| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓๔. คโนฺธทกวโคฺค
34. Gandhodakavaggo
๑. คนฺธธูปิยเตฺถรอปทานํ
1. Gandhadhūpiyattheraapadānaṃ
๑.
1.
‘‘สิทฺธตฺถสฺส ภควโต, คนฺธธูปํ อทาสหํ;
‘‘Siddhatthassa bhagavato, gandhadhūpaṃ adāsahaṃ;
สุมเนหิ ปฎิจฺฉนฺนํ, พุทฺธานุจฺฉวิกญฺจ ตํฯ
Sumanehi paṭicchannaṃ, buddhānucchavikañca taṃ.
๒.
2.
‘‘กญฺจนคฺฆิยสงฺกาสํ, พุทฺธํ โลกคฺคนายกํ;
‘‘Kañcanagghiyasaṅkāsaṃ, buddhaṃ lokagganāyakaṃ;
อินฺทีวรํว ชลิตํ, อาทิตฺตํว หุตาสนํฯ
Indīvaraṃva jalitaṃ, ādittaṃva hutāsanaṃ.
๓.
3.
‘‘พฺยคฺฆุสภํว ปวรํ, อภิชาตํว เกสริํ;
‘‘Byagghusabhaṃva pavaraṃ, abhijātaṃva kesariṃ;
นิสินฺนํ สมณานคฺคํ, ภิกฺขุสงฺฆปุรกฺขตํฯ
Nisinnaṃ samaṇānaggaṃ, bhikkhusaṅghapurakkhataṃ.
๔.
4.
‘‘ทิสฺวา จิตฺตํ ปสาเทตฺวา, ปคฺคเหตฺวาน อญฺชลิํ;
‘‘Disvā cittaṃ pasādetvā, paggahetvāna añjaliṃ;
วนฺทิตฺวา สตฺถุโน ปาเท, ปกฺกามิํ อุตฺตรามุโขฯ
Vanditvā satthuno pāde, pakkāmiṃ uttarāmukho.
๕.
5.
‘‘จตุนฺนวุติโต กเปฺป, ยํ คนฺธมททิํ ตทา;
‘‘Catunnavutito kappe, yaṃ gandhamadadiṃ tadā;
ทุคฺคติํ นาภิชานามิ, คนฺธปูชายิทํ ผลํฯ
Duggatiṃ nābhijānāmi, gandhapūjāyidaṃ phalaṃ.
๖.
6.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา คนฺธธูปิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā gandhadhūpiyo thero imā gāthāyo abhāsitthāti.
คนฺธธูปิยเตฺถรสฺสาปทานํ ปฐมํฯ
Gandhadhūpiyattherassāpadānaṃ paṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. โถมกเตฺถรอปทานาทิวณฺณนา • 1-10. Thomakattheraapadānādivaṇṇanā
