| Library / Tipiṭaka / ติปิฎก • Tipiṭaka / ปฎิสมฺภิทามคฺคปาฬิ • Paṭisambhidāmaggapāḷi |
๓. อานาปานสฺสติกถา
3. Ānāpānassatikathā
๑. คณนวาร
1. Gaṇanavāra
๑๕๒. โสฬสวตฺถุกํ อานาปานสฺสติสมาธิํ 1 ภาวยโต สมาธิกานิ เทฺว ญาณสตานิ อุปฺปชฺชนฺติ – อฎฺฐ ปริปเนฺถ 2 ญาณานิ, อฎฺฐ จ อุปกาเร ญาณานิ, อฎฺฐารส อุปกฺกิเลเส ญาณานิ, เตรส โวทาเน ญาณานิ, พาตฺติํส สโตการิสฺส 3 ญาณานิ, จตุวีสติ สมาธิวเสน ญาณานิ, เทฺวสตฺตติ วิปสฺสนาวเสน ญาณานิ, อฎฺฐ นิพฺพิทาญาณานิ, อฎฺฐ นิพฺพิทานุโลมญาณานิ, อฎฺฐ นิพฺพิทาปฎิปฺปสฺสทฺธิญาณานิ, เอกวีสติ วิมุตฺติสุเข ญาณานิฯ
152. Soḷasavatthukaṃ ānāpānassatisamādhiṃ 4 bhāvayato samādhikāni dve ñāṇasatāni uppajjanti – aṭṭha paripanthe 5 ñāṇāni, aṭṭha ca upakāre ñāṇāni, aṭṭhārasa upakkilese ñāṇāni, terasa vodāne ñāṇāni, bāttiṃsa satokārissa 6 ñāṇāni, catuvīsati samādhivasena ñāṇāni, dvesattati vipassanāvasena ñāṇāni, aṭṭha nibbidāñāṇāni, aṭṭha nibbidānulomañāṇāni, aṭṭha nibbidāpaṭippassaddhiñāṇāni, ekavīsati vimuttisukhe ñāṇāni.
กตมานิ อฎฺฐ ปริปเนฺถ ญาณานิ, อฎฺฐ จ อุปกาเร ญาณานิ? กามจฺฉโนฺท สมาธิสฺส ปริปโนฺถ, เนกฺขมฺมํ สมาธิสฺส อุปการํฯ พฺยาปาโท สมาธิสฺส ปริปโนฺถ, อพฺยาปาโท สมาธิสฺส อุปการํฯ ถินมิทฺธํ สมาธิสฺส ปริปโนฺถ, อาโลกสญฺญา สมาธิสฺส อุปการํฯ อุทฺธจฺจํ สมาธิสฺส ปริปโนฺถ, อวิเกฺขโป สมาธิสฺส อุปการํฯ วิจิกิจฺฉา สมาธิสฺส ปริปโนฺถ, ธมฺมววตฺถานํ สมาธิสฺส อุปการํฯ อวิชฺชา สมาธิสฺส ปริปโนฺถ, ญาณํ สมาธิสฺส อุปการํฯ อรติ สมาธิสฺส ปริปโนฺถ, ปาโมชฺชํ สมาธิสฺส อุปการํฯ สเพฺพปิ อกุสลา ธมฺมา สมาธิสฺส ปริปนฺถา, สเพฺพปิ กุสลา ธมฺมา สมาธิสฺส อุปการาฯ อิมานิ อฎฺฐ ปริปเนฺถ ญาณานิ, อฎฺฐ จ อุปกาเร ญาณานิฯ
Katamāni aṭṭha paripanthe ñāṇāni, aṭṭha ca upakāre ñāṇāni? Kāmacchando samādhissa paripantho, nekkhammaṃ samādhissa upakāraṃ. Byāpādo samādhissa paripantho, abyāpādo samādhissa upakāraṃ. Thinamiddhaṃ samādhissa paripantho, ālokasaññā samādhissa upakāraṃ. Uddhaccaṃ samādhissa paripantho, avikkhepo samādhissa upakāraṃ. Vicikicchā samādhissa paripantho, dhammavavatthānaṃ samādhissa upakāraṃ. Avijjā samādhissa paripantho, ñāṇaṃ samādhissa upakāraṃ. Arati samādhissa paripantho, pāmojjaṃ samādhissa upakāraṃ. Sabbepi akusalā dhammā samādhissa paripanthā, sabbepi kusalā dhammā samādhissa upakārā. Imāni aṭṭha paripanthe ñāṇāni, aṭṭha ca upakāre ñāṇāni.
คณนวาโร ปฐโมฯ
Gaṇanavāro paṭhamo.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā / ๑. คณนวารวณฺณนา • 1. Gaṇanavāravaṇṇanā
