| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
2. г̇ан̣абхож̇анасигкаабад̣̇аван̣н̣анаа
2. Gaṇabhojanasikkhāpadavaṇṇanā
209. д̣̇уд̇ияз абхимаарзд̇и абхиг̇анд̇ваа бхаг̇авад̇о мааран̣ад̇т̇ааяа нияож̇ид̇з д̇хануд̣̇д̇харз. г̇ул̣хабадижчаннод̇и абаагадо. бавиж̇жхийд̇и виссаж̇ж̇зси. нану рааж̇аанамби маараабзсийд̇и важанад̇о ид̣̇ам̣ сигкаабад̣̇ам̣ аж̇аад̇асад̇д̇уно гаалз бан̃н̃ад̇д̇анд̇и сид̣̇д̇хам̣, зван̃жа сад̇и барад̇о анубан̃н̃ад̇д̇ияам̣ –
209. Dutiye abhimāreti abhigantvā bhagavato māraṇatthāya niyojite dhanuddhare. Guḷhapaṭicchannoti apākaṭo. Pavijjhīti vissajjesi. Nanu rājānampi mārāpesīti vacanato idaṃ sikkhāpadaṃ ajātasattuno kāle paññattanti siddhaṃ, evañca sati parato anupaññattiyaṃ –
‘‘д̇зна ко бана самаязна ран̃н̃о мааг̇ад̇хасса сзнияасса б̣имб̣исаарасса н̃аад̇исаалохид̇о ааж̇ийвагзсу баб̣б̣аж̇ид̇о ход̇и. ат̇а ко со ааж̇ийваго язна рааж̇аа мааг̇ад̇хо сзнияо б̣имб̣исааро д̇знубасан̇гами, убасан̇гамид̇ваа рааж̇аанам̣ мааг̇ад̇хам̣ сзнияам̣ б̣имб̣исаарам̣ зд̇ад̣̇авожа…бз… гуггужжааяанд̇аа наад̇хиваасзнд̇ий’’д̇и –
‘‘Tena kho pana samayena rañño māgadhassa seniyassa bimbisārassa ñātisālohito ājīvakesu pabbajito hoti. Atha kho so ājīvako yena rājā māgadho seniyo bimbisāro tenupasaṅkami, upasaṅkamitvā rājānaṃ māgadhaṃ seniyaṃ bimbisāraṃ etadavoca…pe… kukkuccāyantā nādhivāsentī’’ti –
ид̣̇ам̣ гасмаа вуд̇д̇анд̇и? со гира ааж̇ийваго д̇ам̣ д̣̇аанам̣ д̣̇знд̇о б̣имб̣исаарагаалад̇о бадтааяа ад̣̇ааси, бажчаа аж̇аад̇асад̇д̇угаалз сигкаабад̣̇абан̃н̃ад̇д̇ид̇о бадтааяа бхигкуу гуггужжааяанд̇аа д̇ам̣ д̣̇аанам̣ на бадиг̇г̇ан̣хим̣су, д̇асмаа аад̣̇ид̇о бадтааяа д̇ам̣ вад̇т̇у д̣̇ассид̇анд̇и взд̣̇ид̇аб̣б̣ам̣. ‘‘ат̇а ко со ааж̇ийваго бхигкуунам̣ санд̇игз д̣̇ууд̇ам̣ баахзсий’’д̇и ид̣̇ан̃жа д̇ад̇о бабхуд̇и со ааж̇ийваго анд̇аранд̇араа бхигкуу ниманд̇зд̇ваа д̣̇аанам̣ д̣̇знд̇о аж̇аад̇асад̇д̇угаалз сигкаабад̣̇з бан̃н̃ад̇д̇з яам̣ бхигкуунам̣ санд̇игз д̣̇ууд̇ам̣ баахзси, д̇ам̣ санд̇хааяа вуд̇д̇ам̣.
Idaṃ kasmā vuttanti? So kira ājīvako taṃ dānaṃ dento bimbisārakālato paṭṭhāya adāsi, pacchā ajātasattukāle sikkhāpadapaññattito paṭṭhāya bhikkhū kukkuccāyantā taṃ dānaṃ na paṭiggaṇhiṃsu, tasmā ādito paṭṭhāya taṃ vatthu dassitanti veditabbaṃ. ‘‘Atha kho so ājīvako bhikkhūnaṃ santike dūtaṃ pāhesī’’ti idañca tato pabhuti so ājīvako antarantarā bhikkhū nimantetvā dānaṃ dento ajātasattukāle sikkhāpade paññatte yaṃ bhikkhūnaṃ santike dūtaṃ pāhesi, taṃ sandhāya vuttaṃ.
215. ан̃н̃аман̃н̃ависидтад̇д̇аа висад̣̇исам̣ раж̇ж̇ам̣ вираж̇ж̇ам̣, д̇ад̇о ааг̇ад̇аа, д̇ад̇т̇а ваа ж̇аад̇аа, бхаваад̇и ваа взраж̇ж̇аа, д̇з зва взраж̇ж̇агаа. д̇з бана яасмаа г̇од̇д̇ажаран̣аад̣̇ивибхааг̇зна наанаббагаараа, д̇асмаа вуд̇д̇ам̣ ‘‘наанаавзраж̇ж̇агз’’д̇и. адтагат̇ааяам̣ бана наанаавид̇хзхи ан̃н̃араж̇ж̇зхи ааг̇ад̇зд̇и раж̇ж̇аанам̣язва васзна наанаббагаарад̇аа вуд̇д̇аа.
215. Aññamaññavisiṭṭhattā visadisaṃ rajjaṃ virajjaṃ, tato āgatā, tattha vā jātā, bhavāti vā verajjā, te eva verajjakā. Te pana yasmā gottacaraṇādivibhāgena nānappakārā, tasmā vuttaṃ ‘‘nānāverajjake’’ti. Aṭṭhakathāyaṃ pana nānāvidhehi aññarajjehi āgateti rajjānaṃyeva vasena nānappakāratā vuttā.
217-218. имасса сигкаабад̣̇асса вин̃н̃ад̇д̇им̣ гад̇ваа бхун̃ж̇анавад̇т̇усмим̣ бан̃н̃ад̇д̇ад̇д̇аа вин̃н̃ад̇д̇ид̇о г̇ан̣абхож̇анам̣ вад̇т̇увасзнзва баагаданд̇и д̇ам̣ авад̇ваа ‘‘г̇ан̣абхож̇анам̣ наама яад̇т̇а…бз… ниманд̇ид̇аа бхун̃ж̇анд̇ий’’д̇и ниманд̇анавасзнзва бад̣̇абхааж̇анз г̇ан̣абхож̇анам̣ вуд̇д̇ам̣. ‘‘гин̃жи бана сигкаабад̣̇ам̣ вад̇т̇уанануруубамби сияаад̇и бад̣̇абхааж̇анз вуд̇д̇анаязна ниманд̇анавасзнзва г̇ан̣абхож̇анам̣ ход̇ийд̇и гзсан̃жи аасан̇гаа бхавзяяаа’’д̇и д̇ам̣нивад̇д̇анад̇т̇ам̣ ‘‘д̇ам̣ банзд̇ам̣ г̇ан̣абхож̇анам̣ д̣̇вийхаагаарзхи басавад̇ий’’д̇и вуд̇д̇ам̣. бан̃жаннам̣ бхож̇анаанам̣ наамам̣ г̇ахзд̇ваад̇и зд̇т̇а ‘‘бхож̇анам̣ г̇ан̣хат̇аад̇и вуд̇д̇зби г̇ан̣абхож̇анам̣ ход̇иязваа’’д̇и вад̣̇анд̇и. ‘‘хздтаа ад̣̇д̇хаанаг̇аманавад̇т̇усмим̣ нааваабхируханавад̇т̇усмин̃жа ‘ид̇хзва, бханд̇з, бхун̃ж̇ат̇аа’д̇и вуд̇д̇з яасмаа гуггужжааяанд̇аа на бадиг̇г̇ан̣хим̣су, д̇асмаа ‘бхун̃ж̇ат̇аа’д̇и вуд̇д̇зби г̇ан̣абхож̇анам̣ на ход̇иязваа’’д̇и д̇ийсуби г̇ан̣тибад̣̇зсу вуд̇д̇ам̣. ‘‘бан̃жаннам̣ бхож̇анаанам̣ наамам̣ г̇ахзд̇ваа ниманд̇зд̇ий’’д̇и вуд̇д̇ад̇д̇аа бана ‘‘од̣̇анам̣ бхун̃ж̇ат̇аа’’д̇и ваа ‘‘бхад̇д̇ам̣ бхун̃ж̇ат̇аа’’д̇и ваа бхож̇ананаамам̣ г̇ахзд̇ваава вуд̇д̇з г̇ан̣абхож̇анам̣ ход̇и, на ан̃н̃ат̇аа. ‘‘ид̇хзва, бханд̇з, бхун̃ж̇ат̇аа’’д̇и зд̇т̇ааби ‘‘од̣̇ана’’нд̇и ваа ‘‘бхад̇д̇а’’нд̇и ваа вад̇ваава д̇з звам̣ ниманд̇зсунд̇и г̇ахзд̇аб̣б̣ам̣. г̇ан̣авасзна ваа ниманд̇ид̇ад̇д̇аа д̇з бхигкуу абагад̇ан̃н̃уд̇ааяа гуггужжааяанд̇аа на бадиг̇г̇ан̣хим̣сууд̇и аяам̣ амхаагам̣ канд̇и, виймам̣сид̇ваа яуд̇д̇ад̇арам̣ г̇ахзд̇аб̣б̣ам̣.
217-218. Imassa sikkhāpadassa viññattiṃ katvā bhuñjanavatthusmiṃ paññattattā viññattito gaṇabhojanaṃ vatthuvaseneva pākaṭanti taṃ avatvā ‘‘gaṇabhojanaṃ nāma yattha…pe… nimantitā bhuñjantī’’ti nimantanavaseneva padabhājane gaṇabhojanaṃ vuttaṃ. ‘‘Kiñci pana sikkhāpadaṃ vatthuananurūpampi siyāti padabhājane vuttanayena nimantanavaseneva gaṇabhojanaṃ hotīti kesañci āsaṅkā bhaveyyā’’ti taṃnivattanatthaṃ ‘‘taṃ panetaṃ gaṇabhojanaṃ dvīhākārehi pasavatī’’ti vuttaṃ. Pañcannaṃ bhojanānaṃ nāmaṃ gahetvāti ettha ‘‘bhojanaṃ gaṇhathāti vuttepi gaṇabhojanaṃ hotiyevā’’ti vadanti. ‘‘Heṭṭhā addhānagamanavatthusmiṃ nāvābhiruhanavatthusmiñca ‘idheva, bhante, bhuñjathā’ti vutte yasmā kukkuccāyantā na paṭiggaṇhiṃsu, tasmā ‘bhuñjathā’ti vuttepi gaṇabhojanaṃ na hotiyevā’’ti tīsupi gaṇṭhipadesu vuttaṃ. ‘‘Pañcannaṃ bhojanānaṃ nāmaṃ gahetvā nimantetī’’ti vuttattā pana ‘‘odanaṃ bhuñjathā’’ti vā ‘‘bhattaṃ bhuñjathā’’ti vā bhojananāmaṃ gahetvāva vutte gaṇabhojanaṃ hoti, na aññathā. ‘‘Idheva, bhante, bhuñjathā’’ti etthāpi ‘‘odana’’nti vā ‘‘bhatta’’nti vā vatvāva te evaṃ nimantesunti gahetabbaṃ. Gaṇavasena vā nimantitattā te bhikkhū apakataññutāya kukkuccāyantā na paṭiggaṇhiṃsūti ayaṃ amhākaṃ khanti, vīmaṃsitvā yuttataraṃ gahetabbaṃ.
згад̇о г̇ан̣ханд̇ийд̇и зд̇т̇а ан̃н̃аман̃н̃асса д̣̇ваад̣̇асахад̇т̇ам̣ амун̃жид̇ваа тид̇аа згад̇о г̇ан̣ханд̇и наамаад̇и г̇ахзд̇аб̣б̣ам̣. ‘‘амхаагам̣ жад̇уннамби бхад̇д̇ам̣ д̣̇зхийд̇и ваа вин̃н̃аабзяяу’’нд̇и важанад̇о хздтаа ‘‘д̇вам̣ згасса бхигкуно бхад̇д̇ам̣ д̣̇зхи, д̇вам̣ д̣̇виннанд̇и звам̣ вин̃н̃аабзд̇ваа’’д̇и важанад̇о жа ад̇д̇ано ад̇т̇ааяа ан̃н̃зхи вин̃н̃ад̇д̇амби саад̣̇ияанд̇асса г̇ан̣абхож̇анам̣ ход̇иязваад̇и д̣̇адтаб̣б̣ам̣. звам̣ вин̃н̃ад̇д̇ид̇о басавад̇ийд̇и зд̇т̇а вин̃н̃ад̇д̇ияаа сад̇и г̇ан̣ханд̇асса згад̇о худ̇ваа г̇ахан̣з иминаа сигкаабад̣̇зна аабад̇д̇и, висум̣ г̇ахан̣з бан̣ийд̇абхож̇анасуубод̣̇анавин̃н̃ад̇д̇ийхи аабад̇д̇и взд̣̇ид̇аб̣б̣аа.
Ekato gaṇhantīti ettha aññamaññassa dvādasahatthaṃ amuñcitvā ṭhitā ekato gaṇhanti nāmāti gahetabbaṃ. ‘‘Amhākaṃ catunnampi bhattaṃ dehīti vā viññāpeyyu’’nti vacanato heṭṭhā ‘‘tvaṃ ekassa bhikkhuno bhattaṃ dehi, tvaṃ dvinnanti evaṃ viññāpetvā’’ti vacanato ca attano atthāya aññehi viññattampi sādiyantassa gaṇabhojanaṃ hotiyevāti daṭṭhabbaṃ. Evaṃ viññattito pasavatīti ettha viññattiyā sati gaṇhantassa ekato hutvā gahaṇe iminā sikkhāpadena āpatti, visuṃ gahaṇe paṇītabhojanasūpodanaviññattīhi āpatti veditabbā.
вижаарзд̇ийд̇и бан̃жакан̣д̣аад̣̇ивасзна сам̣вид̣̇ахад̇и. гхаддзд̇ийд̇и ануваад̇ам̣ чинд̣̇ид̇ваа хад̇т̇зна д̣̇ан̣д̣агзна ваа гхаддзд̇и. суд̇д̇ам̣ гарод̇ийд̇и суд̇д̇ам̣ ваддзд̇и. валзд̇ийд̇и д̣̇ан̣д̣агз ваа хад̇т̇з ваа ааваддзд̇и. ‘‘абхинавассзва жийварасса гаран̣ам̣ ид̇ха жийварагаммам̣ наама, бураан̣ажийварз суужигаммам̣ наама на ход̇ий’’д̇и вад̣̇анд̇и. ‘‘жад̇уд̇т̇з ааг̇ад̇з на яаабзнд̇ийд̇и важанад̇о сажз ан̃н̃о гожи ааг̇ажчанд̇о над̇т̇и, жад̇д̇аароязва жа д̇ад̇т̇а нисиннаа яаабзд̇ум̣ на саггонд̇и, на ваддад̇ий’’д̇и вад̣̇анд̇и.
Vicāretīti pañcakhaṇḍādivasena saṃvidahati. Ghaṭṭetīti anuvātaṃ chinditvā hatthena daṇḍakena vā ghaṭṭeti. Suttaṃ karotīti suttaṃ vaṭṭeti. Valetīti daṇḍake vā hatthe vā āvaṭṭeti. ‘‘Abhinavasseva cīvarassa karaṇaṃ idha cīvarakammaṃ nāma, purāṇacīvare sūcikammaṃ nāma na hotī’’ti vadanti. ‘‘Catutthe āgate na yāpentīti vacanato sace añño koci āgacchanto natthi, cattāroyeva ca tattha nisinnā yāpetuṃ na sakkonti, na vaṭṭatī’’ti vadanti.
220. г̇ан̣абхож̇анаабад̇д̇иж̇анаганиманд̇анабхаавад̇о ‘‘агаббияаниманд̇ана’’нд̇и вуд̇д̇ам̣. самбавзсзд̇ваад̇и нисийд̣̇аабзд̇ваа. г̇ан̣о бхиж̇ж̇ад̇ийд̇и г̇ан̣о аабад̇д̇им̣ на аабаж̇ж̇ад̇ийд̇и ад̇хиббааяо. ‘‘яад̇т̇а жад̇д̇ааро бхигкуу…бз… бхун̃ж̇анд̇ий’’д̇и имааяа баал̣ияаа сам̣санд̣̇анад̇о ‘‘ид̇арзсам̣ бана г̇ан̣абуураго ход̇ий’’д̇и вуд̇д̇ам̣. ависзсзнаад̇и ‘‘г̇илаано ваа жийварагаараго ваа’’д̇и ависзсзд̇ваа саб̣б̣асаад̇хааран̣аважанзна. д̇асмаад̇и ависзсид̇ад̇д̇аа. бхуд̇ваа г̇ад̇зсууд̇и зд̇т̇а аг̇ад̇зсуби бхож̇анагижжз нидтид̇з г̇ан̣хид̇ум̣ ваддад̇и . д̇аани жа д̇зхи згад̇о на г̇ахид̇аанийд̇и язхи бхож̇анзхи висан̇гзд̇о над̇т̇и, д̇аани бхож̇анаани д̇зхи бхигкуухи згад̇о на г̇ахид̇аани згзна бажчаа г̇ахид̇ад̇д̇аа. махаат̇зрзд̇и бхигкуу санд̇хааяа вуд̇д̇ам̣. д̣̇ууд̇асса буна бадибат̇ам̣ ааг̇анд̇ваа ‘‘бхад̇д̇ам̣ г̇ан̣хат̇аа’’д̇и важанабхаязна ‘‘г̇аамад̣̇ваарз адтад̇вааваа’’д̇и вуд̇д̇ам̣. д̇ад̇т̇а д̇ад̇т̇а г̇анд̇ваад̇и анд̇аравийт̇иаад̣̇ийсу д̇ад̇т̇а д̇ад̇т̇а тид̇аанам̣ санд̇игам̣ г̇анд̇ваа. бхигкуунам̣ ад̇т̇ааяа гхарад̣̇ваарз табзд̇ваа д̣̇ияяамаанзби зсзва наяо. нивад̇д̇ат̇аад̇и вуд̇д̇абад̣̇з нивад̇д̇ид̇ум̣ ваддад̇ийд̇и ‘‘нивад̇д̇ат̇аа’’д̇и вижчинд̣̇ид̇ваа бажчаа ‘‘бхад̇д̇ам̣ г̇ан̣хат̇аа’’д̇и вуд̇д̇ад̇д̇аа ваддад̇и. сзсамзд̇т̇а уд̇д̇аанамзва. г̇ан̣абхож̇анад̇аа, самаяаабхааво, аж̇жхохаран̣анд̇и имаани банзд̇т̇а д̇ийн̣и ан̇г̇аани.
220. Gaṇabhojanāpattijanakanimantanabhāvato ‘‘akappiyanimantana’’nti vuttaṃ. Sampavesetvāti nisīdāpetvā. Gaṇo bhijjatīti gaṇo āpattiṃ na āpajjatīti adhippāyo. ‘‘Yattha cattāro bhikkhū…pe… bhuñjantī’’ti imāya pāḷiyā saṃsandanato ‘‘itaresaṃ pana gaṇapūrako hotī’’ti vuttaṃ. Avisesenāti ‘‘gilāno vā cīvarakārako vā’’ti avisesetvā sabbasādhāraṇavacanena. Tasmāti avisesitattā. Bhutvā gatesūti ettha agatesupi bhojanakicce niṭṭhite gaṇhituṃ vaṭṭati . Tāni ca tehi ekato na gahitānīti yehi bhojanehi visaṅketo natthi, tāni bhojanāni tehi bhikkhūhi ekato na gahitāni ekena pacchā gahitattā. Mahāthereti bhikkhū sandhāya vuttaṃ. Dūtassa puna paṭipathaṃ āgantvā ‘‘bhattaṃ gaṇhathā’’ti vacanabhayena ‘‘gāmadvāre aṭṭhatvāvā’’ti vuttaṃ. Tattha tattha gantvāti antaravīthiādīsu tattha tattha ṭhitānaṃ santikaṃ gantvā. Bhikkhūnaṃ atthāya gharadvāre ṭhapetvā diyyamānepi eseva nayo. Nivattathāti vuttapade nivattituṃ vaṭṭatīti ‘‘nivattathā’’ti vicchinditvā pacchā ‘‘bhattaṃ gaṇhathā’’ti vuttattā vaṭṭati. Sesamettha uttānameva. Gaṇabhojanatā, samayābhāvo, ajjhoharaṇanti imāni panettha tīṇi aṅgāni.
г̇ан̣абхож̇анасигкаабад̣̇аван̣н̣анаа нидтид̇аа.
Gaṇabhojanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. г̇ан̣абхож̇анасигкаабад̣̇аван̣н̣анаа • 2. Gaṇabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. г̇ан̣абхож̇анасигкаабад̣̇аван̣н̣анаа • 2. Gaṇabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. г̇ан̣абхож̇анасигкаабад̣̇аван̣н̣анаа • 2. Gaṇabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. г̇ан̣абхож̇анасигкаабад̣̇ам̣ • 2. Gaṇabhojanasikkhāpadaṃ
