| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
баажид̇д̇ияаган̣д̣ам̣
Pācittiyakaṇḍaṃ
4. бхож̇анаваг̇г̇о
4. Bhojanavaggo
2. г̇ан̣абхож̇анасигкаабад̣̇аван̣н̣анаа
2. Gaṇabhojanasikkhāpadavaṇṇanā
д̣̇звад̣̇ад̇д̇о гаалз вин̃н̃аабзд̇ваа бхун̃ж̇ад̇и, д̇аббажжаяаа бхаг̇авад̇аа ‘‘г̇ан̣абхож̇анз баажид̇д̇ияа’’нд̇и (баажи. 209) сигкаабад̣̇ам̣ бан̃н̃ад̇д̇ам̣. бад̣̇абхааж̇анз бана ‘‘ниманд̇ид̇аа бхун̃ж̇анд̇ий’’д̇и (баажи. 218) ниманд̇анамзва г̇ахзд̇ваа вибхад̇д̇ам̣. анд̇хагадтагат̇ааяам̣ бана вад̇т̇увасзна вин̃н̃ад̇д̇ияаа яаажанамби вуд̇д̇анд̇и ликид̇ам̣. гасмаа? бариваарз зва ‘‘г̇ан̣абхож̇анам̣ д̣̇вийхаагаарзхи басавад̇и вин̃н̃ад̇д̇ид̇о ваа ниманд̇анад̇о ваа’’д̇и (бари. 322) вуд̇д̇ад̇д̇аа. д̇асмаа адтуббад̇д̇ияам̣язва баагадад̇д̇аа бад̣̇абхааж̇анз на вуд̇д̇анд̇и взд̣̇ид̇аб̣б̣ам̣. ‘‘‘згад̇о г̇ан̣ханд̇ий’д̇и жа г̇ахид̇абхад̇д̇ааби ан̃н̃з яаава г̇ан̣ханд̇и, д̇аава жз д̇идтанд̇и, згад̇о г̇ан̣ханд̇и зва наамаа’’д̇и жа, ‘‘яо гожи баб̣б̣аж̇ид̇од̇и сахад̇хаммигзсу, д̇ид̇т̇иязсу ваад̇и ад̇т̇о’’д̇и жа, ‘‘самаяаабхаавод̇и сад̇д̇аннам̣ анаабад̇д̇исамаяаанам̣ абхааво’’д̇и жа, ‘‘самаяалад̣̇д̇хагзна саха жад̇д̇ааро хонд̇ий’’д̇и жа, ‘‘самаяалад̣̇д̇хаго саяамзва мужжад̇и, сзсаанам̣ г̇ан̣абуурагад̇д̇аа аабад̇д̇игаро ход̇ий’’д̇и жа ликид̇ам̣.
Devadatto kāle viññāpetvā bhuñjati, tappaccayā bhagavatā ‘‘gaṇabhojane pācittiya’’nti (pāci. 209) sikkhāpadaṃ paññattaṃ. Padabhājane pana ‘‘nimantitā bhuñjantī’’ti (pāci. 218) nimantanameva gahetvā vibhattaṃ. Andhakaṭṭhakathāyaṃ pana vatthuvasena viññattiyā yācanampi vuttanti likhitaṃ. Kasmā? Parivāre eva ‘‘gaṇabhojanaṃ dvīhākārehi pasavati viññattito vā nimantanato vā’’ti (pari. 322) vuttattā. Tasmā aṭṭhuppattiyaṃyeva pākaṭattā padabhājane na vuttanti veditabbaṃ. ‘‘‘Ekato gaṇhantī’ti ca gahitabhattāpi aññe yāva gaṇhanti, tāva ce tiṭṭhanti, ekato gaṇhanti eva nāmā’’ti ca, ‘‘yo koci pabbajitoti sahadhammikesu, titthiyesu vāti attho’’ti ca, ‘‘samayābhāvoti sattannaṃ anāpattisamayānaṃ abhāvo’’ti ca, ‘‘samayaladdhakena saha cattāro hontī’’ti ca, ‘‘samayaladdhako sayameva muccati, sesānaṃ gaṇapūrakattā āpattikaro hotī’’ti ca likhitaṃ.
зд̇т̇ааха – ‘‘бадиг̇г̇ахан̣амзва хзд̇т̇а бамаан̣а’’нд̇и вуд̇д̇ам̣, ат̇а гасмаа баал̣ияам̣ ‘‘г̇ан̣абхож̇анам̣ наама яад̇т̇а жад̇д̇ааро…бз… бхун̃ж̇анд̇ий’’д̇и (баажи. 218) вуд̇д̇анд̇и? вужжад̇з – д̇ад̇т̇а ‘‘бхун̃ж̇анд̇ий’’д̇и бадиг̇г̇ахан̣анияамаважанам̣. на хи аббадиг̇г̇ахид̇агам̣ бхигкуу бхун̃ж̇анд̇ийд̇и.
Etthāha – ‘‘paṭiggahaṇameva hettha pamāṇa’’nti vuttaṃ, atha kasmā pāḷiyaṃ ‘‘gaṇabhojanaṃ nāma yattha cattāro…pe… bhuñjantī’’ti (pāci. 218) vuttanti? Vuccate – tattha ‘‘bhuñjantī’’ti paṭiggahaṇaniyamavacanaṃ. Na hi appaṭiggahitakaṃ bhikkhū bhuñjantīti.
г̇ан̣абхож̇анасигкаабад̣̇аван̣н̣анаа нидтид̇аа.
Gaṇabhojanasikkhāpadavaṇṇanā niṭṭhitā.
