| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. คนฺธมาลิยเตฺถรอปทานํ
5. Gandhamāliyattheraapadānaṃ
๒๔.
24.
‘‘สิทฺธตฺถสฺส ภควโต, คนฺธถูปํ อกาสหํ;
‘‘Siddhatthassa bhagavato, gandhathūpaṃ akāsahaṃ;
สุมเนหิ ปฎิจฺฉนฺนํ, พุทฺธานุจฺฉวิกํ กตํฯ
Sumanehi paṭicchannaṃ, buddhānucchavikaṃ kataṃ.
๒๕.
25.
‘‘กญฺจนคฺฆิยสงฺกาสํ, พุทฺธํ โลกคฺคนายกํ;
‘‘Kañcanagghiyasaṅkāsaṃ, buddhaṃ lokagganāyakaṃ;
อินฺทีวรํว ชลิตํ, อาทิตฺตํว หุตาสนํฯ
Indīvaraṃva jalitaṃ, ādittaṃva hutāsanaṃ.
๒๖.
26.
‘‘พฺยคฺฆูสภํว ปวรํ, อภิชาตํว เกสริํ;
‘‘Byagghūsabhaṃva pavaraṃ, abhijātaṃva kesariṃ;
นิสินฺนํ สมณานคฺคํ, ภิกฺขุสงฺฆปุรกฺขตํฯ
Nisinnaṃ samaṇānaggaṃ, bhikkhusaṅghapurakkhataṃ.
๒๗.
27.
‘‘วนฺทิตฺวา สตฺถุโน ปาเท, ปกฺกามิํ อุตฺตรามุโข;
‘‘Vanditvā satthuno pāde, pakkāmiṃ uttarāmukho;
จตุนฺนวุติโต กเปฺป, คนฺธมาลํ ยโต อทํฯ
Catunnavutito kappe, gandhamālaṃ yato adaṃ.
๒๘.
28.
‘‘พุเทฺธ กตสฺส การสฺส, ผเลนาหํ วิเสสโต;
‘‘Buddhe katassa kārassa, phalenāhaṃ visesato;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๒๙.
29.
‘‘จตฺตารีสมฺหิ เอกูเน, กเปฺป อาสิํสุ โสฬส;
‘‘Cattārīsamhi ekūne, kappe āsiṃsu soḷasa;
เทวคนฺธสนามา เต, ราชาโน จกฺกวตฺติโนฯ
Devagandhasanāmā te, rājāno cakkavattino.
๓๐.
30.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา คนฺธมาลิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā gandhamāliyo thero imā gāthāyo abhāsitthāti.
คนฺธมาลิยเตฺถรสฺสาปทานํ ปญฺจมํฯ
Gandhamāliyattherassāpadānaṃ pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๕. คนฺธมาลิยเตฺถรอปทานวณฺณนา • 5. Gandhamāliyattheraapadānavaṇṇanā
