| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫-੬. ਗਣ੍ਡਸੁਤ੍ਤਾਦਿવਣ੍ਣਨਾ
5-6. Gaṇḍasuttādivaṇṇanā
੧੫-੧੬. ਪਞ੍ਚਮੇ ਤੀਣਿ ਚਤ੍ਤਾਰਿ વਸ੍ਸਾਨਿ વਸ੍ਸਗਣਾ, ਅਨੇਕੇ વਸ੍ਸਗਣਾ ਉਪ੍ਪਨ੍ਨਾ ਅਸ੍ਸਾਤਿ ਅਨੇਕવਸ੍ਸਗਣਿਕੋ। ਤਸ੍ਸਸ੍ਸੂਤਿ ਤਸ੍ਸ ਭવੇਯ੍ਯੁਂ। ਅਭੇਦਨਮੁਖਾਨੀਤਿ ਨ ਕੇਨਚਿ ਭਿਨ੍ਦਿਤ੍વਾ ਕਤਾਨਿ, ਕੇવਲਂ ਕਮ੍ਮਸਮੁਟ੍ਠਿਤਾਨੇવ વਣਮੁਖਾਨਿ। ਜੇਗੁਚ੍ਛਿਯਂਯੇવਾਤਿ ਜਿਗੁਚ੍ਛਿਤਬ੍ਬਮੇવ ਪਟਿਕੂਲਮੇવ। ਚਾਤੁਮਹਾਭੂਤਿਕਸ੍ਸਾਤਿ ਚਤੁਮਹਾਭੂਤਮਯਸ੍ਸ॥ ਓਦਨਕੁਮ੍ਮਾਸੂਪਚਯਸ੍ਸਾਤਿ ਓਦਨੇਨ ਚੇવ ਕੁਮ੍ਮਾਸੇਨ ਚ ਉਪਚਿਤਸ੍ਸ વਡ੍ਢਿਤਸ੍ਸ। ਅਨਿਚ੍ਚੁਚ੍ਛਾਦਨਪਰਿਮਦ੍ਦਨਭੇਦਨવਿਦ੍ਧਂਸਨਧਮ੍ਮਸ੍ਸਾਤਿ ਹੁਤ੍વਾ ਅਭਾવਟ੍ਠੇਨ ਅਨਿਚ੍ਚਧਮ੍ਮਸ੍ਸ, ਦੁਗ੍ਗਨ੍ਧવਿਘਾਤਤ੍ਥਾਯ ਤਨੁવਿਲੇਪਨੇਨ ਉਚ੍ਛਾਦਨਧਮ੍ਮਸ੍ਸ, ਅਙ੍ਗਪਚ੍ਚਙ੍ਗਾਬਾਧવਿਨੋਦਨਤ੍ਥਾਯ ਖੁਦ੍ਦਕਸਮ੍ਬਾਹਨੇਨ ਪਰਿਮਦ੍ਦਨਧਮ੍ਮਸ੍ਸ, ਦਹਰਕਾਲੇ વਾ ਊਰੂਸੁ ਸਯਾਪੇਤ੍વਾ ਗਬ੍ਭવਾਸੇਨ ਦੁਸ੍ਸਣ੍ਠਿਤਾਨਂ ਤੇਸਂ ਤੇਸਂ ਅਙ੍ਗਪਚ੍ਚਙ੍ਗਾਨਂ ਸਣ੍ਠਾਨਸਮ੍ਪਾਦਨਤ੍ਥਂ ਅਞ੍ਛਨਪੀਲ਼ਨਾਦਿવਸੇਨ ਪਰਿਮਦ੍ਦਨਧਮ੍ਮਸ੍ਸ, ਏવਂ ਪਰਿਹਰਿਤਸ੍ਸਾਪਿ ਚ ਭੇਦਨવਿਦ੍ਧਂਸਨਧਮ੍ਮਸ੍ਸ, ਭਿਜ੍ਜਨવਿਕਿਰਣਸਭਾવਸ੍ਸੇવਾਤਿ ਅਤ੍ਥੋ। ਏਤ੍ਥ ਚ ਅਨਿਚ੍ਚਪਦੇਨ ਚੇવ ਭੇਦਨવਿਦ੍ਧਂਸਨਪਦੇਹਿ ਚਸ੍ਸ ਅਤ੍ਥਙ੍ਗਮੋ ਕਥਿਤੋ, ਸੇਸੇਹਿ ਸਮੁਦਯੋ। ਨਿਬ੍ਬਿਨ੍ਦਥਾਤਿ ਉਕ੍ਕਣ੍ਠਥ ਪਜਹਥ ਇਮਂ ਕਾਯਨ੍ਤਿ ਦਸ੍ਸੇਤਿ। ਏવਮਿਮਸ੍ਮਿਂ ਸੁਤ੍ਤੇ ਬਲવવਿਪਸ੍ਸਨਾ ਕਥਿਤਾ। ਛਟ੍ਠਂ વੁਤ੍ਤਨਯਮੇવ। ਸਞ੍ਞਾਸੀਸੇਨ ਪਨੇਤ੍ਥ ਞਾਣਮੇવ ਕਥਿਤਂ।
15-16. Pañcame tīṇi cattāri vassāni vassagaṇā, aneke vassagaṇā uppannā assāti anekavassagaṇiko. Tassassūti tassa bhaveyyuṃ. Abhedanamukhānīti na kenaci bhinditvā katāni, kevalaṃ kammasamuṭṭhitāneva vaṇamukhāni. Jegucchiyaṃyevāti jigucchitabbameva paṭikūlameva. Cātumahābhūtikassāti catumahābhūtamayassa. odanakummāsūpacayassāti odanena ceva kummāsena ca upacitassa vaḍḍhitassa. Aniccucchādanaparimaddanabhedanaviddhaṃsanadhammassāti hutvā abhāvaṭṭhena aniccadhammassa, duggandhavighātatthāya tanuvilepanena ucchādanadhammassa, aṅgapaccaṅgābādhavinodanatthāya khuddakasambāhanena parimaddanadhammassa, daharakāle vā ūrūsu sayāpetvā gabbhavāsena dussaṇṭhitānaṃ tesaṃ tesaṃ aṅgapaccaṅgānaṃ saṇṭhānasampādanatthaṃ añchanapīḷanādivasena parimaddanadhammassa, evaṃ pariharitassāpi ca bhedanaviddhaṃsanadhammassa, bhijjanavikiraṇasabhāvassevāti attho. Ettha ca aniccapadena ceva bhedanaviddhaṃsanapadehi cassa atthaṅgamo kathito, sesehi samudayo. Nibbindathāti ukkaṇṭhatha pajahatha imaṃ kāyanti dasseti. Evamimasmiṃ sutte balavavipassanā kathitā. Chaṭṭhaṃ vuttanayameva. Saññāsīsena panettha ñāṇameva kathitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੫. ਗਣ੍ਡਸੁਤ੍ਤਂ • 5. Gaṇḍasuttaṃ
੬. ਸਞ੍ਞਾਸੁਤ੍ਤਂ • 6. Saññāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੯. ਗਣ੍ਡਸੁਤ੍ਤਾਦਿવਣ੍ਣਨਾ • 5-9. Gaṇḍasuttādivaṇṇanā
