| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਗਨ੍ਧਬ੍ਬਕਾਯਸਂਯੁਤ੍ਤવਣ੍ਣਨਾ
10. Gandhabbakāyasaṃyuttavaṇṇanā
੪੩੮-੫੪੯. ਮੂਲਗਨ੍ਧਾਦਿਭੇਦਂ ਗਨ੍ਧਂ ਅવਨ੍ਤਿ ਅਪਯੁਞ੍ਜਨ੍ਤੀਤਿ ਗਨ੍ਧਬ੍ਬਾ, ਤੇਸਂ ਕਾਯੋ ਸਮੂਹੋ ਗਨ੍ਧਬ੍ਬਕਾਯੋ, ਗਨ੍ਧਬ੍ਬਦੇવਨਿਕਾਯੋ। ਚਾਤੁਮਹਾਰਾਜਿਕੇਸੁ ਏਕਿਯਾવ ਤੇ ਦਟ੍ਠਬ੍ਬਾ, ਤਪ੍ਪਰਿਯਾਪਨ੍ਨਤਾਯ ਤਤ੍ਥ વਾ ਨਿਯੁਤ੍ਤਾਤਿ ਗਨ੍ਧਬ੍ਬਕਾਯਿਕਾ। ਤੇਸਂ ਤੇਸਂ ਰੁਕ੍ਖਗਚ੍ਛਲਤਾਨਂ ਮੂਲਂ ਪਟਿਚ੍ਚ ਪવਤ੍ਤੋ ਗਨ੍ਧੋ ਮੂਲਗਨ੍ਧੋ, ਤਸ੍ਮਿਂ ਮੂਲਗਨ੍ਧੇ। ਅਧਿવਤ੍ਥਾਤਿ ਮੂਲਗਨ੍ਧਂ ਅਧਿਟ੍ਠਾਯ, ਅਭਿਭੁਯ੍ਯ વਾ વਸਨ੍ਤਾ। ਏਸ ਨਯੋ ਸੇਸੇਸੁਪਿ। ਤਂ ਨਿਸ੍ਸਾਯਾਤਿ ਤਂ ਮੂਲਗਨ੍ਧਂ ਰੁਕ੍ਖਂ ਪਚ੍ਚਯਂ ਕਤ੍વਾ ਨਿਬ੍ਬਤ੍ਤਾ। ਨ ਕੇવਲਂ ਤਤ੍ਥ ਗਨ੍ਧੋ ਏવ, ਮੂਲਮੇવ વਾ ਤੇਸਂ ਪਚ੍ਚਯੋਤਿ ਦਸ੍ਸੇਨ੍ਤੋ ‘‘ਸੋ ਹੀ’’ਤਿਆਦਿਮਾਹ। ਉਪਕਪ੍ਪਤੀਤਿ ਨਿવਾਸਟ੍ਠਾਨਭਾવੇਨ વਿਨਿਯੁਞ੍ਜਤਿ। ਗਨ੍ਧਗਨ੍ਧੇਤਿ ਗਨ੍ਧਾਨਂ ਗਨ੍ਧਸਮੁਦਾਯੇ। ਮੂਲਾਦਿਗਨ੍ਧਾਨਂ ਗਨ੍ਧੇਤਿ ਮੂਲਾਦਿਗਤਅવਯવਗਨ੍ਧਾਨਂ ਗਨ੍ਧੇ, ਤਿਮੂਲਾਦਿਗਤਸਮੁਦਾਯਭੂਤੇਤਿ ਅਤ੍ਥੋ। ਪੁਬ੍ਬੇ ਹਿ ‘‘ਮੂਲਗਨ੍ਧੇ’’ਤਿਆਦਿਨਾ ਰੁਕ੍ਖਾਨਂ ਅવਯવਗਨ੍ਧੋ ਗਹਿਤੋ, ਇਧ ਪਨ ਸਬ੍ਬਸੋ ਗਹਿਤਤ੍ਤਾ ਸਮੁਦਾਯਗਨ੍ਧੋ વੇਦਿਤਬ੍ਬੋ। ਤੇਨਾਹ ‘‘ਯਸ੍ਸ ਹਿ ਰੁਕ੍ਖਸ੍ਸਾ’’ਤਿਆਦਿ। ਸੋਤਿ ਸੋ ਸਬ੍ਬੋ ਮੂਲਾਦਿਗਤੋ ਗਨ੍ਧੋ ਗਨ੍ਧਸਮੁਦਾਯੋ ਇਧ ਗਨ੍ਧਗਨ੍ਧੋ ਨਾਮ। ਤਸ੍ਸ ਗਨ੍ਧਸ੍ਸ ਗਨ੍ਧੇਤਿ ਤਸ੍ਸ ਸਮੁਦਾਯਗਨ੍ਧਸ੍ਸ ਤਥਾਭੂਤੇ ਗਨ੍ਧੇ। ਸਰਿਕ੍ਖਂ ਸਦਿਸਂ ਪਟਿਦਾਨਂ ਏਤਿਸ੍ਸਾਤਿ ਸਰਿਕ੍ਖਦਾਨਂ, ਪਤ੍ਥਨਾ। ਯਥਾਧਿਪ੍ਪੇਤਫਲਾਨਿ ਸਰਿਕ੍ਖਦਾਨਤ੍ਤਾવ ਅਧਿਪ੍ਪੇਤਫਲਂ ਦੇਨ੍ਤੁ, ਅਸਰਿਕ੍ਖਦਾਨਂ ਕਥਨ੍ਤਿ? ਤਮ੍ਪਿ ਦੇਤਿਯੇવ ਪੁਞ੍ਞਸ੍ਸ ਸਬ੍ਬਕਾਮਦਦਤ੍ਤਾਤਿ ਆਹ ‘‘ਅਸਰਿਕ੍ਖਦਾਨਮ੍ਪੀ’’ਤਿਆਦਿ।
438-549. Mūlagandhādibhedaṃ gandhaṃ avanti apayuñjantīti gandhabbā, tesaṃ kāyo samūho gandhabbakāyo, gandhabbadevanikāyo. Cātumahārājikesu ekiyāva te daṭṭhabbā, tappariyāpannatāya tattha vā niyuttāti gandhabbakāyikā. Tesaṃ tesaṃ rukkhagacchalatānaṃ mūlaṃ paṭicca pavatto gandho mūlagandho, tasmiṃ mūlagandhe. Adhivatthāti mūlagandhaṃ adhiṭṭhāya, abhibhuyya vā vasantā. Esa nayo sesesupi. Taṃ nissāyāti taṃ mūlagandhaṃ rukkhaṃ paccayaṃ katvā nibbattā. Na kevalaṃ tattha gandho eva, mūlameva vā tesaṃ paccayoti dassento ‘‘so hī’’tiādimāha. Upakappatīti nivāsaṭṭhānabhāvena viniyuñjati. Gandhagandheti gandhānaṃ gandhasamudāye. Mūlādigandhānaṃ gandheti mūlādigataavayavagandhānaṃ gandhe, timūlādigatasamudāyabhūteti attho. Pubbe hi ‘‘mūlagandhe’’tiādinā rukkhānaṃ avayavagandho gahito, idha pana sabbaso gahitattā samudāyagandho veditabbo. Tenāha ‘‘yassa hi rukkhassā’’tiādi. Soti so sabbo mūlādigato gandho gandhasamudāyo idha gandhagandho nāma. Tassa gandhassa gandheti tassa samudāyagandhassa tathābhūte gandhe. Sarikkhaṃ sadisaṃ paṭidānaṃ etissāti sarikkhadānaṃ, patthanā. Yathādhippetaphalāni sarikkhadānattāva adhippetaphalaṃ dentu, asarikkhadānaṃ kathanti? Tampi detiyeva puññassa sabbakāmadadattāti āha ‘‘asarikkhadānampī’’tiādi.
ਗਨ੍ਧਬ੍ਬਕਾਯਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Gandhabbakāyasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧. ਸੁਦ੍ਧਿਕਸੁਤ੍ਤਂ • 1. Suddhikasuttaṃ
੨. ਸੁਚਰਿਤਸੁਤ੍ਤਂ • 2. Sucaritasuttaṃ
੩. ਮੂਲਗਨ੍ਧਦਾਤਾਸੁਤ੍ਤਂ • 3. Mūlagandhadātāsuttaṃ
੪-੧੨. ਸਾਰਗਨ੍ਧਾਦਿਦਾਤਾਸੁਤ੍ਤਨવਕਂ • 4-12. Sāragandhādidātāsuttanavakaṃ
੧੩-੨੨. ਮੂਲਗਨ੍ਧਦਾਨੂਪਕਾਰਸੁਤ੍ਤਦਸਕਂ • 13-22. Mūlagandhadānūpakārasuttadasakaṃ
੨੩-੧੧੨. ਸਾਰਗਨ੍ਧਾਦਿਦਾਨੂਪਕਾਰਸੁਤ੍ਤਨવੁਤਿਕਂ • 23-112. Sāragandhādidānūpakārasuttanavutikaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਗਨ੍ਧਬ੍ਬਕਾਯਸਂਯੁਤ੍ਤવਣ੍ਣਨਾ • 10. Gandhabbakāyasaṃyuttavaṇṇanā
