| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. г̇ан̣абхож̇анасигкаабад̣̇аван̣н̣анаа
2. Gaṇabhojanasikkhāpadavaṇṇanā
209. д̣̇уд̇ияасигкаабад̣̇з – барихийналаабхасаггаарод̇и со гира аж̇аад̇асад̇д̇унаа рааж̇аанам̣ маараабзд̇вааби абхимаарз яож̇зд̇вааби рухируббаад̣̇ам̣ гад̇вааби г̇ул̣хабадижчанно ахоси. яад̣̇аа бана д̣̇ивааязва д̇ханабаалагам̣ баяож̇зси, д̇ад̣̇аа баагадо ж̇аад̇о. ‘‘гат̇ам̣ д̣̇звад̣̇ад̇д̇о хад̇т̇им̣ баяож̇зсий’’д̇и баригат̇ааяа уббаннааяа ‘‘на гзвалам̣ хад̇т̇им̣ баяож̇зси, рааж̇аанамби маараабзси, абхимаарзби бзсзси, силамби бавиж̇жхи, баабо д̣̇звад̣̇ад̇д̇о’’д̇и баагадо ахоси. ‘‘гзна сад̣̇д̇хим̣ ид̣̇ам̣ гаммамагаасий’’д̇и жа вуд̇д̇з ‘‘ран̃н̃аа аж̇аад̇асад̇д̇унаа’’д̇и аахам̣су. д̇ад̇о нааг̇араа ‘‘гат̇ан̃хи наама рааж̇аа зваруубам̣ жорам̣ саасанаган̣дагам̣ г̇ахзд̇ваа вижариссад̇ий’’д̇и удтахим̣су. рааж̇аа наг̇арасан̇кобхам̣ н̃ад̇ваа д̣̇звад̣̇ад̇д̇ам̣ нийхари. д̇ад̇о бадтааяа жасса бан̃жат̇аалибаагасад̇аани убажчинд̣̇и, убадтаанамбисса на аг̇амааси, ан̃н̃збисса мануссаа на гин̃жи д̣̇аад̇аб̣б̣ам̣ ваа гаад̇аб̣б̣ам̣ ваа ман̃н̃им̣су. д̇зна вуд̇д̇ам̣ – ‘‘барихийналаабхасаггааро’’д̇и. гулзсу вин̃н̃аабзд̇ваа вин̃н̃аабзд̇ваа бхун̃ж̇ад̇ийд̇и ‘‘маа мз г̇ан̣о бхиж̇ж̇ий’’д̇и барисам̣ босзнд̇о ‘‘д̇вам̣ згасса бхигкуно бхад̇д̇ам̣ д̣̇зхи, д̇вам̣ д̣̇винна’’нд̇и звам̣ вин̃н̃аабзд̇ваа сабарисо гулзсу бхун̃ж̇ад̇и.
209. Dutiyasikkhāpade – parihīnalābhasakkāroti so kira ajātasattunā rājānaṃ mārāpetvāpi abhimāre yojetvāpi ruhiruppādaṃ katvāpi guḷhapaṭicchanno ahosi. Yadā pana divāyeva dhanapālakaṃ payojesi, tadā pākaṭo jāto. ‘‘Kathaṃ devadatto hatthiṃ payojesī’’ti parikathāya uppannāya ‘‘na kevalaṃ hatthiṃ payojesi, rājānampi mārāpesi, abhimārepi pesesi, silampi pavijjhi, pāpo devadatto’’ti pākaṭo ahosi. ‘‘Kena saddhiṃ idaṃ kammamakāsī’’ti ca vutte ‘‘raññā ajātasattunā’’ti āhaṃsu. Tato nāgarā ‘‘kathañhi nāma rājā evarūpaṃ coraṃ sāsanakaṇṭakaṃ gahetvā vicarissatī’’ti uṭṭhahiṃsu. Rājā nagarasaṅkhobhaṃ ñatvā devadattaṃ nīhari. Tato paṭṭhāya cassa pañcathālipākasatāni upacchindi, upaṭṭhānampissa na agamāsi, aññepissa manussā na kiñci dātabbaṃ vā kātabbaṃ vā maññiṃsu. Tena vuttaṃ – ‘‘parihīnalābhasakkāro’’ti. Kulesu viññāpetvā viññāpetvā bhuñjatīti ‘‘mā me gaṇo bhijjī’’ti parisaṃ posento ‘‘tvaṃ ekassa bhikkhuno bhattaṃ dehi, tvaṃ dvinna’’nti evaṃ viññāpetvā sapariso kulesu bhuñjati.
211. жийварам̣ барид̇д̇ам̣ уббаж̇ж̇ад̇ийд̇и бхад̇д̇ам̣ аг̇ан̣ханд̇аанам̣ жийварам̣ на д̣̇знд̇и, д̇асмаа барид̇д̇ам̣ уббаж̇ж̇ад̇и.
211.Cīvaraṃ parittaṃ uppajjatīti bhattaṃ agaṇhantānaṃ cīvaraṃ na denti, tasmā parittaṃ uppajjati.
212. жийварагаарагз бхигкуу бхад̇д̇зна ниманд̇знд̇ийд̇и г̇аамз бин̣д̣ааяа жарид̇ваа жирзна жийварам̣ нидтаабзнд̇з д̣̇исваа ‘‘звам̣ лахум̣ нидтаабзд̇ваа жийварам̣ барибхун̃ж̇иссанд̇ий’’д̇и бун̃н̃агаамад̇ааяа ниманд̇знд̇и.
212.Cīvarakārakebhikkhū bhattena nimantentīti gāme piṇḍāya caritvā cirena cīvaraṃ niṭṭhāpente disvā ‘‘evaṃ lahuṃ niṭṭhāpetvā cīvaraṃ paribhuñjissantī’’ti puññakāmatāya nimantenti.
215. наанаавзраж̇ж̇агзд̇и наанаавид̇хзхи ан̃н̃араж̇ж̇зхи ааг̇ад̇з. ‘‘наанаавираж̇ж̇агз’’д̇иби баато, аяамзвад̇т̇о.
215.Nānāverajjaketi nānāvidhehi aññarajjehi āgate. ‘‘Nānāvirajjake’’tipi pāṭho, ayamevattho.
217-8. г̇ан̣абхож̇анзд̇и г̇ан̣асса бхож̇анз. ид̇ха жа г̇ан̣о наама жад̇д̇ааро бхигкуу аад̣̇им̣ гад̇ваа д̇ад̇уд̇д̇арим̣ бхигкуу ад̇хиббзд̇аа, д̇знзва саб̣б̣анд̇имам̣ барижчзд̣̇ам̣ д̣̇ассзнд̇о ааха ‘‘яад̇т̇а жад̇д̇ааро бхигкуу…бз… зд̇ам̣ г̇ан̣абхож̇анам̣ наамаа’’д̇и. д̇ам̣ банзд̇ам̣ г̇ан̣абхож̇анам̣ д̣̇вийхаагаарзхи басавад̇и ниманд̇анад̇о ваа вин̃н̃ад̇д̇ид̇о ваа. гат̇ам̣ ниманд̇анад̇о басавад̇и? жад̇д̇ааро бхигкуу убасан̇гамид̇ваа ‘‘д̇умхз, бханд̇з, од̣̇анзна ниманд̇зми, од̣̇анам̣ мз г̇ан̣хат̇а ааган̇кат̇а ологзт̇а ад̇хиваасзт̇а бадимаанзт̇аа’’д̇и звам̣ язна гзнажи взважанзна ваа бхаасанд̇арзна ваа бан̃жаннам̣ бхож̇анаанам̣ наамам̣ г̇ахзд̇ваа ниманд̇зд̇и. звам̣ згад̇о ниманд̇ид̇аа барижчиннагаалавасзна аж̇ж̇ад̇анааяа ваа сваад̇анааяа ваа згад̇о г̇ажчанд̇и, згад̇о г̇ан̣ханд̇и, згад̇о бхун̃ж̇анд̇и, г̇ан̣абхож̇анам̣ ход̇и, саб̣б̣зсам̣ аабад̇д̇и. згад̇о ниманд̇ид̇аа згад̇о ваа наанад̇о ваа г̇ажчанд̇и, згад̇о г̇ан̣ханд̇и, наанад̇о бхун̃ж̇анд̇и , аабад̇д̇иязва. бадиг̇г̇ахан̣амзва хи зд̇т̇а бамаан̣ам̣. згад̇о ниманд̇ид̇аа згад̇о ваа наанад̇о ваа г̇ажчанд̇и, наанад̇о г̇ан̣ханд̇и, згад̇о ваа наанад̇о ваа бхун̃ж̇анд̇и, анаабад̇д̇и. жад̇д̇аари баривзн̣аани ваа вихаарз ваа г̇анд̇ваа наанад̇о ниманд̇ид̇аа згадтаанз тид̇зсуязва ваа зго буд̇д̇зна зго бид̇араад̇и звамби наанад̇о ниманд̇ид̇аа згад̇о ваа наанад̇о ваа г̇ажчанд̇у, згад̇о ваа наанад̇о ваа бхун̃ж̇анд̇у, сажз згад̇о г̇ан̣ханд̇и, г̇ан̣абхож̇анам̣ ход̇и, саб̣б̣зсам̣ аабад̇д̇и. звам̣ д̇аава ниманд̇анад̇о басавад̇и.
217-8.Gaṇabhojaneti gaṇassa bhojane. Idha ca gaṇo nāma cattāro bhikkhū ādiṃ katvā tatuttariṃ bhikkhū adhippetā, teneva sabbantimaṃ paricchedaṃ dassento āha ‘‘yattha cattāro bhikkhū…pe… etaṃ gaṇabhojanaṃ nāmā’’ti. Taṃ panetaṃ gaṇabhojanaṃ dvīhākārehi pasavati nimantanato vā viññattito vā. Kathaṃ nimantanato pasavati? Cattāro bhikkhū upasaṅkamitvā ‘‘tumhe, bhante, odanena nimantemi, odanaṃ me gaṇhatha ākaṅkhatha oloketha adhivāsetha paṭimānethā’’ti evaṃ yena kenaci vevacanena vā bhāsantarena vā pañcannaṃ bhojanānaṃ nāmaṃ gahetvā nimanteti. Evaṃ ekato nimantitā paricchinnakālavasena ajjatanāya vā svātanāya vā ekato gacchanti, ekato gaṇhanti, ekato bhuñjanti, gaṇabhojanaṃ hoti, sabbesaṃ āpatti. Ekato nimantitā ekato vā nānato vā gacchanti, ekato gaṇhanti, nānato bhuñjanti , āpattiyeva. Paṭiggahaṇameva hi ettha pamāṇaṃ. Ekato nimantitā ekato vā nānato vā gacchanti, nānato gaṇhanti, ekato vā nānato vā bhuñjanti, anāpatti. Cattāri pariveṇāni vā vihāre vā gantvā nānato nimantitā ekaṭṭhāne ṭhitesuyeva vā eko puttena eko pitarāti evampi nānato nimantitā ekato vā nānato vā gacchantu, ekato vā nānato vā bhuñjantu, sace ekato gaṇhanti, gaṇabhojanaṃ hoti, sabbesaṃ āpatti. Evaṃ tāva nimantanato pasavati.
гат̇ам̣ вин̃н̃ад̇д̇ид̇о? жад̇д̇ааро бхигкуу згад̇о тид̇аа ваа нисиннаа ваа убаасагам̣ д̣̇исваа ‘‘амхаагам̣ жад̇уннамби бхад̇д̇ам̣ д̣̇зхий’’д̇и ваа вин̃н̃аабзяяум̣, баадзггам̣ ваа бассид̇ваа ‘‘маяхам̣ д̣̇зхи, маяхам̣ д̣̇зхий’’д̇и звам̣ згад̇о ваа наанад̇о ваа вин̃н̃аабзд̇ваа згад̇о ваа г̇ажчанд̇у наанад̇о ваа, бхад̇д̇ам̣ г̇ахзд̇вааби згад̇о ваа бхун̃ж̇анд̇у наанад̇о ваа, сажз згад̇о г̇ан̣ханд̇и, г̇ан̣абхож̇анам̣ ход̇и, саб̣б̣зсам̣ аабад̇д̇и. звам̣ вин̃н̃ад̇д̇ид̇о басавад̇и.
Kathaṃ viññattito? Cattāro bhikkhū ekato ṭhitā vā nisinnā vā upāsakaṃ disvā ‘‘amhākaṃ catunnampi bhattaṃ dehī’’ti vā viññāpeyyuṃ, pāṭekkaṃ vā passitvā ‘‘mayhaṃ dehi, mayhaṃ dehī’’ti evaṃ ekato vā nānato vā viññāpetvā ekato vā gacchantu nānato vā, bhattaṃ gahetvāpi ekato vā bhuñjantu nānato vā, sace ekato gaṇhanti, gaṇabhojanaṃ hoti, sabbesaṃ āpatti. Evaṃ viññattito pasavati.
баад̣̇ааби палид̇аад̇и яат̇аа махаажаммасса барад̇о мам̣сам̣ д̣̇иссад̇и; звам̣ паалид̇аа, ваалигааяа ваа сагкарааяа ваа бахадамад̇д̇з д̣̇угкам̣ уббаад̣̇знд̇и, на саггаа ход̇и анд̇ог̇аамз бин̣д̣ааяа жарид̇ум̣. ийд̣̇исз г̇злан̃н̃з г̇илаанасамаяод̇и бхун̃ж̇ид̇аб̣б̣ам̣, на лзсагаббияам̣ гаад̇аб̣б̣ам̣.
Pādāpiphalitāti yathā mahācammassa parato maṃsaṃ dissati; evaṃ phālitā, vālikāya vā sakkharāya vā pahaṭamatte dukkhaṃ uppādenti, na sakkā hoti antogāme piṇḍāya carituṃ. Īdise gelaññe gilānasamayoti bhuñjitabbaṃ, na lesakappiyaṃ kātabbaṃ.
жийварз гаяирамаанзд̇и яад̣̇аа саадаган̃жа суд̇д̇ан̃жа лабхид̇ваа жийварам̣ гаронд̇и д̇ад̣̇аа; висун̃хи жийварагаарасамаяо наама над̇т̇и. д̇асмаа яо д̇ад̇т̇а жийварз гад̇д̇аб̣б̣ам̣ яам̣гин̃жи гаммам̣ гарод̇и, махаабажжарияан̃хи ‘‘анд̇амасо сууживзд̇ханаго’’д̇иби вуд̇д̇ам̣, д̇зна жийварагаарасамаяод̇и бхун̃ж̇ид̇аб̣б̣ам̣. гурунд̣̇ияам̣ бана вид̇т̇аарзнзва вуд̇д̇ам̣. яо жийварам̣ вижаарзд̇и, чинд̣̇ад̇и, могхасуд̇д̇ам̣ табзд̇и, ааг̇анд̇угабаддам̣ табзд̇и, бажжааг̇ад̇ам̣ сиб̣б̣ад̇и, ааг̇анд̇угабаддам̣ б̣анд̇хад̇и, ануваад̇ам̣ чинд̣̇ад̇и гхаддзд̇и ааробзд̇и, д̇ад̇т̇а бажжааг̇ад̇ам̣ сиб̣б̣ад̇и, суд̇д̇ам̣ гарод̇и валзд̇и, бибпалигам̣ нисзд̇и, баривад̇д̇анам̣ гарод̇и, саб̣б̣оби жийварам̣ гарод̇иязваад̇и вужжад̇и. яо бана самийбз нисинно ж̇аад̇агам̣ ваа д̇хаммабад̣̇ам̣ ваа гат̇зд̇и, аяам̣ на жийварагаараго. зд̇ам̣ табзд̇ваа сзсаанам̣ г̇ан̣абхож̇анз анаабад̇д̇ийд̇и.
Cīvare kayiramāneti yadā sāṭakañca suttañca labhitvā cīvaraṃ karonti tadā; visuñhi cīvarakārasamayo nāma natthi. Tasmā yo tattha cīvare kattabbaṃ yaṃkiñci kammaṃ karoti, mahāpaccariyañhi ‘‘antamaso sūcivedhanako’’tipi vuttaṃ, tena cīvarakārasamayoti bhuñjitabbaṃ. Kurundiyaṃ pana vitthāreneva vuttaṃ. Yo cīvaraṃ vicāreti, chindati, moghasuttaṃ ṭhapeti, āgantukapaṭṭaṃ ṭhapeti, paccāgataṃ sibbati, āgantukapaṭṭaṃ bandhati, anuvātaṃ chindati ghaṭṭeti āropeti, tattha paccāgataṃ sibbati, suttaṃ karoti valeti, pipphalikaṃ niseti, parivattanaṃ karoti, sabbopi cīvaraṃ karotiyevāti vuccati. Yo pana samīpe nisinno jātakaṃ vā dhammapadaṃ vā katheti, ayaṃ na cīvarakārako. Etaṃ ṭhapetvā sesānaṃ gaṇabhojane anāpattīti.
ад̣̇д̇хаяож̇ананд̇и зд̇д̇агамби ад̣̇д̇хаанам̣ г̇анд̇угаамзна. яо бана д̣̇уурам̣ г̇анд̇угаамо, д̇ад̇т̇а вад̇д̇аб̣б̣амзва над̇т̇и. г̇ажчанд̇знаад̇и ад̣̇д̇хаанам̣ г̇ажчанд̇зна, ад̣̇д̇хаяож̇анаб̣бханд̇арз г̇аавуд̇зби бхун̃ж̇ид̇ум̣ ваддад̇и. г̇ад̇зна бхун̃ж̇ид̇аб̣б̣анд̇и г̇ад̇зна згад̣̇ивасам̣ бхун̃ж̇ид̇аб̣б̣ам̣. нааваабхируханзби зсзва наяо. аяам̣ бана висзсо – абхирул̣хзна ижчид̇адтаанам̣ г̇анд̇вааби яаава на орохад̇и д̇аава бхун̃ж̇ид̇аб̣б̣анд̇и махаабажжарияам̣ вуд̇д̇ам̣. жад̇уд̇т̇з ааг̇ад̇зд̇и аяам̣ анд̇имабарижчзд̣̇о, жад̇уд̇т̇зби ааг̇ад̇з яад̇т̇а на яаабзнд̇и; со махаасамаяо. яад̇т̇а бана сад̇ам̣ ваа сахассам̣ ваа саннибад̇анд̇и, д̇ад̇т̇а вад̇д̇аб̣б̣амзва над̇т̇и. д̇асмаа д̇аад̣̇исз гаалз ‘‘махаасамаяо’’д̇и ад̇хидтахид̇ваа бхун̃ж̇ид̇аб̣б̣ам̣. яо гожи бариб̣б̣ааж̇агасамаабаннод̇и сахад̇хаммигзсу ваа д̇ид̇т̇иязсу ваа ан̃н̃ад̇аро, зд̇зсан̃хи язна гзнажи гад̇з бхад̇д̇з ‘‘саман̣абхад̇д̇асамаяо’’д̇и бхун̃ж̇ид̇аб̣б̣ам̣.
Addhayojananti ettakampi addhānaṃ gantukāmena. Yo pana dūraṃ gantukāmo, tattha vattabbameva natthi. Gacchantenāti addhānaṃ gacchantena, addhayojanabbhantare gāvutepi bhuñjituṃ vaṭṭati. Gatena bhuñjitabbanti gatena ekadivasaṃ bhuñjitabbaṃ. Nāvābhiruhanepi eseva nayo. Ayaṃ pana viseso – abhiruḷhena icchitaṭṭhānaṃ gantvāpi yāva na orohati tāva bhuñjitabbanti mahāpaccariyaṃ vuttaṃ. Catutthe āgateti ayaṃ antimaparicchedo, catutthepi āgate yattha na yāpenti; so mahāsamayo. Yattha pana sataṃ vā sahassaṃ vā sannipatanti, tattha vattabbameva natthi. Tasmā tādise kāle ‘‘mahāsamayo’’ti adhiṭṭhahitvā bhuñjitabbaṃ. Yo koci paribbājakasamāpannoti sahadhammikesu vā titthiyesu vā aññataro, etesañhi yena kenaci kate bhatte ‘‘samaṇabhattasamayo’’ti bhuñjitabbaṃ.
220. анаабад̇д̇и самаязд̇и сад̇д̇асу самаязсу ан̃н̃ад̇арасмим̣ анаабад̇д̇и. д̣̇вз д̇аяо згад̇од̇и язби агаббияаниманд̇анам̣ саад̣̇ияид̇ваа д̣̇вз ваа д̇аяо ваа згад̇о г̇ахзд̇ваа бхун̃ж̇анд̇и, д̇зсамби анаабад̇д̇и.
220.Anāpatti samayeti sattasu samayesu aññatarasmiṃ anāpatti. Dve tayo ekatoti yepi akappiyanimantanaṃ sādiyitvā dve vā tayo vā ekato gahetvā bhuñjanti, tesampi anāpatti.
д̇ад̇т̇а аниманд̇ид̇ажад̇уд̇т̇ам̣, бин̣д̣абаад̇игажад̇уд̇т̇ам̣, анубасамбаннажад̇уд̇т̇ам̣, бад̇д̇ажад̇уд̇т̇ам̣, г̇илаанажад̇уд̇т̇анд̇и бан̃жаннам̣ жад̇уггаанам̣ васзна винижчаяо взд̣̇ид̇аб̣б̣о . гат̇ам̣? ид̇хзгажжо жад̇д̇ааро бхигкуу ‘‘бхад̇д̇ам̣ г̇ан̣хат̇аа’’д̇и ниманд̇зд̇и. д̇зсу д̇аяо г̇ад̇аа, зго на г̇ад̇о. убаасаго ‘‘зго бханд̇з т̇зро гухи’’нд̇и бужчад̇и. нааг̇ад̇о убаасагаад̇и. со ан̃н̃ам̣ д̇ан̇кан̣аббад̇д̇ам̣ ган̃жи ‘‘зхи бханд̇з’’д̇и бавзсзд̇ваа жад̇уннамби бхад̇д̇ам̣ д̣̇зд̇и, саб̣б̣зсам̣ анаабад̇д̇и. гасмаа? г̇ан̣абуурагасса аниманд̇ид̇ад̇д̇аа. д̇аяо зва хи д̇ад̇т̇а ниманд̇ид̇аа г̇ан̣хим̣су, д̇зхи г̇ан̣о на буурад̇и, г̇ан̣абуураго жа аниманд̇ид̇о, д̇зна г̇ан̣о бхиж̇ж̇ад̇ийд̇и ид̣̇ам̣ аниманд̇ид̇ажад̇уд̇т̇ам̣.
Tattha animantitacatutthaṃ, piṇḍapātikacatutthaṃ, anupasampannacatutthaṃ, pattacatutthaṃ, gilānacatutthanti pañcannaṃ catukkānaṃ vasena vinicchayo veditabbo . Kathaṃ? Idhekacco cattāro bhikkhū ‘‘bhattaṃ gaṇhathā’’ti nimanteti. Tesu tayo gatā, eko na gato. Upāsako ‘‘eko bhante thero kuhi’’nti pucchati. Nāgato upāsakāti. So aññaṃ taṅkhaṇappattaṃ kañci ‘‘ehi bhante’’ti pavesetvā catunnampi bhattaṃ deti, sabbesaṃ anāpatti. Kasmā? Gaṇapūrakassa animantitattā. Tayo eva hi tattha nimantitā gaṇhiṃsu, tehi gaṇo na pūrati, gaṇapūrako ca animantito, tena gaṇo bhijjatīti idaṃ animantitacatutthaṃ.
бин̣д̣абаад̇игажад̇уд̇т̇з – ниманд̇анагаалз зго бин̣д̣абаад̇иго ход̇и, со наад̇хиваасзд̇и. г̇аманавзлааяа бана ‘‘зхи бханд̇з’’д̇и вуд̇д̇з анад̇хиваасид̇ад̇д̇аа анааг̇ажчанд̇амби ‘‘зт̇а бхигкам̣ лажчат̇аа’’д̇и г̇ахзд̇ваа г̇ажчанд̇и, со д̇ам̣ г̇ан̣ам̣ бхинд̣̇ад̇и. д̇асмаа саб̣б̣зсам̣ анаабад̇д̇и.
Piṇḍapātikacatutthe – nimantanakāle eko piṇḍapātiko hoti, so nādhivāseti. Gamanavelāya pana ‘‘ehi bhante’’ti vutte anadhivāsitattā anāgacchantampi ‘‘etha bhikkhaṃ lacchathā’’ti gahetvā gacchanti, so taṃ gaṇaṃ bhindati. Tasmā sabbesaṃ anāpatti.
анубасамбаннажад̇уд̇т̇з – сааман̣зрзна сад̣̇д̇хим̣ ниманд̇ид̇аа хонд̇и, соби г̇ан̣ам̣ бхинд̣̇ад̇и.
Anupasampannacatutthe – sāmaṇerena saddhiṃ nimantitā honti, sopi gaṇaṃ bhindati.
бад̇д̇ажад̇уд̇т̇з – зго саяам̣ аг̇анд̇ваа бад̇д̇ам̣ бзсзд̇и; звамби г̇ан̣о бхиж̇ж̇ад̇и. д̇асмаа саб̣б̣зсам̣ анаабад̇д̇и.
Pattacatutthe – eko sayaṃ agantvā pattaṃ peseti; evampi gaṇo bhijjati. Tasmā sabbesaṃ anāpatti.
г̇илаанажад̇уд̇т̇з – г̇илаанзна сад̣̇д̇хим̣ ниманд̇ид̇аа хонд̇и, д̇ад̇т̇а г̇илаанассзва анаабад̇д̇и, ид̇арзсам̣ бана г̇ан̣абуураго ход̇и. на хи г̇илаанзна г̇ан̣о бхиж̇ж̇ад̇и. д̇асмаа д̇зсам̣ аабад̇д̇иязва. махаабажжарияам̣ бана ависзсзна вуд̇д̇ам̣.
Gilānacatutthe – gilānena saddhiṃ nimantitā honti, tattha gilānasseva anāpatti, itaresaṃ pana gaṇapūrako hoti. Na hi gilānena gaṇo bhijjati. Tasmā tesaṃ āpattiyeva. Mahāpaccariyaṃ pana avisesena vuttaṃ.
самаяалад̣̇д̇хаго саяамзва мужжад̇и, сзсаанам̣ г̇ан̣абуурагад̇д̇аа аабад̇д̇игаро ход̇и. д̇асмаа жийварад̣̇аанасамаяалад̣̇д̇хагаад̣̇ийнамби васзна жад̇уггаани взд̣̇ид̇аб̣б̣аани. сажз бана ад̇хиваасзд̇ваа г̇ад̇зсуби жад̇уусу ж̇анзсу зго бан̣д̣ид̇о бхигку ‘‘ахам̣ д̇умхаагам̣ г̇ан̣ам̣ бхинд̣̇иссаами, ниманд̇анам̣ саад̣̇ияат̇аа’’д̇и вад̇ваа яааг̇укаж̇ж̇агаавасаанз бхад̇д̇ад̇т̇ааяа бад̇д̇ам̣ г̇ан̣ханд̇аанам̣ ад̣̇ад̇ваа ‘‘имз д̇аава бхигкуу бхож̇зд̇ваа виссаж̇ж̇зт̇а, ахам̣ бажчаа анумод̣̇анам̣ гад̇ваа г̇амиссаамий’’д̇и нисинно. д̇зсу бхуд̇ваа г̇ад̇зсу ‘‘д̣̇зт̇а бханд̇з бад̇д̇а’’нд̇и убаасагзна бад̇д̇ам̣ г̇ахзд̇ваа бхад̇д̇з д̣̇иннз бхун̃ж̇ид̇ваа анумод̣̇анам̣ гад̇ваа г̇ажчад̇и, саб̣б̣зсам̣ анаабад̇д̇и. бан̃жаннан̃хи бхож̇анаанам̣язва васзна г̇ан̣абхож̇анз висан̇гзд̇ам̣ над̇т̇и. од̣̇анзна ниманд̇ид̇аа гуммаасам̣ г̇ан̣ханд̇ааби аабад̇д̇им̣ аабаж̇ж̇анд̇и. д̇аани жа д̇зхи згад̇о на г̇ахид̇аани. яааг̇уаад̣̇ийсу бана висан̇гзд̇ам̣ ход̇и, д̇аани д̇зхи згад̇о г̇ахид̇аанийд̇и. звам̣ зго бан̣д̣ид̇о ан̃н̃зсамби анаабад̇д̇им̣ гарод̇и.
Samayaladdhako sayameva muccati, sesānaṃ gaṇapūrakattā āpattikaro hoti. Tasmā cīvaradānasamayaladdhakādīnampi vasena catukkāni veditabbāni. Sace pana adhivāsetvā gatesupi catūsu janesu eko paṇḍito bhikkhu ‘‘ahaṃ tumhākaṃ gaṇaṃ bhindissāmi, nimantanaṃ sādiyathā’’ti vatvā yāgukhajjakāvasāne bhattatthāya pattaṃ gaṇhantānaṃ adatvā ‘‘ime tāva bhikkhū bhojetvā vissajjetha, ahaṃ pacchā anumodanaṃ katvā gamissāmī’’ti nisinno. Tesu bhutvā gatesu ‘‘detha bhante patta’’nti upāsakena pattaṃ gahetvā bhatte dinne bhuñjitvā anumodanaṃ katvā gacchati, sabbesaṃ anāpatti. Pañcannañhi bhojanānaṃyeva vasena gaṇabhojane visaṅketaṃ natthi. Odanena nimantitā kummāsaṃ gaṇhantāpi āpattiṃ āpajjanti. Tāni ca tehi ekato na gahitāni. Yāguādīsu pana visaṅketaṃ hoti, tāni tehi ekato gahitānīti. Evaṃ eko paṇḍito aññesampi anāpattiṃ karoti.
д̇асмаа сажз гожи сан̇гхабхад̇д̇ам̣ гад̇д̇угаамзна ниманд̇анад̇т̇ааяа бзсид̇о вихаарам̣ ааг̇амма ‘‘бханд̇з, свз амхаагам̣ гхарз бхигкам̣ г̇ан̣хат̇аа’’д̇и авад̇ваа ‘‘бхад̇д̇ам̣ г̇ан̣хат̇аа’’д̇и ваа ‘‘сан̇гхабхад̇д̇ам̣ г̇ан̣хат̇аа’’д̇и ваа ‘‘сан̇гхо бхад̇д̇ам̣ г̇ан̣хаад̇уу’’д̇и ваа вад̣̇ад̇и, бхад̇д̇уд̣̇д̣̇зсагзна бан̣д̣ид̇зна бхавид̇аб̣б̣ам̣, нзманд̇анигаа г̇ан̣абхож̇анад̇о бин̣д̣абаад̇игаа жа д̇худ̇ан̇г̇абхзд̣̇ад̇о можзд̇аб̣б̣аа. гат̇ам̣? звам̣ д̇аава вад̇д̇аб̣б̣ам̣ – ‘‘свз на саггаа убаасагаа’’д̇и. ‘‘бунад̣̇ивасз, бханд̇з’’д̇и. ‘‘бунад̣̇ивасзби на саггаа’’д̇и. звам̣ яаава ад̣̇д̇хамаасамби харид̇ваа буна вад̇д̇аб̣б̣о – ‘‘д̇вам̣ гим̣ аважаа’’д̇и? сажз бунаби ‘‘сан̇гхабхад̇д̇ам̣ г̇ан̣хат̇аа’’д̇и вад̣̇ад̇и, д̇ад̇о ‘‘имам̣ д̇аава убаасага бубпам̣ габбияам̣ гарохи, имам̣ д̇ин̣а’’нд̇и звам̣ вигкзбам̣ гад̇ваа буна ‘‘гим̣ гат̇аяид̇т̇аа’’д̇и бужчид̇аб̣б̣о. сажз бунаби д̇ат̇зва вад̣̇ад̇и, ‘‘аавусо, д̇вам̣ бин̣д̣абаад̇игз ваа махаат̇зрз ваа на лажчаси, сааман̣зрз лажчасий’’д̇и вад̇д̇аб̣б̣о. ‘‘нану, бханд̇з асугасмин̃жа асугасмин̃жа г̇аамз бхад̣̇анд̇з бхож̇зсум̣, ахам̣ гасмаа на лабхаамий’’д̇и жа вуд̇д̇з ‘‘д̇з ниманд̇зд̇ум̣ ж̇аананд̇и, д̇вам̣ на ж̇аанаасий’’д̇и. д̇з гат̇ам̣ ниманд̇зсум̣ бханд̇зд̇и? д̇з звамаахам̣су – ‘‘амхаагам̣, бханд̇з, бхигкам̣ г̇ан̣хат̇аа’’д̇и. сажз соби д̇ат̇зва вад̣̇ад̇и, ваддад̇и. ат̇а бунаби ‘‘бхад̇д̇ам̣ г̇ан̣хат̇аа’’д̇и вад̣̇ад̇и, ‘‘на д̣̇аани д̇вам̣, аавусо, б̣ахуу бхигкуу лажчаси, д̇аяо зва лажчасий’’д̇и вад̇д̇аб̣б̣о. ‘‘нану, бханд̇з, асугасмин̃жа асугасмин̃жа г̇аамз сагалам̣ бхигкусан̇гхам̣ бхож̇зсум̣, ахам̣ гасмаа на лабхаамий’’д̇и? ‘‘д̇вам̣ ниманд̇зд̇ум̣ на ж̇аанаасий’’д̇и. ‘‘д̇з гат̇ам̣ ниманд̇зсу’’нд̇и? д̇з ‘‘бхигкам̣ г̇ан̣хат̇аа’’д̇и аахам̣сууд̇и. сажз соби ‘‘бхигкам̣ г̇ан̣хат̇аа’’д̇и вад̣̇ад̇и, ваддад̇и. ат̇а бунаби ‘‘бхад̇д̇амзваа’’д̇и вад̣̇ад̇и, д̇ад̇о вад̇д̇аб̣б̣о – ‘‘г̇ажча д̇вам̣, над̇т̇амхаагам̣ д̇ава бхад̇д̇знад̇т̇о, ниб̣ад̣̇д̇хаг̇ожаро зса амхаагам̣, маяамзд̇т̇а бин̣д̣ааяа жариссаамаа’’д̇и. д̇ам̣ ‘‘жарат̇а, бханд̇з’’д̇и вад̇ваа ааг̇ад̇ам̣ бужчанд̇и – ‘‘гим̣ бхо лад̣̇д̇хаа бхигкуу’’д̇и . ‘‘гим̣ зд̇зна б̣аху зд̇т̇а вад̇д̇аб̣б̣ам̣, ‘т̇зраа свз бин̣д̣ааяа жариссаамаа’д̇и аахам̣су. маа д̣̇аани д̇умхз бамаж̇ж̇ид̇т̇аа’’д̇и. д̣̇уд̇ияад̣̇ивасз жзд̇ияавад̇д̇ам̣ гад̇ваа тид̇аа бхигкуу сан̇гхад̇т̇зрзна вад̇д̇аб̣б̣аа – ‘‘аавусо, д̇хураг̇аамз сан̇гхабхад̇д̇ам̣ абан̣д̣ид̇амануссо бана аг̇амааси , г̇ажчаама д̇хураг̇аамз бин̣д̣ааяа жариссаамаа’’д̇и. бхигкуухи т̇зрасса важанам̣ гаад̇аб̣б̣ам̣, на д̣̇уб̣б̣ажзхи бхавид̇аб̣б̣ам̣, г̇аамад̣̇ваарз адтад̇ваава бин̣д̣ааяа жарид̇аб̣б̣ам̣. д̇зсу бад̇д̇аани г̇ахзд̇ваа нисийд̣̇аабзд̇ваа бхож̇знд̇зсу бхун̃ж̇ид̇аб̣б̣ам̣. сажз аасанасаалааяа бхад̇д̇ам̣ табзд̇ваа рат̇игаасу аахин̣д̣анд̇аа аарожзнд̇и – ‘‘аасанасаалааяа, бханд̇з, бхад̇д̇ам̣ г̇ан̣хат̇аа’’д̇и на ваддад̇и.
Tasmā sace koci saṅghabhattaṃ kattukāmena nimantanatthāya pesito vihāraṃ āgamma ‘‘bhante, sve amhākaṃ ghare bhikkhaṃ gaṇhathā’’ti avatvā ‘‘bhattaṃ gaṇhathā’’ti vā ‘‘saṅghabhattaṃ gaṇhathā’’ti vā ‘‘saṅgho bhattaṃ gaṇhātū’’ti vā vadati, bhattuddesakena paṇḍitena bhavitabbaṃ, nemantanikā gaṇabhojanato piṇḍapātikā ca dhutaṅgabhedato mocetabbā. Kathaṃ? Evaṃ tāva vattabbaṃ – ‘‘sve na sakkā upāsakā’’ti. ‘‘Punadivase, bhante’’ti. ‘‘Punadivasepi na sakkā’’ti. Evaṃ yāva addhamāsampi haritvā puna vattabbo – ‘‘tvaṃ kiṃ avacā’’ti? Sace punapi ‘‘saṅghabhattaṃ gaṇhathā’’ti vadati, tato ‘‘imaṃ tāva upāsaka pupphaṃ kappiyaṃ karohi, imaṃ tiṇa’’nti evaṃ vikkhepaṃ katvā puna ‘‘kiṃ kathayitthā’’ti pucchitabbo. Sace punapi tatheva vadati, ‘‘āvuso, tvaṃ piṇḍapātike vā mahāthere vā na lacchasi, sāmaṇere lacchasī’’ti vattabbo. ‘‘Nanu, bhante asukasmiñca asukasmiñca gāme bhadante bhojesuṃ, ahaṃ kasmā na labhāmī’’ti ca vutte ‘‘te nimantetuṃ jānanti, tvaṃ na jānāsī’’ti. Te kathaṃ nimantesuṃ bhanteti? Te evamāhaṃsu – ‘‘amhākaṃ, bhante, bhikkhaṃ gaṇhathā’’ti. Sace sopi tatheva vadati, vaṭṭati. Atha punapi ‘‘bhattaṃ gaṇhathā’’ti vadati, ‘‘na dāni tvaṃ, āvuso, bahū bhikkhū lacchasi, tayo eva lacchasī’’ti vattabbo. ‘‘Nanu, bhante, asukasmiñca asukasmiñca gāme sakalaṃ bhikkhusaṅghaṃ bhojesuṃ, ahaṃ kasmā na labhāmī’’ti? ‘‘Tvaṃ nimantetuṃ na jānāsī’’ti. ‘‘Te kathaṃ nimantesu’’nti? Te ‘‘bhikkhaṃ gaṇhathā’’ti āhaṃsūti. Sace sopi ‘‘bhikkhaṃ gaṇhathā’’ti vadati, vaṭṭati. Atha punapi ‘‘bhattamevā’’ti vadati, tato vattabbo – ‘‘gaccha tvaṃ, natthamhākaṃ tava bhattenattho, nibaddhagocaro esa amhākaṃ, mayamettha piṇḍāya carissāmā’’ti. Taṃ ‘‘caratha, bhante’’ti vatvā āgataṃ pucchanti – ‘‘kiṃ bho laddhā bhikkhū’’ti . ‘‘Kiṃ etena bahu ettha vattabbaṃ, ‘therā sve piṇḍāya carissāmā’ti āhaṃsu. Mā dāni tumhe pamajjitthā’’ti. Dutiyadivase cetiyavattaṃ katvā ṭhitā bhikkhū saṅghattherena vattabbā – ‘‘āvuso, dhuragāme saṅghabhattaṃ apaṇḍitamanusso pana agamāsi , gacchāma dhuragāme piṇḍāya carissāmā’’ti. Bhikkhūhi therassa vacanaṃ kātabbaṃ, na dubbacehi bhavitabbaṃ, gāmadvāre aṭṭhatvāva piṇḍāya caritabbaṃ. Tesu pattāni gahetvā nisīdāpetvā bhojentesu bhuñjitabbaṃ. Sace āsanasālāya bhattaṃ ṭhapetvā rathikāsu āhiṇḍantā ārocenti – ‘‘āsanasālāya, bhante, bhattaṃ gaṇhathā’’ti na vaṭṭati.
ат̇а бана бхад̇д̇ам̣ аад̣̇ааяа д̇ад̇т̇а д̇ад̇т̇а г̇анд̇ваа ‘‘бхад̇д̇ам̣ г̇ан̣хат̇аа’’д̇и вад̣̇анд̇и, бадигажжзва ваа вихаарам̣ абхихарид̇ваа бад̇ируубз таанз табзд̇ваа ааг̇ад̇ааг̇ад̇аанам̣ д̣̇знд̇и, аяам̣ абхихадабхигкаа наама ваддад̇и. сажз бана бхад̇д̇асаалааяа д̣̇аанам̣ саж̇ж̇зд̇ваа д̇ам̣ д̇ам̣ баривзн̣ам̣ бахин̣анд̇и ‘‘бхад̇д̇асаалааяа бхад̇д̇ам̣ г̇ан̣хат̇аа’’д̇и, на ваддад̇и. яз бана мануссаа бин̣д̣ажааригз бхигкуу д̣̇исваа аасанасаалам̣ саммаж̇ж̇ид̇ваа д̇ад̇т̇а нисийд̣̇аабзд̇ваа бхож̇знд̇и, на д̇з бадигкибид̇аб̣б̣аа. яз бана г̇аамз бхигкам̣ алабхид̇ваа г̇аамад̇о нигкаманд̇з бхигкуу д̣̇исваа ‘‘бханд̇з бхад̇д̇ам̣ г̇ан̣хат̇аа’’д̇и вад̣̇анд̇и, д̇з бадигкибид̇аб̣б̣аа, на ваа нивад̇д̇ид̇аб̣б̣ам̣. сажз ‘‘нивад̇д̇ат̇а, бханд̇з, бхад̇д̇ам̣ г̇ан̣хат̇аа’’д̇и вад̣̇анд̇и, ‘‘нивад̇д̇ат̇аа’’д̇и вуд̇д̇абад̣̇з нивад̇д̇ид̇ум̣ ваддад̇и. ‘‘нивад̇д̇ат̇а бханд̇з, гхарз бхад̇д̇ам̣ гад̇ам̣, г̇аамз бхад̇д̇ам̣ гад̇а’’нд̇и вад̣̇анд̇и, г̇зхз жа г̇аамз жа бхад̇д̇ам̣ наама яасса гассажи ход̇ийд̇и нивад̇д̇ид̇ум̣ ваддад̇и. ‘‘нивад̇д̇ат̇а, бхад̇д̇ам̣ г̇ан̣хат̇аа’’д̇и самб̣анд̇хам̣ гад̇ваа вад̣̇анд̇и, нивад̇д̇ид̇ум̣ на ваддад̇и. аасанасаалад̇о бин̣д̣ааяа жарид̇ум̣ нигкаманд̇з д̣̇исваа ‘‘нисийд̣̇ат̇а бханд̇з бхад̇д̇ам̣ г̇ан̣хат̇аа’’д̇и вуд̇д̇зби зсзва наяо. нижжабхад̇д̇анд̇и д̇хувабхад̇д̇ам̣ вужжад̇и. ‘‘нижжабхад̇д̇ам̣ г̇ан̣хат̇аа’’д̇и вад̣̇анд̇и, б̣ахуунамби згад̇о г̇ахзд̇ум̣ ваддад̇и. салаагабхад̇д̇аад̣̇ийсуби зсзва наяо. сзсамзд̇т̇а уд̇д̇аанамзва.
Atha pana bhattaṃ ādāya tattha tattha gantvā ‘‘bhattaṃ gaṇhathā’’ti vadanti, paṭikacceva vā vihāraṃ abhiharitvā patirūpe ṭhāne ṭhapetvā āgatāgatānaṃ denti, ayaṃ abhihaṭabhikkhā nāma vaṭṭati. Sace pana bhattasālāya dānaṃ sajjetvā taṃ taṃ pariveṇaṃ pahiṇanti ‘‘bhattasālāya bhattaṃ gaṇhathā’’ti, na vaṭṭati. Ye pana manussā piṇḍacārike bhikkhū disvā āsanasālaṃ sammajjitvā tattha nisīdāpetvā bhojenti, na te paṭikkhipitabbā. Ye pana gāme bhikkhaṃ alabhitvā gāmato nikkhamante bhikkhū disvā ‘‘bhante bhattaṃ gaṇhathā’’ti vadanti, te paṭikkhipitabbā, na vā nivattitabbaṃ. Sace ‘‘nivattatha, bhante, bhattaṃ gaṇhathā’’ti vadanti, ‘‘nivattathā’’ti vuttapade nivattituṃ vaṭṭati. ‘‘Nivattatha bhante, ghare bhattaṃ kataṃ, gāme bhattaṃ kata’’nti vadanti, gehe ca gāme ca bhattaṃ nāma yassa kassaci hotīti nivattituṃ vaṭṭati. ‘‘Nivattatha, bhattaṃ gaṇhathā’’ti sambandhaṃ katvā vadanti, nivattituṃ na vaṭṭati. Āsanasālato piṇḍāya carituṃ nikkhamante disvā ‘‘nisīdatha bhante bhattaṃ gaṇhathā’’ti vuttepi eseva nayo. Niccabhattanti dhuvabhattaṃ vuccati. ‘‘Niccabhattaṃ gaṇhathā’’ti vadanti, bahūnampi ekato gahetuṃ vaṭṭati. Salākabhattādīsupi eseva nayo. Sesamettha uttānameva.
зл̣агаломасамудтаанам̣ – гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
г̇ан̣абхож̇анасигкаабад̣̇ам̣ д̣̇уд̇ияам̣.
Gaṇabhojanasikkhāpadaṃ dutiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. г̇ан̣абхож̇анасигкаабад̣̇аван̣н̣анаа • 2. Gaṇabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. г̇ан̣абхож̇анасигкаабад̣̇аван̣н̣анаа • 2. Gaṇabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. г̇ан̣абхож̇анасигкаабад̣̇аван̣н̣анаа • 2. Gaṇabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. г̇ан̣абхож̇анасигкаабад̣̇ам̣ • 2. Gaṇabhojanasikkhāpadaṃ
