| Library / Tipiṭaka / तिपिटक • Tipiṭaka / अपदान-अट्ठकथा • Apadāna-aṭṭhakathā |
५. गन्धमालियत्थेरअपदानवण्णना
5. Gandhamāliyattheraapadānavaṇṇanā
सिद्धत्थस्स भगवतोतिआदिकं आयस्मतो गन्धमालियत्थेरस्स अपदान। अयम्पि पुरिमबुद्धेसु कताधिकारो सिद्धत्थस्स भगवतो काले कुलगेहे निब्बत्तो महद्धनो महाभोगो अहोसि। सो सत्थरि पसीदित्वा चन्दनागरुकप्पूरकस्सतुरादीनि अनेकानि सुगन्धानि वड्ढेत्वा सत्थु गन्धथूपं कारेसि। तस्सुपरि सुमनपुप्फेहि छादेसि, बुद्धञ्च अट्ठङ्गनमक्कारं अकासि। सो तेन पुञ्ञकम्मेन देवमनुस्सेसु सम्पत्तियो अनुभवित्वा इमस्मिं बुद्धुप्पादे विभवसम्पन्ने एकस्मिं कुलगेहे निब्बत्तो वुद्धिमन्वाय सत्थरि पसीदित्वा पब्बजितो नचिरस्सेव अरहा अहोसि।
Siddhatthassabhagavatotiādikaṃ āyasmato gandhamāliyattherassa apadāna. Ayampi purimabuddhesu katādhikāro siddhatthassa bhagavato kāle kulagehe nibbatto mahaddhano mahābhogo ahosi. So satthari pasīditvā candanāgarukappūrakassaturādīni anekāni sugandhāni vaḍḍhetvā satthu gandhathūpaṃ kāresi. Tassupari sumanapupphehi chādesi, buddhañca aṭṭhaṅganamakkāraṃ akāsi. So tena puññakammena devamanussesu sampattiyo anubhavitvā imasmiṃ buddhuppāde vibhavasampanne ekasmiṃ kulagehe nibbatto vuddhimanvāya satthari pasīditvā pabbajito nacirasseva arahā ahosi.
२४. सो अपरभागे अत्तनो पुब्बकम्मं सरित्वा सोमनस्सजातो पुब्बचरितापदानं पकासेन्तो सिद्धत्थस्स भगवतोतिआदिमाह। तं सब्बं उत्तानत्थमेवाति।
24. So aparabhāge attano pubbakammaṃ saritvā somanassajāto pubbacaritāpadānaṃ pakāsento siddhatthassa bhagavatotiādimāha. Taṃ sabbaṃ uttānatthamevāti.
गन्धमालियत्थेरअपदानवण्णना समत्ता।
Gandhamāliyattheraapadānavaṇṇanā samattā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / अपदानपाळि • Apadānapāḷi / ५. गन्धमालियत्थेरअपदानं • 5. Gandhamāliyattheraapadānaṃ
