| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
7. г̇ан̣агамог̇г̇аллаанасуд̇д̇аван̣н̣анаа
7. Gaṇakamoggallānasuttavaṇṇanā
74. звам̣ мз суд̇анд̇и г̇ан̣агамог̇г̇аллаанасуд̇д̇ам̣. д̇ад̇т̇а яаава бажчимасобаанагал̣звараад̇и яаава батамасобаанапалагаа згад̣̇ивасзнзва сад̇д̇абхуумиго баасаад̣̇о на саггаа гаад̇ум̣, вад̇т̇ум̣ сод̇хзд̇ваа т̇амбхуссаабанад̇о бадтааяа бана яаава жид̇д̇агаммагаран̣аа анубуб̣б̣агирияаа жзд̇т̇а бан̃н̃ааяад̇ийд̇и д̣̇ассзд̇и. яад̣̇ид̣̇ам̣ аж̇жхзнзд̇и д̇аяоби взд̣̇аа на саггаа згад̣̇ивасзнзва ад̇хийяид̇ум̣, зд̇зсам̣ аж̇жхзнзби бана анубуб̣б̣агирияаава бан̃н̃ааяад̇ийд̇и д̣̇ассзд̇и. иссад̇т̇зд̇и аавуд̇хавиж̇ж̇ааяаби згад̣̇ивасзнзва ваалавзд̇хи наама на саггаа гаад̇ум̣, таанасамбаад̣̇анамудтигаран̣аад̣̇ийхи бана зд̇т̇ааби анубуб̣б̣агирияаа бан̃н̃ааяад̇ийд̇и д̣̇ассзд̇и. сан̇каанзд̇и г̇ан̣анааяа. д̇ад̇т̇а анубуб̣б̣агирияам̣ ад̇д̇анаава д̣̇ассзнд̇о звам̣ г̇ан̣аабзмаад̇иаад̣̇имааха.
74.Evaṃme sutanti gaṇakamoggallānasuttaṃ. Tattha yāva pacchimasopānakaḷevarāti yāva paṭhamasopānaphalakā ekadivaseneva sattabhūmiko pāsādo na sakkā kātuṃ, vatthuṃ sodhetvā thambhussāpanato paṭṭhāya pana yāva cittakammakaraṇā anupubbakiriyā cettha paññāyatīti dasseti. Yadidaṃ ajjheneti tayopi vedā na sakkā ekadivaseneva adhīyituṃ, etesaṃ ajjhenepi pana anupubbakiriyāva paññāyatīti dasseti. Issattheti āvudhavijjāyapi ekadivaseneva vālavedhi nāma na sakkā kātuṃ, ṭhānasampādanamuṭṭhikaraṇādīhi pana etthāpi anupubbakiriyā paññāyatīti dasseti. Saṅkhāneti gaṇanāya. Tattha anupubbakiriyaṃ attanāva dassento evaṃ gaṇāpemātiādimāha.
75. сзяяат̇ааби б̣раахман̣аад̇и ид̇ха бхаг̇аваа яасмаа б̣аахирасамаяз яат̇аа яат̇аа сиббам̣ уг̇г̇ан̣ханд̇и, д̇ат̇аа д̇ат̇аа гзраадигаа хонд̇и, д̇асмаа ад̇д̇ано саасанам̣ б̣аахирасамаязна анубамзд̇ваа бхад̣̇раассааж̇аанийязна убамзнд̇о сзяяат̇аабийд̇иаад̣̇имааха. бхад̣̇ро хи ассааж̇аанийяо яасмим̣ гааран̣з д̣̇амид̇о ход̇и, д̇ам̣ ж̇ийвид̇ахзд̇уби наад̇иггамад̇и. звамзва саасанз саммаабадибанно гулабуд̇д̇о сийлавзлам̣ наад̇иггамад̇и. мукаад̇хаанзд̇и мукадтабанз.
75.Seyyathāpi brāhmaṇāti idha bhagavā yasmā bāhirasamaye yathā yathā sippaṃ uggaṇhanti, tathā tathā kerāṭikā honti, tasmā attano sāsanaṃ bāhirasamayena anupametvā bhadraassājānīyena upamento seyyathāpītiādimāha. Bhadro hi assājānīyo yasmiṃ kāraṇe damito hoti, taṃ jīvitahetupi nātikkamati. Evameva sāsane sammāpaṭipanno kulaputto sīlavelaṃ nātikkamati. Mukhādhāneti mukhaṭṭhapane.
76. сад̇исамбаж̇ан̃н̃ааяа жаад̇и сад̇исамбаж̇ан̃н̃аахи саман̇г̇ибхаавад̇т̇ааяа . д̣̇вз хи кийн̣аасаваа сад̇ад̇авихаарий жа носад̇ад̇авихаарий жа. д̇ад̇т̇а сад̇ад̇авихаарий яам̣гин̃жи гаммам̣ гад̇вааби паласамаабад̇д̇им̣ самаабаж̇ж̇ид̇ум̣ саггод̇и, но сад̇ад̇авихаарий бана аббамад̇д̇агзби гижжз гижжаббасуд̇о худ̇ваа паласамаабад̇д̇им̣ аббзд̇ум̣ на саггод̇и.
76.Satisampajaññāya cāti satisampajaññāhi samaṅgibhāvatthāya . Dve hi khīṇāsavā satatavihārī ca nosatatavihārī ca. Tattha satatavihārī yaṃkiñci kammaṃ katvāpi phalasamāpattiṃ samāpajjituṃ sakkoti, no satatavihārī pana appamattakepi kicce kiccappasuto hutvā phalasamāpattiṃ appetuṃ na sakkoti.
д̇ад̇рид̣̇ам̣ вад̇т̇у – зго гира кийн̣аасавад̇т̇зро кийн̣аасавасааман̣зрам̣ г̇ахзд̇ваа аран̃н̃аваасам̣ г̇ад̇о, д̇ад̇т̇а махаат̇зрасса сзнаасанам̣ бад̇д̇ам̣, сааман̣зрасса на баабун̣аад̇и, д̇ам̣ вид̇аггзнд̇о т̇зро згад̣̇ивасамби паласамаабад̇д̇им̣ аббзд̇ум̣ наасагки. сааман̣зро бана д̇змаасам̣ паласамаабад̇д̇ирад̇ияаа вийд̇инаамзд̇ваа ‘‘саббааяо , бханд̇з, аран̃н̃аваасо ж̇аад̇о’’д̇и т̇зрам̣ бужчи. т̇зро ‘‘на ж̇аад̇о, аавусо’’д̇и ааха. ид̇и яо зваруубо кийн̣аасаво, со имз д̇хаммз аад̣̇ид̇о бадтааяа ааваж̇ж̇ид̇ваава самаабаж̇ж̇ид̇ум̣ сагкиссад̇ийд̇и д̣̇ассзнд̇о ‘‘сад̇исамбаж̇ан̃н̃ааяа жаа’’д̇и ааха.
Tatridaṃ vatthu – eko kira khīṇāsavatthero khīṇāsavasāmaṇeraṃ gahetvā araññavāsaṃ gato, tattha mahātherassa senāsanaṃ pattaṃ, sāmaṇerassa na pāpuṇāti, taṃ vitakkento thero ekadivasampi phalasamāpattiṃ appetuṃ nāsakkhi. Sāmaṇero pana temāsaṃ phalasamāpattiratiyā vītināmetvā ‘‘sappāyo , bhante, araññavāso jāto’’ti theraṃ pucchi. Thero ‘‘na jāto, āvuso’’ti āha. Iti yo evarūpo khīṇāsavo, so ime dhamme ādito paṭṭhāya āvajjitvāva samāpajjituṃ sakkhissatīti dassento ‘‘satisampajaññāya cā’’ti āha.
78. язмз, бхо г̇од̇амаад̇и д̇ат̇ааг̇ад̇з гира гат̇аяанд̇зва б̣раахман̣асса ‘‘имз буг̇г̇алаа на аараад̇хзнд̇и, имз аараад̇хзнд̇ий’’д̇и наяо уд̣̇абаад̣̇и, д̇ам̣ д̣̇ассзнд̇о звам̣ вад̇д̇умаарад̣̇д̇хо.
78.Yeme, bho gotamāti tathāgate kira kathayanteva brāhmaṇassa ‘‘ime puggalā na ārādhenti, ime ārādhentī’’ti nayo udapādi, taṃ dassento evaṃ vattumāraddho.
барамаж̇ж̇ад̇хаммзсууд̇и аж̇ж̇ад̇хаммаа наама часад̇т̇аарад̇хаммаа, д̇зсу г̇од̇амаваад̣̇ова, барамо уд̇д̇амод̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
Paramajjadhammesūti ajjadhammā nāma chasatthāradhammā, tesu gotamavādova, paramo uttamoti attho. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
г̇ан̣агамог̇г̇аллаанасуд̇д̇аван̣н̣анаа нидтид̇аа.
Gaṇakamoggallānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. г̇ан̣агамог̇г̇аллаанасуд̇д̇ам̣ • 7. Gaṇakamoggallānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. г̇ан̣агамог̇г̇аллаанасуд̇д̇аван̣н̣анаа • 7. Gaṇakamoggallānasuttavaṇṇanā
