| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਗਮਿਕਾਦਿਨਿਸ੍ਸਯવਤ੍ਥੁਕਥਾ
Gamikādinissayavatthukathā
੧੨੧. ਨਿਸ੍ਸਯਕਰਣੀਯੋਤਿ ਕਰਣੀਯਨਿਸ੍ਸਯੋ, ਕਰਣੀਯੋ ਮਯਾ ਨਿਸ੍ਸਯੋ; ਗਹੇਤਬ੍ਬੋਤਿ ਅਤ੍ਥੋ। ਨਿਸ੍ਸਯਂ ਅਲਭਮਾਨੇਨਾਤਿ ਅਤ੍ਤਨਾ ਸਦ੍ਧਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨੇਸੁ ਨਿਸ੍ਸਯਦਾਯਕੇ ਅਸਤਿ ਨਿਸ੍ਸਯਂ ਨ ਲਭਤਿ ਨਾਮ। ਏવਂ ਅਲਭਨ੍ਤੇਨ ਅਨਿਸ੍ਸਿਤੇਨ ਬਹੂਨਿਪਿ ਦਿવਸਾਨਿ ਗਨ੍ਤਬ੍ਬਂ। ਸਚੇ ਪੁਬ੍ਬੇਪਿ ਨਿਸ੍ਸਯਂ ਗਹੇਤ੍વਾ વੁਤ੍ਥਪੁਬ੍ਬਂ ਕਞ੍ਚਿ ਆવਾਸਂ ਪવਿਸਤਿ, ਏਕਰਤ੍ਤਂ વਸਨ੍ਤੇਨਾਪਿ ਨਿਸ੍ਸਯੋ ਗਹੇਤਬ੍ਬੋ। ਅਨ੍ਤਰਾਮਗ੍ਗੇ વਿਸ੍ਸਮਨ੍ਤੋ વਾ ਸਤ੍ਥਂ ਪਰਿਯੇਸਨ੍ਤੋ વਾ ਕਤਿਪਾਹਂ વਸਤਿ, ਅਨਾਪਤ੍ਤਿ। ਅਨ੍ਤੋવਸ੍ਸੇ ਪਨ ਨਿਬਦ੍ਧવਾਸਂ વਸਿਤਬ੍ਬਂ, ਨਿਸ੍ਸਯੋ ਚ ਗਹੇਤਬ੍ਬੋ। ਨਾવਾਯ ਗਚ੍ਛਨ੍ਤਸ੍ਸ ਪਨ વਸ੍ਸਾਨੇ ਆਗਤੇਪਿ ਨਿਸ੍ਸਯਂ ਅਲਭਨ੍ਤਸ੍ਸ ਅਨਾਪਤ੍ਤਿ।
121.Nissayakaraṇīyoti karaṇīyanissayo, karaṇīyo mayā nissayo; gahetabboti attho. Nissayaṃ alabhamānenāti attanā saddhiṃ addhānamaggappaṭipannesu nissayadāyake asati nissayaṃ na labhati nāma. Evaṃ alabhantena anissitena bahūnipi divasāni gantabbaṃ. Sace pubbepi nissayaṃ gahetvā vutthapubbaṃ kañci āvāsaṃ pavisati, ekarattaṃ vasantenāpi nissayo gahetabbo. Antarāmagge vissamanto vā satthaṃ pariyesanto vā katipāhaṃ vasati, anāpatti. Antovasse pana nibaddhavāsaṃ vasitabbaṃ, nissayo ca gahetabbo. Nāvāya gacchantassa pana vassāne āgatepi nissayaṃ alabhantassa anāpatti.
ਯਾਚਿਯਮਾਨੇਨਾਤਿ ਤੇਨ ਗਿਲਾਨੇਨ ਯਾਚਿਯਮਾਨੇਨ ਅਨਿਸ੍ਸਿਤੇਨ વਸਿਤਬ੍ਬਂ। ਸਚੇ ‘‘ਯਾਚਾਹਿ ਮ’’ਨ੍ਤਿ વੁਚ੍ਚਮਾਨੋਪਿ ਗਿਲਾਨੋ ਮਾਨੇਨ ਨ ਯਾਚਤਿ, ਗਨ੍ਤਬ੍ਬਂ।
Yāciyamānenāti tena gilānena yāciyamānena anissitena vasitabbaṃ. Sace ‘‘yācāhi ma’’nti vuccamānopi gilāno mānena na yācati, gantabbaṃ.
ਫਾਸੁ ਹੋਤੀਤਿ ਸਮਥવਿਪਸ੍ਸਨਾਨਂ ਪਟਿਲਾਭવਸੇਨ ਫਾਸੁ ਹੋਤਿ। ਇਮਞ੍ਹਿ ਪਰਿਹਾਰਂ ਨੇવ ਸੋਤਾਪਨ੍ਨੋ ਨ ਸਕਦਾਗਾਮੀ ਅਨਾਗਾਮੀ ਅਰਹਨ੍ਤੋ ਲਭਨ੍ਤਿ; ਨ ਥਾਮਗਤਸ੍ਸ ਸਮਾਧਿਨੋ વਾ વਿਪਸ੍ਸਨਾਯ વਾ ਲਾਭੀ, વਿਸ੍ਸਟ੍ਠਕਮ੍ਮਟ੍ਠਾਨੇ ਪਨ ਬਾਲਪੁਥੁਜ੍ਜਨੇ ਕਥਾવ ਨਤ੍ਥਿ। ਯਸ੍ਸ ਖੋ ਪਨ ਸਮਥੋ વਾ વਿਪਸ੍ਸਨਾ વਾ ਤਰੁਣੋ ਹੋਤਿ, ਅਯਂ ਇਮਂ ਪਰਿਹਾਰਂ ਲਭਤਿ, ਪવਾਰਣਸਙ੍ਗਹੋਪਿ ਏਤਸ੍ਸੇવ ਅਨੁਞ੍ਞਾਤੋ। ਤਸ੍ਮਾ ਇਮਿਨਾ ਪੁਗ੍ਗਲੇਨ ਆਚਰਿਯੇ ਪવਾਰੇਤ੍વਾ ਗਤੇਪਿ ‘‘ਯਦਾ ਪਤਿਰੂਪੋ ਨਿਸ੍ਸਯਦਾਯਕੋ ਆਗਚ੍ਛਿਸ੍ਸਤਿ, ਤਸ੍ਸ ਨਿਸ੍ਸਾਯ વਸਿਸ੍ਸਾਮੀ’’ਤਿ ਆਭੋਗਂ ਕਤ੍વਾ ਪੁਨ ਯਾવ ਆਸਾਲ਼੍ਹੀਪੁਣ੍ਣਮਾ, ਤਾવ ਅਨਿਸ੍ਸਿਤੇਨ વਤ੍ਥੁਂ વਟ੍ਟਤਿ। ਸਚੇ ਪਨ ਆਸਾਲ਼੍ਹੀਮਾਸੇ ਆਚਰਿਯੋ ਨਾਗਚ੍ਛਤਿ, ਯਤ੍ਥ ਨਿਸ੍ਸਯੋ ਲਬ੍ਭਤਿ, ਤਤ੍ਥ ਗਨ੍ਤਬ੍ਬਂ।
Phāsuhotīti samathavipassanānaṃ paṭilābhavasena phāsu hoti. Imañhi parihāraṃ neva sotāpanno na sakadāgāmī anāgāmī arahanto labhanti; na thāmagatassa samādhino vā vipassanāya vā lābhī, vissaṭṭhakammaṭṭhāne pana bālaputhujjane kathāva natthi. Yassa kho pana samatho vā vipassanā vā taruṇo hoti, ayaṃ imaṃ parihāraṃ labhati, pavāraṇasaṅgahopi etasseva anuññāto. Tasmā iminā puggalena ācariye pavāretvā gatepi ‘‘yadā patirūpo nissayadāyako āgacchissati, tassa nissāya vasissāmī’’ti ābhogaṃ katvā puna yāva āsāḷhīpuṇṇamā, tāva anissitena vatthuṃ vaṭṭati. Sace pana āsāḷhīmāse ācariyo nāgacchati, yattha nissayo labbhati, tattha gantabbaṃ.
੧੨੨. ਗੋਤ੍ਤੇਨਪਿ ਅਨੁਸ੍ਸਾવੇਤੁਨ੍ਤਿ ਮਹਾਕਸ੍ਸਪਸ੍ਸ ਉਪਸਮ੍ਪਦਾਪੇਕ੍ਖੋਤਿ ਏવਂ ਗੋਤ੍ਤਂ વਤ੍વਾ ਅਨੁਸ੍ਸਾવੇਤੁਂ ਅਨੁਜਾਨਾਮੀਤਿ ਅਤ੍ਥੋ।
122.Gottenapi anussāvetunti mahākassapassa upasampadāpekkhoti evaṃ gottaṃ vatvā anussāvetuṃ anujānāmīti attho.
੧੨੩. ਦ੍વੇ ਏਕਾਨੁਸ੍ਸਾવਨੇਤਿ ਦ੍વੇ ਏਕਤੋ ਅਨੁਸ੍ਸਾવਨੇ; ਏਕੇਨ ਏਕਸ੍ਸ ਅਞ੍ਞੇਨ ਇਤਰਸ੍ਸਾਤਿ ਏવਂ ਦ੍વੀਹਿ વਾ ਆਚਰਿਯੇਹਿ ਏਕੇਨ વਾ ਏਕਕ੍ਖਣੇ ਕਮ੍ਮવਾਚਂ ਅਨੁਸ੍ਸਾવੇਨ੍ਤੇਹਿ ਉਪਸਮ੍ਪਾਦੇਤੁਂ ਅਨੁਜਾਨਾਮੀਤਿ ਅਤ੍ਥੋ।
123.Dve ekānussāvaneti dve ekato anussāvane; ekena ekassa aññena itarassāti evaṃ dvīhi vā ācariyehi ekena vā ekakkhaṇe kammavācaṃ anussāventehi upasampādetuṃ anujānāmīti attho.
ਦ੍વੇ ਤਯੋ ਏਕਾਨੁਸ੍ਸਾવਨੇ ਕਾਤੁਂ ਤਞ੍ਚ ਖੋ ਏਕੇਨ ਉਪਜ੍ਝਾਯੇਨਾਤਿ ਦ੍વੇ વਾ ਤਯੋ વਾ ਜਨੇ ਪੁਰਿਮਨਯੇਨੇવ ਏਕਤੋ ਅਨੁਸ੍ਸਾવਨੇ ਕਾਤੁਂ ਅਨੁਜਾਨਾਮਿ; ਤਞ੍ਚ ਖੋ ਅਨੁਸ੍ਸਾવਨਕਿਰਿਯਂ ਏਕੇਨ ਉਪਜ੍ਝਾਯੇਨ ਅਨੁਜਾਨਾਮੀਤਿ ਅਤ੍ਥੋ। ਤਸ੍ਮਾ ਏਕੇਨ ਆਚਰਿਯੇਨ ਦ੍વੇ વਾ ਤਯੋ વਾ ਅਨੁਸ੍ਸਾવੇਤਬ੍ਬਾ। ਦ੍વੀਹਿ વਾ ਤੀਹਿ વਾ ਆਚਰਿਯੇਹਿ વਿਸੁਂ વਿਸੁਂ ਏਕੇਨ ਏਕਸ੍ਸਾਤਿ ਏવਂ ਏਕਪ੍ਪਹਾਰੇਨੇવ ਦ੍વੇ ਤਿਸ੍ਸੋ વਾ ਕਮ੍ਮવਾਚਾ ਕਾਤਬ੍ਬਾ। ਸਚੇ ਪਨ ਨਾਨਾਚਰਿਯਾ ਨਾਨੁਪਜ੍ਝਾਯਾ ਹੋਨ੍ਤਿ, ਤਿਸ੍ਸਤ੍ਥੇਰੋ ਸੁਮਨਤ੍ਥੇਰਸ੍ਸ ਸਦ੍ਧਿવਿਹਾਰਿਕਂ, ਸੁਮਨਤ੍ਥੇਰੋ ਤਿਸ੍ਸਤ੍ਥੇਰਸ੍ਸ ਸਦ੍ਧਿવਿਹਾਰਿਕਂ ਅਨੁਸ੍ਸਾવੇਤਿ, ਅਞ੍ਞਮਞ੍ਞਞ੍ਚ ਗਣਪੂਰਕਾ ਹੋਨ੍ਤਿ, વਟ੍ਟਤਿ। ਸਚੇ ਪਨ ਨਾਨਾਉਪਜ੍ਝਾਯਾ ਹੋਨ੍ਤਿ, ਏਕੋ ਆਚਰਿਯੋ ਹੋਤਿ, ‘‘ਨਤ੍વੇવ ਨਾਨੁਪਜ੍ਝਾਯੇਨਾ’’ਤਿ ਪਟਿਕ੍ਖਿਤ੍ਤਤ੍ਤਾ ਨ વਟ੍ਟਤਿ। ਇਦਂ ਸਨ੍ਧਾਯ ਹਿ ਏਸ ਪਟਿਕ੍ਖੇਪੋ।
Dve tayo ekānussāvane kātuṃ tañca kho ekena upajjhāyenāti dve vā tayo vā jane purimanayeneva ekato anussāvane kātuṃ anujānāmi; tañca kho anussāvanakiriyaṃ ekena upajjhāyena anujānāmīti attho. Tasmā ekena ācariyena dve vā tayo vā anussāvetabbā. Dvīhi vā tīhi vā ācariyehi visuṃ visuṃ ekena ekassāti evaṃ ekappahāreneva dve tisso vā kammavācā kātabbā. Sace pana nānācariyā nānupajjhāyā honti, tissatthero sumanattherassa saddhivihārikaṃ, sumanatthero tissattherassa saddhivihārikaṃ anussāveti, aññamaññañca gaṇapūrakā honti, vaṭṭati. Sace pana nānāupajjhāyā honti, eko ācariyo hoti, ‘‘natveva nānupajjhāyenā’’ti paṭikkhittattā na vaṭṭati. Idaṃ sandhāya hi esa paṭikkhepo.
ਗਮਿਕਾਦਿਨਿਸ੍ਸਯવਤ੍ਥੁਕਥਾ ਨਿਟ੍ਠਿਤਾ।
Gamikādinissayavatthukathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੫੯. ਗਮਿਕਾਦਿਨਿਸ੍ਸਯવਤ੍ਥੂਨਿ • 59. Gamikādinissayavatthūni
੬੦. ਗੋਤ੍ਤੇਨ ਅਨੁਸ੍ਸਾવਨਾਨੁਜਾਨਨਾ • 60. Gottena anussāvanānujānanā
੬੧. ਦ੍વੇਉਪਸਮ੍ਪਦਾਪੇਕ੍ਖਾਦਿવਤ੍ਥੁ • 61. Dveupasampadāpekkhādivatthu
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਗਮਿਕਾਦਿਨਿਸ੍ਸਯવਤ੍ਥੁਕਥਾવਣ੍ਣਨਾ • Gamikādinissayavatthukathāvaṇṇanā
ਗੋਤ੍ਤੇਨ ਅਨੁਸ੍ਸਾવਨਾਨੁਜਾਨਨਕਥਾવਣ੍ਣਨਾ • Gottena anussāvanānujānanakathāvaṇṇanā
ਦ੍વੇਉਪਸਮ੍ਪਦਾਪੇਕ੍ਖਾਦਿવਤ੍ਥੁਕਥਾવਣ੍ਣਨਾ • Dveupasampadāpekkhādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਗਮਿਕਾਦਿਨਿਸ੍ਸਯવਤ੍ਥੁਕਥਾવਣ੍ਣਨਾ • Gamikādinissayavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā
ਗਮਿਕਾਦਿਨਿਸ੍ਸਯવਤ੍ਥੁਕਥਾવਣ੍ਣਨਾ • Gamikādinissayavatthukathāvaṇṇanā
ਦ੍વੇਉਪਸਮ੍ਪਦਾਪੇਕ੍ਖਾਦਿવਤ੍ਥੁਕਥਾવਣ੍ਣਨਾ • Dveupasampadāpekkhādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫੯. ਗਮਿਕਾਦਿਨਿਸ੍ਸਯવਤ੍ਥੁਕਥਾ • 59. Gamikādinissayavatthukathā
