| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
7. г̇ан̣агамог̇г̇аллаанасуд̇д̇аван̣н̣анаа
7. Gaṇakamoggallānasuttavaṇṇanā
74. яат̇аа хздтимасобаанапалагам̣ ороханд̇асса бажчимам̣ наама ход̇и, звам̣ аароханд̇асса батамам̣ наама ход̇ийд̇и вуд̇д̇ам̣ – ‘‘яаава бажчимасобаанагал̣звараад̇и яаава батамасобаанапалагаа’’д̇и. вад̇т̇ум̣ сод̇хзд̇ваад̇и вад̇т̇увиж̇ж̇аажариязна вуд̇д̇авид̇хинаа баасаад̣̇авад̇т̇уно сод̇ханавид̇хим̣ гад̇ваа. зд̇т̇аад̇и баасаад̣̇агаран̣з. сад̇д̇ад̇хаа бхиннасса ваалаг̇г̇асса ам̣сугодивзд̇хаго ваалавзд̇хи наама. таанасамбаад̣̇ананд̇и взсаакаман̣д̣алаад̣̇ийнам̣ самбаад̣̇анам̣. мудтигаран̣аад̣̇ийхийд̇и усумудтигаран̣аж̇ияааг̇аахаж̇ияаавиж̇жхаад̣̇ийхи. звам̣ г̇ан̣аабзмаад̇и згам̣ наама згамзва, д̣̇вз д̣̇угаа жад̇д̇аари, д̇ийн̣и д̇игаани нава, жад̇д̇аари жад̇уггаани сол̣асаад̇иаад̣̇инаа звам̣ г̇ан̣анам̣ сигкаабзма.
74. Yathā heṭṭhimasopānaphalakaṃ orohantassa pacchimaṃ nāma hoti, evaṃ ārohantassa paṭhamaṃ nāma hotīti vuttaṃ – ‘‘yāva pacchimasopānakaḷevarāti yāva paṭhamasopānaphalakā’’ti. Vatthuṃ sodhetvāti vatthuvijjācariyena vuttavidhinā pāsādavatthuno sodhanavidhiṃ katvā. Etthāti pāsādakaraṇe. Sattadhā bhinnassa vālaggassa aṃsukoṭivedhako vālavedhi nāma. Ṭhānasampādananti vesākhamaṇḍalādīnaṃ sampādanaṃ. Muṭṭhikaraṇādīhīti usumuṭṭhikaraṇajiyāgāhajiyāvijjhādīhi. Evaṃ gaṇāpemāti ekaṃ nāma ekameva, dve dukā cattāri, tīṇi tikāni nava, cattāri catukkāni soḷasātiādinā evaṃ gaṇanaṃ sikkhāpema.
75. гзраадигаа хонд̇ийд̇и самаяасса анубаггилидтагаран̣амааяаасаатзяязна саманнааг̇ад̇аа хонд̇и. д̇ам̣ д̣̇аманам̣ ж̇ийвид̇ахзд̇уби наад̇иггамад̇и, аяамасса ж̇аад̇ид̣̇осаабхааво.
75.Kerāṭikā hontīti samayassa anupakkiliṭṭhakaraṇamāyāsāṭheyyena samannāgatā honti. Taṃ damanaṃ jīvitahetupi nātikkamati, ayamassa jātidosābhāvo.
76. сад̇исамбаж̇ан̃н̃аахи саман̇г̇ибхаавад̇т̇ааяаад̇и сад̇ад̇авихаарибхаавасаад̇ханзхи сад̇исамбаж̇ан̃н̃зхи саманнааг̇амад̇т̇ааяа. нану жа кийн̣аасаваа сад̇ивзбуллаббад̇д̇аа бан̃н̃аавзбуллаббад̇д̇аа жа, гат̇ам̣ д̇асса сад̇исамбаж̇ан̃н̃ам̣ баяог̇асаад̇ханийяам̣ бавад̇д̇анд̇и ааха ‘‘д̣̇вз хий’’д̇иаад̣̇и. сад̇ад̇авихаарийд̇и сад̇ад̇ам̣ самаабад̇д̇ивихаариб̣ахулаа, д̇асмаа д̇з ижчид̇ижчид̇агкан̣з паласамаабад̇д̇им̣ самаабаж̇ж̇анд̇и. вуд̇д̇авибарияааязна носад̇ад̇авихаарино д̣̇адтаб̣б̣аа. д̇знааха ‘‘д̇ад̇т̇аа’’д̇иаад̣̇и. аббзд̇ум̣ на саггод̇и анаажин̣н̣абхаавад̇о.
76.Satisampajaññāhi samaṅgibhāvatthāyāti satatavihāribhāvasādhanehi satisampajaññehi samannāgamatthāya. Nanu ca khīṇāsavā sativepullappattā paññāvepullappattā ca, kathaṃ tassa satisampajaññaṃ payogasādhanīyaṃ pavattanti āha ‘‘dve hī’’tiādi. Satatavihārīti satataṃ samāpattivihāribahulā, tasmā te icchiticchitakkhaṇe phalasamāpattiṃ samāpajjanti. Vuttavipariyāyena nosatatavihārino daṭṭhabbā. Tenāha ‘‘tatthā’’tiādi. Appetuṃ na sakkoti anāciṇṇabhāvato.
д̇ам̣ вид̇аггзнд̇од̇и ‘‘сааман̣зрасса сзнаасанам̣ над̇т̇и, аран̃н̃ан̃жа сийхаад̣̇ийхи сабариссаяам̣, гим̣ ну ко д̇асса бхависсад̇ий’’д̇и д̇ам̣ вид̇аггзнд̇о. зваруубод̇и зд̣̇исо яат̇аавуд̇д̇асааман̣зрасад̣̇исо кийн̣аасаво. имз д̇хаммзд̇и имасмим̣ суд̇д̇з ааг̇ад̇з сийлаад̣̇ид̇хаммз. ааваж̇ж̇ид̇вааваад̇и ад̇д̇ано барисуд̣̇д̇хасийлад̇аад̣̇иааваж̇ж̇анахзд̇у зва самаабаж̇ж̇ид̇ум̣ сагкиссад̇и.
Taṃ vitakkentoti ‘‘sāmaṇerassa senāsanaṃ natthi, araññañca sīhādīhi saparissayaṃ, kiṃ nu kho tassa bhavissatī’’ti taṃ vitakkento. Evarūpoti ediso yathāvuttasāmaṇerasadiso khīṇāsavo. Ime dhammeti imasmiṃ sutte āgate sīlādidhamme. Āvajjitvāvāti attano parisuddhasīlatādiāvajjanahetu eva samāpajjituṃ sakkhissati.
78. ‘‘язмз, бхо г̇од̇амаа’’д̇и важанасса самб̣анд̇хам̣ д̣̇ассзд̇ум̣, ‘‘д̇ат̇ааг̇ад̇з гираа’’д̇иаад̣̇и вуд̇д̇ам̣. званд̇и ‘‘язмз, бхо г̇од̇амаа’’д̇иаад̣̇иаагаарзхи вад̇д̇умаарад̣̇д̇хо.
78.‘‘Yeme, bho gotamā’’ti vacanassa sambandhaṃ dassetuṃ, ‘‘tathāgate kirā’’tiādi vuttaṃ. Evanti ‘‘yeme, bho gotamā’’tiādiākārehi vattumāraddho.
аж̇ж̇ад̇хаммзсууд̇и абураад̇анад̇хаммзсу. д̇агганамад̇д̇аани хи д̇зхи габбзд̇ваа саяам̣бадибхаанам̣ виражид̇аани. бураад̇анад̇ааяа барибун̣н̣ад̇ааяа зганд̇анияяаанигад̇ааяа жа барамо уд̇д̇амо. д̇знааха – ‘‘д̇зсу…бз… уд̇д̇амод̇и ад̇т̇о’’д̇и. сзсам̣ сувин̃н̃зяяамзва.
Ajjadhammesūti apurātanadhammesu. Takkanamattāni hi tehi kappetvā sayaṃpaṭibhānaṃ viracitāni. Purātanatāya paripuṇṇatāya ekantaniyyānikatāya ca paramo uttamo. Tenāha – ‘‘tesu…pe… uttamoti attho’’ti. Sesaṃ suviññeyyameva.
г̇ан̣агамог̇г̇аллаанасуд̇д̇аван̣н̣анааяа лийнад̇т̇аббагаасанаа самад̇д̇аа.
Gaṇakamoggallānasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. г̇ан̣агамог̇г̇аллаанасуд̇д̇ам̣ • 7. Gaṇakamoggallānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. г̇ан̣агамог̇г̇аллаанасуд̇д̇аван̣н̣анаа • 7. Gaṇakamoggallānasuttavaṇṇanā
