇਤ੍વਾ ਤਿਟ੍ਠਤਿ, ਏਤ੍ਥ ਕਮ੍ਮਂ ਕਾਤੁਂ ਨ વਟ੍ਟਤਿ। ਉਪਰਿ ਪવਤ੍ਤਨਟ੍ਠਾਨੇ ਹੇਟ੍ਠਾ ਚ ਛਡ੍ਡਿਤਮੋਦਕਂ ਨਦਿਂ ਓਤ੍ਥਰਿਤ੍વਾ ਸਨ੍ਦਨਟ੍ਠਾਨਤੋ ਪਟ੍ਠਾਯ વਟ੍ਟਤਿ। ਦੇવੇ ਅવਸ੍ਸਨ੍ਤੇ ਹੇਮਨ੍ਤਗਿਮ੍ਹੇਸੁ વਾ ਸੁਕ੍ਖਨਦਿਯਾਪਿ વਟ੍ਟਤਿ। ਨਦਿਤੋ ਨੀਹਟਮਾਤਿਕਾਯ ਨ વਟ੍ਟਤਿ। ਸਚੇ ਸਾ ਕਾਲਨ੍ਤਰੇਨ ਭਿਜ੍ਜਿਤ੍વਾ ਨਦੀ ਹੋਤਿ, વਟ੍ਟਤਿ। ਕਾਚਿ ਨਦੀ ਕਾਲਨ੍ਤਰੇਨ ਉਪ੍ਪਤਿਤ੍વਾ ਗਾਮਨਿਗਮਸੀਮਂ ਓਤ੍ਥਰਿਤ੍વਾ ਪવਤ੍ਤਤਿ, ਨਦੀਯੇવ ਹੋਤਿ, ਕਮ੍ਮਂ ਕਾਤੁਂ વਟ੍ਟਤਿ। ਸਚੇ ਪਨ વਿਹਾਰਸੀਮਂ ਓਤ੍ਥਰਤਿ, વਿਹਾਰਸੀਮਾਤ੍વੇવ ਸਙ੍ਖ੍ਯਂ ਗਚ੍ਛਤਿ।
Nadito mātikaṃ nīharantā nadiyaṃ āvaraṇaṃ karonti, tañce ottharitvā vā vinibbijjhitvā vā udakaṃ gacchati, sabbattha pavattanaṭṭhāne kammaṃ kātuṃ vaṭṭati. Sace pana āvaraṇena vā koṭṭakabandhanena vā sotaṃ pacchijjati, udakaṃ nappavattati, appavattanaṭṭhāne kammaṃ kātuṃ na vaṭṭati. Āvaraṇamatthakepi kātuṃ na vaṭṭati. Sace koci āvaraṇappadeso pubbe vuttapāsāṇadīpakappadeso viya udakena ajjhotthariyati, tattha vaṭṭati. So hi nadīsaṅkhyameva gacchati. Nadiṃ vināsetvā taḷākaṃ karonti, heṭṭhā pāḷi baddhā, udakaṃ āgantvā taḷākaṃ pūretvā tiṭṭhati, ettha kammaṃ kātuṃ na vaṭṭati. Upari pavattanaṭṭhāne heṭṭhā ca chaḍḍitamodakaṃ nadiṃ ottharitvā sandanaṭṭhānato paṭṭhāya vaṭṭati. Deve avassante hemantagimhesu vā sukkhanadiyāpi vaṭṭati. Nadito nīhaṭamātikāya na vaṭṭati. Sace sā kālantarena bhijjitvā nadī hoti, vaṭṭati. Kāci nadī kālantarena uppatitvā gāmanigamasīmaṃ ottharitvā pavattati, nadīyeva hoti, kammaṃ kātuṃ vaṭṭati. Sace pana vihārasīmaṃ ottharati, vihārasīmātveva saṅkhyaṃ gacchati.
ਸਮੁਦ੍ਦੇਪਿ ਕਮ੍ਮਂ ਕਰੋਨ੍ਤੇਹਿ ਯਂ ਪਦੇਸਂ ਉਦ੍ਧਂ વਡ੍ਢਨਉਦਕਂ વਾ ਪਕਤਿવੀਚਿ વਾ વੇਗੇਨ ਆਗਨ੍ਤ੍વਾ ਓਤ੍ਥਰਤਿ, ਤਤ੍ਥ ਕਾਤੁਂ ਨ વਟ੍ਟਤਿ। ਯਸ੍ਮਿਂ ਪਨ ਪਦੇਸੇ ਪਕਤਿવੀਚਿਯੋ ਓਤ੍ਥਰਿਤ੍વਾ ਸਣ੍ਠਹਨ੍ਤਿ, ਸੋ ਉਦਕਨ੍ਤਤੋ ਪਟ੍ਠਾਯ ਅਨ੍ਤੋਸਮੁਦ੍ਦੋ ਨਾਮ, ਤਤ੍ਥ ਠਿਤੇਹਿ ਕਮ੍ਮਂ ਕਾਤਬ੍ਬਂ। ਸਚੇ ਊਮਿવੇਗੋ ਬਾਧਤਿ, ਨਾવਾਯ વਾ ਅਟ੍ਟਕੇ વਾ ਠਤ੍વਾ ਕਾਤਬ੍ਬਂ। ਤੇਸੁ વਿਨਿਚ੍ਛਯੋ ਨਦਿਯਂ વੁਤ੍ਤਨਯੇਨੇવ વੇਦਿਤਬ੍ਬੋ। ਸਮੁਦ੍ਦੇ ਪਿਟ੍ਠਿਪਾਸਾਣੋ ਹੋਤਿ, ਤਂ ਕਦਾਚਿ ਊਮਿਯੋ ਆਗਨ੍ਤ੍વਾ ਓਤ੍ਥਰਨ੍ਤਿ , ਕਦਾਚਿ ਨ ਓਤ੍ਥਰਨ੍ਤਿ, ਤਤ੍ਥ ਕਮ੍ਮਂ ਕਾਤੁਂ ਨ વਟ੍ਟਤਿ, ਸੋ ਹਿ ਗਾਮਸੀਮਾਸਙ੍ਖ੍ਯਮੇવ ਗਚ੍ਛਤਿ। ਸਚੇ ਪਨ વੀਚੀਸੁ ਆਗਤਾਸੁਪਿ ਅਨਾਗਤਾਸੁਪਿ ਪਕਤਿਉਦਕੇਨੇવ ਓਤ੍ਥਰਿਯਤਿ, વਟ੍ਟਤਿ। ਦੀਪਕੋ વਾ ਪਬ੍ਬਤੋ વਾ ਹੋਤਿ, ਸੋ ਚੇ ਦੂਰੇ ਹੋਤਿ ਮਚ੍ਛਬਨ੍ਧਾਨਂ ਅਗਮਨਪਥੇ, ਅਰਞ੍ਞਸੀਮਾਸਙ੍ਖ੍ਯਮੇવ ਗਚ੍ਛਤਿ। ਤੇਸਂ ਗਮਨਪਰਿਯਨ੍ਤਸ੍ਸ ਓਰਤੋ ਪਨ ਗਾਮਸੀਮਾਸਙ੍ਖ੍ਯਂ ਗਚ੍ਛਤਿ। ਤਤ੍ਥ ਗਾਮਸੀਮਂ ਅਸੋਧੇਤ੍વਾ ਕਮ੍ਮਂ ਕਾਤੁਂ ਨ વਟ੍ਟਤਿ। ਸਮੁਦ੍ਦੋ ਗਾਮਸੀਮਂ વਾ ਨਿਗਮਸੀਮਂ વਾ ਓਤ੍ਥਰਿਤ੍વਾ ਤਿਟ੍ਠਤਿ, ਸਮੁਦ੍ਦੋવ ਹੋਤਿ, ਤਤ੍ਥ ਕਮ੍ਮਂ ਕਾਤੁਂ વਟ੍ਟਤਿ। ਸਚੇ ਪਨ વਿਹਾਰਸੀਮਂ ਓਤ੍ਥਰਤਿ, વਿਹਾਰਸੀਮਾਤ੍વੇવ ਸਙ੍ਖ੍ਯਂ ਗਚ੍ਛਤਿ।
Samuddepi kammaṃ karontehi yaṃ padesaṃ uddhaṃ vaḍḍhanaudakaṃ vā pakativīci vā vegena āgantvā ottharati, tattha kātuṃ na vaṭṭati. Yasmiṃ pana padese pakativīciyo ottharitvā saṇṭhahanti, so udakantato paṭṭhāya antosamuddo nāma, tattha ṭhitehi kammaṃ kātabbaṃ. Sace ūmivego bādhati, nāvāya vā aṭṭake vā ṭhatvā kātabbaṃ. Tesu vinicchayo nadiyaṃ vuttanayeneva veditabbo. Samudde piṭṭhipāsāṇo hoti, taṃ kadāci ūmiyo āgantvā ottharanti , kadāci na ottharanti, tattha kammaṃ kātuṃ na vaṭṭati, so hi gāmasīmāsaṅkhyameva gacchati. Sace pana vīcīsu āgatāsupi anāgatāsupi pakatiudakeneva otthariyati, vaṭṭati. Dīpako vā pabbato vā hoti, so ce dūre hoti macchabandhānaṃ agamanapathe, araññasīmāsaṅkhyameva gacchati. Tesaṃ gamanapariyantassa orato pana gāmasīmāsaṅkhyaṃ gacchati. Tattha gāmasīmaṃ asodhetvā kammaṃ kātuṃ na vaṭṭati. Samuddo gāmasīmaṃ vā nigamasīmaṃ vā ottharitvā tiṭṭhati, samuddova hoti, tattha kammaṃ kātuṃ vaṭṭati. Sace pana vihārasīmaṃ ottharati, vihārasīmātveva saṅkhyaṃ gacchati.
ਜਾਤਸ੍ਸਰੇ ਕਮ੍ਮਂ ਕਰੋਨ੍ਤੇਹਿਪਿ ਯਤ੍ਥ ਪੁਬ੍ਬੇ વੁਤ੍ਤਪ੍ਪਕਾਰੇ વਸ੍ਸਕਾਲੇ વਸ੍ਸੇ ਪਚ੍ਛਿਨ੍ਨਮਤ੍ਤੇ ਪਿવਿਤੁਂ વਾ ਹਤ੍ਥਪਾਦੇ વਾ ਧੋવਿਤੁਂ ਉਦਕਂ ਨ ਹੋਤਿ, ਸੁਕ੍ਖਤਿ, ਅਯਂ ਨ ਜਾਤਸ੍ਸਰੋ, ਗਾਮਖੇਤ੍ਤਸਙ੍ਖ੍ਯਮੇવ ਗਚ੍ਛਤਿ, ਤਤ੍ਥ ਕਮ੍ਮਂ ਨ ਕਾਤਬ੍ਬਂ। ਯਤ੍ਥ ਪਨ વੁਤ੍ਤਪ੍ਪਕਾਰੇ વਸ੍ਸਕਾਲੇ ਉਦਕਂ ਸਨ੍ਤਿਟ੍ਠਤਿ, ਅਯਮੇવ ਜਾਤਸ੍ਸਰੋ। ਤਸ੍ਸ ਯਤ੍ਤਕੇ ਪਦੇਸੇ વਸ੍ਸਾਨਂ ਚਾਤੁਮਾਸੇ ਉਦਕਂ ਤਿਟ੍ਠਤਿ, ਤਤ੍ਥ ਕਮ੍ਮਂ ਕਾਤੁਂ વਟ੍ਟਤਿ। ਸਚੇ ਗਮ੍ਭੀਰਂ ਉਦਕਂ, ਅਟ੍ਟਕਂ ਬਨ੍ਧਿਤ੍વਾ ਤਤ੍ਥ ਠਿਤੇਹਿਪਿ ਜਾਤਸ੍ਸਰਸ੍ਸ ਅਨ੍ਤੋ ਜਾਤਰੁਕ੍ਖਮ੍ਹਿ ਬਦ੍ਧਅਟ੍ਟਕੇਪਿ ਕਾਤੁਂ વਟ੍ਟਤਿ। ਪਿਟ੍ਠਿਪਾਸਾਣਦੀਪਕੇਸੁ ਪਨੇਤ੍ਥ ਨਦਿਯਂ વੁਤ੍ਤਸਦਿਸੋવ વਿਨਿਚ੍ਛਯੋ। ਸਮવਸ੍ਸਦੇવਕਾਲੇ ਪਹੋਨਕਜਾਤਸ੍ਸਰੋ ਪਨ ਸਚੇਪਿ ਦੁਬ੍ਬੁਟ੍ਠਿਕਾਲੇ વਾ ਗਿਮ੍ਹਹੇਮਨ੍ਤੇਸੁ વਾ ਸੁਕ੍ਖਤਿ, ਨਿਰੁਦਕੋ ਹੋਤਿ, ਤਤ੍ਥ ਸਙ੍ਘਕਮ੍ਮਂ ਕਾਤੁਂ વਟ੍ਟਤਿ। ਯਂ ਅਨ੍ਧਕਟ੍ਠਕਥਾਯਂ વੁਤ੍ਤਂ ‘‘ਸਬ੍ਬੋ ਜਾਤਸ੍ਸਰੋ ਸੁਕ੍ਖੋ ਅਨੋਦਕੋ , ਗਾਮਖੇਤ੍ਤਂਯੇવ ਭਜਤੀ’’ਤਿ, ਤਂ ਨ ਗਹੇਤਬ੍ਬਂ। ਸਚੇ ਪਨੇਤ੍ਥ ਉਦਕਤ੍ਥਾਯ ਆવਾਟਂ વਾ ਪੋਕ੍ਖਰਣੀਆਦੀਨਿ વਾ ਖਣਨ੍ਤਿ, ਤਂ ਠਾਨਂ ਅਜਾਤਸ੍ਸਰੋ ਹੋਤਿ, ਗਾਮਸੀਮਾਸਙ੍ਖ੍ਯਂ ਗਚ੍ਛਤਿ। ਲਾਬੁਤਿਪੁਸਕਾਦਿવਪ੍ਪੇ ਕਤੇਪਿ ਏਸੇવ ਨਯੋ।
Jātassare kammaṃ karontehipi yattha pubbe vuttappakāre vassakāle vasse pacchinnamatte pivituṃ vā hatthapāde vā dhovituṃ udakaṃ na hoti, sukkhati, ayaṃ na jātassaro, gāmakhettasaṅkhyameva gacchati, tattha kammaṃ na kātabbaṃ. Yattha pana vuttappakāre vassakāle udakaṃ santiṭṭhati, ayameva jātassaro. Tassa yattake padese vassānaṃ cātumāse udakaṃ tiṭṭhati, tattha kammaṃ kātuṃ vaṭṭati. Sace gambhīraṃ udakaṃ, aṭṭakaṃ bandhitvā tattha ṭhitehipi jātassarassa anto jātarukkhamhi baddhaaṭṭakepi kātuṃ vaṭṭati. Piṭṭhipāsāṇadīpakesu panettha nadiyaṃ vuttasadisova vinicchayo. Samavassadevakāle pahonakajātassaro pana sacepi dubbuṭṭhikāle vā gimhahemantesu vā sukkhati, nirudako hoti, tattha saṅghakammaṃ kātuṃ vaṭṭati. Yaṃ andhakaṭṭhakathāyaṃ vuttaṃ ‘‘sabbo jātassaro sukkho anodako , gāmakhettaṃyeva bhajatī’’ti, taṃ na gahetabbaṃ. Sace panettha udakatthāya āvāṭaṃ vā pokkharaṇīādīni vā khaṇanti, taṃ ṭhānaṃ ajātassaro hoti, gāmasīmāsaṅkhyaṃ gacchati. Lābutipusakādivappe katepi eseva nayo.
ਸਚੇ ਪਨ ਤਂ ਪੂਰੇਤ੍વਾ ਥਲਂ વਾ ਕਰੋਨ੍ਤਿ, ਏਕਸ੍ਮਿਂ ਦਿਸਾਭਾਗੇ ਪਾਲ਼ਿਂ ਬਨ੍ਧਿਤ੍વਾ ਸਬ੍ਬਮੇવ ਤਂ ਮਹਾਤਲ਼ਾਕਂ વਾ ਕਰੋਨ੍ਤਿ, ਸਬ੍ਬੋਪਿ ਅਜਾਤਸ੍ਸਰੋ ਹੋਤਿ, ਗਾਮਸੀਮਾਸਙ੍ਖ੍ਯਮੇવ ਗਚ੍ਛਤਿ। ਲੋਣੀਪਿ ਜਾਤਸ੍ਸਰਸਙ੍ਖ੍ਯਮੇવ ਗਚ੍ਛਤਿ। વਸ੍ਸਿਕੇ ਚਤ੍ਤਾਰੋ ਮਾਸੇ ਉਦਕਟ੍ਠਾਨੋਕਾਸੇ ਕਮ੍ਮਂ ਕਾਤੁਂ વਟ੍ਟਤੀਤਿ।
Sace pana taṃ pūretvā thalaṃ vā karonti, ekasmiṃ disābhāge pāḷiṃ bandhitvā sabbameva taṃ mahātaḷākaṃ vā karonti, sabbopi ajātassaro hoti, gāmasīmāsaṅkhyameva gacchati. Loṇīpi jātassarasaṅkhyameva gacchati. Vassike cattāro māse udakaṭṭhānokāse kammaṃ kātuṃ vaṭṭatīti.
੧੪੮. ਸੀਮਾਯ ਸੀਮਂ ਸਮ੍ਭਿਨ੍ਦਨ੍ਤੀਤਿ ਅਤ੍ਤਨੋ ਸੀਮਾਯ ਪਰੇਸਂ ਬਦ੍ਧਸੀਮਂ ਸਮ੍ਭਿਨ੍ਦਨ੍ਤਿ। ਸਚੇ ਹਿ ਪੋਰਾਣਕਸ੍ਸ વਿਹਾਰਸ੍ਸ ਪੁਰਤ੍ਥਿਮਾਯ ਦਿਸਾਯ ਅਮ੍ਬੋ ਚੇવ ਜਮ੍ਬੂ ਚਾਤਿ ਦ੍વੇ ਰੁਕ੍ਖਾ ਅਞ੍ਞਮਞ੍ਞਂ ਸਂਸਟ੍ਠવਿਟਪਾ ਹੋਨ੍ਤਿ, ਤੇਸੁ ਅਮ੍ਬਸ੍ਸ ਪਚ੍ਛਿਮਦਿਸਾਭਾਗੇ ਜਮ੍ਬੂ। વਿਹਾਰਸੀਮਾ ਚ ਜਮ੍ਬੁਂ ਅਨ੍ਤੋ ਕਤ੍વਾ ਅਮ੍ਬਂ ਕਿਤ੍ਤੇਤ੍વਾ ਬਦ੍ਧਾ ਹੋਤਿ, ਅਥ ਪਚ੍ਛਾ ਤਸ੍ਸ વਿਹਾਰਸ੍ਸ ਪੁਰਤ੍ਥਿਮਾਯ ਦਿਸਾਯ વਿਹਾਰਂ ਕਤ੍વਾ ਸੀਮਂ ਬਨ੍ਧਨ੍ਤਾ ਤਂ ਅਮ੍ਬਂ ਅਨ੍ਤੋ ਕਤ੍વਾ ਜਮ੍ਬੁਂ ਕਿਤ੍ਤੇਤ੍વਾ ਬਨ੍ਧਨ੍ਤਿ, ਸੀਮਾਯ ਸੀਮਾ ਸਮ੍ਭਿਨ੍ਨਾ ਹੋਤਿ। ਏવਂ ਛਬ੍ਬਗ੍ਗਿਯਾ ਅਕਂਸੁ, ਤੇਨਾਹ – ‘‘ਸੀਮਾਯ ਸੀਮਂ ਸਮ੍ਭਿਨ੍ਦਨ੍ਤੀ’’ਤਿ।
148.Sīmāya sīmaṃ sambhindantīti attano sīmāya paresaṃ baddhasīmaṃ sambhindanti. Sace hi porāṇakassa vihārassa puratthimāya disāya ambo ceva jambū cāti dve rukkhā aññamaññaṃ saṃsaṭṭhaviṭapā honti, tesu ambassa pacchimadisābhāge jambū. Vihārasīmā ca jambuṃ anto katvā ambaṃ kittetvā baddhā hoti, atha pacchā tassa vihārassa puratthimāya disāya vihāraṃ katvā sīmaṃ bandhantā taṃ ambaṃ anto katvā jambuṃ kittetvā bandhanti, sīmāya sīmā sambhinnā hoti. Evaṃ chabbaggiyā akaṃsu, tenāha – ‘‘sīmāya sīmaṃ sambhindantī’’ti.
ਸੀਮਾਯ ਸੀਮਂ ਅਜ੍ਝੋਤ੍ਥਰਨ੍ਤੀਤਿ ਅਤ੍ਤਨੋ ਸੀਮਾਯ ਪਰੇਸਂ ਬਦ੍ਧਸੀਮਂ ਅਜ੍ਝੋਤ੍ਥਰਨ੍ਤਿ;
Sīmāya sīmaṃ ajjhottharantīti attano sīmāya paresaṃ baddhasīmaṃ ajjhottharanti;
ਪਰੇਸਂ ਬਦ੍ਧਸੀਮਂ ਸਕਲਂ વਾ ਤਸ੍ਸਾ ਪਦੇਸਂ વਾ ਅਨ੍ਤੋ ਕਤ੍વਾ ਅਤ੍ਤਨੋ ਸੀਮਂ ਬਨ੍ਧਨ੍ਤਿ। ਸੀਮਨ੍ਤਰਿਕਂ ਠਪੇਤ੍વਾ ਸੀਮਂ ਸਮ੍ਮਨ੍ਨਿਤੁਨ੍ਤਿ ਏਤ੍ਥ ਸਚੇ ਪਠਮਤਰਂ ਕਤਸ੍ਸ વਿਹਾਰਸ੍ਸ ਸੀਮਾ ਅਸਮ੍ਮਤਾ ਹੋਤਿ, ਸੀਮਾਯ ਉਪਚਾਰੋ ਠਪੇਤਬ੍ਬੋ। ਸਚੇ ਸਮ੍ਮਤਾ ਹੋਤਿ, ਪਚ੍ਛਿਮਕੋਟਿਯਾ ਹਤ੍ਥਮਤ੍ਤਾ ਸੀਮਨ੍ਤਰਿਕਾ ਠਪੇਤਬ੍ਬਾ। ਕੁਰੁਨ੍ਦਿਯਂ વਿਦਤ੍ਥਿਮਤ੍ਤਮ੍ਪਿ, ਮਹਾਪਚ੍ਚਰਿਯਂ ਚਤੁਰਙ੍ਗੁਲਮਤ੍ਤਮ੍ਪਿ વਟ੍ਟਤੀਤਿ વੁਤ੍ਤਂ। ਏਕਰੁਕ੍ਖੋਪਿ ਚ ਦ੍વਿਨ੍ਨਂ ਸੀਮਾਨਂ ਨਿਮਿਤ੍ਤਂ ਹੋਤਿ, ਸੋ ਪਨ વਡ੍ਢਨ੍ਤੋ ਸੀਮਾਸਙ੍ਕਰਂ ਕਰੋਤਿ, ਤਸ੍ਮਾ ਨ ਕਾਤਬ੍ਬੋ।
Paresaṃ baddhasīmaṃ sakalaṃ vā tassā padesaṃ vā anto katvā attano sīmaṃ bandhanti. Sīmantarikaṃ ṭhapetvā sīmaṃ sammannitunti ettha sace paṭhamataraṃ katassa vihārassa sīmā asammatā hoti, sīmāya upacāro ṭhapetabbo. Sace sammatā hoti, pacchimakoṭiyā hatthamattā sīmantarikā ṭhapetabbā. Kurundiyaṃ vidatthimattampi, mahāpaccariyaṃ caturaṅgulamattampi vaṭṭatīti vuttaṃ. Ekarukkhopi ca dvinnaṃ sīmānaṃ nimittaṃ hoti, so pana vaḍḍhanto sīmāsaṅkaraṃ karoti, tasmā na kātabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੭੬. ਗਾਮਸੀਮਾਦਿ • 76. Gāmasīmādi
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਗਾਮਸੀਮਾਦਿਕਥਾવਣ੍ਣਨਾ • Gāmasīmādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਗਾਮਸੀਮਾਦਿਕਥਾવਣ੍ਣਨਾ • Gāmasīmādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਗਾਮਸੀਮਾਦਿਕਥਾવਣ੍ਣਨਾ • Gāmasīmādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭੬. ਗਾਮਸੀਮਾਦਿਕਥਾ • 76. Gāmasīmādikathā
