| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. গন্ধব্বকাযসংযুত্তৰণ্ণনা
10. Gandhabbakāyasaṃyuttavaṇṇanā
৪৩৮-৫৪৯. মূলগন্ধাদিভেদং গন্ধং অৰন্তি অপযুঞ্জন্তীতি গন্ধব্বা, তেসং কাযো সমূহো গন্ধব্বকাযো, গন্ধব্বদেৰনিকাযো। চাতুমহারাজিকেসু একিযাৰ তে দট্ঠব্বা, তপ্পরিযাপন্নতায তত্থ ৰা নিযুত্তাতি গন্ধব্বকাযিকা। তেসং তেসং রুক্খগচ্ছলতানং মূলং পটিচ্চ পৰত্তো গন্ধো মূলগন্ধো, তস্মিং মূলগন্ধে। অধিৰত্থাতি মূলগন্ধং অধিট্ঠায, অভিভুয্য ৰা ৰসন্তা। এস নযো সেসেসুপি। তং নিস্সাযাতি তং মূলগন্ধং রুক্খং পচ্চযং কত্ৰা নিব্বত্তা। ন কেৰলং তত্থ গন্ধো এৰ, মূলমেৰ ৰা তেসং পচ্চযোতি দস্সেন্তো ‘‘সো হী’’তিআদিমাহ। উপকপ্পতীতি নিৰাসট্ঠানভাৰেন ৰিনিযুঞ্জতি। গন্ধগন্ধেতি গন্ধানং গন্ধসমুদাযে। মূলাদিগন্ধানং গন্ধেতি মূলাদিগতঅৰযৰগন্ধানং গন্ধে, তিমূলাদিগতসমুদাযভূতেতি অত্থো। পুব্বে হি ‘‘মূলগন্ধে’’তিআদিনা রুক্খানং অৰযৰগন্ধো গহিতো, ইধ পন সব্বসো গহিতত্তা সমুদাযগন্ধো ৰেদিতব্বো। তেনাহ ‘‘যস্স হি রুক্খস্সা’’তিআদি। সোতি সো সব্বো মূলাদিগতো গন্ধো গন্ধসমুদাযো ইধ গন্ধগন্ধো নাম। তস্স গন্ধস্স গন্ধেতি তস্স সমুদাযগন্ধস্স তথাভূতে গন্ধে। সরিক্খং সদিসং পটিদানং এতিস্সাতি সরিক্খদানং, পত্থনা। যথাধিপ্পেতফলানি সরিক্খদানত্তাৰ অধিপ্পেতফলং দেন্তু, অসরিক্খদানং কথন্তি? তম্পি দেতিযেৰ পুঞ্ঞস্স সব্বকামদদত্তাতি আহ ‘‘অসরিক্খদানম্পী’’তিআদি।
438-549. Mūlagandhādibhedaṃ gandhaṃ avanti apayuñjantīti gandhabbā, tesaṃ kāyo samūho gandhabbakāyo, gandhabbadevanikāyo. Cātumahārājikesu ekiyāva te daṭṭhabbā, tappariyāpannatāya tattha vā niyuttāti gandhabbakāyikā. Tesaṃ tesaṃ rukkhagacchalatānaṃ mūlaṃ paṭicca pavatto gandho mūlagandho, tasmiṃ mūlagandhe. Adhivatthāti mūlagandhaṃ adhiṭṭhāya, abhibhuyya vā vasantā. Esa nayo sesesupi. Taṃ nissāyāti taṃ mūlagandhaṃ rukkhaṃ paccayaṃ katvā nibbattā. Na kevalaṃ tattha gandho eva, mūlameva vā tesaṃ paccayoti dassento ‘‘so hī’’tiādimāha. Upakappatīti nivāsaṭṭhānabhāvena viniyuñjati. Gandhagandheti gandhānaṃ gandhasamudāye. Mūlādigandhānaṃ gandheti mūlādigataavayavagandhānaṃ gandhe, timūlādigatasamudāyabhūteti attho. Pubbe hi ‘‘mūlagandhe’’tiādinā rukkhānaṃ avayavagandho gahito, idha pana sabbaso gahitattā samudāyagandho veditabbo. Tenāha ‘‘yassa hi rukkhassā’’tiādi. Soti so sabbo mūlādigato gandho gandhasamudāyo idha gandhagandho nāma. Tassa gandhassa gandheti tassa samudāyagandhassa tathābhūte gandhe. Sarikkhaṃ sadisaṃ paṭidānaṃ etissāti sarikkhadānaṃ, patthanā. Yathādhippetaphalāni sarikkhadānattāva adhippetaphalaṃ dentu, asarikkhadānaṃ kathanti? Tampi detiyeva puññassa sabbakāmadadattāti āha ‘‘asarikkhadānampī’’tiādi.
গন্ধব্বকাযসংযুত্তৰণ্ণনা নিট্ঠিতা।
Gandhabbakāyasaṃyuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
১. সুদ্ধিকসুত্তং • 1. Suddhikasuttaṃ
২. সুচরিতসুত্তং • 2. Sucaritasuttaṃ
৩. মূলগন্ধদাতাসুত্তং • 3. Mūlagandhadātāsuttaṃ
৪-১২. সারগন্ধাদিদাতাসুত্তনৰকং • 4-12. Sāragandhādidātāsuttanavakaṃ
১৩-২২. মূলগন্ধদানূপকারসুত্তদসকং • 13-22. Mūlagandhadānūpakārasuttadasakaṃ
২৩-১১২. সারগন্ধাদিদানূপকারসুত্তনৰুতিকং • 23-112. Sāragandhādidānūpakārasuttanavutikaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. গন্ধব্বকাযসংযুত্তৰণ্ণনা • 10. Gandhabbakāyasaṃyuttavaṇṇanā
