| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
2. г̇анд̇хаараваг̇г̇о
2. Gandhāravaggo
[406] 1. г̇анд̇хаараж̇аад̇агаван̣н̣анаа
[406] 1. Gandhārajātakavaṇṇanā
хид̇ваа г̇аамасахассаанийд̇и ид̣̇ам̣ сад̇т̇аа ж̇зд̇аванз вихаранд̇о бхзсаж̇ж̇асаннид̇хигаарасигкаабад̣̇ам̣ аараб̣бха гат̇зси. вад̇т̇у бана рааж̇аг̇ахз самудтид̇ам̣. ааяасмад̇аа хи билинд̣̇аважчзна аараамигагулам̣ можзд̇ум̣ рааж̇анивзсанам̣ г̇анд̇ваа ран̃н̃о баасаад̣̇з ид̣̇д̇хиб̣алзна сован̣н̣амаяз гад̇з мануссаа басийд̣̇ид̇ваа т̇зрасса бан̃жа бхзсаж̇ж̇аани бахин̣им̣су. со д̇аани барисааяа виссаж̇ж̇зси. барисаа банасса б̣аахуллигаа ахоси, лад̣̇д̇хам̣ лад̣̇д̇хам̣ гол̣амб̣зби гхадзби бад̇д̇ад̇т̇авигааяоби буурзд̇ваа бадисаамзси. мануссаа д̣̇исваа ‘‘махижчаа имз саман̣аа анд̇огодтааг̇ааригаа’’д̇и уж̇жхааяим̣су. сад̇т̇аа д̇ам̣ бавад̇д̇им̣ суд̇ваа ‘‘яаани ко бана д̇аани г̇илаанаанам̣ бхигкууна’’нд̇и (баараа. 622-623) сигкаабад̣̇ам̣ бан̃н̃абзд̇ваа ‘‘бхигкавз, бораан̣агабан̣д̣ид̇аа ануббаннз б̣уд̣̇д̇хз б̣аахирагабаб̣б̣аж̇ж̇ам̣ баб̣б̣аж̇ид̇ваа бан̃жасийламад̇д̇агам̣ рагканд̇ааби лон̣асагкарамад̇д̇агам̣ бунад̣̇ивасад̇т̇ааяа нид̣̇аханд̇з г̇арахим̣су, д̇умхз бана зваруубз нияяаанигасаасанз баб̣б̣аж̇ид̇ваа д̣̇уд̇ияад̇ад̇ияад̣̇ивасад̇т̇ааяа саннид̇хим̣ гаронд̇аа аяуд̇д̇ам̣ гарот̇аа’’д̇и вад̇ваа ад̇ийд̇ам̣ аахари.
Hitvāgāmasahassānīti idaṃ satthā jetavane viharanto bhesajjasannidhikārasikkhāpadaṃ ārabbha kathesi. Vatthu pana rājagahe samuṭṭhitaṃ. Āyasmatā hi pilindavacchena ārāmikakulaṃ mocetuṃ rājanivesanaṃ gantvā rañño pāsāde iddhibalena sovaṇṇamaye kate manussā pasīditvā therassa pañca bhesajjāni pahiṇiṃsu. So tāni parisāya vissajjesi. Parisā panassa bāhullikā ahosi, laddhaṃ laddhaṃ koḷambepi ghaṭepi pattatthavikāyopi pūretvā paṭisāmesi. Manussā disvā ‘‘mahicchā ime samaṇā antokoṭṭhāgārikā’’ti ujjhāyiṃsu. Satthā taṃ pavattiṃ sutvā ‘‘yāni kho pana tāni gilānānaṃ bhikkhūna’’nti (pārā. 622-623) sikkhāpadaṃ paññapetvā ‘‘bhikkhave, porāṇakapaṇḍitā anuppanne buddhe bāhirakapabbajjaṃ pabbajitvā pañcasīlamattakaṃ rakkhantāpi loṇasakkharamattakaṃ punadivasatthāya nidahante garahiṃsu, tumhe pana evarūpe niyyānikasāsane pabbajitvā dutiyatatiyadivasatthāya sannidhiṃ karontā ayuttaṃ karothā’’ti vatvā atītaṃ āhari.
ад̇ийд̇з г̇анд̇хаарарадтз б̣од̇хисад̇д̇о г̇анд̇хаараран̃н̃о буд̇д̇о худ̇ваа бид̇у ажжаязна раж̇ж̇з бад̇идтааяа д̇хаммзна раж̇ж̇ам̣ гаарзси. маж̇жхимабад̣̇зсзби вид̣̇зхарадтз вид̣̇зхо наама рааж̇аа раж̇ж̇ам̣ гаарзси. д̇з д̣̇взби рааж̇аано ад̣̇идтасахааяаа худ̇ваа ан̃н̃аман̃н̃ам̣ т̇ирависсаасаа ахзсум̣. д̇ад̣̇аа мануссаа д̣̇ийгхааяугаа хонд̇и, д̇им̣са вассасахассаани ж̇ийванд̇и. ат̇згад̣̇аа г̇анд̇хаарарааж̇аа бун̣н̣амубосат̇ад̣̇ивасз самаад̣̇иннасийло махаад̇алз бан̃н̃ад̇д̇аварабаллан̇гамаж̇жхаг̇ад̇о вивадзна сийхабан̃ж̇арзна баажийналогад̇хаад̇ум̣ ологзнд̇о амажжаанам̣ д̇хаммад̇т̇аяуд̇д̇агат̇ам̣ гат̇знд̇о нисийд̣̇и. д̇асмим̣ кан̣з г̇аг̇анад̇алам̣ ад̇илан̇гханд̇амива барибун̣н̣ам̣ жанд̣̇аман̣д̣алам̣ рааху авад̇т̇ари, жанд̣̇аббабхаа анд̇арад̇хааяи. амажжаа жанд̣̇аалогам̣ абассанд̇аа жанд̣̇асса раахунаа г̇ахид̇абхаавам̣ ран̃н̃о аарожзсум̣. рааж̇аа жанд̣̇ам̣ ологзд̇ваа ‘‘аяам̣ жанд̣̇о ааг̇анд̇угаубаггилзсзна убаггилидто ниббабхо ж̇аад̇о, маяхамбзса рааж̇абаривааро убаггилзсо, на ко бана мзд̇ам̣ бад̇ируубам̣, яаахам̣ раахунаа г̇ахид̇ажанд̣̇о вияа ниббабхо бхавзяяам̣, висуд̣̇д̇хз г̇аг̇анад̇арз вирожанд̇ам̣ жанд̣̇аман̣д̣алам̣ вияа раж̇ж̇ам̣ бахааяа баб̣б̣аж̇иссаами, гим̣ мз барзна овад̣̇ид̇зна , гулз жа г̇ан̣з жа алаг̇г̇о худ̇ваа ад̇д̇аанамзва овад̣̇анд̇о вижариссаами, ид̣̇ам̣ мз бад̇ирууба’’нд̇и жинд̇зд̇ваа ‘‘яам̣ ижчат̇а, д̇ам̣ рааж̇аанам̣ гарот̇аа’’д̇и раж̇ж̇ам̣ амажжаанам̣ нияяаад̣̇зси. со раж̇ж̇ам̣ чад̣д̣зд̇ваа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃ааяо ниб̣б̣ад̇д̇зд̇ваа жхаанарад̇исамаббид̇о химаванд̇абад̣̇зсз ваасам̣ габбзси.
Atīte gandhāraraṭṭhe bodhisatto gandhārarañño putto hutvā pitu accayena rajje patiṭṭhāya dhammena rajjaṃ kāresi. Majjhimapadesepi videharaṭṭhe videho nāma rājā rajjaṃ kāresi. Te dvepi rājāno adiṭṭhasahāyā hutvā aññamaññaṃ thiravissāsā ahesuṃ. Tadā manussā dīghāyukā honti, tiṃsa vassasahassāni jīvanti. Athekadā gandhārarājā puṇṇamuposathadivase samādinnasīlo mahātale paññattavarapallaṅkamajjhagato vivaṭena sīhapañjarena pācīnalokadhātuṃ olokento amaccānaṃ dhammatthayuttakathaṃ kathento nisīdi. Tasmiṃ khaṇe gaganatalaṃ atilaṅghantamiva paripuṇṇaṃ candamaṇḍalaṃ rāhu avatthari, candappabhā antaradhāyi. Amaccā candālokaṃ apassantā candassa rāhunā gahitabhāvaṃ rañño ārocesuṃ. Rājā candaṃ oloketvā ‘‘ayaṃ cando āgantukaupakkilesena upakkiliṭṭho nippabho jāto, mayhampesa rājaparivāro upakkileso, na kho pana metaṃ patirūpaṃ, yāhaṃ rāhunā gahitacando viya nippabho bhaveyyaṃ, visuddhe gaganatare virocantaṃ candamaṇḍalaṃ viya rajjaṃ pahāya pabbajissāmi, kiṃ me parena ovaditena , kule ca gaṇe ca alaggo hutvā attānameva ovadanto vicarissāmi, idaṃ me patirūpa’’nti cintetvā ‘‘yaṃ icchatha, taṃ rājānaṃ karothā’’ti rajjaṃ amaccānaṃ niyyādesi. So rajjaṃ chaḍḍetvā isipabbajjaṃ pabbajitvā jhānābhiññāyo nibbattetvā jhānaratisamappito himavantapadese vāsaṃ kappesi.
вид̣̇зхарааж̇ааби ‘‘сукам̣ мз сахааяассаа’’д̇и ваан̣иж̇з бужчид̇ваа д̇асса баб̣б̣аж̇ид̇абхаавам̣ суд̇ваа ‘‘мама сахааяз баб̣б̣аж̇ид̇з ахам̣ раж̇ж̇зна гим̣ гариссаамий’’д̇и сад̇д̇аяож̇анигз мит̇иланаг̇арз д̇ияож̇анасад̇игз вид̣̇зхарадтз сол̣асасу г̇аамасахассзсу буурид̇аани годтааг̇аараани, сол̣асасахассаа жа наадагид̇т̇ияо чад̣д̣зд̇ваа буд̇д̇ад̇хийд̇аро аманасигад̇ваа химаванд̇абад̣̇зсам̣ бависид̇ваа баб̣б̣аж̇ид̇ваа бавад̇д̇апалабхож̇ано худ̇ваа самаббавад̇д̇аваасам̣ васанд̇о вижари. д̇з убхоби самавад̇д̇ажаарам̣ жаранд̇аа абарабхааг̇з самааг̇ажчим̣су, на бана ан̃н̃аман̃н̃ам̣ сан̃ж̇ааним̣су, саммод̣̇амаанаа згад̇ова самаббавад̇д̇аваасам̣ васим̣су. д̇ад̣̇аа вид̣̇зхад̇аабасо г̇анд̇хаарад̇аабасасса убадтаанам̣ гарод̇и. д̇зсам̣ згасмим̣ бун̣н̣амад̣̇ивасз ан̃н̃ад̇арасмим̣ ругкамуулз нисийд̣̇ид̇ваа д̇хаммад̇т̇аяуд̇д̇агат̇ам̣ гат̇знд̇аанам̣ г̇аг̇анад̇алз вирожамаанам̣ жанд̣̇аман̣д̣алам̣ рааху авад̇т̇ари. вид̣̇зхад̇аабасо ‘‘гим̣ ну ко жанд̣̇асса бабхаа надтаа’’д̇и ологзд̇ваа раахунаа г̇ахид̇ам̣ жанд̣̇ам̣ д̣̇исваа ‘‘го ну ко зса аажарияа, жанд̣̇ам̣ авад̇т̇арид̇ваа ниббабхамагаасий’’д̇и бужчи. анд̇зваасига аяам̣ рааху наама жанд̣̇ассзго убаггилзсо, вирожид̇ум̣ на д̣̇зд̇и, ахамби раахуг̇ахид̇ам̣ жанд̣̇аман̣д̣алам̣ д̣̇исваа ‘‘ид̣̇ам̣ барисуд̣̇д̇хасса жанд̣̇аман̣д̣аласса ааг̇анд̇угзна убаггилзсзна ниббабхам̣ ж̇аад̇ам̣, маяхамби ид̣̇ам̣ раж̇ж̇ам̣ убаггилзсо, яаава жанд̣̇аман̣д̣алам̣ рааху вияа ид̣̇ам̣ ниббабхам̣ на гарод̇и, д̇аава баб̣б̣аж̇иссаамий’’д̇и жинд̇зд̇ваа д̇ад̣̇зва раахуг̇ахид̇ам̣ жанд̣̇аман̣д̣алам̣ аарамман̣ам̣ гад̇ваа махаараж̇ж̇ам̣ чад̣д̣зд̇ваа баб̣б̣аж̇ид̇од̇и. ‘‘аажарияа, д̇вам̣ г̇анд̇хаарарааж̇аа’’д̇и ? ‘‘аама, аха’’нд̇и. ‘‘аажарияа, ахамби вид̣̇зхарадтз мит̇иланаг̇арз вид̣̇зхарааж̇аа наама, нану маяам̣ ан̃н̃аман̃н̃ам̣ ад̣̇идтасахааяаа’’д̇и. ‘‘гим̣ бана д̇з аарамман̣ам̣ ахосий’’д̇и? ахам̣ ‘‘д̇умхз баб̣б̣аж̇ид̇аа’’д̇и суд̇ваа ‘‘ад̣̇д̇хаа баб̣б̣аж̇ж̇ааяа маханд̇ам̣ г̇ун̣ам̣ ад̣̇д̣̇асаа’’д̇и д̇умхзязва аарамман̣ам̣ гад̇ваа раж̇ж̇ам̣ бахааяа баб̣б̣аж̇ид̇од̇и. д̇з д̇ад̇о бадтааяа ад̇ивияа самаг̇г̇аа саммод̣̇амаанаа бавад̇д̇апалабхож̇анаа худ̇ваа вихарим̣су. д̇ад̇т̇а д̣̇ийгхарад̇д̇ам̣ васид̇ваа жа бана лон̣амб̣иласзванад̇т̇ааяа химаванд̇ад̇о од̇арид̇ваа згам̣ бажжанд̇аг̇аамам̣ самбаабун̣им̣су.
Videharājāpi ‘‘sukhaṃ me sahāyassā’’ti vāṇije pucchitvā tassa pabbajitabhāvaṃ sutvā ‘‘mama sahāye pabbajite ahaṃ rajjena kiṃ karissāmī’’ti sattayojanike mithilanagare tiyojanasatike videharaṭṭhe soḷasasu gāmasahassesu pūritāni koṭṭhāgārāni, soḷasasahassā ca nāṭakitthiyo chaḍḍetvā puttadhītaro amanasikatvā himavantapadesaṃ pavisitvā pabbajitvā pavattaphalabhojano hutvā samappavattavāsaṃ vasanto vicari. Te ubhopi samavattacāraṃ carantā aparabhāge samāgacchiṃsu, na pana aññamaññaṃ sañjāniṃsu, sammodamānā ekatova samappavattavāsaṃ vasiṃsu. Tadā videhatāpaso gandhāratāpasassa upaṭṭhānaṃ karoti. Tesaṃ ekasmiṃ puṇṇamadivase aññatarasmiṃ rukkhamūle nisīditvā dhammatthayuttakathaṃ kathentānaṃ gaganatale virocamānaṃ candamaṇḍalaṃ rāhu avatthari. Videhatāpaso ‘‘kiṃ nu kho candassa pabhā naṭṭhā’’ti oloketvā rāhunā gahitaṃ candaṃ disvā ‘‘ko nu kho esa ācariya, candaṃ avattharitvā nippabhamakāsī’’ti pucchi. Antevāsika ayaṃ rāhu nāma candasseko upakkileso, virocituṃ na deti, ahampi rāhugahitaṃ candamaṇḍalaṃ disvā ‘‘idaṃ parisuddhassa candamaṇḍalassa āgantukena upakkilesena nippabhaṃ jātaṃ, mayhampi idaṃ rajjaṃ upakkileso, yāva candamaṇḍalaṃ rāhu viya idaṃ nippabhaṃ na karoti, tāva pabbajissāmī’’ti cintetvā tadeva rāhugahitaṃ candamaṇḍalaṃ ārammaṇaṃ katvā mahārajjaṃ chaḍḍetvā pabbajitoti. ‘‘Ācariya, tvaṃ gandhārarājā’’ti ? ‘‘Āma, aha’’nti. ‘‘Ācariya, ahampi videharaṭṭhe mithilanagare videharājā nāma, nanu mayaṃ aññamaññaṃ adiṭṭhasahāyā’’ti. ‘‘Kiṃ pana te ārammaṇaṃ ahosī’’ti? Ahaṃ ‘‘tumhe pabbajitā’’ti sutvā ‘‘addhā pabbajjāya mahantaṃ guṇaṃ addasā’’ti tumheyeva ārammaṇaṃ katvā rajjaṃ pahāya pabbajitoti. Te tato paṭṭhāya ativiya samaggā sammodamānā pavattaphalabhojanā hutvā vihariṃsu. Tattha dīgharattaṃ vasitvā ca pana loṇambilasevanatthāya himavantato otaritvā ekaṃ paccantagāmaṃ sampāpuṇiṃsu.
мануссаа д̇зсам̣ ирияаабат̇з басийд̣̇ид̇ваа бхигкам̣ д̣̇ад̇ваа бадин̃н̃ам̣ г̇ахзд̇ваа аран̃н̃з рад̇д̇ид̣̇ивадтаанаад̣̇ийни маабзд̇ваа васаабзсум̣. анд̇араамаг̇г̇зби нзсам̣ бхад̇д̇агижжагаран̣ад̇т̇ааяа уд̣̇агапаасугадтаанз бан̣н̣асаалам̣ гаарзсум̣. д̇з бажжанд̇аг̇аамз бхигкам̣ жарид̇ваа д̇ааяа бан̣н̣асаалааяа нисийд̣̇ид̇ваа барибхун̃ж̇ид̇ваа ад̇д̇ано васанадтаанам̣ г̇ажчанд̇и. д̇зби мануссаа д̇зсам̣ аахаарам̣ д̣̇ад̣̇амаанаа згад̣̇аа лон̣ам̣ бад̇д̇з багкибид̇ваа д̣̇знд̇и, згад̣̇аа бан̣н̣абудз б̣анд̇хид̇ваа д̣̇знд̇и, згад̣̇аа алон̣агаахаарамзва д̣̇знд̇и. д̇з згад̣̇ивасам̣ бан̣н̣абудз б̣ахуд̇арам̣ лон̣ам̣ ад̣̇ам̣су. вид̣̇зхад̇аабасо лон̣ам̣ аад̣̇ааяа г̇анд̇ваа б̣од̇хисад̇д̇асса бхад̇д̇агижжагаалз бахонагам̣ д̣̇ад̇ваа ад̇д̇аноби бамаан̣аяуд̇д̇ам̣ г̇ахзд̇ваа ад̇ирзгам̣ бан̣н̣абудз б̣анд̇хид̇ваа ‘‘алон̣агад̣̇ивасз бхависсад̇ий’’д̇и д̇ин̣аваддигаанд̇арз табзси. ат̇згад̣̇ивасам̣ алон̣агз аахаарз лад̣̇д̇хз вид̣̇зхо г̇анд̇хаарасса бхигкаабхааж̇анам̣ д̣̇ад̇ваа д̇ин̣аваддигаанд̇арад̇о лон̣ам̣ аахарид̇ваа ‘‘аажарияа, лон̣ам̣ г̇ан̣хат̇аа’’д̇и ааха. ‘‘аж̇ж̇а мануссзхи лон̣ам̣ на д̣̇иннам̣, д̇вам̣ гуд̇о лабхасий’’д̇и? ‘‘аажарияа, буримад̣̇ивасз мануссаа б̣ахум̣ лон̣амад̣̇ам̣су, ат̇аахам̣ ‘алон̣агад̣̇ивасз бхависсад̇ий’д̇и ад̇ирзгам̣ лон̣ам̣ табзси’’нд̇и. ат̇а нам̣ б̣од̇хисад̇д̇о ‘‘могхабуриса, д̇ияож̇анасад̇игам̣ вид̣̇зхарадтам̣ бахааяа баб̣б̣аж̇ид̇ваа агин̃жанабхаавам̣ бад̇ваа ид̣̇аани лон̣асагкарааяа д̇ан̣хам̣ ж̇анзсий’’д̇и д̇аж̇ж̇зд̇ваа овад̣̇анд̇о батамам̣ г̇аат̇амааха –
Manussā tesaṃ iriyāpathe pasīditvā bhikkhaṃ datvā paṭiññaṃ gahetvā araññe rattidivaṭṭhānādīni māpetvā vasāpesuṃ. Antarāmaggepi nesaṃ bhattakiccakaraṇatthāya udakaphāsukaṭṭhāne paṇṇasālaṃ kāresuṃ. Te paccantagāme bhikkhaṃ caritvā tāya paṇṇasālāya nisīditvā paribhuñjitvā attano vasanaṭṭhānaṃ gacchanti. Tepi manussā tesaṃ āhāraṃ dadamānā ekadā loṇaṃ patte pakkhipitvā denti, ekadā paṇṇapuṭe bandhitvā denti, ekadā aloṇakāhārameva denti. Te ekadivasaṃ paṇṇapuṭe bahutaraṃ loṇaṃ adaṃsu. Videhatāpaso loṇaṃ ādāya gantvā bodhisattassa bhattakiccakāle pahonakaṃ datvā attanopi pamāṇayuttaṃ gahetvā atirekaṃ paṇṇapuṭe bandhitvā ‘‘aloṇakadivase bhavissatī’’ti tiṇavaṭṭikaantare ṭhapesi. Athekadivasaṃ aloṇake āhāre laddhe videho gandhārassa bhikkhābhājanaṃ datvā tiṇavaṭṭikaantarato loṇaṃ āharitvā ‘‘ācariya, loṇaṃ gaṇhathā’’ti āha. ‘‘Ajja manussehi loṇaṃ na dinnaṃ, tvaṃ kuto labhasī’’ti? ‘‘Ācariya, purimadivase manussā bahuṃ loṇamadaṃsu, athāhaṃ ‘aloṇakadivase bhavissatī’ti atirekaṃ loṇaṃ ṭhapesi’’nti. Atha naṃ bodhisatto ‘‘moghapurisa, tiyojanasatikaṃ videharaṭṭhaṃ pahāya pabbajitvā akiñcanabhāvaṃ patvā idāni loṇasakkharāya taṇhaṃ janesī’’ti tajjetvā ovadanto paṭhamaṃ gāthamāha –
76.
76.
‘‘хид̇ваа г̇аамасахассаани, барибун̣н̣аани сол̣аса;
‘‘Hitvā gāmasahassāni, paripuṇṇāni soḷasa;
годтааг̇аараани пийд̇аани, саннид̇хим̣ д̣̇аани губ̣б̣асий’’д̇и.
Koṭṭhāgārāni phītāni, sannidhiṃ dāni kubbasī’’ti.
д̇ад̇т̇а годтааг̇аараанийд̇и суван̣н̣араж̇ад̇аман̣имуд̇д̇аад̣̇ирад̇анагодтааг̇аараани жзва д̣̇уссагодтааг̇аараани жа д̇хан̃н̃агодтааг̇аараани жа. пийд̇аанийд̇и буураани. саннид̇хим̣ д̣̇аани губ̣б̣асийд̇и ид̣̇аани ‘‘свз бхависсад̇и, д̇ад̇ияад̣̇ивасз бхависсад̇ий’’д̇и лон̣амад̇д̇ам̣ саннид̇хим̣ гаросийд̇и.
Tattha koṭṭhāgārānīti suvaṇṇarajatamaṇimuttādiratanakoṭṭhāgārāni ceva dussakoṭṭhāgārāni ca dhaññakoṭṭhāgārāni ca. Phītānīti pūrāni. Sannidhiṃ dāni kubbasīti idāni ‘‘sve bhavissati, tatiyadivase bhavissatī’’ti loṇamattaṃ sannidhiṃ karosīti.
вид̣̇зхо звам̣ г̇арахияамаано г̇арахам̣ асаханд̇о бадибагко худ̇ваа ‘‘аажарияа, д̇умхз ад̇д̇ано д̣̇осам̣ ад̣̇исваа маяхамзва д̣̇осам̣ бассат̇а, нану д̇умхз ‘гим̣ мз барзна овад̣̇ид̇зна, ад̇д̇аанамзва овад̣̇иссаамий’д̇и раж̇ж̇ам̣ чад̣д̣зд̇ваа баб̣б̣аж̇ид̇аа, д̇умхз ид̣̇аани мам̣ гасмаа овад̣̇ат̇аа’’д̇и жод̣̇знд̇о д̣̇уд̇ияам̣ г̇аат̇амааха –
Videho evaṃ garahiyamāno garahaṃ asahanto paṭipakkho hutvā ‘‘ācariya, tumhe attano dosaṃ adisvā mayhameva dosaṃ passatha, nanu tumhe ‘kiṃ me parena ovaditena, attānameva ovadissāmī’ti rajjaṃ chaḍḍetvā pabbajitā, tumhe idāni maṃ kasmā ovadathā’’ti codento dutiyaṃ gāthamāha –
77.
77.
‘‘хид̇ваа г̇анд̇хаарависаяам̣, бахууд̇ад̇ханад̇хаарияам̣;
‘‘Hitvā gandhāravisayaṃ, pahūtadhanadhāriyaṃ;
басаасанад̇о нигканд̇о, ид̇ха д̣̇аани басаасасий’’д̇и.
Pasāsanato nikkhanto, idha dāni pasāsasī’’ti.
д̇ад̇т̇а басаасанад̇од̇и оваад̣̇аанусаасанийд̣̇аанад̇о. ид̇ха д̣̇аанийд̇и ид̣̇аани ид̇ха аран̃н̃з гасмаа мам̣ овад̣̇ат̇аад̇и.
Tattha pasāsanatoti ovādānusāsanīdānato. Idha dānīti idāni idha araññe kasmā maṃ ovadathāti.
д̇ам̣ суд̇ваа б̣од̇хисад̇д̇о д̇ад̇ияам̣ г̇аат̇амааха –
Taṃ sutvā bodhisatto tatiyaṃ gāthamāha –
78.
78.
‘‘д̇хаммам̣ бхан̣аами взд̣̇зха, ад̇хаммо мз на ружжад̇и;
‘‘Dhammaṃ bhaṇāmi vedeha, adhammo me na ruccati;
д̇хаммам̣ мз бхан̣амаанасса, на баабамубалимбад̇ий’’д̇и.
Dhammaṃ me bhaṇamānassa, na pāpamupalimpatī’’ti.
д̇ад̇т̇а д̇хамманд̇и сабхаавам̣, б̣уд̣̇д̇хаад̣̇ийхи ван̣н̣ид̇ам̣ басад̇т̇ам̣ гааран̣амзва. ад̇хаммо мз на ружжад̇ийд̇и ад̇хаммо наама асабхааво маяхам̣ гад̣̇аажиби на ружжад̇и. на баабамубалимбад̇ийд̇и мама сабхаавамзва гааран̣амзва бхан̣анд̇асса баабам̣ наама хад̣̇аяз на лимбад̇и на аллийяад̇и. оваад̣̇ад̣̇аанам̣ наамзд̇ам̣ б̣уд̣̇д̇хабажжзгаб̣уд̣̇д̇хасаавагаб̣од̇хисад̇д̇аанам̣ бавзн̣ий. д̇зхи д̣̇инноваад̣̇ам̣ б̣аалаа на г̇ан̣ханд̇и, оваад̣̇ад̣̇ааяагасса бана баабам̣ наама над̇т̇и.
Tattha dhammanti sabhāvaṃ, buddhādīhi vaṇṇitaṃ pasatthaṃ kāraṇameva. Adhammo me na ruccatīti adhammo nāma asabhāvo mayhaṃ kadācipi na ruccati. Na pāpamupalimpatīti mama sabhāvameva kāraṇameva bhaṇantassa pāpaṃ nāma hadaye na limpati na allīyati. Ovādadānaṃ nāmetaṃ buddhapaccekabuddhasāvakabodhisattānaṃ paveṇī. Tehi dinnovādaṃ bālā na gaṇhanti, ovādadāyakassa pana pāpaṃ nāma natthi.
‘‘нид̇хийнам̣ва бавад̇д̇аарам̣, яам̣ бассз важ̇ж̇ад̣̇ассинам̣;
‘‘Nidhīnaṃva pavattāraṃ, yaṃ passe vajjadassinaṃ;
ниг̇г̇аяхаваад̣̇им̣ мзд̇хаавим̣, д̇аад̣̇исам̣ бан̣д̣ид̇ам̣ бхаж̇з;
Niggayhavādiṃ medhāviṃ, tādisaṃ paṇḍitaṃ bhaje;
д̇аад̣̇исам̣ бхаж̇амаанасса, сзяяо ход̇и на баабияо.
Tādisaṃ bhajamānassa, seyyo hoti na pāpiyo.
‘‘овад̣̇зяяаанусаасзяяа, асаб̣бхаа жа ниваараяз;
‘‘Ovadeyyānusāseyya, asabbhā ca nivāraye;
сад̇ан̃хи со бияо ход̇и, асад̇ам̣ ход̇и аббияо’’д̇и. (д̇ха. ба. 76-77);
Satañhi so piyo hoti, asataṃ hoti appiyo’’ti. (dha. pa. 76-77);
вид̣̇зхад̇аабасо б̣од̇хисад̇д̇асса гат̇ам̣ суд̇ваа ‘‘аажарияа, ад̇т̇аниссид̇ам̣ гат̇знд̇знаби барам̣ гхаддзд̇ваа росзд̇ваа гат̇зд̇ум̣ на ваддад̇и, д̇вам̣ мам̣ гун̣тасад̇т̇агзна мун̣д̣знд̇о вияа ад̇ипарусам̣ гат̇зсий’’д̇и вад̇ваа жад̇уд̇т̇ам̣ г̇аат̇амааха –
Videhatāpaso bodhisattassa kathaṃ sutvā ‘‘ācariya, atthanissitaṃ kathentenapi paraṃ ghaṭṭetvā rosetvā kathetuṃ na vaṭṭati, tvaṃ maṃ kuṇṭhasatthakena muṇḍento viya atipharusaṃ kathesī’’ti vatvā catutthaṃ gāthamāha –
79.
79.
‘‘язна гзнажи ван̣н̣зна, баро лабхад̇и руббанам̣;
‘‘Yena kenaci vaṇṇena, paro labhati ruppanaṃ;
махад̇т̇ияамби жз ваажам̣, на д̇ам̣ бхаасзяяа бан̣д̣ид̇о’’д̇и.
Mahatthiyampi ce vācaṃ, na taṃ bhāseyya paṇḍito’’ti.
д̇ад̇т̇а язна гзнажийд̇и д̇хаммаяуд̇д̇знааби гааран̣зна. лабхад̇и руббананд̇и гхадданам̣ д̣̇уссанам̣ губбанам̣ лабхад̇иязва. на д̇ам̣ бхаасзяяаад̇и д̇асмаа д̇ам̣ барабуг̇г̇алам̣ яааяа со ваажааяа д̣̇уссад̇и, д̇ам̣ махад̇т̇ияам̣ маханд̇ам̣ ад̇т̇аниссид̇амби ваажам̣ на бхаасзяяаад̇и ад̇т̇о.
Tattha yena kenacīti dhammayuttenāpi kāraṇena. Labhati ruppananti ghaṭṭanaṃ dussanaṃ kuppanaṃ labhatiyeva. Na taṃ bhāseyyāti tasmā taṃ parapuggalaṃ yāya so vācāya dussati, taṃ mahatthiyaṃ mahantaṃ atthanissitampi vācaṃ na bhāseyyāti attho.
ат̇асса б̣од̇хисад̇д̇о бан̃жамам̣ г̇аат̇амааха –
Athassa bodhisatto pañcamaṃ gāthamāha –
80.
80.
‘‘гаамам̣ руббад̇у ваа маа ваа, бхусам̣ва вигирийяад̇у;
‘‘Kāmaṃ ruppatu vā mā vā, bhusaṃva vikirīyatu;
д̇хаммам̣ мз бхан̣амаанасса, на баабамубалимбад̇ий’’д̇и.
Dhammaṃ me bhaṇamānassa, na pāpamupalimpatī’’ti.
д̇ад̇т̇а гааманд̇и згам̣сзна. ид̣̇ам̣ вуд̇д̇ам̣ ход̇и – аяуд̇д̇агаараго буг̇г̇ало ‘‘аяуд̇д̇ам̣ д̇з гад̇а’’нд̇и овад̣̇ияамаано згам̣сзнзва гуж̇жхад̇у ваа маа ваа гуж̇жхад̇у, ат̇а ваа бхусамудти вияа вигирийяад̇у, маяхам̣ бана д̇хаммам̣ бхан̣анд̇асса баабам̣ наама над̇т̇ийд̇и.
Tattha kāmanti ekaṃsena. Idaṃ vuttaṃ hoti – ayuttakārako puggalo ‘‘ayuttaṃ te kata’’nti ovadiyamāno ekaṃseneva kujjhatu vā mā vā kujjhatu, atha vā bhusamuṭṭhi viya vikirīyatu, mayhaṃ pana dhammaṃ bhaṇantassa pāpaṃ nāma natthīti.
зван̃жа бана вад̇ваа ‘‘на во ахам̣, аананд̣̇а, д̇ат̇аа бараггамиссаами, яат̇аа гумбхагааро аамагз аамагамад̇д̇з. ниг̇г̇аяха ниг̇г̇аяхаахам̣ аананд̣̇а, вагкаами, яо сааро со тассад̇ий’’д̇и (ма. ни. 3.196) имасса суг̇ад̇оваад̣̇асса ануруубааяа бадибад̇д̇ияаа тад̇ваа ‘‘яат̇аа гумбхагааро бхааж̇анзсу бунаббунам̣ аагодзд̇ваа аагодзд̇ваа аамагам̣ аг̇г̇ахзд̇ваа субаггамзва бхааж̇анам̣ г̇ан̣хаад̇и, звам̣ бунаббунам̣ овад̣̇ид̇ваа ниг̇г̇ан̣хид̇ваа баггабхааж̇анасад̣̇исо буг̇г̇ало г̇ахзд̇аб̣б̣о’’д̇и д̣̇ассзд̇ум̣ буна д̇ам̣ овад̣̇анд̇о –
Evañca pana vatvā ‘‘na vo ahaṃ, ānanda, tathā parakkamissāmi, yathā kumbhakāro āmake āmakamatte. Niggayha niggayhāhaṃ ānanda, vakkhāmi, yo sāro so ṭhassatī’’ti (ma. ni. 3.196) imassa sugatovādassa anurūpāya paṭipattiyā ṭhatvā ‘‘yathā kumbhakāro bhājanesu punappunaṃ ākoṭetvā ākoṭetvā āmakaṃ aggahetvā supakkameva bhājanaṃ gaṇhāti, evaṃ punappunaṃ ovaditvā niggaṇhitvā pakkabhājanasadiso puggalo gahetabbo’’ti dassetuṃ puna taṃ ovadanto –
81.
81.
‘‘но жз асса сагаа б̣уд̣̇д̇хи, винаяо ваа сусигкид̇о;
‘‘No ce assa sakā buddhi, vinayo vā susikkhito;
ванз анд̇хамахим̣сова, жарзяяа б̣ахуго ж̇ано.
Vane andhamahiṃsova, careyya bahuko jano.
82.
82.
‘‘яасмаа жа банид̇хзгажжз, аажзрамхи сусигкид̇аа;
‘‘Yasmā ca panidhekacce, āceramhi susikkhitā;
д̇асмаа винийд̇авинаяаа, жаранд̇и сусамаахид̇аа’’д̇и. – ид̣̇ам̣ г̇аат̇аад̣̇ваяамааха;
Tasmā vinītavinayā, caranti susamāhitā’’ti. – idaṃ gāthādvayamāha;
д̇ассад̇т̇о – самма взд̣̇зха, имзсан̃хи сад̇д̇аанам̣ сажз ад̇д̇ано б̣уд̣̇д̇хи ваа бан̣д̣ид̇з оваад̣̇ад̣̇ааяагз ниссааяа аажаарабан̣н̣ад̇д̇ивинаяо ваа сусигкид̇о на бхавзяяа, звам̣ санд̇з яат̇аа д̇ин̣алад̇аад̣̇иг̇аханз ванз анд̇хамахим̣со г̇ожарааг̇ожарам̣ саасан̇ганираасан̇ган̃жа таанам̣ аж̇аананд̇о жарад̇и, д̇ат̇аа д̇умхаад̣̇исо б̣ахуго ж̇ано жарзяяа. яасмаа бана ид̇ха згажжз сагааяа б̣уд̣̇д̇хияаа рахид̇аа сад̇д̇аа аажарияасанд̇игз аажаарабан̣н̣ад̇д̇исусигкид̇аа, д̇асмаа аажариязхи ад̇д̇ано ад̇д̇ано ануруубзна винаязна винийд̇ад̇д̇аа винийд̇авинаяаа сусамаахид̇аа згаг̇г̇ажид̇д̇аа худ̇ваа жаранд̇ийд̇и.
Tassattho – samma vedeha, imesañhi sattānaṃ sace attano buddhi vā paṇḍite ovādadāyake nissāya ācārapaṇṇattivinayo vā susikkhito na bhaveyya, evaṃ sante yathā tiṇalatādigahane vane andhamahiṃso gocarāgocaraṃ sāsaṅkanirāsaṅkañca ṭhānaṃ ajānanto carati, tathā tumhādiso bahuko jano careyya. Yasmā pana idha ekacce sakāya buddhiyā rahitā sattā ācariyasantike ācārapaṇṇattisusikkhitā, tasmā ācariyehi attano attano anurūpena vinayena vinītattā vinītavinayā susamāhitā ekaggacittā hutvā carantīti.
иминаа ид̣̇ам̣ д̣̇ассзд̇и – иминаа хи сад̇д̇зна г̇ихинаа худ̇ваа ад̇д̇ано гулаануруубаа, баб̣б̣аж̇ид̇зна баб̣б̣аж̇ид̇аануруубаа сигкаа сигкид̇аб̣б̣аа. г̇ихиноби хи ад̇д̇ано гулаануруубзсу гасиг̇орагкаад̣̇ийсу сигкид̇аава самбаннааж̇ийваа худ̇ваа сусамаахид̇аа жаранд̇и, баб̣б̣аж̇ид̇ааби баб̣б̣аж̇ид̇аануруубзсу баасаад̣̇игзсу абхигганд̇абадигганд̇аад̣̇ийсу ад̇хисийлаад̇хижид̇д̇аад̇хибан̃н̃аасигкаасу сигкид̇аава виг̇ад̇авигкзбаа сусамаахид̇аа жаранд̇и. логасмин̃хи –
Iminā idaṃ dasseti – iminā hi sattena gihinā hutvā attano kulānurūpā, pabbajitena pabbajitānurūpā sikkhā sikkhitabbā. Gihinopi hi attano kulānurūpesu kasigorakkhādīsu sikkhitāva sampannājīvā hutvā susamāhitā caranti, pabbajitāpi pabbajitānurūpesu pāsādikesu abhikkantapaṭikkantādīsu adhisīlaadhicittaadhipaññāsikkhāsu sikkhitāva vigatavikkhepā susamāhitā caranti. Lokasmiñhi –
‘‘б̣аахусажжан̃жа сиббан̃жа, винаяо жа сусигкид̇о;
‘‘Bāhusaccañca sippañca, vinayo ca susikkhito;
субхаасид̇аа жа яаа ваажаа, зд̇ам̣ ман̇г̇аламуд̇д̇ама’’нд̇и. (ку. баа. 5.5; су. ни. 264);
Subhāsitā ca yā vācā, etaṃ maṅgalamuttama’’nti. (khu. pā. 5.5; su. ni. 264);
д̇ам̣ суд̇ваа взд̣̇зхад̇аабасо ‘‘аажарияа, ид̇о бадтааяа мам̣ овад̣̇ат̇а анусаасат̇а, ахам̣ анад̇хиваасанаж̇аад̇игад̇ааяа д̇умхзхи сад̣̇д̇хим̣ гат̇зсим̣, д̇ам̣ мз камат̇аа’’д̇и ванд̣̇ид̇ваа махаасад̇д̇ам̣ камаабзси. д̇з самаг̇г̇аваасам̣ васид̇ваа буна химаванд̇амзва аг̇амам̣су. д̇ад̇ра б̣од̇хисад̇д̇о взд̣̇зхад̇аабасасса гасин̣абаригаммам̣ гат̇зси. со д̇ам̣ гад̇ваа абхин̃н̃аа жа самаабад̇д̇ияо жа ниб̣б̣ад̇д̇зси. ид̇и д̇з убхоби абарихийнаж̇жхаанаа б̣рахмалогабарааяан̣аа ахзсум̣.
Taṃ sutvā vedehatāpaso ‘‘ācariya, ito paṭṭhāya maṃ ovadatha anusāsatha, ahaṃ anadhivāsanajātikatāya tumhehi saddhiṃ kathesiṃ, taṃ me khamathā’’ti vanditvā mahāsattaṃ khamāpesi. Te samaggavāsaṃ vasitvā puna himavantameva agamaṃsu. Tatra bodhisatto vedehatāpasassa kasiṇaparikammaṃ kathesi. So taṃ katvā abhiññā ca samāpattiyo ca nibbattesi. Iti te ubhopi aparihīnajjhānā brahmalokaparāyaṇā ahesuṃ.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа взд̣̇зхо аананд̣̇о ахоси, г̇анд̇хаарарааж̇аа бана ахамзва ахосий’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā vedeho ānando ahosi, gandhārarājā pana ahameva ahosī’’nti.
г̇анд̇хаараж̇аад̇агаван̣н̣анаа батамаа.
Gandhārajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 406. г̇анд̇хаараж̇аад̇агам̣ • 406. Gandhārajātakaṃ
