| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. г̇ан̣абхож̇анасигкаабад̣̇аван̣н̣анаа
2. Gaṇabhojanasikkhāpadavaṇṇanā
209-218. г̇ул̣хабадижчаннод̇и абаагадова. зго буд̇д̇знаад̇и згассзгам̣ бхад̇д̇ам̣ ‘‘ахам̣ ан̃н̃зна ниманд̇ид̇о’’д̇и на вужжад̇и. ‘‘сажз згад̇о г̇ан̣ханд̇и , г̇ан̣абхож̇анам̣ ход̇ий’’д̇и (баажи. адта. 217-218) вуд̇д̇ад̇д̇аа жад̇д̇ааро убаасагаа жад̇д̇ааро бхигкуу висум̣ висум̣ ниманд̇зд̇ваа хад̇т̇абаасз тид̇аанам̣ жз д̣̇знд̇и, г̇ан̣абхож̇анам̣ ход̇и зваад̇и згз, д̇ам̣ на яуд̇д̇ам̣ вияа. ‘‘вин̃н̃ад̇д̇ид̇о басаванз г̇ан̣асса згад̇о г̇ахан̣з иминаа сигкаабад̣̇зна аабад̇д̇и, висум̣ г̇ахан̣з бан̣ийд̇абхож̇анасуубод̣̇анавин̃н̃ад̇д̇ийхий’’д̇и ликид̇ам̣. ‘‘вин̃н̃ад̇д̇ид̇о басаванам̣ адтуббад̇д̇ивасзна адтагат̇ааяам̣ анун̃н̃аад̇ам̣. суубод̣̇анаад̣̇ивасзна д̇ад̇т̇а аабад̇д̇и зваа’’д̇и вуд̇д̇ам̣, д̇ам̣ на яуд̇д̇ам̣. гасмаа? бариваарз (бари. 168) зва д̣̇виннам̣ аагаараанам̣ ааг̇ад̇ад̇д̇аа, д̇асмаа адтагат̇ааяам̣ ‘‘анун̃н̃аад̇а’’нд̇и д̣̇увуд̇д̇ам̣. адтуббад̇д̇ияам̣язва баагаданд̇и ‘‘бад̣̇абхааж̇анз на вуд̇д̇а’’нд̇и вад̇д̇аб̣б̣ам̣. згад̇о г̇ан̣ханд̇ийд̇и г̇ахид̇абхад̇д̇ааби ан̃н̃з яаава г̇ан̣ханд̇и, д̇аава жз д̇идтанд̇и, згад̇о г̇ан̣ханд̇иязва наама. ‘‘г̇ажчад̇и жз, анаабад̇д̇ий’’д̇и вад̣̇анд̇и.
209-218.Guḷhapaṭicchannoti apākaṭova. Eko puttenāti ekassekaṃ bhattaṃ ‘‘ahaṃ aññena nimantito’’ti na vuccati. ‘‘Sace ekato gaṇhanti, gaṇabhojanaṃ hotī’’ti (pāci. aṭṭha. 217-218) vuttattā cattāro upāsakā cattāro bhikkhū visuṃ visuṃ nimantetvā hatthapāse ṭhitānaṃ ce denti, gaṇabhojanaṃ hoti evāti eke, taṃ na yuttaṃ viya. ‘‘Viññattito pasavane gaṇassa ekato gahaṇe iminā sikkhāpadena āpatti, visuṃ gahaṇe paṇītabhojanasūpodanaviññattīhī’’ti likhitaṃ. ‘‘Viññattito pasavanaṃ aṭṭhuppattivasena aṭṭhakathāyaṃ anuññātaṃ. Sūpodanādivasena tattha āpatti evā’’ti vuttaṃ, taṃ na yuttaṃ. Kasmā? Parivāre (pari. 168) eva dvinnaṃ ākārānaṃ āgatattā, tasmā aṭṭhakathāyaṃ ‘‘anuññāta’’nti duvuttaṃ. Aṭṭhuppattiyaṃyeva pākaṭanti ‘‘padabhājane na vutta’’nti vattabbaṃ. Ekato gaṇhantīti gahitabhattāpi aññe yāva gaṇhanti, tāva ce tiṭṭhanti, ekato gaṇhantiyeva nāma. ‘‘Gacchati ce, anāpattī’’ti vadanti.
зд̇т̇ааха – ‘‘бадиг̇г̇ахан̣амзва хзд̇т̇а бамаан̣а’’нд̇и вуд̇д̇ам̣, ат̇а гасмаа баал̣ияам̣ ‘‘г̇ан̣абхож̇анам̣ наама яад̇т̇а жад̇д̇ааро…бз… бхун̃ж̇анд̇и, зд̇ам̣ г̇ан̣абхож̇анам̣ наамаа’’д̇и (баажи. 218) вуд̇д̇анд̇и? вужжад̇и – яад̇т̇аад̇и убаяог̇ад̇т̇з бхуммаважанам̣. жад̇д̇аарод̇и г̇ан̣асса хздтимабарижчзд̣̇анид̣̇ассанам̣. бан̃жаннам̣ бхож̇анаананд̇и аабад̇д̇иббахонагабхож̇ананид̣̇ассанам̣. ан̃н̃ад̇арзна бхож̇анзна ниманд̇ид̇аад̇и агаббияаниманд̇ананид̣̇ассанам̣. ниманд̇анавасзнзва бана г̇ан̣абхож̇анасса вуд̇д̇ад̇д̇аа ‘‘ниманд̇ид̇аа бхун̃ж̇анд̇ийд̇и вуд̇д̇а’’нд̇и вуд̇д̇ам̣. ‘‘ан̃н̃ад̇арам̣ бхож̇анам̣ вин̃н̃аабзд̇ваа бхун̃ж̇анд̇ий’’д̇и бана на вуд̇д̇ам̣ адтуббад̇д̇ияам̣язва баагадад̇д̇аа. яам̣ бхун̃ж̇анд̇ийд̇и звам̣ самб̣анд̇хо взд̣̇ид̇аб̣б̣о. д̇ад̇т̇а бхун̃ж̇анд̇ийд̇и бадиг̇г̇аахаганияамаважанам̣. на хи аббадиг̇г̇ахид̇агам̣ бхигкуу бхун̃ж̇анд̇и. ид̣̇ам̣ вуд̇д̇ам̣ ход̇и ‘‘г̇ан̣асса яад̇о бадиг̇г̇ахид̇аахаарабхож̇анахзд̇у баажид̇д̇ияа’’нд̇и. ааг̇анд̇угабаддам̣ могхасуд̇д̇зна сиб̣б̣ид̇ваа табзнд̇и, д̇ад̇т̇а ануваад̇з яат̇аа згад̇алам̣ ход̇и, д̇ат̇аа хад̇т̇зхи гхаддзд̇и. валзд̇ийд̇и ааваддзд̇и. баривад̇д̇ананд̇и суд̇д̇ам̣ г̇ан̣ханд̇аанам̣ сукаг̇г̇ахан̣ад̇т̇ам̣ суд̇д̇абаривад̇д̇анам̣ гарод̇и, баддам̣ сиб̣б̣анд̇аанам̣ сукасиб̣б̣анад̇т̇ам̣ баддабаривад̇д̇анан̃жа. наважийварагаараго ид̇хаад̇хиббзд̇о, на ид̇арод̇и. ‘‘б̣имб̣исаарам̣ аабужчид̇ваа самбхаарз гаяирамаанзязва гаалаа ад̇игганд̇аа, бажчаа г̇ан̣абхож̇анасигкаабад̣̇з бан̃н̃ад̇д̇з бхаг̇аванд̇ам̣ убасан̇гамид̇ваа бужчий’’д̇и вад̣̇анд̇и, ан̃н̃ат̇аа адтагат̇ааяа вируж̇жханад̇о.
Etthāha – ‘‘paṭiggahaṇameva hettha pamāṇa’’nti vuttaṃ, atha kasmā pāḷiyaṃ ‘‘gaṇabhojanaṃ nāma yattha cattāro…pe… bhuñjanti, etaṃ gaṇabhojanaṃ nāmā’’ti (pāci. 218) vuttanti? Vuccati – yatthāti upayogatthe bhummavacanaṃ. Cattāroti gaṇassa heṭṭhimaparicchedanidassanaṃ. Pañcannaṃ bhojanānanti āpattippahonakabhojananidassanaṃ. Aññatarena bhojanena nimantitāti akappiyanimantananidassanaṃ. Nimantanavaseneva pana gaṇabhojanassa vuttattā ‘‘nimantitā bhuñjantīti vutta’’nti vuttaṃ. ‘‘Aññataraṃ bhojanaṃ viññāpetvā bhuñjantī’’ti pana na vuttaṃ aṭṭhuppattiyaṃyeva pākaṭattā. Yaṃ bhuñjantīti evaṃ sambandho veditabbo. Tattha bhuñjantīti paṭiggāhakaniyamavacanaṃ. Na hi appaṭiggahitakaṃ bhikkhū bhuñjanti. Idaṃ vuttaṃ hoti ‘‘gaṇassa yato paṭiggahitāhārabhojanahetu pācittiya’’nti. Āgantukapaṭṭaṃ moghasuttena sibbitvā ṭhapenti, tattha anuvāte yathā ekatalaṃ hoti, tathā hatthehi ghaṭṭeti. Valetīti āvaṭṭeti. Parivattananti suttaṃ gaṇhantānaṃ sukhaggahaṇatthaṃ suttaparivattanaṃ karoti, paṭṭaṃ sibbantānaṃ sukhasibbanatthaṃ paṭṭaparivattanañca. Navacīvarakārako idhādhippeto, na itaroti. ‘‘Bimbisāraṃ āpucchitvā sambhāre kayiramāneyeva kālā atikkantā, pacchā gaṇabhojanasikkhāpade paññatte bhagavantaṃ upasaṅkamitvā pucchī’’ti vadanti, aññathā aṭṭhakathāya virujjhanato.
220. ‘‘д̣̇вз д̇аяо згад̇од̇и язби агаббияаниманд̇анам̣ саад̣̇ияид̇ваа’’д̇иаад̣̇иважанзна агаббияаниманд̇анабажжаяаа зва анаабад̇д̇и, вин̃н̃ад̇д̇ид̇о аабад̇д̇иязваад̇и д̣̇ийбзд̇и. аниманд̇ид̇о жад̇уд̇т̇о яасса д̇ад̣̇зд̇ам̣ аниманд̇ид̇ажад̇уд̇т̇ам̣. зса наяо саб̣б̣ад̇т̇а. бавзсзд̇ваад̇и нисийд̣̇аабзд̇ваа. жийварад̣̇аанасамаяалад̣̇д̇хагажад̇уггам̣ жийварагаарасамаяалад̣̇д̇хагажад̇угганд̇и звамаад̣̇ийни. д̇аани жаад̇и язхи бхож̇анзхи висан̇гзд̇о над̇т̇и, д̇аани. махаат̇зрзд̇и убасамбаннз. адтад̇ваад̇и тид̇зна нимид̇д̇ам̣ д̣̇ассид̇ам̣ ход̇и. д̇ад̇т̇а д̇ад̇т̇а г̇анд̇ваад̇и рат̇игаад̣̇ийсу бхигкусамийбз г̇анд̇ваа. имасмим̣ бана сигкаабад̣̇з гад̇т̇ажи бод̇т̇агз ‘‘ануж̇аанаами, бхигкавз, жийварад̣̇аанасамаяз г̇ан̣абхож̇анам̣ бхун̃ж̇ид̇ум̣. зван̃жид̣̇ам̣ бхаг̇авад̇аа бхигкууна’’нд̇и баато д̣̇иссад̇и. гад̇т̇ажи ‘‘бхун̃ж̇ид̇у’’нд̇и вад̇ваа ‘‘зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇аа’’д̇и баато, аяам̣ собхано.
220. ‘‘Dve tayo ekatoti yepi akappiyanimantanaṃ sādiyitvā’’tiādivacanena akappiyanimantanapaccayā eva anāpatti, viññattito āpattiyevāti dīpeti. Animantito catuttho yassa tadetaṃ animantitacatutthaṃ. Esa nayo sabbattha. Pavesetvāti nisīdāpetvā. Cīvaradānasamayaladdhakacatukkaṃ cīvarakārasamayaladdhakacatukkanti evamādīni. Tāni cāti yehi bhojanehi visaṅketo natthi, tāni. Mahāthereti upasampanne. Aṭṭhatvāti ṭhitena nimittaṃ dassitaṃ hoti. Tattha tattha gantvāti rathikādīsu bhikkhusamīpe gantvā. Imasmiṃ pana sikkhāpade katthaci potthake ‘‘anujānāmi, bhikkhave, cīvaradānasamaye gaṇabhojanaṃ bhuñjituṃ. Evañcidaṃ bhagavatā bhikkhūna’’nti pāṭho dissati. Katthaci ‘‘bhuñjitu’’nti vatvā ‘‘evañca pana, bhikkhave, imaṃ sikkhāpadaṃ uddiseyyāthā’’ti pāṭho, ayaṃ sobhano.
г̇ан̣абхож̇анасигкаабад̣̇аван̣н̣анаа нидтид̇аа.
Gaṇabhojanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. бхож̇анаваг̇г̇о • 4. Bhojanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. г̇ан̣абхож̇анасигкаабад̣̇аван̣н̣анаа • 2. Gaṇabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. г̇ан̣абхож̇анасигкаабад̣̇аван̣н̣анаа • 2. Gaṇabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. г̇ан̣абхож̇анасигкаабад̣̇аван̣н̣анаа • 2. Gaṇabhojanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. г̇ан̣абхож̇анасигкаабад̣̇ам̣ • 2. Gaṇabhojanasikkhāpadaṃ
