| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
3. аанаабаанассад̇игат̇аа
3. Ānāpānassatikathā
1. г̇ан̣анаваара
1. Gaṇanavāra
152. сол̣асавад̇т̇угам̣ аанаабаанассад̇исамаад̇хим̣ 1 бхааваяад̇о самаад̇хигаани д̣̇вз н̃аан̣асад̇аани уббаж̇ж̇анд̇и – адта барибант̇з 2 н̃аан̣аани, адта жа убагаарз н̃аан̣аани, адтаараса убаггилзсз н̃аан̣аани, д̇зраса вод̣̇аанз н̃аан̣аани, б̣аад̇д̇им̣са сад̇огаарисса 3 н̃аан̣аани, жад̇увийсад̇и самаад̇хивасзна н̃аан̣аани, д̣̇взсад̇д̇ад̇и вибассанаавасзна н̃аан̣аани, адта ниб̣б̣ид̣̇аан̃аан̣аани, адта ниб̣б̣ид̣̇аануломан̃аан̣аани, адта ниб̣б̣ид̣̇аабадиббассад̣̇д̇хин̃аан̣аани, згавийсад̇и вимуд̇д̇исукз н̃аан̣аани.
152. Soḷasavatthukaṃ ānāpānassatisamādhiṃ 4 bhāvayato samādhikāni dve ñāṇasatāni uppajjanti – aṭṭha paripanthe 5 ñāṇāni, aṭṭha ca upakāre ñāṇāni, aṭṭhārasa upakkilese ñāṇāni, terasa vodāne ñāṇāni, bāttiṃsa satokārissa 6 ñāṇāni, catuvīsati samādhivasena ñāṇāni, dvesattati vipassanāvasena ñāṇāni, aṭṭha nibbidāñāṇāni, aṭṭha nibbidānulomañāṇāni, aṭṭha nibbidāpaṭippassaddhiñāṇāni, ekavīsati vimuttisukhe ñāṇāni.
гад̇амаани адта барибант̇з н̃аан̣аани, адта жа убагаарз н̃аан̣аани? гаамажчанд̣̇о самаад̇хисса барибант̇о, нзгкаммам̣ самаад̇хисса убагаарам̣. б̣яаабаад̣̇о самаад̇хисса барибант̇о, аб̣яаабаад̣̇о самаад̇хисса убагаарам̣. т̇инамид̣̇д̇хам̣ самаад̇хисса барибант̇о, аалогасан̃н̃аа самаад̇хисса убагаарам̣. уд̣̇д̇хажжам̣ самаад̇хисса барибант̇о, авигкзбо самаад̇хисса убагаарам̣. вижигижчаа самаад̇хисса барибант̇о, д̇хаммававад̇т̇аанам̣ самаад̇хисса убагаарам̣. авиж̇ж̇аа самаад̇хисса барибант̇о, н̃аан̣ам̣ самаад̇хисса убагаарам̣. арад̇и самаад̇хисса барибант̇о, баамож̇ж̇ам̣ самаад̇хисса убагаарам̣. саб̣б̣зби агусалаа д̇хаммаа самаад̇хисса барибант̇аа, саб̣б̣зби гусалаа д̇хаммаа самаад̇хисса убагаараа. имаани адта барибант̇з н̃аан̣аани, адта жа убагаарз н̃аан̣аани.
Katamāni aṭṭha paripanthe ñāṇāni, aṭṭha ca upakāre ñāṇāni? Kāmacchando samādhissa paripantho, nekkhammaṃ samādhissa upakāraṃ. Byāpādo samādhissa paripantho, abyāpādo samādhissa upakāraṃ. Thinamiddhaṃ samādhissa paripantho, ālokasaññā samādhissa upakāraṃ. Uddhaccaṃ samādhissa paripantho, avikkhepo samādhissa upakāraṃ. Vicikicchā samādhissa paripantho, dhammavavatthānaṃ samādhissa upakāraṃ. Avijjā samādhissa paripantho, ñāṇaṃ samādhissa upakāraṃ. Arati samādhissa paripantho, pāmojjaṃ samādhissa upakāraṃ. Sabbepi akusalā dhammā samādhissa paripanthā, sabbepi kusalā dhammā samādhissa upakārā. Imāni aṭṭha paripanthe ñāṇāni, aṭṭha ca upakāre ñāṇāni.
г̇ан̣анавааро батамо.
Gaṇanavāro paṭhamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 1. г̇ан̣анаваараван̣н̣анаа • 1. Gaṇanavāravaṇṇanā
