| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
14. г̇анд̇хад̇т̇знасуд̇д̇аван̣н̣анаа
14. Gandhatthenasuttavaṇṇanā
234. жуд̣̇д̣̇асамз аж̇жхабхаасийд̇и д̇ам̣ бхигкум̣ наал̣з г̇ахзд̇ваа бад̣̇умам̣ син̇гхамаанам̣ д̣̇исваава – ‘‘аяам̣ бхигку сад̇т̇у санд̇игз гаммадтаанам̣ г̇ахзд̇ваа саман̣ад̇хаммам̣ гаад̇ум̣ аран̃н̃ам̣ бавидто г̇анд̇хаарамман̣ам̣ убаниж̇жхааяад̇и, свааяам̣ аж̇ж̇а убасин̇гхам̣ свзби бунад̣̇ивасзби убасин̇гхиссад̇и, звамасса саа г̇анд̇хад̇ан̣хаа вад̣дхид̇ваа д̣̇идтад̇хаммигасамбарааяигам̣ ад̇т̇ам̣ наасзссад̇и, маа маяи бассанд̇ияаа нассад̇у, жод̣̇зссаами на’’нд̇и убасан̇гамид̇ваа абхааси.
234. Cuddasame ajjhabhāsīti taṃ bhikkhuṃ nāḷe gahetvā padumaṃ siṅghamānaṃ disvāva – ‘‘ayaṃ bhikkhu satthu santike kammaṭṭhānaṃ gahetvā samaṇadhammaṃ kātuṃ araññaṃ paviṭṭho gandhārammaṇaṃ upanijjhāyati, svāyaṃ ajja upasiṅghaṃ svepi punadivasepi upasiṅghissati, evamassa sā gandhataṇhā vaḍḍhitvā diṭṭhadhammikasamparāyikaṃ atthaṃ nāsessati, mā mayi passantiyā nassatu, codessāmi na’’nti upasaṅkamitvā abhāsi.
зган̇г̇амзд̇ам̣ т̇зяяаананд̇и т̇знид̇аб̣б̣аанам̣ руубаарамман̣аад̣̇ийнам̣ бан̃жагодтаасаанам̣ ид̣̇ам̣ зган̇г̇ам̣, згагодтаасод̇и ад̇т̇о. на хараамийд̇и на г̇ахзд̇ваа г̇ажчаами. аараад̇и д̣̇уурз наал̣з г̇ахзд̇ваа наамзд̇ваа д̣̇уурз тид̇о убасин̇гхаамийд̇и вад̣̇ад̇и. ван̣н̣знаад̇и гааран̣зна.
Ekaṅgametaṃtheyyānanti thenitabbānaṃ rūpārammaṇādīnaṃ pañcakoṭṭhāsānaṃ idaṃ ekaṅgaṃ, ekakoṭṭhāsoti attho. Na harāmīti na gahetvā gacchāmi. Ārāti dūre nāḷe gahetvā nāmetvā dūre ṭhito upasiṅghāmīti vadati. Vaṇṇenāti kāraṇena.
явааяанд̇и яо аяам̣. д̇асмим̣ гира д̣̇звад̇ааяа сад̣̇д̇хим̣ гат̇знд̇зязва зго д̇аабасо од̇арид̇ваа бхисакананаад̣̇ийни гаад̇ум̣ аарад̣̇д̇хо, д̇ам̣ санд̇хааязвамааха. аагин̣н̣агамманд̇од̇и звам̣ абарисуд̣̇д̇хагамманд̇о. акийн̣агамманд̇од̇иби баато, гагкал̣агамманд̇од̇и ад̇т̇о. на вужжад̇ийд̇и г̇анд̇хажород̇и ваа бубпажород̇и ваа гасмаа на вужжад̇и.
Yvāyanti yo ayaṃ. Tasmiṃ kira devatāya saddhiṃ kathenteyeva eko tāpaso otaritvā bhisakhananādīni kātuṃ āraddho, taṃ sandhāyevamāha. Ākiṇṇakammantoti evaṃ aparisuddhakammanto. Akhīṇakammantotipi pāṭho, kakkhaḷakammantoti attho. Na vuccatīti gandhacoroti vā pupphacoroti vā kasmā na vuccati.
аагин̣н̣алуд̣̇д̣̇од̇и б̣ахубаабо г̇аал̣хабаабо ваа, д̇асмаа на вужжад̇и. д̇хаад̇ижзлам̣ва магкид̇од̇и яат̇аа д̇хаад̇ияаа нивад̇т̇агилидтавад̇т̇ам̣ ужжаарабассаавабам̣сумасигад̣̇д̣̇амаад̣̇ийхи магкид̇ам̣, звамзвам̣ рааг̇ад̣̇осаад̣̇ийхи магкид̇о. арахаами вад̇д̇авзд̇и арахаами вад̇д̇ум̣. д̣̇звад̇ааяа жод̣̇анаа гира суг̇ад̇аанусидтисад̣̇исаа, на д̇ам̣ лаамагаа хийнаад̇химуд̇д̇игаа мижчаабадибаннагабуг̇г̇алаа лабханд̇и. д̇асмим̣ бана ад̇д̇абхаавз маг̇г̇апалаанам̣ бхаб̣б̣аруубаа буг̇г̇алаа д̇ам̣ лабханд̇и, д̇асмаа звамааха.
Ākiṇṇaluddoti bahupāpo gāḷhapāpo vā, tasmā na vuccati. Dhāticelaṃva makkhitoti yathā dhātiyā nivatthakiliṭṭhavatthaṃ uccārapassāvapaṃsumasikaddamādīhi makkhitaṃ, evamevaṃ rāgadosādīhi makkhito. Arahāmi vattaveti arahāmi vattuṃ. Devatāya codanā kira sugatānusiṭṭhisadisā, na taṃ lāmakā hīnādhimuttikā micchāpaṭipannakapuggalā labhanti. Tasmiṃ pana attabhāve maggaphalānaṃ bhabbarūpā puggalā taṃ labhanti, tasmā evamāha.
сужиг̇авзсинод̇и сужийни сийласамаад̇хин̃аан̣аани г̇авзсанд̇асса. аб̣бхаамад̇д̇ам̣ ваад̇и валаахагагуудамад̇д̇ам̣ вияа. ж̇аанаасийд̇и суд̣̇д̇хо аяанд̇и ж̇аанааси. важ̇ж̇аасийд̇и вад̣̇зяяааси. нзва д̇ам̣ убаж̇ийваамаад̇и д̣̇звад̇аа гира жинд̇зси – ‘‘аяам̣ бхигку ад̇т̇и мз хид̇агаамаа д̣̇звад̇аа, саа мам̣ жод̣̇зссад̇и саарзссад̇ийд̇и бамаад̣̇амби ануяун̃ж̇зяяа, наасса важанам̣ самбадижчиссаамий’’д̇и. д̇асмаа звамааха. д̇вамзваад̇и д̇вам̣язва. ж̇аанзяяаад̇и ж̇аанзяяааси. язнаад̇и язна гаммзна суг̇ад̇им̣ г̇ажчзяяааси, д̇ам̣ гаммам̣ д̇вам̣язва ж̇аанзяяаасийд̇и. жуд̣̇д̣̇асамам̣.
Sucigavesinoti sucīni sīlasamādhiñāṇāni gavesantassa. Abbhāmattaṃ vāti valāhakakūṭamattaṃ viya. Jānāsīti suddho ayanti jānāsi. Vajjāsīti vadeyyāsi. Neva taṃ upajīvāmāti devatā kira cintesi – ‘‘ayaṃ bhikkhu atthi me hitakāmā devatā, sā maṃ codessati sāressatīti pamādampi anuyuñjeyya, nāssa vacanaṃ sampaṭicchissāmī’’ti. Tasmā evamāha. Tvamevāti tvaṃyeva. Jāneyyāti jāneyyāsi. Yenāti yena kammena sugatiṃ gaccheyyāsi, taṃ kammaṃ tvaṃyeva jāneyyāsīti. Cuddasamaṃ.
ид̇и саарад̇т̇аббагаасинияаа
Iti sāratthappakāsiniyā
сам̣яуд̇д̇анигааяа-адтагат̇ааяа
Saṃyuttanikāya-aṭṭhakathāya
ванасам̣яуд̇д̇аван̣н̣анаа нидтид̇аа.
Vanasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 14. г̇анд̇хад̇т̇знасуд̇д̇ам̣ • 14. Gandhatthenasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 14. г̇анд̇хад̇т̇знасуд̇д̇аван̣н̣анаа • 14. Gandhatthenasuttavaṇṇanā
