| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
3. г̇амигавад̇д̇агат̇аа
3. Gamikavattakathā
360. д̇зна ко бана самаязна г̇амигаа бхигкуу д̣̇аарубхан̣д̣ам̣ мад̇д̇игаабхан̣д̣ам̣ аббадисаамзд̇ваа д̣̇ваараваад̇абаанам̣ виварид̇ваа сзнаасанам̣ анаабужчаа баггаманд̇и. д̣̇аарубхан̣д̣ам̣ мад̇д̇игаабхан̣д̣ам̣ нассад̇и. сзнаасанам̣ аг̇уд̇д̇ам̣ ход̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама г̇амигаа бхигкуу д̣̇аарубхан̣д̣ам̣ мад̇д̇игаабхан̣д̣ам̣ аббадисаамзд̇ваа д̣̇ваараваад̇абаанам̣ виварид̇ваа сзнаасанам̣ анаабужчаа баггамиссанд̇и! д̣̇аарубхан̣д̣ам̣ мад̇д̇игаабхан̣д̣ам̣ нассад̇и. сзнаасанам̣ аг̇уд̇д̇ам̣ ход̇ий’’д̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз…бз… сажжам̣ бхаг̇аваад̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –
360. Tena kho pana samayena gamikā bhikkhū dārubhaṇḍaṃ mattikābhaṇḍaṃ appaṭisāmetvā dvāravātapānaṃ vivaritvā senāsanaṃ anāpucchā pakkamanti. Dārubhaṇḍaṃ mattikābhaṇḍaṃ nassati. Senāsanaṃ aguttaṃ hoti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma gamikā bhikkhū dārubhaṇḍaṃ mattikābhaṇḍaṃ appaṭisāmetvā dvāravātapānaṃ vivaritvā senāsanaṃ anāpucchā pakkamissanti! Dārubhaṇḍaṃ mattikābhaṇḍaṃ nassati. Senāsanaṃ aguttaṃ hotī’’ti. Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave…pe… saccaṃ bhagavāti…pe… vigarahitvā…pe… dhammiṃ kathaṃ katvā bhikkhū āmantesi –
361. ‘‘д̇зна хи, бхигкавз, г̇амигаанам̣ бхигкуунам̣ вад̇д̇ам̣ бан̃н̃абзссаами яат̇аа г̇амигзхи бхигкуухи саммаа вад̇д̇ид̇аб̣б̣ам̣. г̇амигзна, бхигкавз, бхигкунаа д̣̇аарубхан̣д̣ам̣ мад̇д̇игаабхан̣д̣ам̣ бадисаамзд̇ваа д̣̇ваараваад̇абаанам̣ т̇агзд̇ваа сзнаасанам̣ аабужчаа баггамид̇аб̣б̣ам̣ 1. сажз бхигку на ход̇и, сааман̣зро аабужчид̇аб̣б̣о. сажз сааман̣зро на ход̇и, аараамиго аабужчид̇аб̣б̣о. сажз аараамиго на ход̇и, убаасаго аабужчид̇аб̣б̣о. сажз на ход̇и бхигку ваа сааман̣зро ваа аараамиго ваа убаасаго ваа, жад̇уусу баасаан̣зсу ман̃жам̣ бан̃н̃абзд̇ваа ман̃жз ман̃жам̣ ааробзд̇ваа бийтз бийтам̣ ааробзд̇ваа сзнаасанам̣ убари бун̃ж̇ам̣ гарид̇ваа д̣̇аарубхан̣д̣ам̣ мад̇д̇игаабхан̣д̣ам̣ бадисаамзд̇ваа д̣̇ваараваад̇абаанам̣ т̇агзд̇ваа баггамид̇аб̣б̣ам̣. сажз вихааро овассад̇и, сажз уссахад̇и, чаад̣̇зд̇аб̣б̣о, уссугам̣ ваа гаад̇аб̣б̣ам̣ – ‘гинд̇и ну ко вихааро чаад̣̇иязт̇аа’д̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, яо д̣̇зсо ановассаго ход̇и, д̇ад̇т̇а жад̇уусу баасаан̣зсу ман̃жам̣ бан̃н̃абзд̇ваа ман̃жз ман̃жам̣ ааробзд̇ваа бийтз бийтам̣ ааробзд̇ваа сзнаасанам̣ убари бун̃ж̇ам̣ гарид̇ваа д̣̇аарубхан̣д̣ам̣ мад̇д̇игаабхан̣д̣ам̣ бадисаамзд̇ваа д̣̇ваараваад̇абаанам̣ т̇агзд̇ваа баггамид̇аб̣б̣ам̣. сажз саб̣б̣о вихааро овассад̇и, сажз уссахад̇и, сзнаасанам̣ г̇аамам̣ ад̇ихарид̇аб̣б̣ам̣, уссугам̣ ваа гаад̇аб̣б̣ам̣ – ‘гинд̇и ну ко сзнаасанам̣ г̇аамам̣ ад̇ихариязт̇аа’д̇и. зван̃жзд̇ам̣ лабхзт̇а, ижжзд̇ам̣ гусалам̣. но жз лабхзт̇а, аж̇жхогаасз жад̇уусу баасаан̣зсу ман̃жам̣ бан̃н̃абзд̇ваа ман̃жз ман̃жам̣ ааробзд̇ваа бийтз бийтам̣ ааробзд̇ваа сзнаасанам̣ убари бун̃ж̇ам̣ гарид̇ваа д̣̇аарубхан̣д̣ам̣ мад̇д̇игаабхан̣д̣ам̣ бадисаамзд̇ваа д̇ин̣зна ваа бан̣н̣зна ваа бадижчаад̣̇зд̇ваа баггамид̇аб̣б̣ам̣ – аббзва наама ан̇г̇ааниби сзсзяяунд̇и. ид̣̇ам̣ ко, бхигкавз, г̇амигаанам̣ бхигкуунам̣ вад̇д̇ам̣ яат̇аа г̇амигзхи бхигкуухи саммаа вад̇д̇ид̇аб̣б̣а’’нд̇и.
361. ‘‘Tena hi, bhikkhave, gamikānaṃ bhikkhūnaṃ vattaṃ paññapessāmi yathā gamikehi bhikkhūhi sammā vattitabbaṃ. Gamikena, bhikkhave, bhikkhunā dārubhaṇḍaṃ mattikābhaṇḍaṃ paṭisāmetvā dvāravātapānaṃ thaketvā senāsanaṃ āpucchā pakkamitabbaṃ 2. Sace bhikkhu na hoti, sāmaṇero āpucchitabbo. Sace sāmaṇero na hoti, ārāmiko āpucchitabbo. Sace ārāmiko na hoti, upāsako āpucchitabbo. Sace na hoti bhikkhu vā sāmaṇero vā ārāmiko vā upāsako vā, catūsu pāsāṇesu mañcaṃ paññapetvā mañce mañcaṃ āropetvā pīṭhe pīṭhaṃ āropetvā senāsanaṃ upari puñjaṃ karitvā dārubhaṇḍaṃ mattikābhaṇḍaṃ paṭisāmetvā dvāravātapānaṃ thaketvā pakkamitabbaṃ. Sace vihāro ovassati, sace ussahati, chādetabbo, ussukaṃ vā kātabbaṃ – ‘kinti nu kho vihāro chādiyethā’ti. Evañcetaṃ labhetha, iccetaṃ kusalaṃ. No ce labhetha, yo deso anovassako hoti, tattha catūsu pāsāṇesu mañcaṃ paññapetvā mañce mañcaṃ āropetvā pīṭhe pīṭhaṃ āropetvā senāsanaṃ upari puñjaṃ karitvā dārubhaṇḍaṃ mattikābhaṇḍaṃ paṭisāmetvā dvāravātapānaṃ thaketvā pakkamitabbaṃ. Sace sabbo vihāro ovassati, sace ussahati, senāsanaṃ gāmaṃ atiharitabbaṃ, ussukaṃ vā kātabbaṃ – ‘kinti nu kho senāsanaṃ gāmaṃ atihariyethā’ti. Evañcetaṃ labhetha, iccetaṃ kusalaṃ. No ce labhetha, ajjhokāse catūsu pāsāṇesu mañcaṃ paññapetvā mañce mañcaṃ āropetvā pīṭhe pīṭhaṃ āropetvā senāsanaṃ upari puñjaṃ karitvā dārubhaṇḍaṃ mattikābhaṇḍaṃ paṭisāmetvā tiṇena vā paṇṇena vā paṭicchādetvā pakkamitabbaṃ – appeva nāma aṅgānipi seseyyunti. Idaṃ kho, bhikkhave, gamikānaṃ bhikkhūnaṃ vattaṃ yathā gamikehi bhikkhūhi sammā vattitabba’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / г̇амигавад̇д̇агат̇аа • Gamikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. г̇амигавад̇д̇агат̇аа • 3. Gamikavattakathā
