| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
г̇амигаад̣̇иниссаяавад̇т̇угат̇ааван̣н̣анаа
Gamikādinissayavatthukathāvaṇṇanā
121. ниссаяагаран̣ийяод̇и зд̇т̇а ниссаяаг̇г̇ахан̣ам̣ ниссаяо, со гаран̣ийяо яассаад̇и висзсанасса баранибаад̇о д̣̇адтаб̣б̣о. виссамзнд̇о ваа…бз… анаабад̇д̇ийд̇и г̇аманасауссаахад̇ааяа д̇ат̇аа васанд̇оби ад̣̇д̇хиго зва, д̇ад̇т̇а ниссаяад̣̇ааяагз асад̇и анаабад̇д̇ийд̇и ад̇хиббааяо. зд̇зна жа бариссамаад̣̇иабхаавз сзнаасанаад̣̇исамбад̣̇ам̣ бадижжа васад̇о аабад̇д̇ийд̇и д̣̇ассзд̇и. д̇ан̃жа аг̇аманабажжаяаа д̣̇ивасз д̣̇ивасз аабаж̇ж̇ад̇ийд̇и вад̣̇анд̇и. жийварараж̇анаад̣̇игижжад̇т̇ааяа г̇аруухи бзсид̇ассааби гижжабарияосаанамзва васид̇аб̣б̣ам̣, на д̇ад̇о барам̣. г̇аруухиби д̇аавагаалигагижжад̇т̇амзва бзсалад̣̇ахараа бзсид̇аб̣б̣аа, на нижжагаалагижжад̇т̇анд̇и д̣̇адтаб̣б̣ам̣. ‘‘наавааяа г̇ажчанд̇асса…бз… анаабад̇д̇ий’’д̇и вуд̇д̇ад̇д̇аа зваруубам̣ авид̇хзяяад̇ам̣ винаа ниссаяад̣̇ааяагарахид̇адтаанз вассам̣ убаг̇анд̇ум̣ на ваддад̇ийд̇и д̣̇адтаб̣б̣ам̣.
121.Nissayakaraṇīyoti ettha nissayaggahaṇaṃ nissayo, so karaṇīyo yassāti visesanassa paranipāto daṭṭhabbo. Vissamento vā…pe… anāpattīti gamanasaussāhatāya tathā vasantopi addhiko eva, tattha nissayadāyake asati anāpattīti adhippāyo. Etena ca parissamādiabhāve senāsanādisampadaṃ paṭicca vasato āpattīti dasseti. Tañca agamanapaccayā divase divase āpajjatīti vadanti. Cīvararajanādikiccatthāya garūhi pesitassāpi kiccapariyosānameva vasitabbaṃ, na tato paraṃ. Garūhipi tāvakālikakiccatthameva pesaladaharā pesitabbā, na niccakālakiccatthanti daṭṭhabbaṃ. ‘‘Nāvāya gacchantassa…pe… anāpattī’’ti vuttattā evarūpaṃ avidheyyataṃ vinā nissayadāyakarahitaṭṭhāne vassaṃ upagantuṃ na vaṭṭatīti daṭṭhabbaṃ.
д̇асса ниссааяаад̇и д̇ам̣ ниссааяа. аасаал̣хиймаасз…бз… д̇ад̇т̇а г̇анд̇аб̣б̣анд̇и зд̇т̇а бана сажзби ‘‘асуго т̇зро зд̇т̇а ааг̇амиссад̇и ааг̇амиссад̇ий’’д̇и ааг̇амзнд̇ассзва вассуубанааяигад̣̇ивасо ход̇и. ход̇у, васид̇адтаанз вассам̣ анубаг̇амма яад̇т̇а ниссаяо лаб̣бхад̇и, д̣̇уурзби д̇ад̇т̇а г̇анд̇ваа бажчимигааяа убаг̇анд̇аб̣б̣ам̣.
Tassa nissāyāti taṃ nissāya. Āsāḷhīmāse…pe… tattha gantabbanti ettha pana sacepi ‘‘asuko thero ettha āgamissati āgamissatī’’ti āgamentasseva vassūpanāyikadivaso hoti. Hotu, vasitaṭṭhāne vassaṃ anupagamma yattha nissayo labbhati, dūrepi tattha gantvā pacchimikāya upagantabbaṃ.
122. г̇од̇д̇знабийд̇и ‘‘ааяасмад̇о биббалисса убасамбад̣̇аабзгко’’д̇и звам̣ наамам̣ авад̇ваа г̇од̇д̇анаамзнабийд̇и ад̇т̇о, д̇зна ‘‘гонаамо д̇з убаж̇жхааяо’’д̇и будтзна г̇од̇д̇анаамзна ‘‘ааяасмаа гассабо’’д̇и вад̇д̇аб̣б̣анд̇и сид̣̇д̇хам̣ ход̇и. д̇асмаа ан̃н̃амби гин̃жи д̇асса наамам̣ басид̣̇д̇хам̣, д̇асмим̣ ваа кан̣з сукаг̇г̇ахан̣ад̇т̇ам̣ наамам̣ бан̃н̃аабид̇ам̣, д̇ам̣ саб̣б̣ам̣ г̇ахзд̇вааби ануссааванаа гаад̇аб̣б̣аа. яат̇аа убаж̇жхааяасса, звам̣ убасамбад̣̇аабзгкассаби г̇од̇д̇аад̣̇инаамзна, д̇ан̇кан̣иганаамзна жа ануссааванам̣ гаад̇ум̣ ваддад̇и. д̇асмимби кан̣з ‘‘аяам̣ д̇иссо’’д̇и ваа ‘‘нааг̇о’’д̇и ваа наамам̣ гаронд̇зхи анусаасагасаммуд̇ид̇о батамамзва гаад̇аб̣б̣ам̣, звам̣ гад̇вааби анд̇арааяигад̇хаммаанусаасанабужчанагаалзсу ‘‘гиннаамоси, ахам̣ бханд̇з нааг̇о наама, гонаамо д̇з убаж̇жхааяо, убаж̇жхааяо мз бханд̇з д̇иссо наамаа’’д̇иаад̣̇инаа вин̃н̃аабзнд̇зна убхиннамби жид̇д̇з ‘‘мамзд̣̇ам̣ наама’’нд̇и яат̇аа сан̃н̃аа уббаж̇ж̇ад̇и, звам̣ вин̃н̃аабзд̇аб̣б̣ам̣. сажз бана д̇асмим̣ кан̣з багад̇инаамзна вад̇ваа бажчаа д̇исса-наамаад̣̇иабуб̣б̣анаамзна ануссаавзд̇и, на ваддад̇и.
122.Gottenapīti ‘‘āyasmato pippalissa upasampadāpekkho’’ti evaṃ nāmaṃ avatvā gottanāmenapīti attho, tena ‘‘konāmo te upajjhāyo’’ti puṭṭhena gottanāmena ‘‘āyasmā kassapo’’ti vattabbanti siddhaṃ hoti. Tasmā aññampi kiñci tassa nāmaṃ pasiddhaṃ, tasmiṃ vā khaṇe sukhaggahaṇatthaṃ nāmaṃ paññāpitaṃ, taṃ sabbaṃ gahetvāpi anussāvanā kātabbā. Yathā upajjhāyassa, evaṃ upasampadāpekkhassapi gottādināmena, taṅkhaṇikanāmena ca anussāvanaṃ kātuṃ vaṭṭati. Tasmimpi khaṇe ‘‘ayaṃ tisso’’ti vā ‘‘nāgo’’ti vā nāmaṃ karontehi anusāsakasammutito paṭhamameva kātabbaṃ, evaṃ katvāpi antarāyikadhammānusāsanapucchanakālesu ‘‘kinnāmosi, ahaṃ bhante nāgo nāma, konāmo te upajjhāyo, upajjhāyo me bhante tisso nāmā’’tiādinā viññāpentena ubhinnampi citte ‘‘mamedaṃ nāma’’nti yathā saññā uppajjati, evaṃ viññāpetabbaṃ. Sace pana tasmiṃ khaṇe pakatināmena vatvā pacchā tissa-nāmādiapubbanāmena anussāveti, na vaṭṭati.
д̇ад̇т̇а жа гин̃жааби убаж̇жхааяассзва наамам̣ аг̇г̇ахзд̇ваа язна гзнажи наамзна ‘‘д̇иссасса убасамбад̣̇аабзгко’’д̇иаад̣̇инааби буг̇г̇алз бараамадтз гаммам̣ сугад̇амзва ход̇и анубаж̇жхааяагаад̣̇ийнам̣ убасамбад̣̇аагаммам̣ вияа убаж̇жхааяасса абхаавзби абхаб̣б̣ад̇д̇зби гаммаваажааяа буг̇г̇алз бараамадтз гаммасса сиж̇жханад̇о. убасамбад̣̇аабзгкасса бана яат̇аасагам̣ наамам̣ винаа ан̃н̃зна наамзна ануссаавид̇з гаммам̣ губбад̇и, со анубасамбаннова ход̇и. д̇ад̇т̇а тид̇о ан̃н̃о анубасамбанно вияа г̇ахид̇анаамасса вад̇т̇убуг̇г̇аласса д̇ад̇т̇а абхааваа, зд̇асса жа наамасса ануссааванааяа авуд̇д̇ад̇д̇аа. д̇асмаа убасамбад̣̇аабзгкасса багад̇инаамам̣ баривад̇д̇зд̇ваа анубуб̣б̣зна нааг̇аад̣̇инаамзна ануссаавзд̇угаамзна бадигажжзва ‘‘д̇вам̣ нааг̇о’’д̇иаад̣̇инаа вин̃н̃аабзд̇ваа анусаасанаанд̇арааяигад̇хаммабужчанагкан̣зсуби д̇асса жа сан̇гхасса жа яат̇аа баагадам̣ ход̇и, д̇ат̇аа багаасзд̇ваава нааг̇аад̣̇инаамзна ануссаавзд̇аб̣б̣ам̣. згасса б̣ахууни наамаани хонд̇и, д̇зсу згам̣ г̇ахзд̇ум̣ ваддад̇и.
Tattha ca kiñcāpi upajjhāyasseva nāmaṃ aggahetvā yena kenaci nāmena ‘‘tissassa upasampadāpekkho’’tiādināpi puggale parāmaṭṭhe kammaṃ sukatameva hoti anupajjhāyakādīnaṃ upasampadākammaṃ viya upajjhāyassa abhāvepi abhabbattepi kammavācāya puggale parāmaṭṭhe kammassa sijjhanato. Upasampadāpekkhassa pana yathāsakaṃ nāmaṃ vinā aññena nāmena anussāvite kammaṃ kuppati, so anupasampannova hoti. Tattha ṭhito añño anupasampanno viya gahitanāmassa vatthupuggalassa tattha abhāvā, etassa ca nāmassa anussāvanāya avuttattā. Tasmā upasampadāpekkhassa pakatināmaṃ parivattetvā anupubbena nāgādināmena anussāvetukāmena paṭikacceva ‘‘tvaṃ nāgo’’tiādinā viññāpetvā anusāsanaantarāyikadhammapucchanakkhaṇesupi tassa ca saṅghassa ca yathā pākaṭaṃ hoti, tathā pakāsetvāva nāgādināmena anussāvetabbaṃ. Ekassa bahūni nāmāni honti, tesu ekaṃ gahetuṃ vaṭṭati.
яам̣ бана убасамбад̣̇аабзгкаубаж̇жхааяаанам̣ згад̇т̇а г̇ахид̇ам̣ наамам̣, д̇ад̣̇зва н̃ад̇д̇ияаа, саб̣б̣ад̇т̇а ануссааванаасу жа г̇ахзд̇аб̣б̣ам̣. г̇ахид̇ад̇о хи ан̃н̃асмим̣ г̇ахид̇з б̣яан̃ж̇анам̣ бхиннам̣ наама ход̇и, гаммам̣ вибаж̇ж̇ад̇и. ад̇т̇ад̇о, хи б̣яан̃ж̇анад̇о жа абхиннаа зва н̃ад̇д̇и, ануссааванаа жа вадданд̇и, убаж̇жхааяанаамасса бана бурад̇о ‘‘ааяасмад̇о д̇иссассаа’’д̇иаад̣̇инаа ааяасманд̇а-бад̣̇ам̣ саб̣б̣ад̇т̇а яож̇зд̇вааби ануссаавзд̇и, д̇ат̇аа аяож̇ид̇зби д̣̇осо над̇т̇и.
Yaṃ pana upasampadāpekkhaupajjhāyānaṃ ekattha gahitaṃ nāmaṃ, tadeva ñattiyā, sabbattha anussāvanāsu ca gahetabbaṃ. Gahitato hi aññasmiṃ gahite byañjanaṃ bhinnaṃ nāma hoti, kammaṃ vipajjati. Atthato, hi byañjanato ca abhinnā eva ñatti, anussāvanā ca vaṭṭanti, upajjhāyanāmassa pana purato ‘‘āyasmato tissassā’’tiādinā āyasmanta-padaṃ sabbattha yojetvāpi anussāveti, tathā ayojitepi doso natthi.
баал̣ияам̣ бана гин̃жааби ‘‘ид̇т̇аннаамасса ааяасмад̇о’’д̇и бажчад̇о ‘‘ааяасмад̇о’’д̇и бад̣̇ам̣ вуд̇д̇ам̣, д̇ат̇ааби ‘‘ааяасмаа саарибуд̇д̇о ад̇т̇агусало’’д̇иаад̣̇инаа наамасса бурад̇о ааяасманд̇а-бад̣̇аяог̇асса д̣̇ассанад̇о бурад̇ова баяог̇о яуд̇д̇ад̇аро. д̇ан̃жа згад̇т̇а яож̇зд̇ваа ан̃н̃ад̇т̇а аяож̇ид̇зби згад̇т̇а бурад̇о яож̇зд̇ваа ан̃н̃ад̇т̇а бажчад̇о яож̇анзби сааванааяа хаабанам̣ наама на ход̇и наамасса ахаабид̇ад̇д̇аа. д̇знзва баал̣ияамби ‘‘ид̇т̇аннаамасса ааяасмад̇о’’д̇и згад̇т̇а яож̇зд̇ваа ‘‘ид̇т̇аннаамзна убаж̇жхааязнаа’’д̇иаад̣̇ийсу ‘‘ааяасмад̇о’’д̇и на яож̇ид̇анд̇и вад̣̇анд̇и. д̇ан̃жа гин̃жааби звам̣, д̇ат̇ааби саб̣б̣адтаанзби згзнзва багаарзна яож̇зд̇ваа зва ваа аяож̇зд̇ваа ваа ануссааванам̣ басад̇т̇ад̇аранд̇и г̇ахзд̇аб̣б̣ам̣.
Pāḷiyaṃ pana kiñcāpi ‘‘itthannāmassa āyasmato’’ti pacchato ‘‘āyasmato’’ti padaṃ vuttaṃ, tathāpi ‘‘āyasmā sāriputto atthakusalo’’tiādinā nāmassa purato āyasmanta-padayogassa dassanato puratova payogo yuttataro. Tañca ekattha yojetvā aññattha ayojitepi ekattha purato yojetvā aññattha pacchato yojanepi sāvanāya hāpanaṃ nāma na hoti nāmassa ahāpitattā. Teneva pāḷiyampi ‘‘itthannāmassa āyasmato’’ti ekattha yojetvā ‘‘itthannāmena upajjhāyenā’’tiādīsu ‘‘āyasmato’’ti na yojitanti vadanti. Tañca kiñcāpi evaṃ, tathāpi sabbaṭṭhānepi ekeneva pakārena yojetvā eva vā ayojetvā vā anussāvanaṃ pasatthataranti gahetabbaṃ.
г̇амигаад̣̇иниссаяавад̇т̇угат̇ааван̣н̣анаа нидтид̇аа.
Gamikādinissayavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
59. г̇амигаад̣̇иниссаяавад̇т̇ууни • 59. Gamikādinissayavatthūni
60. г̇од̇д̇зна ануссааванаануж̇аананаа • 60. Gottena anussāvanānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / г̇амигаад̣̇иниссаяавад̇т̇угат̇аа • Gamikādinissayavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
г̇од̇д̇зна ануссааванаануж̇аананагат̇ааван̣н̣анаа • Gottena anussāvanānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / г̇амигаад̣̇иниссаяавад̇т̇угат̇ааван̣н̣анаа • Gamikādinissayavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 59. г̇амигаад̣̇иниссаяавад̇т̇угат̇аа • 59. Gamikādinissayavatthukathā
