| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৫. গন্ধমালিযত্থেরঅপদানৰণ্ণনা
5. Gandhamāliyattheraapadānavaṇṇanā
সিদ্ধত্থস্স ভগৰতোতিআদিকং আযস্মতো গন্ধমালিযত্থেরস্স অপদান। অযম্পি পুরিমবুদ্ধেসু কতাধিকারো সিদ্ধত্থস্স ভগৰতো কালে কুলগেহে নিব্বত্তো মহদ্ধনো মহাভোগো অহোসি। সো সত্থরি পসীদিত্ৰা চন্দনাগরুকপ্পূরকস্সতুরাদীনি অনেকানি সুগন্ধানি ৰড্ঢেত্ৰা সত্থু গন্ধথূপং কারেসি। তস্সুপরি সুমনপুপ্ফেহি ছাদেসি, বুদ্ধঞ্চ অট্ঠঙ্গনমক্কারং অকাসি। সো তেন পুঞ্ঞকম্মেন দেৰমনুস্সেসু সম্পত্তিযো অনুভৰিত্ৰা ইমস্মিং বুদ্ধুপ্পাদে ৰিভৰসম্পন্নে একস্মিং কুলগেহে নিব্বত্তো ৰুদ্ধিমন্ৰায সত্থরি পসীদিত্ৰা পব্বজিতো নচিরস্সেৰ অরহা অহোসি।
Siddhatthassabhagavatotiādikaṃ āyasmato gandhamāliyattherassa apadāna. Ayampi purimabuddhesu katādhikāro siddhatthassa bhagavato kāle kulagehe nibbatto mahaddhano mahābhogo ahosi. So satthari pasīditvā candanāgarukappūrakassaturādīni anekāni sugandhāni vaḍḍhetvā satthu gandhathūpaṃ kāresi. Tassupari sumanapupphehi chādesi, buddhañca aṭṭhaṅganamakkāraṃ akāsi. So tena puññakammena devamanussesu sampattiyo anubhavitvā imasmiṃ buddhuppāde vibhavasampanne ekasmiṃ kulagehe nibbatto vuddhimanvāya satthari pasīditvā pabbajito nacirasseva arahā ahosi.
২৪. সো অপরভাগে অত্তনো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো সিদ্ধত্থস্স ভগৰতোতিআদিমাহ। তং সব্বং উত্তানত্থমেৰাতি।
24. So aparabhāge attano pubbakammaṃ saritvā somanassajāto pubbacaritāpadānaṃ pakāsento siddhatthassa bhagavatotiādimāha. Taṃ sabbaṃ uttānatthamevāti.
গন্ধমালিযত্থেরঅপদানৰণ্ণনা সমত্তা।
Gandhamāliyattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৫. গন্ধমালিযত্থেরঅপদানং • 5. Gandhamāliyattheraapadānaṃ
