| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. ගණ්‌ඩසුත්‌තං
5. Gaṇḍasuttaṃ
15. ‘‘සෙය්‍යථාපි, භික්‌ඛවෙ, ගණ්‌ඩො අනෙකවස්‌සගණිකො. තස්‌සස්‌සු ගණ්‌ඩස්‌ස නව වණමුඛානි නව අභෙදනමුඛානි. තතො යං කිඤ්‌චි පග්‌ඝරෙය්‍ය – අසුචියෙව පග්‌ඝරෙය්‍ය, දුග්‌ගන්‌ධංයෙව පග්‌ඝරෙය්‍ය, ජෙගුච්‌ඡියංයෙව 1 පග්‌ඝරෙය්‍ය; යං කිඤ්‌චි පසවෙය්‍ය – අසුචියෙව පසවෙය්‍ය, දුග්‌ගන්‌ධංයෙව පසවෙය්‍ය, ජෙගුච්‌ඡියංයෙව පසවෙය්‍ය.
15. ‘‘Seyyathāpi, bhikkhave, gaṇḍo anekavassagaṇiko. Tassassu gaṇḍassa nava vaṇamukhāni nava abhedanamukhāni. Tato yaṃ kiñci pagghareyya – asuciyeva pagghareyya, duggandhaṃyeva pagghareyya, jegucchiyaṃyeva 2 pagghareyya; yaṃ kiñci pasaveyya – asuciyeva pasaveyya, duggandhaṃyeva pasaveyya, jegucchiyaṃyeva pasaveyya.
‘‘ගණ්‌ඩොති ඛො, භික්‌ඛවෙ, ඉමස්‌සෙතං චාතුමහාභූතිකස්‌ස 3 කායස්‌ස අධිවචනං මාතාපෙත්‌තිකසම්‌භවස්‌ස ඔදනකුම්‌මාසූපචයස්‌ස අනිච්‌චුච්‌ඡාදනපරිමද්‌දනභෙදනවිද්‌ධංසනධම්‌මස්‌ස. තස්‌සස්‌සු ගණ්‌ඩස්‌ස නව වණමුඛානි නව අභෙදනමුඛානි. තතො යං කිඤ්‌චි පග්‌ඝරති – අසුචියෙව පග්‌ඝරති, දුග්‌ගන්‌ධංයෙව පග්‌ඝරති, ජෙගුච්‌ඡියංයෙව පග්‌ඝරති; යං කිඤ්‌චි පසවති – අසුචියෙව පසවති, දුග්‌ගන්‌ධංයෙව පසවති, ජෙගුච්‌ඡියංයෙව පසවති. තස්‌මාතිහ, භික්‌ඛවෙ, ඉමස්‌මිං කායෙ නිබ්‌බින්‌දථා’’ති. පඤ්‌චමං.
‘‘Gaṇḍoti kho, bhikkhave, imassetaṃ cātumahābhūtikassa 4 kāyassa adhivacanaṃ mātāpettikasambhavassa odanakummāsūpacayassa aniccucchādanaparimaddanabhedanaviddhaṃsanadhammassa. Tassassu gaṇḍassa nava vaṇamukhāni nava abhedanamukhāni. Tato yaṃ kiñci paggharati – asuciyeva paggharati, duggandhaṃyeva paggharati, jegucchiyaṃyeva paggharati; yaṃ kiñci pasavati – asuciyeva pasavati, duggandhaṃyeva pasavati, jegucchiyaṃyeva pasavati. Tasmātiha, bhikkhave, imasmiṃ kāye nibbindathā’’ti. Pañcamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5-6. ගණ්‌ඩසුත්‌තාදිවණ්‌ණනා • 5-6. Gaṇḍasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-9. ගණ්‌ඩසුත්‌තාදිවණ්‌ණනා • 5-9. Gaṇḍasuttādivaṇṇanā
