| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
10. г̇ан̣абзд̇авад̇т̇уван̣н̣анаа
10. Gaṇapetavatthuvaṇṇanā
наг̇г̇аа д̣̇уб̣б̣ан̣н̣аруубаад̇т̇аад̇и ид̣̇ам̣ сад̇т̇ари ж̇зд̇аванз вихаранд̇з самб̣ахулз бзд̇з аараб̣бха вуд̇д̇ам̣. саавад̇т̇ияам̣ гира самб̣ахулаа мануссаа г̇ан̣абхууд̇аа ассад̣̇д̇хаа аббасаннаа мажчзрамалабарияудтид̇ажид̇д̇аа д̣̇аанаад̣̇исужарид̇авимукаа худ̇ваа жирам̣ ж̇ийвид̇ваа гааяасса бхзд̣̇аа наг̇арасса самийбз бзд̇аяонияам̣ ниб̣б̣ад̇д̇им̣су . ат̇згад̣̇ивасам̣ ааяасмаа махаамог̇г̇аллаано саавад̇т̇ияам̣ бин̣д̣ааяа г̇ажчанд̇о анд̇араамаг̇г̇з бзд̇з д̣̇исваа –
Naggā dubbaṇṇarūpātthāti idaṃ satthari jetavane viharante sambahule pete ārabbha vuttaṃ. Sāvatthiyaṃ kira sambahulā manussā gaṇabhūtā assaddhā appasannā maccheramalapariyuṭṭhitacittā dānādisucaritavimukhā hutvā ciraṃ jīvitvā kāyassa bhedā nagarassa samīpe petayoniyaṃ nibbattiṃsu . Athekadivasaṃ āyasmā mahāmoggallāno sāvatthiyaṃ piṇḍāya gacchanto antarāmagge pete disvā –
782.
782.
‘‘наг̇г̇аа д̣̇уб̣б̣ан̣аруубаад̇т̇а, гисаа д̇хаманисант̇ад̇аа;
‘‘Naggā dubbaṇarūpāttha, kisā dhamanisanthatā;
убпаасулигаа гисигаа, гз ну д̇умхзд̇т̇а маарисаа’’д̇и. –
Upphāsulikā kisikā, ke nu tumhettha mārisā’’ti. –
г̇аат̇ааяа бужчи. д̇ад̇т̇а д̣̇уб̣б̣ан̣н̣аруубаад̇т̇аад̇и д̣̇уб̣б̣ан̣н̣асарийраа хот̇а. гз ну д̇умхзд̇т̇аад̇и д̇умхз гз ну наама бхават̇а. маарисаад̇и д̇з ад̇д̇ано сааруббавасзна аалабад̇и.
Gāthāya pucchi. Tattha dubbaṇṇarūpātthāti dubbaṇṇasarīrā hotha. Ke nu tumhetthāti tumhe ke nu nāma bhavatha. Mārisāti te attano sāruppavasena ālapati.
д̇ам̣ суд̇ваа бзд̇аа –
Taṃ sutvā petā –
783.
783.
‘‘маяам̣ бхад̣̇анд̇з бзд̇амхаа, д̣̇уг̇г̇ад̇аа яамалогигаа;
‘‘Mayaṃ bhadante petamhā, duggatā yamalokikā;
баабагаммам̣ гарид̇ваана, бзд̇алогам̣ ид̇о г̇ад̇аа’’д̇и. –
Pāpakammaṃ karitvāna, petalokaṃ ito gatā’’ti. –
г̇аат̇ааяа ад̇д̇ано бзд̇абхаавам̣ багаасзд̇ваа буна т̇зрзна –
Gāthāya attano petabhāvaṃ pakāsetvā puna therena –
784.
784.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гиссагаммавибаагзна, бзд̇алогам̣ ид̇о г̇ад̇аа’’д̇и. –
Kissakammavipākena, petalokaṃ ito gatā’’ti. –
г̇аат̇ааяа гад̇агаммам̣ бужчид̇аа –
Gāthāya katakammaṃ pucchitā –
785.
785.
‘‘анаавадзсу д̇ид̇т̇зсу, вижинимхад̣̇д̇хамаасагам̣;
‘‘Anāvaṭesu titthesu, vicinimhaddhamāsakaṃ;
санд̇зсу д̣̇зяяад̇хаммзсу, д̣̇ийбам̣ наагамха ад̇д̇ано.
Santesu deyyadhammesu, dīpaṃ nākamha attano.
786.
786.
‘‘над̣̇им̣ убзма д̇асид̇аа, рид̇д̇агаа баривад̇д̇ад̇и;
‘‘Nadiṃ upema tasitā, rittakā parivattati;
чааяам̣ убзма ун̣хзсу, аад̇або баривад̇д̇ад̇и.
Chāyaṃ upema uṇhesu, ātapo parivattati.
787.
787.
‘‘аг̇г̇иван̣н̣о жа но ваад̇о, д̣аханд̇о убавааяад̇и;
‘‘Aggivaṇṇo ca no vāto, ḍahanto upavāyati;
зд̇ан̃жа бханд̇з арахаама, ан̃н̃ан̃жа баабагам̣ д̇ад̇о.
Etañca bhante arahāma, aññañca pāpakaṃ tato.
788.
788.
‘‘аби яож̇анаани г̇ажчаама, чаад̇аа аахаараг̇зд̇хино;
‘‘Api yojanāni gacchāma, chātā āhāragedhino;
алад̣̇д̇хаава нивад̇д̇аама, ахо но аббабун̃н̃ад̇аа.
Aladdhāva nivattāma, aho no appapuññatā.
789.
789.
‘‘чаад̇аа бамужчид̇аа бханд̇аа, бхуумияам̣ бадисумбхид̇аа;
‘‘Chātā pamucchitā bhantā, bhūmiyaṃ paṭisumbhitā;
уд̇д̇аанаа бадигираама, авагуж̇ж̇аа бад̇аамасз.
Uttānā paṭikirāma, avakujjā patāmase.
790.
790.
‘‘д̇з жа д̇ад̇т̇зва бад̇ид̇аа, бхуумияам̣ бадисумбхид̇аа;
‘‘Te ca tattheva patitā, bhūmiyaṃ paṭisumbhitā;
урам̣ сийсан̃жа гхаддзма, ахо но аббабун̃н̃ад̇аа.
Uraṃ sīsañca ghaṭṭema, aho no appapuññatā.
791.
791.
‘‘зд̇ан̃жа бханд̇з арахаама, ан̃н̃ан̃жа баабагам̣ д̇ад̇о;
‘‘Etañca bhante arahāma, aññañca pāpakaṃ tato;
санд̇зсу д̣̇зяяад̇хаммзсу, д̣̇ийбам̣ наагамха ад̇д̇ано.
Santesu deyyadhammesu, dīpaṃ nākamha attano.
792.
792.
‘‘д̇з хи нууна ид̇о г̇анд̇ваа, яоним̣ лад̣̇д̇хаана маанусим̣;
‘‘Te hi nūna ito gantvā, yoniṃ laddhāna mānusiṃ;
вад̣̇ан̃н̃уу сийласамбаннаа, гаахаама гусалам̣ б̣аху’’нд̇и. –
Vadaññū sīlasampannā, kāhāma kusalaṃ bahu’’nti. –
ад̇д̇анаа гад̇агаммам̣ гат̇зсум̣.
Attanā katakammaṃ kathesuṃ.
788. д̇ад̇т̇а аби яож̇анаани г̇ажчаамаад̇и анзгааниби яож̇анаани г̇ажчаама. гат̇ам̣? чаад̇аа аахаараг̇зд̇хинод̇и , жирагаалам̣ ж̇игхажчааяа ж̇игхажчид̇аа аахаарз г̇ид̣̇д̇хаа абхиг̇иж̇жханд̇аа худ̇ваа, звам̣ г̇анд̇вааби гин̃жи аахаарам̣ алад̣̇д̇хааязва нивад̇д̇аама. аббабун̃н̃ад̇аад̇и абун̃н̃ад̇аа агад̇агаляаан̣ад̇аа.
788. Tattha api yojanāni gacchāmāti anekānipi yojanāni gacchāma. Kathaṃ? Chātā āhāragedhinoti , cirakālaṃ jighacchāya jighacchitā āhāre giddhā abhigijjhantā hutvā, evaṃ gantvāpi kiñci āhāraṃ aladdhāyeva nivattāma. Appapuññatāti apuññatā akatakalyāṇatā.
789. уд̇д̇аанаа бадигираамаад̇и гад̣̇аажи уд̇д̇аанаа худ̇ваа вигирияамаанан̇г̇абажжан̇г̇аа вияа вад̇д̇аама. авагуж̇ж̇аа бад̇аамасзд̇и гад̣̇аажи авагуж̇ж̇аа худ̇ваа бад̇аама.
789.Uttānāpaṭikirāmāti kadāci uttānā hutvā vikiriyamānaṅgapaccaṅgā viya vattāma. Avakujjā patāmaseti kadāci avakujjā hutvā patāma.
790. д̇з жаад̇и д̇з маяам̣. урам̣ сийсан̃жа гхаддзмаад̇и авагуж̇ж̇аа худ̇ваа бад̇ид̇аа удтаад̇ум̣ асаггонд̇аа взд̇ханд̇аа взд̣̇анааббад̇д̇аа ад̇д̇ано ад̇д̇ано урам̣ сийсан̃жа бадигхам̣саама. сзсам̣ хздтаа вуд̇д̇анаяамзва.
790.Te cāti te mayaṃ. Uraṃ sīsañca ghaṭṭemāti avakujjā hutvā patitā uṭṭhātuṃ asakkontā vedhantā vedanāppattā attano attano uraṃ sīsañca paṭighaṃsāma. Sesaṃ heṭṭhā vuttanayameva.
т̇зро д̇ам̣ бавад̇д̇им̣ бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. д̇ам̣ суд̇ваа махааж̇ано мажчзрамалам̣ бахааяа д̣̇аанаад̣̇исужарид̇анирад̇о ахосийд̇и.
Thero taṃ pavattiṃ bhagavato ārocesi. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Taṃ sutvā mahājano maccheramalaṃ pahāya dānādisucaritanirato ahosīti.
г̇ан̣абзд̇авад̇т̇уван̣н̣анаа нидтид̇аа.
Gaṇapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 10. г̇ан̣абзд̇авад̇т̇у • 10. Gaṇapetavatthu
