| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. г̇ан̣абхож̇анасигкаабад̣̇аван̣н̣анаа
2. Gaṇabhojanasikkhāpadavaṇṇanā
г̇ан̣абхож̇анзд̇и г̇ан̣зна лад̣̇д̇хад̇д̇аа г̇ан̣асса санд̇агз бхож̇анз. д̇знааха ‘‘г̇ан̣асса бхож̇анз’’д̇и. нану жзд̇т̇а ‘‘г̇ан̣асса бхож̇анз’’д̇и вужжад̇и, со жа ко г̇ан̣о ‘‘гад̇т̇ажи д̣̇вийхи, гад̇т̇ажи д̇ийхий’’д̇иаад̣̇инаа анзгад̇хаа ад̇хиббзд̇о, ид̇ха гад̇ихийд̇и ааха ‘‘ид̇ха жаа’’д̇иаад̣̇и. д̇ам̣ банзд̇ам̣ г̇ан̣абхож̇анам̣ д̣̇вийхи багаарзхи басавад̇и ниманд̇анад̇о ваа вин̃н̃ад̇д̇ид̇о ваад̇и ааха ‘‘д̇зсам̣ ниманд̇анад̇о ваа’’д̇иаад̣̇и. д̇ад̇т̇а ниманд̇анад̇о ваад̇и агаббияаниманд̇анад̇о ваа. од̣̇анаад̣̇ийнам̣ бан̃жаннанд̇и од̣̇анасад̇д̇угуммаасамажчамам̣саанам̣ бан̃жаннам̣.
Gaṇabhojaneti gaṇena laddhattā gaṇassa santake bhojane. Tenāha ‘‘gaṇassa bhojane’’ti. Nanu cettha ‘‘gaṇassa bhojane’’ti vuccati, so ca kho gaṇo ‘‘katthaci dvīhi, katthaci tīhī’’tiādinā anekadhā adhippeto, idha katihīti āha ‘‘idha cā’’tiādi. Taṃ panetaṃ gaṇabhojanaṃ dvīhi pakārehi pasavati nimantanato vā viññattito vāti āha ‘‘tesaṃ nimantanato vā’’tiādi. Tattha nimantanato vāti akappiyanimantanato vā. Odanādīnaṃ pañcannanti odanasattukummāsamacchamaṃsānaṃ pañcannaṃ.
‘‘од̣̇анзна ниманд̇зми, од̣̇анам̣ мз г̇ан̣хат̇аа’’д̇иаад̣̇инаа наязна язна гзнажи взважанзна ваа бхаасанд̇арзна ваа бан̃жаннам̣ бхож̇анаанам̣ наамам̣ г̇ахзд̇ваа ниманд̇зд̇ийд̇и самб̣анд̇хо. жад̇д̇аарод̇и згадтаанз ваа наанаадтаанзсу ваа тид̇з жад̇д̇ааро бхигкуу. лагкан̣аважанан̃жзд̇ам̣, д̇асмаа жад̇д̇ааро ваа д̇ад̇о ваа ад̇хигз бхигкууд̇и ад̇т̇о. взважанзна ваад̇и бхад̇д̇ааннаад̣̇ибарияааяасад̣̇д̣̇зна ваа. бхаасанд̇арзна ваад̇и анд̇хад̣̇амил̣аад̣̇ибхаасанд̇арзна ваа. бан̃жаннам̣ бхож̇анаанам̣ наамам̣ г̇ахзд̇ваад̇и бан̃жаннам̣ бхож̇анаанам̣ ан̃н̃ад̇арасса наамам̣ г̇ахзд̇ваа. од̣̇анзна ниманд̇змийд̇и д̇умхз бханд̇з од̣̇анзна ниманд̇зми. аад̣̇исад̣̇д̣̇зна ‘‘ааган̇кат̇а ологзт̇а ад̇хиваасзт̇а бадимаанзт̇а, сад̇д̇унаа ниманд̇зми, сад̇д̇ум̣ мз г̇ан̣хат̇а ааган̇кат̇а ологзт̇а ад̇хиваасзт̇а бадимаанзт̇аа’’д̇иаад̣̇ийнам̣ (баажи. адта. 217-218) г̇ахан̣ам̣. згад̇о ваад̇и згад̇т̇а тид̇з ваа нисиннз ваа бхигкуу д̣̇исваа ‘‘д̇умхз, бханд̇з, од̣̇анзна ниманд̇змий’’д̇иаад̣̇инаа звам̣ згад̇о ниманд̇ид̇аа. наанаад̇о ваа ниманд̇ид̇аад̇и жад̇д̇аари баривзн̣аани ваа вихаарз ваа г̇анд̇ваа наанаад̇о ваа ниманд̇ид̇аа. згадтаанз тид̇зсуязва ваа зго буд̇д̇зна, зго бид̇араад̇и звамби ниманд̇ид̇аа наанаад̇оязва ниманд̇ид̇аа наама хонд̇и. згад̇о г̇ан̣ханд̇ид̇и ан̃н̃аман̃н̃асса д̣̇ваад̣̇асахад̇т̇уубажаарз тид̇аа г̇ан̣ханд̇и.
‘‘Odanena nimantemi, odanaṃ me gaṇhathā’’tiādinā nayena yena kenaci vevacanena vā bhāsantarena vā pañcannaṃ bhojanānaṃ nāmaṃ gahetvā nimantetīti sambandho. Cattāroti ekaṭṭhāne vā nānāṭṭhānesu vā ṭhite cattāro bhikkhū. Lakkhaṇavacanañcetaṃ, tasmā cattāro vā tato vā adhike bhikkhūti attho. Vevacanena vāti bhattaannādipariyāyasaddena vā. Bhāsantarena vāti andhadamiḷādibhāsantarena vā. Pañcannaṃ bhojanānaṃ nāmaṃ gahetvāti pañcannaṃ bhojanānaṃ aññatarassa nāmaṃ gahetvā. Odanena nimantemīti tumhe bhante odanena nimantemi. Ādisaddena ‘‘ākaṅkhatha oloketha adhivāsetha paṭimānetha, sattunā nimantemi, sattuṃ me gaṇhatha ākaṅkhatha oloketha adhivāsetha paṭimānethā’’tiādīnaṃ (pāci. aṭṭha. 217-218) gahaṇaṃ. Ekato vāti ekattha ṭhite vā nisinne vā bhikkhū disvā ‘‘tumhe, bhante, odanena nimantemī’’tiādinā evaṃ ekato nimantitā. Nānāto vā nimantitāti cattāri pariveṇāni vā vihāre vā gantvā nānāto vā nimantitā. Ekaṭṭhāne ṭhitesuyeva vā eko puttena, eko pitarāti evampi nimantitā nānātoyeva nimantitā nāma honti. Ekato gaṇhantiti aññamaññassa dvādasahatthūpacāre ṭhitā gaṇhanti.
гасмаа бана наанаад̇о бхуд̇д̇зби г̇ан̣абхож̇анам̣ ход̇ийд̇и ааха ‘‘бадиг̇г̇ахан̣амзва хзд̇т̇а бамаан̣а’’нд̇и. яад̣̇и звам̣ ат̇а гасмаа баал̣ияам̣ ‘‘г̇ан̣абхож̇анам̣ наама яад̇т̇а жад̇д̇ааро бхигкуу бан̃жаннам̣ бхож̇анаанам̣ ан̃н̃ад̇арзна бхож̇анзна ниманд̇ид̇аа бхун̃ж̇анд̇и, зд̇ам̣ г̇ан̣абхож̇анам̣ наамаа’’д̇и (баажи. 218) вуд̇д̇ам̣? д̇ам̣ бадиг̇г̇ахан̣анияаманад̇т̇амзва . на хи аббадиг̇г̇ахид̇агам̣ бхигкуу бхун̃ж̇анд̇ийд̇и ‘‘бхун̃ж̇анд̇ий’’д̇и бад̣̇ам̣ бадиг̇г̇ахан̣анияамаважанам̣ ход̇и. згад̇о ваа наанаад̇о ваа вин̃н̃аабзд̇ваад̇и жад̇д̇ааро бхигкуу згад̇о тид̇аа ваа нисиннаа ваа убаасагам̣ д̣̇исваа ‘‘амхаагам̣ жад̇уннамби бхад̇д̇ам̣ д̣̇зхий’’д̇и ваа баадзггам̣ бависид̇ваа ‘‘маяхам̣ бхад̇д̇ам̣ д̣̇зхи, маяхам̣ бхад̇д̇ам̣ д̣̇зхий’’д̇и ваа згад̇о ваа наанаад̇о ваа вин̃н̃аабзд̇ваа. д̇асса д̣̇увид̇хассаабийд̇и яан̃жа ниманд̇анад̇о лад̣̇д̇хам̣ г̇ан̣абхож̇анам̣, яан̃жа вин̃н̃ад̇д̇ид̇о лад̣̇д̇хам̣, д̇асса д̣̇увид̇хассааби г̇ан̣абхож̇анасса. звам̣ бадиг̇г̇ахан̣зд̇и згад̇о бадиг̇г̇ахан̣з.
Kasmā pana nānāto bhuttepi gaṇabhojanaṃ hotīti āha ‘‘paṭiggahaṇameva hettha pamāṇa’’nti. Yadi evaṃ atha kasmā pāḷiyaṃ ‘‘gaṇabhojanaṃ nāma yattha cattāro bhikkhū pañcannaṃ bhojanānaṃ aññatarena bhojanena nimantitā bhuñjanti, etaṃ gaṇabhojanaṃ nāmā’’ti (pāci. 218) vuttaṃ? Taṃ paṭiggahaṇaniyamanatthameva . Na hi appaṭiggahitakaṃ bhikkhū bhuñjantīti ‘‘bhuñjantī’’ti padaṃ paṭiggahaṇaniyamavacanaṃ hoti. Ekato vā nānāto vā viññāpetvāti cattāro bhikkhū ekato ṭhitā vā nisinnā vā upāsakaṃ disvā ‘‘amhākaṃ catunnampi bhattaṃ dehī’’ti vā pāṭekkaṃ pavisitvā ‘‘mayhaṃ bhattaṃ dehi, mayhaṃ bhattaṃ dehī’’ti vā ekato vā nānāto vā viññāpetvā. Tassa duvidhassāpīti yañca nimantanato laddhaṃ gaṇabhojanaṃ, yañca viññattito laddhaṃ, tassa duvidhassāpi gaṇabhojanassa. Evaṃ paṭiggahaṇeti ekato paṭiggahaṇe.
баад̣̇аанамби палид̇ад̇д̇аад̇и (баажи. адта. 217-218) анд̇амасо баад̣̇аанамби яат̇аа махаажаммасса барад̇о мам̣сам̣ д̣̇иссад̇и, звам̣ палид̇ад̇д̇аа. на саггаа бин̣д̣ааяа жарид̇унд̇и ваалигааяа ваа сагкарааяа ваа пудтамад̇д̇з д̣̇угкуббад̇д̇ид̇о анд̇ог̇аамз бин̣д̣ааяа жарид̇ум̣ на саггод̇и. жийварз гарияамаанзд̇и саадаган̃жа суд̇д̇ан̃жа лабхид̇ваа жийварз гарияамаанз. яам̣ гин̃жи жийварз гад̇д̇аб̣б̣агамманд̇и жийваравижааран̣ачинд̣̇анамогхасуд̇д̇ааробанаад̣̇и яам̣ гин̃жи жийварз гад̇д̇аб̣б̣ам̣ гаммам̣, анд̇амасо сууживзд̇ханамбийд̇и ад̇хиббааяо. ‘‘ад̣̇д̇хаяож̇анамбий’’д̇иаад̣̇и авагам̣сад̇о вуд̇д̇ам̣. яо бана д̣̇уурам̣ г̇анд̇угаамо, д̇ад̇т̇а вад̇д̇аб̣б̣амзва над̇т̇и, г̇ажчанд̇о ад̣̇д̇хаяож̇анаб̣бханд̇арз г̇аавуд̇зби бхун̃ж̇ид̇ум̣ лабхад̇и, г̇ад̇о бана згад̣̇ивасам̣. яад̣̇аа наавам̣ абхирухид̇угаамо ваа ход̇и аарул̣хо ваа орул̣хо ваа, аяам̣ нааваабхируханасамаяо наамаад̇и ааха ‘‘нааваабхируханасамаязби зсзва наяо’’д̇и. аяам̣ бана висзсо – абхирул̣хзна ижчид̇адтаанам̣ г̇анд̇вааби яаава на орохад̇и, д̇аава бхун̃ж̇ид̇аб̣б̣ам̣. жад̇д̇ааро бхигкууд̇и анд̇имабарижчзд̣̇о. яад̇т̇а бана сад̇ам̣ ваа сахассам̣ ваа саннибад̇ид̇ам̣, д̇ад̇т̇а вад̇д̇аб̣б̣амзва над̇т̇и. д̇асмаа д̇аад̣̇исз гаалз ‘‘махаасамаяо’’д̇и ад̇хидтахид̇ваа бхун̃ж̇ид̇аб̣б̣ам̣. яо гожи баб̣б̣аж̇ид̇од̇и сахад̇хаммигзсу ваа д̇ид̇т̇иязсу ваа ан̃н̃ад̇аро.
Pādānampi phalitattāti (pāci. aṭṭha. 217-218) antamaso pādānampi yathā mahācammassa parato maṃsaṃ dissati, evaṃ phalitattā. Na sakkā piṇḍāya caritunti vālikāya vā sakkharāya vā phuṭṭhamatte dukkhuppattito antogāme piṇḍāya carituṃ na sakkoti. Cīvare kariyamāneti sāṭakañca suttañca labhitvā cīvare kariyamāne. Yaṃ kiñci cīvare kattabbakammanti cīvaravicāraṇachindanamoghasuttāropanādi yaṃ kiñci cīvare kattabbaṃ kammaṃ, antamaso sūcivedhanampīti adhippāyo. ‘‘Addhayojanampī’’tiādi avakaṃsato vuttaṃ. Yo pana dūraṃ gantukāmo, tattha vattabbameva natthi, gacchanto addhayojanabbhantare gāvutepi bhuñjituṃ labhati, gato pana ekadivasaṃ. Yadā nāvaṃ abhiruhitukāmo vā hoti āruḷho vā oruḷho vā, ayaṃ nāvābhiruhanasamayo nāmāti āha ‘‘nāvābhiruhanasamayepi eseva nayo’’ti. Ayaṃ pana viseso – abhiruḷhena icchitaṭṭhānaṃ gantvāpi yāva na orohati, tāva bhuñjitabbaṃ. Cattāro bhikkhūti antimaparicchedo. Yattha pana sataṃ vā sahassaṃ vā sannipatitaṃ, tattha vattabbameva natthi. Tasmā tādise kāle ‘‘mahāsamayo’’ti adhiṭṭhahitvā bhuñjitabbaṃ. Yo koci pabbajitoti sahadhammikesu vā titthiyesu vā aññataro.
яз жа д̣̇вз д̇аяо згад̇о г̇ан̣ханд̇ийд̇и язби агаббияаниманд̇анам̣ саад̣̇ияид̇ваа д̣̇вз ваа д̇аяо ваа згад̇о г̇ан̣ханд̇и, д̇зсамби анаабад̇д̇и. бан̣ийд̇абхож̇анасуубод̣̇анавин̃н̃ад̇д̇ийхи бана аабад̇д̇иязваад̇и вад̣̇анд̇и, убабаригкид̇аб̣б̣ам̣. нижжабхад̇д̇аад̣̇ийсууд̇и нижжабхад̇д̇з салаагабхад̇д̇з багкигз убосат̇игз баадибад̣̇игз. д̇ад̇т̇а нижжабхад̇д̇анд̇и д̇хувабхад̇д̇ам̣ вужжад̇и. ‘‘нижжабхад̇д̇ам̣ г̇ан̣хат̇аа’’д̇и вад̣̇анд̇и , б̣ахуунамби згад̇о г̇ан̣хид̇ум̣ ваддад̇и. салаагабхад̇д̇аад̣̇ийсуби зсзва наяо.
Ye ca dve tayo ekato gaṇhantīti yepi akappiyanimantanaṃ sādiyitvā dve vā tayo vā ekato gaṇhanti, tesampi anāpatti. Paṇītabhojanasūpodanaviññattīhi pana āpattiyevāti vadanti, upaparikkhitabbaṃ. Niccabhattādīsūti niccabhatte salākabhatte pakkhike uposathike pāṭipadike. Tattha niccabhattanti dhuvabhattaṃ vuccati. ‘‘Niccabhattaṃ gaṇhathā’’ti vadanti , bahūnampi ekato gaṇhituṃ vaṭṭati. Salākabhattādīsupi eseva nayo.
г̇ан̣абхож̇анасигкаабад̣̇аван̣н̣анаа нидтид̇аа.
Gaṇabhojanasikkhāpadavaṇṇanā niṭṭhitā.
