| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਗਨ੍ਧਜਾਤਸੁਤ੍ਤવਣ੍ਣਨਾ
9. Gandhajātasuttavaṇṇanā
੮੦. ਨવਮੇ ਏਤਦવੋਚਾਤਿ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤੋ ਦਸਬਲਸ੍ਸ વਤ੍ਤਂ ਦਸ੍ਸੇਤ੍વਾ ਅਤ੍ਤਨੋ ਦਿવਾવਿਹਾਰਟ੍ਠਾਨਂ ਗਨ੍ਤ੍વਾ ‘‘ਇਮਸ੍ਮਿਂ ਲੋਕੇ ਮੂਲਗਨ੍ਧੋ ਨਾਮ ਅਤ੍ਥਿ, ਸਾਰਗਨ੍ਧੋ ਨਾਮ ਅਤ੍ਥਿ, ਪੁਪ੍ਫਗਨ੍ਧੋ ਨਾਮ ਅਤ੍ਥਿ। ਇਮੇ ਪਨ ਤਯੋਪਿ ਗਨ੍ਧਾ ਅਨੁવਾਤਂਯੇવ ਗਚ੍ਛਨ੍ਤਿ, ਨ ਪਟਿવਾਤਂ। ਅਤ੍ਥਿ ਨੁ ਖੋ ਕਿਞ੍ਚਿ, ਯਸ੍ਸ ਪਟਿવਾਤਮ੍ਪਿ ਗਨ੍ਧੋ ਗਚ੍ਛਤੀ’’ਤਿ ਚਿਨ੍ਤੇਤ੍વਾ ਅਟ੍ਠਨ੍ਨਂ વਰਾਨਂ ਗਹਣਕਾਲੇਯੇવ ਕਙ੍ਖੁਪ੍ਪਤ੍ਤਿਸਮਯੇ ਉਪਸਙ੍ਕਮਨવਰਸ੍ਸ ਗਹਿਤਤ੍ਤਾ ਤਕ੍ਖਣਂਯੇવ ਦਿવਾਟ੍ਠਾਨਤੋ વੁਟ੍ਠਾਯ ਸਤ੍ਥੁ ਸਨ੍ਤਿਕਂ ਗਨ੍ਤ੍વਾ વਨ੍ਦਿਤ੍વਾ ਏਕਮਨ੍ਤਂ ਨਿਸਿਨ੍ਨੋ ਉਪ੍ਪਨ੍ਨਾਯ ਕਙ੍ਖਾਯ વਿਨੋਦਨਤ੍ਥਂ ਏਤਂ ‘‘ਤੀਣਿਮਾਨਿ, ਭਨ੍ਤੇ’’ਤਿਆਦਿવਚਨਂ ਅવੋਚ। ਤਤ੍ਥ ਗਨ੍ਧਜਾਤਾਨੀਤਿ ਗਨ੍ਧਜਾਤਿਯੋ। ਮੂਲਗਨ੍ਧੋਤਿ ਮੂਲવਤ੍ਥੁਕੋ ਗਨ੍ਧੋ, ਗਨ੍ਧਸਮ੍ਪਨ੍ਨਂ વਾ ਮੂਲਮੇવ ਮੂਲਗਨ੍ਧੋ। ਤਸ੍ਸ ਹਿ ਗਨ੍ਧੋ ਅਨੁવਾਤਂ ਗਚ੍ਛਤਿ। ਗਨ੍ਧਸ੍ਸ ਪਨ ਗਨ੍ਧੋ ਨਾਮ ਨਤ੍ਥਿ। ਸਾਰਗਨ੍ਧਪੁਪ੍ਫਗਨ੍ਧੇਸੁਪਿ ਏਸੇવ ਨਯੋ। ਅਤ੍ਥਾਨਨ੍ਦ, ਕਿਞ੍ਚਿ ਗਨ੍ਧਜਾਤਨ੍ਤਿ ਏਤ੍ਥ ਸਰਣਗਮਨਾਦਯੋ ਗੁਣવਣ੍ਣਭਾਸਨવਸੇਨ ਦਿਸਾਗਾਮਿਤਾਯ ਗਨ੍ਧਸਦਿਸਤ੍ਤਾ ਗਨ੍ਧਾ, ਤੇਸਂ વਤ੍ਥੁਭੂਤੋ ਪੁਗ੍ਗਲੋ ਗਨ੍ਧਜਾਤਂ ਨਾਮ। ਗਨ੍ਧੋ ਗਚ੍ਛਤੀਤਿ વਣ੍ਣਭਾਸਨવਸੇਨ ਗਚ੍ਛਤਿ। ਸੀਲવਾਤਿ ਪਞ੍ਚਸੀਲੇਨ વਾ ਦਸਸੀਲੇਨ વਾ ਸੀਲવਾ। ਕਲ੍ਯਾਣਧਮ੍ਮੋਤਿ ਤੇਨੇવ ਸੀਲਧਮ੍ਮੇਨ ਕਲ੍ਯਾਣਧਮ੍ਮੋ ਸੁਨ੍ਦਰਧਮ੍ਮੋ। વਿਗਤਮਲਮਚ੍ਛੇਰੇਨਾਤਿਆਦੀਨਂ ਅਤ੍ਥੋ વਿਸੁਦ੍ਧਿਮਗ੍ਗੇ (વਿਸੁਦ੍ਧਿ॰ ੧.੧੬੦) વਿਤ੍ਥਾਰਿਤੋવ। ਦਿਸਾਸੂਤਿ ਚਤੂਸੁ ਦਿਸਾਸੁ ਚਤੂਸੁ ਅਨੁਦਿਸਾਸੁ । ਸਮਣਬ੍ਰਾਹ੍ਮਣਾਤਿ ਸਮਿਤਪਾਪਬਾਹਿਤਪਾਪਾ ਸਮਣਬ੍ਰਾਹ੍ਮਣਾ।
80. Navame etadavocāti pacchābhattaṃ piṇḍapātapaṭikkanto dasabalassa vattaṃ dassetvā attano divāvihāraṭṭhānaṃ gantvā ‘‘imasmiṃ loke mūlagandho nāma atthi, sāragandho nāma atthi, pupphagandho nāma atthi. Ime pana tayopi gandhā anuvātaṃyeva gacchanti, na paṭivātaṃ. Atthi nu kho kiñci, yassa paṭivātampi gandho gacchatī’’ti cintetvā aṭṭhannaṃ varānaṃ gahaṇakāleyeva kaṅkhuppattisamaye upasaṅkamanavarassa gahitattā takkhaṇaṃyeva divāṭṭhānato vuṭṭhāya satthu santikaṃ gantvā vanditvā ekamantaṃ nisinno uppannāya kaṅkhāya vinodanatthaṃ etaṃ ‘‘tīṇimāni, bhante’’tiādivacanaṃ avoca. Tattha gandhajātānīti gandhajātiyo. Mūlagandhoti mūlavatthuko gandho, gandhasampannaṃ vā mūlameva mūlagandho. Tassa hi gandho anuvātaṃ gacchati. Gandhassa pana gandho nāma natthi. Sāragandhapupphagandhesupi eseva nayo. Atthānanda, kiñci gandhajātanti ettha saraṇagamanādayo guṇavaṇṇabhāsanavasena disāgāmitāya gandhasadisattā gandhā, tesaṃ vatthubhūto puggalo gandhajātaṃ nāma. Gandho gacchatīti vaṇṇabhāsanavasena gacchati. Sīlavāti pañcasīlena vā dasasīlena vā sīlavā. Kalyāṇadhammoti teneva sīladhammena kalyāṇadhammo sundaradhammo. Vigatamalamaccherenātiādīnaṃ attho visuddhimagge (visuddhi. 1.160) vitthāritova. Disāsūti catūsu disāsu catūsu anudisāsu . Samaṇabrāhmaṇāti samitapāpabāhitapāpā samaṇabrāhmaṇā.
ਨ ਪੁਪ੍ਫਗਨ੍ਧੋ ਪਟਿવਾਤਮੇਤੀਤਿ વਸ੍ਸਿਕਪੁਪ੍ਫਾਦੀਨਂ ਗਨ੍ਧੋ ਪਟਿવਾਤਂ ਨ ਗਚ੍ਛਤਿ। ਨ ਚਨ੍ਦਨਂ ਤਗਰਮਲ੍ਲਿਕਾ વਾਤਿ ਚਨ੍ਦਨਤਗਰਮਲ੍ਲਿਕਾਨਮ੍ਪਿ ਗਨ੍ਧੋ ਪਟਿવਾਤਂ ਨ ਗਚ੍ਛਤੀਤਿ ਅਤ੍ਥੋ। ਦੇવਲੋਕੇਪਿ ਫੁਟਸੁਮਨਾ ਨਾਮ ਹੋਤਿ, ਤਸ੍ਸਾ ਪੁਪ੍ਫਿਤਦਿવਸੇ ਗਨ੍ਧੋ ਯੋਜਨਸਤਂ ਅਜ੍ਝੋਤ੍ਥਰਤਿ। ਸੋਪਿ ਪਟਿવਾਤਂ વਿਦਤ੍ਥਿਮਤ੍ਤਮ੍ਪਿ ਰਤਨਮਤ੍ਤਮ੍ਪਿ ਗਨ੍ਤੁਂ ਨ ਸਕ੍ਕੋਤੀਤਿ વਦਨ੍ਤਿ। ਸਤਞ੍ਚ ਗਨ੍ਧੋ ਪਟਿવਾਤਮੇਤੀਤਿ ਸਤਞ੍ਚ ਪਣ੍ਡਿਤਾਨਂ ਬੁਦ੍ਧਪਚ੍ਚੇਕਬੁਦ੍ਧਬੁਦ੍ਧਪੁਤ੍ਤਾਨਂ ਸੀਲਾਦਿਗੁਣਗਨ੍ਧੋ ਪਟਿવਾਤਂ ਗਚ੍ਛਤਿ। ਸਬ੍ਬਾ ਦਿਸਾ ਸਪ੍ਪੁਰਿਸੋ ਪવਾਯਤੀਤਿ ਸਪ੍ਪੁਰਿਸੋ ਪਣ੍ਡਿਤੋ ਸੀਲਾਦਿਗੁਣਗਨ੍ਧੇਨ ਸਬ੍ਬਾ ਦਿਸਾ ਪવਾਯਤਿ, ਸਬ੍ਬਾ ਦਿਸਾ ਗਨ੍ਧੇਨ ਅવਤ੍ਥਰਤੀਤਿ ਅਤ੍ਥੋ।
Na pupphagandho paṭivātametīti vassikapupphādīnaṃ gandho paṭivātaṃ na gacchati. Na candanaṃ tagaramallikā vāti candanatagaramallikānampi gandho paṭivātaṃ na gacchatīti attho. Devalokepi phuṭasumanā nāma hoti, tassā pupphitadivase gandho yojanasataṃ ajjhottharati. Sopi paṭivātaṃ vidatthimattampi ratanamattampi gantuṃ na sakkotīti vadanti. Satañca gandho paṭivātametīti satañca paṇḍitānaṃ buddhapaccekabuddhabuddhaputtānaṃ sīlādiguṇagandho paṭivātaṃ gacchati. Sabbā disā sappuriso pavāyatīti sappuriso paṇḍito sīlādiguṇagandhena sabbā disā pavāyati, sabbā disā gandhena avattharatīti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਗਨ੍ਧਜਾਤਸੁਤ੍ਤਂ • 9. Gandhajātasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਗਨ੍ਧਜਾਤਸੁਤ੍ਤવਣ੍ਣਨਾ • 9. Gandhajātasuttavaṇṇanā
