| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༡༠. གནྡྷབྦཀཱཡསཾཡུཏྟཝཎྞནཱ
10. Gandhabbakāyasaṃyuttavaṇṇanā
༤༣༨-༥༤༩. མཱུལགནྡྷཱདིབྷེདཾ གནྡྷཾ ཨཝནྟི ཨཔཡུཉྫནྟཱིཏི གནྡྷབྦཱ, ཏེསཾ ཀཱཡོ སམཱུཧོ གནྡྷབྦཀཱཡོ, གནྡྷབྦདེཝནིཀཱཡོ། ཙཱཏུམཧཱརཱཛིཀེསུ ཨེཀིཡཱཝ ཏེ དཊྛབྦཱ, ཏཔྤརིཡཱཔནྣཏཱཡ ཏཏྠ ཝཱ ནིཡུཏྟཱཏི གནྡྷབྦཀཱཡིཀཱ། ཏེསཾ ཏེསཾ རུཀྑགཙྪལཏཱནཾ མཱུལཾ པཊིཙྩ པཝཏྟོ གནྡྷོ མཱུལགནྡྷོ, ཏསྨིཾ མཱུལགནྡྷེ། ཨདྷིཝཏྠཱཏི མཱུལགནྡྷཾ ཨདྷིཊྛཱཡ, ཨབྷིབྷུཡྻ ཝཱ ཝསནྟཱ། ཨེས ནཡོ སེསེསུཔི། ཏཾ ནིསྶཱཡཱཏི ཏཾ མཱུལགནྡྷཾ རུཀྑཾ པཙྩཡཾ ཀཏྭཱ ནིབྦཏྟཱ། ན ཀེཝལཾ ཏཏྠ གནྡྷོ ཨེཝ, མཱུལམེཝ ཝཱ ཏེསཾ པཙྩཡོཏི དསྶེནྟོ ‘‘སོ ཧཱི’’ཏིཨཱདིམཱཧ། ཨུཔཀཔྤཏཱིཏི ནིཝཱསཊྛཱནབྷཱཝེན ཝིནིཡུཉྫཏི། གནྡྷགནྡྷེཏི གནྡྷཱནཾ གནྡྷསམུདཱཡེ། མཱུལཱདིགནྡྷཱནཾ གནྡྷེཏི མཱུལཱདིགཏཨཝཡཝགནྡྷཱནཾ གནྡྷེ, ཏིམཱུལཱདིགཏསམུདཱཡབྷཱུཏེཏི ཨཏྠོ། པུབྦེ ཧི ‘‘མཱུལགནྡྷེ’’ཏིཨཱདིནཱ རུཀྑཱནཾ ཨཝཡཝགནྡྷོ གཧིཏོ, ཨིདྷ པན སབྦསོ གཧིཏཏྟཱ སམུདཱཡགནྡྷོ ཝེདིཏབྦོ། ཏེནཱཧ ‘‘ཡསྶ ཧི རུཀྑསྶཱ’’ཏིཨཱདི། སོཏི སོ སབྦོ མཱུལཱདིགཏོ གནྡྷོ གནྡྷསམུདཱཡོ ཨིདྷ གནྡྷགནྡྷོ ནཱམ། ཏསྶ གནྡྷསྶ གནྡྷེཏི ཏསྶ སམུདཱཡགནྡྷསྶ ཏཐཱབྷཱུཏེ གནྡྷེ། སརིཀྑཾ སདིསཾ པཊིདཱནཾ ཨེཏིསྶཱཏི སརིཀྑདཱནཾ, པཏྠནཱ། ཡཐཱདྷིཔྤེཏཕལཱནི སརིཀྑདཱནཏྟཱཝ ཨདྷིཔྤེཏཕལཾ དེནྟུ, ཨསརིཀྑདཱནཾ ཀཐནྟི? ཏམྤི དེཏིཡེཝ པུཉྙསྶ སབྦཀཱམདདཏྟཱཏི ཨཱཧ ‘‘ཨསརིཀྑདཱནམྤཱི’’ཏིཨཱདི།
438-549. Mūlagandhādibhedaṃ gandhaṃ avanti apayuñjantīti gandhabbā, tesaṃ kāyo samūho gandhabbakāyo, gandhabbadevanikāyo. Cātumahārājikesu ekiyāva te daṭṭhabbā, tappariyāpannatāya tattha vā niyuttāti gandhabbakāyikā. Tesaṃ tesaṃ rukkhagacchalatānaṃ mūlaṃ paṭicca pavatto gandho mūlagandho, tasmiṃ mūlagandhe. Adhivatthāti mūlagandhaṃ adhiṭṭhāya, abhibhuyya vā vasantā. Esa nayo sesesupi. Taṃ nissāyāti taṃ mūlagandhaṃ rukkhaṃ paccayaṃ katvā nibbattā. Na kevalaṃ tattha gandho eva, mūlameva vā tesaṃ paccayoti dassento ‘‘so hī’’tiādimāha. Upakappatīti nivāsaṭṭhānabhāvena viniyuñjati. Gandhagandheti gandhānaṃ gandhasamudāye. Mūlādigandhānaṃ gandheti mūlādigataavayavagandhānaṃ gandhe, timūlādigatasamudāyabhūteti attho. Pubbe hi ‘‘mūlagandhe’’tiādinā rukkhānaṃ avayavagandho gahito, idha pana sabbaso gahitattā samudāyagandho veditabbo. Tenāha ‘‘yassa hi rukkhassā’’tiādi. Soti so sabbo mūlādigato gandho gandhasamudāyo idha gandhagandho nāma. Tassa gandhassa gandheti tassa samudāyagandhassa tathābhūte gandhe. Sarikkhaṃ sadisaṃ paṭidānaṃ etissāti sarikkhadānaṃ, patthanā. Yathādhippetaphalāni sarikkhadānattāva adhippetaphalaṃ dentu, asarikkhadānaṃ kathanti? Tampi detiyeva puññassa sabbakāmadadattāti āha ‘‘asarikkhadānampī’’tiādi.
གནྡྷབྦཀཱཡསཾཡུཏྟཝཎྞནཱ ནིཊྛིཏཱ།
Gandhabbakāyasaṃyuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya
༡. སུདྡྷིཀསུཏྟཾ • 1. Suddhikasuttaṃ
༢. སུཙརིཏསུཏྟཾ • 2. Sucaritasuttaṃ
༣. མཱུལགནྡྷདཱཏཱསུཏྟཾ • 3. Mūlagandhadātāsuttaṃ
༤-༡༢. སཱརགནྡྷཱདིདཱཏཱསུཏྟནཝཀཾ • 4-12. Sāragandhādidātāsuttanavakaṃ
༡༣-༢༢. མཱུལགནྡྷདཱནཱུཔཀཱརསུཏྟདསཀཾ • 13-22. Mūlagandhadānūpakārasuttadasakaṃ
༢༣-༡༡༢. སཱརགནྡྷཱདིདཱནཱུཔཀཱརསུཏྟནཝུཏིཀཾ • 23-112. Sāragandhādidānūpakārasuttanavutikaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༠. གནྡྷབྦཀཱཡསཾཡུཏྟཝཎྞནཱ • 10. Gandhabbakāyasaṃyuttavaṇṇanā
