| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
६. गणचीवरसिक्खापदवण्णना
6. Gaṇacīvarasikkhāpadavaṇṇanā
अञ्ञस्मिं परिक्खारेति यत्थ कत्थचि थालकादीनं वा सप्पितेलादीनं वा अञ्ञतरस्मिं। ‘‘समग्घकाले दस्सथा’’ति एवं आनिसंसं दस्सेत्वा निवारेन्तियाति ‘‘कित्तकं अग्घनकं दातुकामत्था’’ति पुच्छित्वा (पाचि॰ अट्ठ॰ ९०९) ‘‘एत्तकं नामा’’ति वुत्ते ‘‘आगमेथ ताव, इदानि वत्थं महग्घं, कतिपाहेन कप्पासे आहटे समग्घं भविस्सति, तस्मिं काले दस्सथा’’ति एवं आनिसंसं दस्सेत्वा निवारेन्तिया।
Aññasmiṃ parikkhāreti yattha katthaci thālakādīnaṃ vā sappitelādīnaṃ vā aññatarasmiṃ. ‘‘Samagghakāle dassathā’’ti evaṃ ānisaṃsaṃ dassetvā nivārentiyāti ‘‘kittakaṃ agghanakaṃ dātukāmatthā’’ti pucchitvā (pāci. aṭṭha. 909) ‘‘ettakaṃ nāmā’’ti vutte ‘‘āgametha tāva, idāni vatthaṃ mahagghaṃ, katipāhena kappāse āhaṭe samagghaṃ bhavissati, tasmiṃ kāle dassathā’’ti evaṃ ānisaṃsaṃ dassetvā nivārentiyā.
गणचीवरसिक्खापदवण्णना निट्ठिता।
Gaṇacīvarasikkhāpadavaṇṇanā niṭṭhitā.
