| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
7. г̇ан̣агамог̇г̇аллаанасуд̇д̇ам̣
7. Gaṇakamoggallānasuttaṃ
74. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. ат̇а ко г̇ан̣агамог̇г̇аллаано 1 б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко г̇ан̣агамог̇г̇аллаано б̣раахман̣о бхаг̇аванд̇ам̣ зд̇ад̣̇авожа –
74. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Atha kho gaṇakamoggallāno 2 brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho gaṇakamoggallāno brāhmaṇo bhagavantaṃ etadavoca –
‘‘сзяяат̇ааби, бхо г̇од̇ама, имасса миг̇аарамаад̇убаасаад̣̇асса д̣̇иссад̇и анубуб̣б̣асигкаа анубуб̣б̣агирияаа анубуб̣б̣абадибад̣̇аа яад̣̇ид̣̇ам̣ – яаава бажчимасобаанагал̣зварааः имзсамби хи, бхо г̇од̇ама, б̣раахман̣аанам̣ д̣̇иссад̇и анубуб̣б̣асигкаа анубуб̣б̣агирияаа анубуб̣б̣абадибад̣̇аа яад̣̇ид̣̇ам̣ – аж̇жхзнзः имзсамби хи, бхо г̇од̇ама, иссаасаанам̣ д̣̇иссад̇и анубуб̣б̣асигкаа анубуб̣б̣агирияаа анубуб̣б̣абадибад̣̇аа яад̣̇ид̣̇ам̣ – иссад̇т̇з 3. амхаагамби хи, бхо г̇од̇ама, г̇ан̣агаанам̣ г̇ан̣анааж̇ийваанам̣ д̣̇иссад̇и анубуб̣б̣асигкаа анубуб̣б̣агирияаа анубуб̣б̣абадибад̣̇аа яад̣̇ид̣̇ам̣ – сан̇каанз. маяан̃хи, бхо г̇од̇ама, анд̇зваасим̣ лабхид̇ваа батамам̣ звам̣ г̇ан̣аабзма – ‘згам̣ згагам̣, д̣̇вз д̣̇угаа, д̇ийн̣и д̇игаа, жад̇д̇аари жад̇уггаа, бан̃жа бан̃жагаа, ча чаггаа, сад̇д̇а сад̇д̇агаа, адта адтагаа, нава навагаа, д̣̇аса д̣̇асагаа’д̇и; сад̇амби маяам̣, бхо г̇од̇ама, г̇ан̣аабзма, бхияяоби г̇ан̣аабзма. саггаа ну ко, бхо г̇од̇ама, имасмимби д̇хаммавинаяз звамзва анубуб̣б̣асигкаа анубуб̣б̣агирияаа анубуб̣б̣абадибад̣̇аа бан̃н̃абзд̇у’’нд̇и?
‘‘Seyyathāpi, bho gotama, imassa migāramātupāsādassa dissati anupubbasikkhā anupubbakiriyā anupubbapaṭipadā yadidaṃ – yāva pacchimasopānakaḷevarāः imesampi hi, bho gotama, brāhmaṇānaṃ dissati anupubbasikkhā anupubbakiriyā anupubbapaṭipadā yadidaṃ – ajjheneः imesampi hi, bho gotama, issāsānaṃ dissati anupubbasikkhā anupubbakiriyā anupubbapaṭipadā yadidaṃ – issatthe 4. Amhākampi hi, bho gotama, gaṇakānaṃ gaṇanājīvānaṃ dissati anupubbasikkhā anupubbakiriyā anupubbapaṭipadā yadidaṃ – saṅkhāne. Mayañhi, bho gotama, antevāsiṃ labhitvā paṭhamaṃ evaṃ gaṇāpema – ‘ekaṃ ekakaṃ, dve dukā, tīṇi tikā, cattāri catukkā, pañca pañcakā, cha chakkā, satta sattakā, aṭṭha aṭṭhakā, nava navakā, dasa dasakā’ti; satampi mayaṃ, bho gotama, gaṇāpema, bhiyyopi gaṇāpema. Sakkā nu kho, bho gotama, imasmimpi dhammavinaye evameva anupubbasikkhā anupubbakiriyā anupubbapaṭipadā paññapetu’’nti?
75. ‘‘саггаа , б̣раахман̣а, имасмимби д̇хаммавинаяз анубуб̣б̣асигкаа анубуб̣б̣агирияаа анубуб̣б̣абадибад̣̇аа бан̃н̃абзд̇ум̣. сзяяат̇ааби, б̣раахман̣а, д̣̇агко ассад̣̇аммаго бхад̣̇д̣̇ам̣ ассааж̇аанийяам̣ лабхид̇ваа батамзнзва мукаад̇хаанз гааран̣ам̣ гаарзд̇и, ат̇а уд̇д̇арим̣ гааран̣ам̣ гаарзд̇и; звамзва ко, б̣раахман̣а, д̇ат̇ааг̇ад̇о бурисад̣̇аммам̣ лабхид̇ваа батамам̣ звам̣ винзд̇и – ‘зхи д̇вам̣, бхигку, сийлаваа хохи, баад̇имогкасам̣варасам̣вуд̇о вихараахи аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкассу сигкаабад̣̇зсуу’’’д̇и.
75. ‘‘Sakkā , brāhmaṇa, imasmimpi dhammavinaye anupubbasikkhā anupubbakiriyā anupubbapaṭipadā paññapetuṃ. Seyyathāpi, brāhmaṇa, dakkho assadammako bhaddaṃ assājānīyaṃ labhitvā paṭhameneva mukhādhāne kāraṇaṃ kāreti, atha uttariṃ kāraṇaṃ kāreti; evameva kho, brāhmaṇa, tathāgato purisadammaṃ labhitvā paṭhamaṃ evaṃ vineti – ‘ehi tvaṃ, bhikkhu, sīlavā hohi, pātimokkhasaṃvarasaṃvuto viharāhi ācāragocarasampanno aṇumattesu vajjesu bhayadassāvī, samādāya sikkhassu sikkhāpadesū’’’ti.
‘‘яад̇о ко, б̣раахман̣а, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу, д̇амзнам̣ д̇ат̇ааг̇ад̇о уд̇д̇арим̣ винзд̇и – ‘зхи д̇вам̣, бхигку, инд̣̇риязсу г̇уд̇д̇ад̣̇вааро хохи, жагкунаа руубам̣ д̣̇исваа маа нимид̇д̇аг̇г̇аахий хохи маануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇аахи; рагкаахи жагкунд̣̇рияам̣, жагкунд̣̇рияз сам̣варам̣ аабаж̇ж̇аахи. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа маа нимид̇д̇аг̇г̇аахий хохи маануб̣яан̃ж̇анаг̇г̇аахий. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇аахи; рагкаахи манинд̣̇рияам̣, манинд̣̇рияз сам̣варам̣ аабаж̇ж̇аахий’’’д̇и.
‘‘Yato kho, brāhmaṇa, bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu, tamenaṃ tathāgato uttariṃ vineti – ‘ehi tvaṃ, bhikkhu, indriyesu guttadvāro hohi, cakkhunā rūpaṃ disvā mā nimittaggāhī hohi mānubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjāhi; rakkhāhi cakkhundriyaṃ, cakkhundriye saṃvaraṃ āpajjāhi. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya mā nimittaggāhī hohi mānubyañjanaggāhī. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjāhi; rakkhāhi manindriyaṃ, manindriye saṃvaraṃ āpajjāhī’’’ti.
‘‘яад̇о ко, б̣раахман̣а, бхигку инд̣̇риязсу г̇уд̇д̇ад̣̇вааро ход̇и, д̇амзнам̣ д̇ат̇ааг̇ад̇о уд̇д̇арим̣ винзд̇и – ‘зхи д̇вам̣, бхигку, бхож̇анз мад̇д̇ан̃н̃уу хохи. бадисан̇каа яонисо аахаарам̣ аахаарзяяааси – нзва д̣̇авааяа на мад̣̇ааяа на ман̣д̣анааяа на вибхуусанааяа, яаавад̣̇зва имасса гааяасса тид̇ияаа яаабанааяа вихим̣суубарад̇ияаа б̣рахмажарияаануг̇г̇ахааяа – ид̇и бураан̣ан̃жа взд̣̇анам̣ бадихан̇каами, наван̃жа взд̣̇анам̣ на уббаад̣̇зссаами, яаад̇раа жа мз бхависсад̇и анаваж̇ж̇ад̇аа жа паасувихааро жаа’’’д̇и.
‘‘Yato kho, brāhmaṇa, bhikkhu indriyesu guttadvāro hoti, tamenaṃ tathāgato uttariṃ vineti – ‘ehi tvaṃ, bhikkhu, bhojane mattaññū hohi. Paṭisaṅkhā yoniso āhāraṃ āhāreyyāsi – neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya – iti purāṇañca vedanaṃ paṭihaṅkhāmi, navañca vedanaṃ na uppādessāmi, yātrā ca me bhavissati anavajjatā ca phāsuvihāro cā’’’ti.
‘‘яад̇о ко, б̣раахман̣а , бхигку бхож̇анз мад̇д̇ан̃н̃уу ход̇и, д̇амзнам̣ д̇ат̇ааг̇ад̇о уд̇д̇арим̣ винзд̇и – ‘зхи д̇вам̣, бхигку, ж̇ааг̇арияам̣ ануяуд̇д̇о вихараахи, д̣̇ивасам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзхи, рад̇д̇ияаа батамам̣ яаамам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзхи, рад̇д̇ияаа маж̇жхимам̣ яаамам̣ д̣̇агкин̣зна бассзна сийхасзяяам̣ габбзяяааси баад̣̇з баад̣̇ам̣ ажжаад̇хааяа сад̇о самбаж̇аано удтаанасан̃н̃ам̣ манасигарид̇ваа, рад̇д̇ияаа бажчимам̣ яаамам̣ бажжудтааяа жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзхий’’’д̇и.
‘‘Yato kho, brāhmaṇa , bhikkhu bhojane mattaññū hoti, tamenaṃ tathāgato uttariṃ vineti – ‘ehi tvaṃ, bhikkhu, jāgariyaṃ anuyutto viharāhi, divasaṃ caṅkamena nisajjāya āvaraṇīyehi dhammehi cittaṃ parisodhehi, rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodhehi, rattiyā majjhimaṃ yāmaṃ dakkhiṇena passena sīhaseyyaṃ kappeyyāsi pāde pādaṃ accādhāya sato sampajāno uṭṭhānasaññaṃ manasikaritvā, rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodhehī’’’ti.
‘‘яад̇о ко, б̣раахман̣а, бхигку ж̇ааг̇арияам̣ ануяуд̇д̇о ход̇и, д̇амзнам̣ д̇ат̇ааг̇ад̇о уд̇д̇арим̣ винзд̇и – ‘зхи д̇вам̣, бхигку, сад̇исамбаж̇ан̃н̃зна саманнааг̇ад̇о хохи, абхигганд̇з бадигганд̇з самбаж̇аанагаарий , аалогид̇з вилогид̇з самбаж̇аанагаарий, самин̃ж̇ид̇з басаарид̇з самбаж̇аанагаарий, сан̇гхаадибад̇д̇ажийварад̇хааран̣з самбаж̇аанагаарий, асид̇з бийд̇з кааяид̇з сааяид̇з самбаж̇аанагаарий , ужжаарабассаавагаммз самбаж̇аанагаарий, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий’’’д̇и.
‘‘Yato kho, brāhmaṇa, bhikkhu jāgariyaṃ anuyutto hoti, tamenaṃ tathāgato uttariṃ vineti – ‘ehi tvaṃ, bhikkhu, satisampajaññena samannāgato hohi, abhikkante paṭikkante sampajānakārī , ālokite vilokite sampajānakārī, samiñjite pasārite sampajānakārī, saṅghāṭipattacīvaradhāraṇe sampajānakārī, asite pīte khāyite sāyite sampajānakārī , uccārapassāvakamme sampajānakārī, gate ṭhite nisinne sutte jāgarite bhāsite tuṇhībhāve sampajānakārī’’’ti.
‘‘яад̇о ко, б̣раахман̣а, бхигку сад̇исамбаж̇ан̃н̃зна саманнааг̇ад̇о ход̇и, д̇амзнам̣ д̇ат̇ааг̇ад̇о уд̇д̇арим̣ винзд̇и – ‘зхи д̇вам̣, бхигку, вивид̇д̇ам̣ сзнаасанам̣ бхаж̇аахи аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇а’нд̇и. со вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванаббад̇т̇ам̣ аб̣бхогаасам̣ балаалабун̃ж̇ам̣. со бажчаабхад̇д̇ам̣ бин̣д̣абаад̇абадигганд̇о нисийд̣̇ад̇и баллан̇гам̣ аабхуж̇ид̇ваа, уж̇ум̣ гааяам̣ бан̣ид̇хааяа, баримукам̣ сад̇им̣ убадтабзд̇ваа. со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и, абхиж̇жхааяа жид̇д̇ам̣ барисод̇хзд̇и; б̣яаабаад̣̇абад̣̇осам̣ бахааяа аб̣яаабаннажид̇д̇о вихарад̇и саб̣б̣абаан̣абхууд̇ахид̇аанугамбий, б̣яаабаад̣̇абад̣̇осаа жид̇д̇ам̣ барисод̇хзд̇и; т̇инамид̣̇д̇хам̣ 5 бахааяа виг̇ад̇ат̇инамид̣̇д̇хо вихарад̇и аалогасан̃н̃ий сад̇о самбаж̇аано, т̇инамид̣̇д̇хаа жид̇д̇ам̣ барисод̇хзд̇и; уд̣̇д̇хажжагуггужжам̣ бахааяа ануд̣̇д̇хад̇о вихарад̇и аж̇жхад̇д̇ам̣ вуубасанд̇ажид̇д̇о, уд̣̇д̇хажжагуггужжаа жид̇д̇ам̣ барисод̇хзд̇и; вижигижчам̣ бахааяа д̇ин̣н̣авижигижчо вихарад̇и агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇и.
‘‘Yato kho, brāhmaṇa, bhikkhu satisampajaññena samannāgato hoti, tamenaṃ tathāgato uttariṃ vineti – ‘ehi tvaṃ, bhikkhu, vivittaṃ senāsanaṃ bhajāhi araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñja’nti. So vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanappatthaṃ abbhokāsaṃ palālapuñjaṃ. So pacchābhattaṃ piṇḍapātapaṭikkanto nisīdati pallaṅkaṃ ābhujitvā, ujuṃ kāyaṃ paṇidhāya, parimukhaṃ satiṃ upaṭṭhapetvā. So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti; byāpādapadosaṃ pahāya abyāpannacitto viharati sabbapāṇabhūtahitānukampī, byāpādapadosā cittaṃ parisodheti; thinamiddhaṃ 6 pahāya vigatathinamiddho viharati ālokasaññī sato sampajāno, thinamiddhā cittaṃ parisodheti; uddhaccakukkuccaṃ pahāya anuddhato viharati ajjhattaṃ vūpasantacitto, uddhaccakukkuccā cittaṃ parisodheti; vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodheti.
76. ‘‘со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣…бз… д̣̇уд̇ияам̣ жхаанам̣ убасамбаж̇ж̇а вихарад̇и. бийд̇ияаа жа вирааг̇аа… д̇ад̇ияам̣ жхаанам̣ убасамбаж̇ж̇а вихарад̇и. сукасса жа бахаанаа… жад̇уд̇т̇ам̣ жхаанам̣ убасамбаж̇ж̇а вихарад̇и.
76. ‘‘So ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ…pe… dutiyaṃ jhānaṃ upasampajja viharati. Pītiyā ca virāgā… tatiyaṃ jhānaṃ upasampajja viharati. Sukhassa ca pahānā… catutthaṃ jhānaṃ upasampajja viharati.
‘‘яз ко д̇з, б̣раахман̣а, бхигкуу сзгкаа 7 абад̇д̇амаанасаа ануд̇д̇арам̣ яог̇агкзмам̣ бад̇т̇аяамаанаа вихаранд̇и д̇зсу мз аяам̣ зваруубий анусаасаний ход̇и. яз бана д̇з бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аа вимуд̇д̇аа д̇зсам̣ имз д̇хаммаа д̣̇идтад̇хаммасукавихаарааяа жзва сам̣вад̇д̇анд̇и, сад̇исамбаж̇ан̃н̃ааяа жаа’’д̇и.
‘‘Ye kho te, brāhmaṇa, bhikkhū sekkhā 8 apattamānasā anuttaraṃ yogakkhemaṃ patthayamānā viharanti tesu me ayaṃ evarūpī anusāsanī hoti. Ye pana te bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā tesaṃ ime dhammā diṭṭhadhammasukhavihārāya ceva saṃvattanti, satisampajaññāya cā’’ti.
звам̣ вуд̇д̇з, г̇ан̣агамог̇г̇аллаано б̣раахман̣о бхаг̇аванд̇ам̣ зд̇ад̣̇авожа – ‘‘гим̣ ну ко бход̇о г̇од̇амасса саавагаа бход̇аа г̇од̇амзна звам̣ овад̣̇ийяамаанаа звам̣ анусаасийяамаанаа саб̣б̣з ажжанд̇ам̣ нидтам̣ ниб̣б̣аанам̣ аараад̇хзнд̇нд̇д̇и уд̣̇ааху згажжз наараад̇хзнд̇ий’’д̇и? ‘‘аббзгажжз ко, б̣раахман̣а, мама саавагаа маяаа звам̣ овад̣̇ийяамаанаа звам̣ анусаасийяамаанаа ажжанд̇ам̣ нидтам̣ ниб̣б̣аанам̣ аараад̇хзнд̇и, згажжз наараад̇хзнд̇ий’’д̇и.
Evaṃ vutte, gaṇakamoggallāno brāhmaṇo bhagavantaṃ etadavoca – ‘‘kiṃ nu kho bhoto gotamassa sāvakā bhotā gotamena evaṃ ovadīyamānā evaṃ anusāsīyamānā sabbe accantaṃ niṭṭhaṃ nibbānaṃ ārādhentntti udāhu ekacce nārādhentī’’ti? ‘‘Appekacce kho, brāhmaṇa, mama sāvakā mayā evaṃ ovadīyamānā evaṃ anusāsīyamānā accantaṃ niṭṭhaṃ nibbānaṃ ārādhenti, ekacce nārādhentī’’ti.
‘‘го ну ко, бхо г̇од̇ама, хзд̇у го бажжаяо яам̣ д̇идтад̇зва ниб̣б̣аанам̣, д̇идтад̇и ниб̣б̣аанаг̇аамий маг̇г̇о, д̇идтад̇и бхавам̣ г̇од̇амо самаад̣̇абзд̇аа; ат̇а жа бана бход̇о г̇од̇амасса саавагаа бход̇аа г̇од̇амзна звам̣ овад̣̇ийяамаанаа звам̣ анусаасийяамаанаа аббзгажжз ажжанд̇ам̣ нидтам̣ ниб̣б̣аанам̣ аараад̇хзнд̇и, згажжз наараад̇хзнд̇ий’’д̇и?
‘‘Ko nu kho, bho gotama, hetu ko paccayo yaṃ tiṭṭhateva nibbānaṃ, tiṭṭhati nibbānagāmī maggo, tiṭṭhati bhavaṃ gotamo samādapetā; atha ca pana bhoto gotamassa sāvakā bhotā gotamena evaṃ ovadīyamānā evaṃ anusāsīyamānā appekacce accantaṃ niṭṭhaṃ nibbānaṃ ārādhenti, ekacce nārādhentī’’ti?
77. ‘‘д̇зна хи, б̣раахман̣а, д̇ам̣язвзд̇т̇а бадибужчиссаами. яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси , б̣раахман̣а, гусало д̇вам̣ рааж̇аг̇ахаг̇аамисса маг̇г̇ассаа’’д̇и? ‘‘звам̣, бхо, гусало ахам̣ рааж̇аг̇ахаг̇аамисса маг̇г̇ассаа’’д̇и. ‘‘д̇ам̣ гим̣ ман̃н̃аси, б̣раахман̣а, ид̇ха бурисо ааг̇ажчзяяа рааж̇аг̇ахам̣ г̇анд̇угаамо. со д̇ам̣ убасан̇гамид̇ваа звам̣ вад̣̇зяяа – ‘ижчаамахам̣, бханд̇з, рааж̇аг̇ахам̣ г̇анд̇ум̣; д̇асса мз рааж̇аг̇ахасса маг̇г̇ам̣ убад̣̇исаа’д̇и. д̇амзнам̣ д̇вам̣ звам̣ вад̣̇зяяааси – ‘зхамбхо 9 буриса, аяам̣ маг̇г̇о рааж̇аг̇ахам̣ г̇ажчад̇и. д̇зна мухуд̇д̇ам̣ г̇ажча, д̇зна мухуд̇д̇ам̣ г̇анд̇ваа д̣̇агкиссаси амугам̣ наама г̇аамам̣, д̇зна мухуд̇д̇ам̣ г̇ажча, д̇зна мухуд̇д̇ам̣ г̇анд̇ваа д̣̇агкиссаси амугам̣ наама ниг̇амам̣; д̇зна мухуд̇д̇ам̣ г̇ажча, д̇зна мухуд̇д̇ам̣ г̇анд̇ваа д̣̇агкиссаси рааж̇аг̇ахасса аараамарааман̣зяяагам̣ ванарааман̣зяяагам̣ бхуумирааман̣зяяагам̣ богкаран̣ийрааман̣зяяага’нд̇и. со д̇аяаа звам̣ овад̣̇ийяамаано звам̣ анусаасийяамаано уммаг̇г̇ам̣ г̇ахзд̇ваа бажчаамуко г̇ажчзяяа. ат̇а д̣̇уд̇ияо бурисо ааг̇ажчзяяа рааж̇аг̇ахам̣ г̇анд̇угаамо. со д̇ам̣ убасан̇гамид̇ваа звам̣ вад̣̇зяяа – ‘ижчаамахам̣, бханд̇з, рааж̇аг̇ахам̣ г̇анд̇ум̣; д̇асса мз рааж̇аг̇ахасса маг̇г̇ам̣ убад̣̇исаа’д̇и. д̇амзнам̣ д̇вам̣ звам̣ вад̣̇зяяааси – ‘зхамбхо буриса, аяам̣ маг̇г̇о рааж̇аг̇ахам̣ г̇ажчад̇и. д̇зна мухуд̇д̇ам̣ г̇ажча, д̇зна мухуд̇д̇ам̣ г̇анд̇ваа д̣̇агкиссаси амугам̣ наама г̇аамам̣; д̇зна мухуд̇д̇ам̣ г̇ажча, д̇зна мухуд̇д̇ам̣ г̇анд̇ваа д̣̇агкиссаси амугам̣ наама ниг̇амам̣; д̇зна мухуд̇д̇ам̣ г̇ажча, д̇зна мухуд̇д̇ам̣ г̇анд̇ваа д̣̇агкиссаси рааж̇аг̇ахасса аараамарааман̣зяяагам̣ ванарааман̣зяяагам̣ бхуумирааман̣зяяагам̣ богкаран̣ийрааман̣зяяага’нд̇и. со д̇аяаа звам̣ овад̣̇ийяамаано звам̣ анусаасийяамаано сод̇т̇инаа рааж̇аг̇ахам̣ г̇ажчзяяа. го ну ко, б̣раахман̣а, хзд̇у го бажжаяо яам̣ д̇идтад̇зва рааж̇аг̇ахам̣ , д̇идтад̇и рааж̇аг̇ахаг̇аамий маг̇г̇о, д̇идтаси д̇вам̣ самаад̣̇абзд̇аа; ат̇а жа бана д̇аяаа звам̣ овад̣̇ийяамаано звам̣ анусаасийяамаано зго бурисо уммаг̇г̇ам̣ г̇ахзд̇ваа бажчаамуко г̇ажчзяяа, зго сод̇т̇инаа рааж̇аг̇ахам̣ г̇ажчзяяаа’’д̇и? ‘‘зд̇т̇а гяаахам̣, бхо г̇од̇ама, гароми? маг̇г̇агкааяийхам̣, бхо г̇од̇амаа’’д̇и.
77. ‘‘Tena hi, brāhmaṇa, taṃyevettha paṭipucchissāmi. Yathā te khameyya tathā naṃ byākareyyāsi. Taṃ kiṃ maññasi , brāhmaṇa, kusalo tvaṃ rājagahagāmissa maggassā’’ti? ‘‘Evaṃ, bho, kusalo ahaṃ rājagahagāmissa maggassā’’ti. ‘‘Taṃ kiṃ maññasi, brāhmaṇa, idha puriso āgaccheyya rājagahaṃ gantukāmo. So taṃ upasaṅkamitvā evaṃ vadeyya – ‘icchāmahaṃ, bhante, rājagahaṃ gantuṃ; tassa me rājagahassa maggaṃ upadisā’ti. Tamenaṃ tvaṃ evaṃ vadeyyāsi – ‘ehambho 10 purisa, ayaṃ maggo rājagahaṃ gacchati. Tena muhuttaṃ gaccha, tena muhuttaṃ gantvā dakkhissasi amukaṃ nāma gāmaṃ, tena muhuttaṃ gaccha, tena muhuttaṃ gantvā dakkhissasi amukaṃ nāma nigamaṃ; tena muhuttaṃ gaccha, tena muhuttaṃ gantvā dakkhissasi rājagahassa ārāmarāmaṇeyyakaṃ vanarāmaṇeyyakaṃ bhūmirāmaṇeyyakaṃ pokkharaṇīrāmaṇeyyaka’nti. So tayā evaṃ ovadīyamāno evaṃ anusāsīyamāno ummaggaṃ gahetvā pacchāmukho gaccheyya. Atha dutiyo puriso āgaccheyya rājagahaṃ gantukāmo. So taṃ upasaṅkamitvā evaṃ vadeyya – ‘icchāmahaṃ, bhante, rājagahaṃ gantuṃ; tassa me rājagahassa maggaṃ upadisā’ti. Tamenaṃ tvaṃ evaṃ vadeyyāsi – ‘ehambho purisa, ayaṃ maggo rājagahaṃ gacchati. Tena muhuttaṃ gaccha, tena muhuttaṃ gantvā dakkhissasi amukaṃ nāma gāmaṃ; tena muhuttaṃ gaccha, tena muhuttaṃ gantvā dakkhissasi amukaṃ nāma nigamaṃ; tena muhuttaṃ gaccha, tena muhuttaṃ gantvā dakkhissasi rājagahassa ārāmarāmaṇeyyakaṃ vanarāmaṇeyyakaṃ bhūmirāmaṇeyyakaṃ pokkharaṇīrāmaṇeyyaka’nti. So tayā evaṃ ovadīyamāno evaṃ anusāsīyamāno sotthinā rājagahaṃ gaccheyya. Ko nu kho, brāhmaṇa, hetu ko paccayo yaṃ tiṭṭhateva rājagahaṃ , tiṭṭhati rājagahagāmī maggo, tiṭṭhasi tvaṃ samādapetā; atha ca pana tayā evaṃ ovadīyamāno evaṃ anusāsīyamāno eko puriso ummaggaṃ gahetvā pacchāmukho gaccheyya, eko sotthinā rājagahaṃ gaccheyyā’’ti? ‘‘Ettha kyāhaṃ, bho gotama, karomi? Maggakkhāyīhaṃ, bho gotamā’’ti.
‘‘звамзва ко, б̣раахман̣а, д̇идтад̇зва ниб̣б̣аанам̣, д̇идтад̇и ниб̣б̣аанаг̇аамий маг̇г̇о, д̇идтаамахам̣ самаад̣̇абзд̇аа; ат̇а жа бана мама саавагаа маяаа звам̣ овад̣̇ийяамаанаа звам̣ анусаасийяамаанаа аббзгажжз ажжанд̇ам̣ нидтам̣ ниб̣б̣аанам̣ аараад̇хзнд̇и, згажжз наараад̇хзнд̇и. зд̇т̇а гяаахам̣, б̣раахман̣а, гароми? маг̇г̇агкааяийхам̣, б̣раахман̣а, д̇ат̇ааг̇ад̇о’’д̇и.
‘‘Evameva kho, brāhmaṇa, tiṭṭhateva nibbānaṃ, tiṭṭhati nibbānagāmī maggo, tiṭṭhāmahaṃ samādapetā; atha ca pana mama sāvakā mayā evaṃ ovadīyamānā evaṃ anusāsīyamānā appekacce accantaṃ niṭṭhaṃ nibbānaṃ ārādhenti, ekacce nārādhenti. Ettha kyāhaṃ, brāhmaṇa, karomi? Maggakkhāyīhaṃ, brāhmaṇa, tathāgato’’ti.
78. звам̣ вуд̇д̇з, г̇ан̣агамог̇г̇аллаано б̣раахман̣о бхаг̇аванд̇ам̣ зд̇ад̣̇авожа – ‘‘язмз, бхо г̇од̇ама, буг̇г̇алаа ассад̣̇д̇хаа ж̇ийвигад̇т̇аа на сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аа сатаа мааяаавино гзд̇аб̣ино 11 уд̣̇д̇хад̇аа уннал̣аа жабалаа мукараа вигин̣н̣аваажаа инд̣̇риязсу аг̇уд̇д̇ад̣̇ваараа бхож̇анз амад̇д̇ан̃н̃уно ж̇ааг̇арияам̣ анануяуд̇д̇аа сааман̃н̃з анабзгкаванд̇о сигкааяа на д̇иб̣б̣аг̇аараваа б̣аахулигаа 12 саат̇алигаа оггаманз буб̣б̣ан̇г̇амаа бавивзгз нигкид̇д̇ад̇хураа гусийд̇аа хийнавийрияаа мудтассад̇ино асамбаж̇аанаа асамаахид̇аа виб̣бханд̇ажид̇д̇аа д̣̇уббан̃н̃аа зл̣амууг̇аа, на д̇зхи бхавам̣ г̇од̇амо сад̣̇д̇хим̣ сам̣васад̇и’’.
78. Evaṃ vutte, gaṇakamoggallāno brāhmaṇo bhagavantaṃ etadavoca – ‘‘yeme, bho gotama, puggalā assaddhā jīvikatthā na saddhā agārasmā anagāriyaṃ pabbajitā saṭhā māyāvino ketabino 13 uddhatā unnaḷā capalā mukharā vikiṇṇavācā indriyesu aguttadvārā bhojane amattaññuno jāgariyaṃ ananuyuttā sāmaññe anapekkhavanto sikkhāya na tibbagāravā bāhulikā 14 sāthalikā okkamane pubbaṅgamā paviveke nikkhittadhurā kusītā hīnavīriyā muṭṭhassatino asampajānā asamāhitā vibbhantacittā duppaññā eḷamūgā, na tehi bhavaṃ gotamo saddhiṃ saṃvasati’’.
‘‘яз бана д̇з гулабуд̇д̇аа сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аа асатаа амааяаавино агзд̇аб̣ино ануд̣̇д̇хад̇аа ануннал̣аа ажабалаа амукараа авигин̣н̣аваажаа инд̣̇риязсу г̇уд̇д̇ад̣̇ваараа бхож̇анз мад̇д̇ан̃н̃уно ж̇ааг̇арияам̣ ануяуд̇д̇аа сааман̃н̃з абзгкаванд̇о сигкааяа д̇иб̣б̣аг̇аараваа наб̣аахулигаа насаат̇алигаа оггаманз нигкид̇д̇ад̇хураа бавивзгз буб̣б̣ан̇г̇амаа аарад̣̇д̇хавийрияаа бахид̇ад̇д̇аа убадтид̇ассад̇ино самбаж̇аанаа самаахид̇аа згаг̇г̇ажид̇д̇аа бан̃н̃аванд̇о анзл̣амууг̇аа, д̇зхи бхавам̣ г̇од̇амо сад̣̇д̇хим̣ сам̣васад̇и.
‘‘Ye pana te kulaputtā saddhā agārasmā anagāriyaṃ pabbajitā asaṭhā amāyāvino aketabino anuddhatā anunnaḷā acapalā amukharā avikiṇṇavācā indriyesu guttadvārā bhojane mattaññuno jāgariyaṃ anuyuttā sāmaññe apekkhavanto sikkhāya tibbagāravā nabāhulikā nasāthalikā okkamane nikkhittadhurā paviveke pubbaṅgamā āraddhavīriyā pahitattā upaṭṭhitassatino sampajānā samāhitā ekaggacittā paññavanto aneḷamūgā, tehi bhavaṃ gotamo saddhiṃ saṃvasati.
‘‘сзяяат̇ааби , бхо г̇од̇ама, яз гзжи муулаг̇анд̇хаа, гаалаанусаари д̇зсам̣ аг̇г̇амагкааяад̇и; яз гзжи саараг̇анд̇хаа, лохид̇ажанд̣̇анам̣ д̇зсам̣ аг̇г̇амагкааяад̇и; яз гзжи бубпаг̇анд̇хаа, вассигам̣ д̇зсам̣ аг̇г̇амагкааяад̇и; звамзва бход̇о г̇од̇амасса оваад̣̇о барамаж̇ж̇ад̇хаммзсу.
‘‘Seyyathāpi , bho gotama, ye keci mūlagandhā, kālānusāri tesaṃ aggamakkhāyati; ye keci sāragandhā, lohitacandanaṃ tesaṃ aggamakkhāyati; ye keci pupphagandhā, vassikaṃ tesaṃ aggamakkhāyati; evameva bhoto gotamassa ovādo paramajjadhammesu.
‘‘абхигганд̇ам̣ , бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
‘‘Abhikkantaṃ , bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
г̇ан̣агамог̇г̇аллаанасуд̇д̇ам̣ нидтид̇ам̣ сад̇д̇амам̣.
Gaṇakamoggallānasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. г̇ан̣агамог̇г̇аллаанасуд̇д̇аван̣н̣анаа • 7. Gaṇakamoggallānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. г̇ан̣агамог̇г̇аллаанасуд̇д̇аван̣н̣анаа • 7. Gaṇakamoggallānasuttavaṇṇanā
