| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. ගන්‌ධමාලියත්‌ථෙරඅපදානං
5. Gandhamāliyattheraapadānaṃ
24.
24.
‘‘සිද්‌ධත්‌ථස්‌ස භගවතො, ගන්‌ධථූපං අකාසහං;
‘‘Siddhatthassa bhagavato, gandhathūpaṃ akāsahaṃ;
සුමනෙහි පටිච්‌ඡන්‌නං, බුද්‌ධානුච්‌ඡවිකං කතං.
Sumanehi paṭicchannaṃ, buddhānucchavikaṃ kataṃ.
25.
25.
‘‘කඤ්‌චනග්‌ඝියසඞ්‌කාසං, බුද්‌ධං ලොකග්‌ගනායකං;
‘‘Kañcanagghiyasaṅkāsaṃ, buddhaṃ lokagganāyakaṃ;
ඉන්‌දීවරංව ජලිතං, ආදිත්‌තංව හුතාසනං.
Indīvaraṃva jalitaṃ, ādittaṃva hutāsanaṃ.
26.
26.
‘‘බ්‍යග්‌ඝූසභංව පවරං, අභිජාතංව කෙසරිං;
‘‘Byagghūsabhaṃva pavaraṃ, abhijātaṃva kesariṃ;
නිසින්‌නං සමණානග්‌ගං, භික්‌ඛුසඞ්‌ඝපුරක්‌ඛතං.
Nisinnaṃ samaṇānaggaṃ, bhikkhusaṅghapurakkhataṃ.
27.
27.
‘‘වන්‌දිත්‌වා සත්‌ථුනො පාදෙ, පක්‌කාමිං උත්‌තරාමුඛො;
‘‘Vanditvā satthuno pāde, pakkāmiṃ uttarāmukho;
චතුන්‌නවුතිතො කප්‌පෙ, ගන්‌ධමාලං යතො අදං.
Catunnavutito kappe, gandhamālaṃ yato adaṃ.
28.
28.
‘‘බුද්‌ධෙ කතස්‌ස කාරස්‌ස, ඵලෙනාහං විසෙසතො;
‘‘Buddhe katassa kārassa, phalenāhaṃ visesato;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
29.
29.
‘‘චත්‌තාරීසම්‌හි එකූනෙ, කප්‌පෙ ආසිංසු සොළස;
‘‘Cattārīsamhi ekūne, kappe āsiṃsu soḷasa;
දෙවගන්‌ධසනාමා තෙ, රාජානො චක්‌කවත්‌තිනො.
Devagandhasanāmā te, rājāno cakkavattino.
30.
30.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ගන්‌ධමාලියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā gandhamāliyo thero imā gāthāyo abhāsitthāti.
ගන්‌ධමාලියත්‌ථෙරස්‌සාපදානං පඤ්‌චමං.
Gandhamāliyattherassāpadānaṃ pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 5. ගන්‌ධමාලියත්‌ථෙරඅපදානවණ්‌ණනා • 5. Gandhamāliyattheraapadānavaṇṇanā
