| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੩. ਆਨਾਪਾਨਸ੍ਸਤਿਕਥਾ
3. Ānāpānassatikathā
੧. ਗਣਨવਾਰ
1. Gaṇanavāra
੧੫੨. ਸੋਲ਼ਸવਤ੍ਥੁਕਂ ਆਨਾਪਾਨਸ੍ਸਤਿਸਮਾਧਿਂ 1 ਭਾવਯਤੋ ਸਮਾਧਿਕਾਨਿ ਦ੍વੇ ਞਾਣਸਤਾਨਿ ਉਪ੍ਪਜ੍ਜਨ੍ਤਿ – ਅਟ੍ਠ ਪਰਿਪਨ੍ਥੇ 2 ਞਾਣਾਨਿ, ਅਟ੍ਠ ਚ ਉਪਕਾਰੇ ਞਾਣਾਨਿ, ਅਟ੍ਠਾਰਸ ਉਪਕ੍ਕਿਲੇਸੇ ਞਾਣਾਨਿ, ਤੇਰਸ વੋਦਾਨੇ ਞਾਣਾਨਿ, ਬਾਤ੍ਤਿਂਸ ਸਤੋਕਾਰਿਸ੍ਸ 3 ਞਾਣਾਨਿ, ਚਤੁવੀਸਤਿ ਸਮਾਧਿવਸੇਨ ਞਾਣਾਨਿ, ਦ੍વੇਸਤ੍ਤਤਿ વਿਪਸ੍ਸਨਾવਸੇਨ ਞਾਣਾਨਿ, ਅਟ੍ਠ ਨਿਬ੍ਬਿਦਾਞਾਣਾਨਿ, ਅਟ੍ਠ ਨਿਬ੍ਬਿਦਾਨੁਲੋਮਞਾਣਾਨਿ, ਅਟ੍ਠ ਨਿਬ੍ਬਿਦਾਪਟਿਪ੍ਪਸ੍ਸਦ੍ਧਿਞਾਣਾਨਿ, ਏਕવੀਸਤਿ વਿਮੁਤ੍ਤਿਸੁਖੇ ਞਾਣਾਨਿ।
152. Soḷasavatthukaṃ ānāpānassatisamādhiṃ 4 bhāvayato samādhikāni dve ñāṇasatāni uppajjanti – aṭṭha paripanthe 5 ñāṇāni, aṭṭha ca upakāre ñāṇāni, aṭṭhārasa upakkilese ñāṇāni, terasa vodāne ñāṇāni, bāttiṃsa satokārissa 6 ñāṇāni, catuvīsati samādhivasena ñāṇāni, dvesattati vipassanāvasena ñāṇāni, aṭṭha nibbidāñāṇāni, aṭṭha nibbidānulomañāṇāni, aṭṭha nibbidāpaṭippassaddhiñāṇāni, ekavīsati vimuttisukhe ñāṇāni.
ਕਤਮਾਨਿ ਅਟ੍ਠ ਪਰਿਪਨ੍ਥੇ ਞਾਣਾਨਿ, ਅਟ੍ਠ ਚ ਉਪਕਾਰੇ ਞਾਣਾਨਿ? ਕਾਮਚ੍ਛਨ੍ਦੋ ਸਮਾਧਿਸ੍ਸ ਪਰਿਪਨ੍ਥੋ, ਨੇਕ੍ਖਮ੍ਮਂ ਸਮਾਧਿਸ੍ਸ ਉਪਕਾਰਂ। ਬ੍ਯਾਪਾਦੋ ਸਮਾਧਿਸ੍ਸ ਪਰਿਪਨ੍ਥੋ, ਅਬ੍ਯਾਪਾਦੋ ਸਮਾਧਿਸ੍ਸ ਉਪਕਾਰਂ। ਥਿਨਮਿਦ੍ਧਂ ਸਮਾਧਿਸ੍ਸ ਪਰਿਪਨ੍ਥੋ, ਆਲੋਕਸਞ੍ਞਾ ਸਮਾਧਿਸ੍ਸ ਉਪਕਾਰਂ। ਉਦ੍ਧਚ੍ਚਂ ਸਮਾਧਿਸ੍ਸ ਪਰਿਪਨ੍ਥੋ, ਅવਿਕ੍ਖੇਪੋ ਸਮਾਧਿਸ੍ਸ ਉਪਕਾਰਂ। વਿਚਿਕਿਚ੍ਛਾ ਸਮਾਧਿਸ੍ਸ ਪਰਿਪਨ੍ਥੋ, ਧਮ੍ਮવવਤ੍ਥਾਨਂ ਸਮਾਧਿਸ੍ਸ ਉਪਕਾਰਂ। ਅવਿਜ੍ਜਾ ਸਮਾਧਿਸ੍ਸ ਪਰਿਪਨ੍ਥੋ, ਞਾਣਂ ਸਮਾਧਿਸ੍ਸ ਉਪਕਾਰਂ। ਅਰਤਿ ਸਮਾਧਿਸ੍ਸ ਪਰਿਪਨ੍ਥੋ, ਪਾਮੋਜ੍ਜਂ ਸਮਾਧਿਸ੍ਸ ਉਪਕਾਰਂ। ਸਬ੍ਬੇਪਿ ਅਕੁਸਲਾ ਧਮ੍ਮਾ ਸਮਾਧਿਸ੍ਸ ਪਰਿਪਨ੍ਥਾ, ਸਬ੍ਬੇਪਿ ਕੁਸਲਾ ਧਮ੍ਮਾ ਸਮਾਧਿਸ੍ਸ ਉਪਕਾਰਾ। ਇਮਾਨਿ ਅਟ੍ਠ ਪਰਿਪਨ੍ਥੇ ਞਾਣਾਨਿ, ਅਟ੍ਠ ਚ ਉਪਕਾਰੇ ਞਾਣਾਨਿ।
Katamāni aṭṭha paripanthe ñāṇāni, aṭṭha ca upakāre ñāṇāni? Kāmacchando samādhissa paripantho, nekkhammaṃ samādhissa upakāraṃ. Byāpādo samādhissa paripantho, abyāpādo samādhissa upakāraṃ. Thinamiddhaṃ samādhissa paripantho, ālokasaññā samādhissa upakāraṃ. Uddhaccaṃ samādhissa paripantho, avikkhepo samādhissa upakāraṃ. Vicikicchā samādhissa paripantho, dhammavavatthānaṃ samādhissa upakāraṃ. Avijjā samādhissa paripantho, ñāṇaṃ samādhissa upakāraṃ. Arati samādhissa paripantho, pāmojjaṃ samādhissa upakāraṃ. Sabbepi akusalā dhammā samādhissa paripanthā, sabbepi kusalā dhammā samādhissa upakārā. Imāni aṭṭha paripanthe ñāṇāni, aṭṭha ca upakāre ñāṇāni.
ਗਣਨવਾਰੋ ਪਠਮੋ।
Gaṇanavāro paṭhamo.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੧. ਗਣਨવਾਰવਣ੍ਣਨਾ • 1. Gaṇanavāravaṇṇanā
