| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
г̇амигаад̣̇иниссаяавад̇т̇угат̇ааван̣н̣анаа
Gamikādinissayavatthukathāvaṇṇanā
121. ‘‘ад̣̇д̇хаанамаг̇г̇аббадибаннзна бхигкунаа ниссаяам̣ алабхамаанзна аниссид̇зна вад̇т̇унд̇и авассагаалзязва вассагаалз ад̣̇д̇хаанаг̇аманасса баал̣ияам̣язва бадигкид̇д̇ад̇д̇аа’’д̇и вуд̇д̇ам̣, д̇ам̣ аббамаан̣ам̣ сад̇д̇аахам̣ вассажчзд̣̇аад̣̇ивасзна ад̣̇д̇хаанаг̇аманасамбхавад̇о, г̇ажчанд̇ассзва вассагаалаг̇аманасамбхавад̇о жа. анд̇араамаг̇г̇з…бз… анаабад̇д̇ийд̇и ниссаяад̣̇ааяагаабхаавзязва. ‘‘д̇асса ниссааяаа’’д̇и баатаануруубам̣ вуд̇д̇ам̣, д̇ам̣ ниссааяаад̇и ад̇т̇о. ‘‘яад̣̇аа бад̇ируубо ниссаяад̣̇ааяаго ааг̇ажчиссад̇ий’’д̇и важанзна аяам̣ вид̇хи авассагаалз зваад̇и сид̣̇д̇хам̣. ‘‘анд̇овассз бана гассажи ааг̇аманаабхааваа’’д̇и вуд̇д̇ам̣. сажз со ж̇алабадданз ваа т̇алабадданз ваа васанд̇о вассуубанааяигааяа аасаннааяа г̇анд̇угаамо сун̣аад̇и ‘‘асуго махаат̇зро ааг̇амиссад̇ий’’д̇и, д̇ам̣ жз ааг̇амзд̇и, ваддад̇и. ааг̇амзнд̇ассзва жз вассуубанааяигад̣̇ивасо ход̇и, ход̇у, г̇анд̇аб̣б̣ам̣ д̇ад̇т̇а, яад̇т̇а ниссаяад̣̇ааяагам̣ лабхад̇ийд̇и. баад̇имогкуд̣̇д̣̇зсагаабхаавзна жз г̇анд̇ум̣ ваддад̇и, баг̇зва ниссаяад̣̇ааяагаабхаавзна. сажз со г̇ажчанд̇о ж̇ийвид̇анд̇арааяам̣, б̣рахмажарияанд̇арааяам̣ ваа бассад̇и, д̇ад̇т̇зва васид̇аб̣б̣анд̇и згз.
121.‘‘Addhānamaggappaṭipannena bhikkhunā nissayaṃ alabhamānena anissitena vatthunti avassakāleyeva vassakāle addhānagamanassa pāḷiyaṃyeva paṭikkhittattā’’ti vuttaṃ, taṃ appamāṇaṃ sattāhaṃ vassacchedādivasena addhānagamanasambhavato, gacchantasseva vassakālagamanasambhavato ca. Antarāmagge…pe… anāpattīti nissayadāyakābhāveyeva. ‘‘Tassa nissāyā’’ti pāṭhānurūpaṃ vuttaṃ, taṃ nissāyāti attho. ‘‘Yadā patirūpo nissayadāyako āgacchissatī’’ti vacanena ayaṃ vidhi avassakāle evāti siddhaṃ. ‘‘Antovasse pana kassaci āgamanābhāvā’’ti vuttaṃ. Sace so jalapaṭṭane vā thalapaṭṭane vā vasanto vassūpanāyikāya āsannāya gantukāmo suṇāti ‘‘asuko mahāthero āgamissatī’’ti, taṃ ce āgameti, vaṭṭati. Āgamentasseva ce vassūpanāyikadivaso hoti, hotu, gantabbaṃ tattha, yattha nissayadāyakaṃ labhatīti. Pātimokkhuddesakābhāvena ce gantuṃ vaṭṭati, pageva nissayadāyakābhāvena. Sace so gacchanto jīvitantarāyaṃ, brahmacariyantarāyaṃ vā passati, tattheva vasitabbanti eke.
122. ‘‘наахам̣ уссахаами т̇зрасса наамам̣ г̇ахзд̇у’’нд̇и ид̇т̇аннаамо ид̇т̇аннаамасса ааяасмад̇од̇и лагкан̣ад̇о ааха. ‘‘г̇од̇д̇знаабий’д̇и важанад̇о язна вохаарзна вохарияанд̇и, д̇зна ваддад̇ийд̇и сид̣̇д̇хам̣, д̇асмаа ‘го наамо д̇з убаж̇жхааяо’д̇и будтзнааби г̇од̇д̇амзва наамам̣ гад̇ваа вад̇д̇аб̣б̣анд̇и сид̣̇д̇хам̣ ход̇и, д̇асмаа жад̇уб̣б̣ид̇хзсу наамзсу язна гзнажи наамзна ануссааванаа гаад̇аб̣б̣аа’’д̇и вад̣̇анд̇и. згасса б̣ахууни наамаани хонд̇и, д̇ад̇т̇а згам̣ наамам̣ н̃ад̇д̇ияаа, згам̣ ануссааванааяа гаад̇ум̣ на ваддад̇и, ад̇т̇ад̇о, б̣яан̃ж̇анад̇о жа абхиннаахи ануссааванаахи бхавид̇аб̣б̣анд̇и. гад̇т̇ажи ‘‘ааяасмад̇о б̣уд̣̇д̇харагкид̇ад̇т̇зрассаа’’д̇и вад̇ваа гад̇т̇ажи гзвалам̣ ‘‘б̣уд̣̇д̇харагкид̇ассаа’’д̇и саавзд̇и, ‘‘сааванам̣ хаабзд̇ий’’д̇и на вужжад̇и наамасса ахаабид̇ад̇д̇аад̇и згз. сажз гад̇т̇ажи ‘‘ааяасмад̇о б̣уд̣̇д̇харагкид̇ассаа’’д̇и вад̇ваа гад̇т̇ажи ‘‘б̣уд̣̇д̇харагкид̇ассааяасмад̇о’’д̇и саавзд̇и, баатаануруубад̇д̇аа кзд̇д̇амзва од̇ин̣н̣анд̇иби згз. б̣яан̃ж̇анабхзд̣̇аббасан̇г̇ад̇о ануссааванз д̇ам̣ на ваддад̇ийд̇и згз. сажз бана саб̣б̣адтаанзби д̇ат̇зва вад̣̇ад̇и, ваддад̇и бхаг̇авад̇аа д̣̇инналагкан̣аануруубад̇д̇аа. лагкан̣авирод̇хад̇о ан̃н̃ат̇аа на ваддад̇ийд̇и жз? на, баяог̇аануруубад̇д̇аа. д̇ад̇т̇а д̇ат̇аа, ид̇ха ан̃н̃ат̇аа баяог̇од̇и жз? на, вибад̇д̇илагкан̣аанам̣ вирод̇хад̇о. на саб̣б̣зна саб̣б̣ам̣, сааванаахаабанаа зва хи баал̣ияам̣ д̇ад̣̇ад̇т̇авибхааванз ааг̇ад̇аад̇и ан̃н̃абад̣̇зсу сааванзсу барихааро на самбхавад̇и аажин̣н̣агаббавирод̇хад̇о. соби гим̣бамаан̣анд̇и жз? бамаан̣ам̣ аажарияуг̇г̇ахасса бамаан̣ад̇д̇аа.
122. ‘‘Nāhaṃ ussahāmi therassa nāmaṃ gahetu’’nti itthannāmo itthannāmassa āyasmatoti lakkhaṇato āha. ‘‘Gottenāpī’ti vacanato yena vohārena vohariyanti, tena vaṭṭatīti siddhaṃ, tasmā ‘ko nāmo te upajjhāyo’ti puṭṭhenāpi gottameva nāmaṃ katvā vattabbanti siddhaṃ hoti, tasmā catubbidhesu nāmesu yena kenaci nāmena anussāvanā kātabbā’’ti vadanti. Ekassa bahūni nāmāni honti, tattha ekaṃ nāmaṃ ñattiyā, ekaṃ anussāvanāya kātuṃ na vaṭṭati, atthato, byañjanato ca abhinnāhi anussāvanāhi bhavitabbanti. Katthaci ‘‘āyasmato buddharakkhitattherassā’’ti vatvā katthaci kevalaṃ ‘‘buddharakkhitassā’’ti sāveti, ‘‘sāvanaṃ hāpetī’’ti na vuccati nāmassa ahāpitattāti eke. Sace katthaci ‘‘āyasmato buddharakkhitassā’’ti vatvā katthaci ‘‘buddharakkhitassāyasmato’’ti sāveti, pāṭhānurūpattā khettameva otiṇṇantipi eke. Byañjanabhedappasaṅgato anussāvane taṃ na vaṭṭatīti eke. Sace pana sabbaṭṭhānepi tatheva vadati, vaṭṭati bhagavatā dinnalakkhaṇānurūpattā. Lakkhaṇavirodhato aññathā na vaṭṭatīti ce? Na, payogānurūpattā. Tattha tathā, idha aññathā payogoti ce? Na, vipattilakkhaṇānaṃ virodhato. Na sabbena sabbaṃ, sāvanāhāpanā eva hi pāḷiyaṃ tadatthavibhāvane āgatāti aññapadesu sāvanesu parihāro na sambhavati āciṇṇakappavirodhato. Sopi kiṃpamāṇanti ce? Pamāṇaṃ ācariyuggahassa pamāṇattā.
123. д̣̇вз згаануссааванзд̇и зд̇т̇а г̇ан̣тибад̣̇з д̇аава звам̣ ликид̇ам̣ ‘‘згад̇о бавад̇д̇аануссааванз’’. ид̣̇ам̣ санд̇хааяаад̇и наанубаж̇жхааяам̣ згаажарияам̣ ануссааванагирияам̣ санд̇хааяа, д̇ан̃жа ануссааванагирияам̣ згзнубаж̇жхааязна наанаажариязхи ануж̇аанаамийд̇и ад̇т̇о. наанубаж̇жхааязхи згзнаажариязна на д̇взва ануж̇аанаамийд̇и ад̇т̇од̇и. бораан̣аг̇ан̣тибад̣̇зби д̇ат̇зва вад̇ваа ‘‘д̇ин̣н̣ам̣ уд̣̇д̇хам̣ на гзнажи аагаарзна згад̇о ваддад̇ий’’д̇и вуд̇д̇ам̣, д̇ам̣ яуд̇д̇ам̣, на хи сан̇гхо сан̇гхасса гаммам̣ гарод̇ийд̇и аажарияо. ид̣̇ам̣ банзд̇т̇а жинд̇зд̇аб̣б̣ам̣. гат̇ам̣? жад̇д̇ааро ваа ад̇ирзгаа ваа убасамбад̣̇аабзгкаа сан̇гхавохаарам̣ на лабханд̇и бхигкубхаавам̣ аббад̇д̇ад̇д̇аа. гзвалам̣ бхаг̇авад̇аа барижчинд̣̇ид̇ваа ‘‘д̇аяо’’д̇и вуд̇д̇ад̇д̇аа д̇ад̇о уд̣̇д̇хам̣ на ваддад̇ийд̇и но д̇аггод̇и аажарияо. ануг̇ан̣тибад̣̇зби аяамзвад̇т̇о б̣ахуд̇хаа вижаарзд̇ваа вуд̇д̇о. д̇ат̇аа анд̇хагадтагат̇ааяамби. на саб̣б̣ад̇т̇а имасмим̣ ад̇т̇авигаббз мад̇ибхзд̣̇о ад̇т̇и. яаа банзсаа убхо барибун̣н̣авийсад̇ивассаа, убхиннамзгубаж̇жхааяо, згаажарияо, згаа гаммаваажаа, зго убасамбанно, зго анубасамбаннод̇и бариваарагат̇аа, д̇ам̣ д̣̇ассзд̇ваа зго жз аажарияо д̣̇виннам̣, д̇ин̣н̣ам̣ ваа убасамбад̣̇аабзгкаанам̣ згам̣ гаммаваажам̣ згзнубаж̇жхааязна саавзд̇и, ваддад̇ийд̇и згз. д̇ам̣ аяуд̇д̇ам̣, на хи саггаа сит̇илад̇ханид̇аад̣̇иб̣яан̃ж̇аналагкан̣асамбаннам̣ д̇асмим̣ кан̣з гаммаваажам̣ д̣̇ассзд̇ум̣ вимуд̇д̇ад̣̇осаад̣̇ийсу бад̇анад̇о . висум̣ висум̣ гаран̣ам̣ санд̇хааяа ид̣̇ам̣ вуд̇д̇анд̇и д̣̇ийбанад̇т̇ам̣ ‘‘д̇аяо барибун̣н̣авийсад̇ивассаа , д̇ин̣н̣амзгубаж̇жхааяо, згаажарияо, згаа гаммаваажаа, д̣̇вз убасамбаннаа, зго анубасамбанно’’д̇и на вуд̇д̇о. зван̃хи вуд̇д̇з саггаа д̇ийсу аагаасадтамабанзд̇ваа сиймадтаанам̣ д̣̇виннамануруубам̣ гаммаваажам̣ д̣̇ассзд̇ум̣, д̇аманидтаббасан̇г̇ам̣ ниваарзд̇ум̣ ‘‘убхо’’д̇и вуд̇д̇ам̣. ‘‘д̇ад̇т̇а барибун̣н̣авийсад̇ивассаважанзна вад̇т̇усамбад̇д̇и, барисааяа бад̇хаанад̇д̇аа, аажарияубаж̇жхааяаважанзна барисасамбад̇д̇и, гаммаваажааяа ануссааванасамбад̇д̇и д̣̇ассид̇аа, сиймасамбад̇д̇и звзгаа на д̣̇ассид̇аа. д̇ад̇о вибад̇д̇и ж̇аад̇аа гаммаваажаанам̣ наанаагкан̣игад̇д̇аа. згагкан̣абхаавз сад̇и убхиннам̣ самбад̇д̇и ваа сияаа вибад̇д̇и ваа, на згассзва самбад̇д̇и згасса вибад̇д̇ийд̇и самбхавад̇и вимуд̇д̇аад̣̇иб̣яан̃ж̇анад̣̇осаббасан̇г̇ад̇о’’д̇и вуд̇д̇ам̣, д̇ам̣ важанам̣ убхоби жзд̇з сиймаг̇ад̇аава хонд̇и, убхиннам̣ згад̇о гаммасамбад̇д̇ид̣̇ийбанад̇о д̣̇виннам̣ згад̇о ануссааванам̣ згзна убаж̇жхааязна згзнаажариязна ваддад̇ийд̇и саад̇хзд̇и. д̣̇виннам̣, д̇ин̣н̣ан̃жа згад̇о сасаманубхаасанаа жа баал̣ияам̣язва д̣̇ассид̇аа, д̇ан̃жа ануломзд̇и. адтагат̇аажариязхи наанун̃н̃аад̇ам̣, на бадигкид̇д̇ам̣, вижаарзд̇ваа г̇ахзд̇аб̣б̣анд̇и аажарияо, д̇ам̣ д̇хаммад̇ааяа вируж̇жхад̇и.
123.Dve ekānussāvaneti ettha gaṇṭhipade tāva evaṃ likhitaṃ ‘‘ekato pavattaanussāvane’’. Idaṃ sandhāyāti nānupajjhāyaṃ ekācariyaṃ anussāvanakiriyaṃ sandhāya, tañca anussāvanakiriyaṃ ekenupajjhāyena nānācariyehi anujānāmīti attho. Nānupajjhāyehi ekenācariyena na tveva anujānāmīti atthoti. Porāṇagaṇṭhipadepi tatheva vatvā ‘‘tiṇṇaṃ uddhaṃ na kenaci ākārena ekato vaṭṭatī’’ti vuttaṃ, taṃ yuttaṃ, na hi saṅgho saṅghassa kammaṃ karotīti ācariyo. Idaṃ panettha cintetabbaṃ. Kathaṃ? Cattāro vā atirekā vā upasampadāpekkhā saṅghavohāraṃ na labhanti bhikkhubhāvaṃ appattattā. Kevalaṃ bhagavatā paricchinditvā ‘‘tayo’’ti vuttattā tato uddhaṃ na vaṭṭatīti no takkoti ācariyo. Anugaṇṭhipadepi ayamevattho bahudhā vicāretvā vutto. Tathā andhakaṭṭhakathāyampi. Na sabbattha imasmiṃ atthavikappe matibhedo atthi. Yā panesā ubho paripuṇṇavīsativassā, ubhinnamekupajjhāyo, ekācariyo, ekā kammavācā, eko upasampanno, eko anupasampannoti parivārakathā, taṃ dassetvā eko ce ācariyo dvinnaṃ, tiṇṇaṃ vā upasampadāpekkhānaṃ ekaṃ kammavācaṃ ekenupajjhāyena sāveti, vaṭṭatīti eke. Taṃ ayuttaṃ, na hi sakkā sithiladhanitādibyañjanalakkhaṇasampannaṃ tasmiṃ khaṇe kammavācaṃ dassetuṃ vimuttadosādīsu patanato . Visuṃ visuṃ karaṇaṃ sandhāya idaṃ vuttanti dīpanatthaṃ ‘‘tayo paripuṇṇavīsativassā , tiṇṇamekupajjhāyo, ekācariyo, ekā kammavācā, dve upasampannā, eko anupasampanno’’ti na vutto. Evañhi vutte sakkā tīsu ākāsaṭṭhamapanetvā sīmaṭṭhānaṃ dvinnamanurūpaṃ kammavācaṃ dassetuṃ, tamaniṭṭhappasaṅgaṃ nivāretuṃ ‘‘ubho’’ti vuttaṃ. ‘‘Tattha paripuṇṇavīsativassavacanena vatthusampatti, parisāya padhānattā, ācariyupajjhāyavacanena parisasampatti, kammavācāya anussāvanasampatti dassitā, sīmasampatti evekā na dassitā. Tato vipatti jātā kammavācānaṃ nānākkhaṇikattā. Ekakkhaṇabhāve sati ubhinnaṃ sampatti vā siyā vipatti vā, na ekasseva sampatti ekassa vipattīti sambhavati vimuttādibyañjanadosappasaṅgato’’ti vuttaṃ, taṃ vacanaṃ ubhopi cete sīmagatāva honti, ubhinnaṃ ekato kammasampattidīpanato dvinnaṃ ekato anussāvanaṃ ekena upajjhāyena ekenācariyena vaṭṭatīti sādheti. Dvinnaṃ, tiṇṇañca ekato sasamanubhāsanā ca pāḷiyaṃyeva dassitā, tañca anulometi. Aṭṭhakathācariyehi nānuññātaṃ, na paṭikkhittaṃ, vicāretvā gahetabbanti ācariyo, taṃ dhammatāya virujjhati.
аяан̃хи б̣уд̣̇д̇хаанам̣ д̇хаммад̇аа – яад̣̇ид̣̇ам̣ яад̇т̇а яад̇т̇а важананаанад̇д̇амад̇т̇и, д̇ад̇т̇а д̇ад̇т̇а г̇аругзсу таанзсу вад̇д̇аб̣б̣аяуд̇д̇ам̣ вад̣̇анд̇и. д̣̇ууд̇зна убасамбад̣̇аад̣̇аяо жзд̇т̇а нид̣̇ассанам̣. яасмаа жзд̇т̇а буб̣б̣з анун̃н̃аад̇агаммаваажааяа наанад̇д̇ам̣ над̇т̇и, д̇асмаа ‘‘ануж̇аанаами, бхигкавз, д̣̇вз д̇аяо згаануссааванз гаад̇у’’нд̇и вад̇ваа ‘‘зван̃жа бана, бхигкавз, гаад̇аб̣б̣о’’д̇и на вуд̇д̇ам̣. наанад̇д̇з сад̇иби д̇ад̇т̇а д̇ад̇т̇а д̣̇виннам̣, б̣ахуунам̣ ваа васзна вуд̇д̇агаммаваажаанусаарзна г̇ахзд̇аб̣б̣ад̇о авуд̇д̇анд̇и жз? на хи лахугзсу таанзсу вад̇ваа г̇аругзсу аважанам̣ д̇хаммад̇аад̇и аажарияо. ан̃н̃ад̇арасмим̣ бана г̇ан̣тибад̣̇з звам̣ бабан̃жид̇ам̣ д̣̇вз згаануссааванзд̇и д̣̇вз згад̇о ануссааванз. ‘‘згзна’’ ид̇и баато, згзна аажариязнаад̇и ад̇т̇о. буриманаязнзваад̇и ‘‘згзна ваа д̣̇вийхи ваа аажариязхий’’д̇и вуд̇д̇анаязна зва, д̇асмаа згзнаажариязна д̣̇вз ваа д̇аяо ваа ануссаавзд̇аб̣б̣аа. ‘‘д̣̇вийхи ваа д̇ийхи ваа’’д̇и баато. наанаажарияаа наанубаж̇жхааяаад̇и зд̇т̇а ‘‘д̇ан̃жа ко згзна убаж̇жхааязна, на д̇взва наанубаж̇жхааязнаа’’д̇и вуд̇д̇ад̇д̇аа на ваддад̇ийд̇и жз? ваддад̇и. гат̇ам̣? згзна ануссааванз згаануссааванзд̇и виг̇г̇ахасса баагадад̇д̇аа лийнамзва д̣̇ассзд̇ум̣ ‘‘згад̇о ануссааванз’’д̇и виг̇г̇ахова вуд̇д̇о, д̇асмаа уж̇угад̇д̇амзва санд̇хааяа д̇ан̃жа ко згзна ануссааванам̣ згаануссааванам̣, згзна убаж̇жхааязна ануж̇аанаами, на д̇взва наанубаж̇жхааязнаад̇и ад̇т̇о. ид̣̇ам̣ санд̇хааяа хи д̣̇вид̇хаа виг̇г̇ахо, д̇асмаа ‘‘наанаажариязхи наанубаж̇жхааяаа на вадданд̇ийд̇и сид̣̇д̇хамзваа’’д̇и ан̃н̃ат̇ааби вад̣̇анд̇и. д̇ан̃жа ко згзна убаж̇жхааязна згасса убаж̇жхааяасса ваа вад̇д̇аб̣б̣ам̣ ануссааванам̣, на д̇взва наанубаж̇жхааязна ануж̇аанаамийд̇и ад̇т̇о. гим̣ вуд̇д̇ам̣ ход̇и? ‘‘зго аажарияо, д̣̇вз ваа д̇аяо ваа убасамбад̣̇аабзгкаа д̣̇виннам̣ д̇ин̣н̣ам̣ ваа убаж̇жхааяаанам̣ на д̇взва ануж̇аанаамий’’д̇и гира вуд̇д̇анд̇и. абарасмим̣ бана г̇ан̣тибад̣̇з ‘‘згзна ануссааванзд̇и виг̇г̇ахасса баагадад̇д̇аа д̇ам̣ багаасзд̇ум̣ ‘згзнаа’д̇и вуд̇д̇ам̣. звам̣ вуд̇д̇з авассам̣ бан̣д̣ид̇аа ж̇аананд̇и. д̇ам̣баагадад̇д̇аа жз ж̇аананд̇и, згзнаад̇и иминаа гинд̇и жз? гин̃жааби ж̇аананд̇и, виваад̣̇о бана ход̇и алад̣̇д̇халзсад̇д̇аа, ж̇аанид̇ун̃жа на саггаа, ‘згзнаа’д̇и вуд̇д̇з бана д̇ам̣ саб̣б̣ам̣ на ход̇ийд̇и вуд̇д̇а’’нд̇и ликид̇ам̣. звам̣ зд̇т̇а анзгз аажарияаа жа д̇аггигаа жа анзгад̇хаа бабан̃жзнд̇и, д̇ам̣ саб̣б̣ам̣ судту убабаригкид̇ваа г̇аругулам̣ баяирубаасид̇ваа вам̣саануг̇ад̇ова ад̇т̇о г̇ахзд̇аб̣б̣о. ‘‘на саб̣б̣ад̇т̇а имасмим̣ ад̇т̇авигаббз мад̇ибхзд̣̇о ад̇т̇ий’’д̇и вуд̇д̇амзва.
Ayañhi buddhānaṃ dhammatā – yadidaṃ yattha yattha vacananānattamatthi, tattha tattha garukesu ṭhānesu vattabbayuttaṃ vadanti. Dūtena upasampadādayo cettha nidassanaṃ. Yasmā cettha pubbe anuññātakammavācāya nānattaṃ natthi, tasmā ‘‘anujānāmi, bhikkhave, dve tayo ekānussāvane kātu’’nti vatvā ‘‘evañca pana, bhikkhave, kātabbo’’ti na vuttaṃ. Nānatte satipi tattha tattha dvinnaṃ, bahūnaṃ vā vasena vuttakammavācānusārena gahetabbato avuttanti ce? Na hi lahukesu ṭhānesu vatvā garukesu avacanaṃ dhammatāti ācariyo. Aññatarasmiṃ pana gaṇṭhipade evaṃ papañcitaṃ dve ekānussāvaneti dve ekato anussāvane. ‘‘Ekena’’ iti pāṭho, ekena ācariyenāti attho. Purimanayenevāti ‘‘ekena vā dvīhi vā ācariyehī’’ti vuttanayena eva, tasmā ekenācariyena dve vā tayo vā anussāvetabbā. ‘‘Dvīhi vā tīhi vā’’ti pāṭho. Nānācariyā nānupajjhāyāti ettha ‘‘tañca kho ekena upajjhāyena, na tveva nānupajjhāyenā’’ti vuttattā na vaṭṭatīti ce? Vaṭṭati. Kathaṃ? Ekena anussāvane ekānussāvaneti viggahassa pākaṭattā līnameva dassetuṃ ‘‘ekato anussāvane’’ti viggahova vutto, tasmā ujukattameva sandhāya tañca kho ekena anussāvanaṃ ekānussāvanaṃ, ekena upajjhāyena anujānāmi, na tveva nānupajjhāyenāti attho. Idaṃ sandhāya hi dvidhā viggaho, tasmā ‘‘nānācariyehi nānupajjhāyā na vaṭṭantīti siddhamevā’’ti aññathāpi vadanti. Tañca kho ekena upajjhāyena ekassa upajjhāyassa vā vattabbaṃ anussāvanaṃ, na tveva nānupajjhāyena anujānāmīti attho. Kiṃ vuttaṃ hoti? ‘‘Eko ācariyo, dve vā tayo vā upasampadāpekkhā dvinnaṃ tiṇṇaṃ vā upajjhāyānaṃ na tveva anujānāmī’’ti kira vuttanti. Aparasmiṃ pana gaṇṭhipade ‘‘ekena anussāvaneti viggahassa pākaṭattā taṃ pakāsetuṃ ‘ekenā’ti vuttaṃ. Evaṃ vutte avassaṃ paṇḍitā jānanti. Taṃpākaṭattā ce jānanti, ekenāti iminā kinti ce? Kiñcāpi jānanti, vivādo pana hoti aladdhalesattā, jānituñca na sakkā, ‘ekenā’ti vutte pana taṃ sabbaṃ na hotīti vutta’’nti likhitaṃ. Evaṃ ettha aneke ācariyā ca takkikā ca anekadhā papañcenti, taṃ sabbaṃ suṭṭhu upaparikkhitvā garukulaṃ payirupāsitvā vaṃsānugatova attho gahetabbo. ‘‘Na sabbattha imasmiṃ atthavikappe matibhedo atthī’’ti vuttameva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
59. г̇амигаад̣̇иниссаяавад̇т̇ууни • 59. Gamikādinissayavatthūni
60. г̇од̇д̇зна ануссааванаануж̇аананаа • 60. Gottena anussāvanānujānanā
61. д̣̇взубасамбад̣̇аабзгкаад̣̇ивад̇т̇у • 61. Dveupasampadāpekkhādivatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / г̇амигаад̣̇иниссаяавад̇т̇угат̇аа • Gamikādinissayavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
г̇од̇д̇зна ануссааванаануж̇аананагат̇ааван̣н̣анаа • Gottena anussāvanānujānanakathāvaṇṇanā
д̣̇взубасамбад̣̇аабзгкаад̣̇ивад̇т̇угат̇ааван̣н̣анаа • Dveupasampadāpekkhādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
д̣̇взубасамбад̣̇аабзгкаад̣̇ивад̇т̇угат̇ааван̣н̣анаа • Dveupasampadāpekkhādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 59. г̇амигаад̣̇иниссаяавад̇т̇угат̇аа • 59. Gamikādinissayavatthukathā
