| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
3. ගමිකවත්‌තකථා
3. Gamikavattakathā
360. ගමිකවත්‌තෙ එවං විනිච්‌ඡයො වෙදිතබ්‌බොති යොජනා. තත්‌ථාති සෙනාසනක්‌ඛන්‌ධකෙ. තං සබ්‌බං පටිසාමෙත්‌වාති සම්‌බන්‌ධො. යත්‌ථ යෙසු පාසාණපිට්‌ඨිපාසාණත්‌ථම්‌භෙසු උපචිකා නාරොහන්‌ති, තස්‌සං පාසාණපිට්‌ඨියං වා තෙසු පාසාණත්‌ථම්‌භෙසු වා යං කතසෙනාසනං අත්‌ථි, තං අනාපුච්‌ඡන්‌තස්‌සාපි අනාපත්‌තීති යොජනා. චතූසු පාසාණෙසූතිආදි වුත්‌තන්‌ති සම්‌බන්‌ධො, උපචිකානං උප්‌පත්‌තිට්‌ඨානෙ කතෙති සම්‌බන්‌ධො. අයන්‌ති ආනිසංසො. ඔවස්‌සකගෙහෙ පන ඨපිතානං මඤ්‌චපීඨානන්‌ති සම්‌බන්‌ධො.
360. Gamikavatte evaṃ vinicchayo veditabboti yojanā. Tatthāti senāsanakkhandhake. Taṃ sabbaṃ paṭisāmetvāti sambandho. Yattha yesu pāsāṇapiṭṭhipāsāṇatthambhesu upacikā nārohanti, tassaṃ pāsāṇapiṭṭhiyaṃ vā tesu pāsāṇatthambhesu vā yaṃ katasenāsanaṃ atthi, taṃ anāpucchantassāpi anāpattīti yojanā. Catūsu pāsāṇesūtiādi vuttanti sambandho, upacikānaṃ uppattiṭṭhāne kateti sambandho. Ayanti ānisaṃso. Ovassakagehe pana ṭhapitānaṃ mañcapīṭhānanti sambandho.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 3. ගමිකවත්‌තකථා • 3. Gamikavattakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / ගමිකවත්‌තකථා • Gamikavattakathā
