| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. г̇анд̇хаж̇аад̇асуд̇д̇аван̣н̣анаа
9. Gandhajātasuttavaṇṇanā
80. навамз зд̇ад̣̇авожаад̇и бажчаабхад̇д̇ам̣ бин̣д̣абаад̇абадигганд̇о д̣̇асаб̣аласса вад̇д̇ам̣ д̣̇ассзд̇ваа ад̇д̇ано д̣̇иваавихаарадтаанам̣ г̇анд̇ваа ‘‘имасмим̣ логз муулаг̇анд̇хо наама ад̇т̇и, саараг̇анд̇хо наама ад̇т̇и, бубпаг̇анд̇хо наама ад̇т̇и. имз бана д̇аяоби г̇анд̇хаа ануваад̇ам̣язва г̇ажчанд̇и, на бадиваад̇ам̣. ад̇т̇и ну ко гин̃жи, яасса бадиваад̇амби г̇анд̇хо г̇ажчад̇ий’’д̇и жинд̇зд̇ваа адтаннам̣ вараанам̣ г̇ахан̣агаалзязва ган̇куббад̇д̇исамаяз убасан̇гаманаварасса г̇ахид̇ад̇д̇аа д̇агкан̣ам̣язва д̣̇иваадтаанад̇о вудтааяа сад̇т̇у санд̇игам̣ г̇анд̇ваа ванд̣̇ид̇ваа згаманд̇ам̣ нисинно уббаннааяа ган̇кааяа винод̣̇анад̇т̇ам̣ зд̇ам̣ ‘‘д̇ийн̣имаани, бханд̇з’’д̇иаад̣̇иважанам̣ авожа. д̇ад̇т̇а г̇анд̇хаж̇аад̇аанийд̇и г̇анд̇хаж̇аад̇ияо. муулаг̇анд̇ход̇и муулавад̇т̇уго г̇анд̇хо, г̇анд̇хасамбаннам̣ ваа мууламзва муулаг̇анд̇хо. д̇асса хи г̇анд̇хо ануваад̇ам̣ г̇ажчад̇и. г̇анд̇хасса бана г̇анд̇хо наама над̇т̇и. саараг̇анд̇хабубпаг̇анд̇хзсуби зсзва наяо. ад̇т̇аананд̣̇а, гин̃жи г̇анд̇хаж̇аад̇анд̇и зд̇т̇а саран̣аг̇аманаад̣̇аяо г̇ун̣аван̣н̣абхаасанавасзна д̣̇исааг̇аамид̇ааяа г̇анд̇хасад̣̇исад̇д̇аа г̇анд̇хаа, д̇зсам̣ вад̇т̇убхууд̇о буг̇г̇ало г̇анд̇хаж̇аад̇ам̣ наама. г̇анд̇хо г̇ажчад̇ийд̇и ван̣н̣абхаасанавасзна г̇ажчад̇и. сийлаваад̇и бан̃жасийлзна ваа д̣̇асасийлзна ваа сийлаваа. галяаан̣ад̇хаммод̇и д̇знзва сийлад̇хаммзна галяаан̣ад̇хаммо сунд̣̇арад̇хаммо. виг̇ад̇амаламажчзрзнаад̇иаад̣̇ийнам̣ ад̇т̇о висуд̣̇д̇химаг̇г̇з (висуд̣̇д̇хи. 1.160) вид̇т̇аарид̇ова. д̣̇исаасууд̇и жад̇уусу д̣̇исаасу жад̇уусу ануд̣̇исаасу . саман̣аб̣раахман̣аад̇и самид̇абаабаб̣аахид̇абаабаа саман̣аб̣раахман̣аа.
80. Navame etadavocāti pacchābhattaṃ piṇḍapātapaṭikkanto dasabalassa vattaṃ dassetvā attano divāvihāraṭṭhānaṃ gantvā ‘‘imasmiṃ loke mūlagandho nāma atthi, sāragandho nāma atthi, pupphagandho nāma atthi. Ime pana tayopi gandhā anuvātaṃyeva gacchanti, na paṭivātaṃ. Atthi nu kho kiñci, yassa paṭivātampi gandho gacchatī’’ti cintetvā aṭṭhannaṃ varānaṃ gahaṇakāleyeva kaṅkhuppattisamaye upasaṅkamanavarassa gahitattā takkhaṇaṃyeva divāṭṭhānato vuṭṭhāya satthu santikaṃ gantvā vanditvā ekamantaṃ nisinno uppannāya kaṅkhāya vinodanatthaṃ etaṃ ‘‘tīṇimāni, bhante’’tiādivacanaṃ avoca. Tattha gandhajātānīti gandhajātiyo. Mūlagandhoti mūlavatthuko gandho, gandhasampannaṃ vā mūlameva mūlagandho. Tassa hi gandho anuvātaṃ gacchati. Gandhassa pana gandho nāma natthi. Sāragandhapupphagandhesupi eseva nayo. Atthānanda, kiñci gandhajātanti ettha saraṇagamanādayo guṇavaṇṇabhāsanavasena disāgāmitāya gandhasadisattā gandhā, tesaṃ vatthubhūto puggalo gandhajātaṃ nāma. Gandho gacchatīti vaṇṇabhāsanavasena gacchati. Sīlavāti pañcasīlena vā dasasīlena vā sīlavā. Kalyāṇadhammoti teneva sīladhammena kalyāṇadhammo sundaradhammo. Vigatamalamaccherenātiādīnaṃ attho visuddhimagge (visuddhi. 1.160) vitthāritova. Disāsūti catūsu disāsu catūsu anudisāsu . Samaṇabrāhmaṇāti samitapāpabāhitapāpā samaṇabrāhmaṇā.
на бубпаг̇анд̇хо бадиваад̇амзд̇ийд̇и вассигабубпаад̣̇ийнам̣ г̇анд̇хо бадиваад̇ам̣ на г̇ажчад̇и. на жанд̣̇анам̣ д̇аг̇арамаллигаа ваад̇и жанд̣̇анад̇аг̇арамаллигаанамби г̇анд̇хо бадиваад̇ам̣ на г̇ажчад̇ийд̇и ад̇т̇о. д̣̇звалогзби пудасуманаа наама ход̇и, д̇ассаа бубпид̇ад̣̇ивасз г̇анд̇хо яож̇анасад̇ам̣ аж̇жход̇т̇арад̇и. соби бадиваад̇ам̣ вид̣̇ад̇т̇имад̇д̇амби рад̇анамад̇д̇амби г̇анд̇ум̣ на саггод̇ийд̇и вад̣̇анд̇и. сад̇ан̃жа г̇анд̇хо бадиваад̇амзд̇ийд̇и сад̇ан̃жа бан̣д̣ид̇аанам̣ б̣уд̣̇д̇хабажжзгаб̣уд̣̇д̇хаб̣уд̣̇д̇хабуд̇д̇аанам̣ сийлаад̣̇иг̇ун̣аг̇анд̇хо бадиваад̇ам̣ г̇ажчад̇и. саб̣б̣аа д̣̇исаа саббурисо бавааяад̇ийд̇и саббурисо бан̣д̣ид̇о сийлаад̣̇иг̇ун̣аг̇анд̇хзна саб̣б̣аа д̣̇исаа бавааяад̇и, саб̣б̣аа д̣̇исаа г̇анд̇хзна авад̇т̇арад̇ийд̇и ад̇т̇о.
Na pupphagandho paṭivātametīti vassikapupphādīnaṃ gandho paṭivātaṃ na gacchati. Na candanaṃ tagaramallikā vāti candanatagaramallikānampi gandho paṭivātaṃ na gacchatīti attho. Devalokepi phuṭasumanā nāma hoti, tassā pupphitadivase gandho yojanasataṃ ajjhottharati. Sopi paṭivātaṃ vidatthimattampi ratanamattampi gantuṃ na sakkotīti vadanti. Satañca gandho paṭivātametīti satañca paṇḍitānaṃ buddhapaccekabuddhabuddhaputtānaṃ sīlādiguṇagandho paṭivātaṃ gacchati. Sabbā disā sappuriso pavāyatīti sappuriso paṇḍito sīlādiguṇagandhena sabbā disā pavāyati, sabbā disā gandhena avattharatīti attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. г̇анд̇хаж̇аад̇асуд̇д̇ам̣ • 9. Gandhajātasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. г̇анд̇хаж̇аад̇асуд̇д̇аван̣н̣анаа • 9. Gandhajātasuttavaṇṇanā
