| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
14. г̇анд̇хад̇т̇знасуд̇д̇аван̣н̣анаа
14. Gandhatthenasuttavaṇṇanā
234. г̇анд̇хаарамман̣ам̣ убаниж̇жхааяад̇ийд̇и г̇анд̇хасан̇каад̇ам̣ аарамман̣ам̣ убзжжа ниж̇жхааяад̇и, руубаарамман̣зна вияа вин̃н̃аан̣зна руубам̣, г̇анд̇хаарамман̣зна д̇ам̣ убзжжа ниж̇жхааяад̇и бажжагкад̇о, яаат̇аавад̇о сабхаавад̇о бадивиж̇жхад̇ийд̇и ад̇т̇о. убасин̇гхиссад̇ийд̇и д̇ан̣хаавасзна убаг̇анд̇ваа син̇гхиссад̇и.
234.Gandhārammaṇaṃupanijjhāyatīti gandhasaṅkhātaṃ ārammaṇaṃ upecca nijjhāyati, rūpārammaṇena viya viññāṇena rūpaṃ, gandhārammaṇena taṃ upecca nijjhāyati paccakkhato, yāthāvato sabhāvato paṭivijjhatīti attho. Upasiṅghissatīti taṇhāvasena upagantvā siṅghissati.
зган̇г̇амзд̇ам̣ т̇зяяаананд̇и аарамман̣авасзна т̇зяяавад̇т̇уусу вибхаж̇ияамаанзсу згаман̇г̇амзд̇ам̣ г̇анд̇хаарамман̣анд̇и ааха ‘‘т̇знид̇аб̣б̣аана’’нд̇иаад̣̇и. ож̇аабзгкааяа т̇зяяааяа бавад̇д̇амаанааяа д̇хаммаарамман̣ад̇ааби д̇ассаа сияаа, саа бана на мад̇хураа т̇зяяагад̇аа жаад̇и ‘‘бан̃жагодтаасаана’’нд̇и вуд̇д̇ам̣. гааман̃жа д̇ам̣ г̇анд̇хаарамман̣ам̣ гзнажи бариг̇г̇ахид̇ам̣ на ход̇ийд̇и аад̣̇ияид̇ум̣ саггаа, сад̇т̇аараа бана ананун̃н̃аад̇ад̇д̇аа на яуд̇д̇о д̇асса барибхог̇о. яам̣ бана д̇зна бхигкунаа вуд̇д̇ам̣ ‘‘на хараами на бхан̃ж̇аамий’’д̇и, д̇ассаби аяамзва барихааро. ван̣н̣ийяад̇и палам̣ зд̇знаад̇и ван̣н̣ам̣, гааран̣анд̇и вуд̇д̇ам̣ ‘‘ван̣н̣знаад̇и гааран̣знаа’’д̇и.
Ekaṅgametaṃtheyyānanti ārammaṇavasena theyyavatthūsu vibhajiyamānesu ekamaṅgametaṃ gandhārammaṇanti āha ‘‘thenitabbāna’’ntiādi. Ojāpekkhāya theyyāya pavattamānāya dhammārammaṇatāpi tassā siyā, sā pana na madhurā theyyakatā cāti ‘‘pañcakoṭṭhāsāna’’nti vuttaṃ. Kāmañca taṃ gandhārammaṇaṃ kenaci pariggahitaṃ na hotīti ādiyituṃ sakkā, satthārā pana ananuññātattā na yutto tassa paribhogo. Yaṃ pana tena bhikkhunā vuttaṃ ‘‘na harāmi na bhañjāmī’’ti, tassapi ayameva parihāro. Vaṇṇīyati phalaṃ etenāti vaṇṇaṃ, kāraṇanti vuttaṃ ‘‘vaṇṇenāti kāraṇenā’’ti.
д̇асминд̇и д̇асмим̣ бхигкусмим̣. аагин̣н̣агамманд̇од̇и д̇ан̣хаад̣̇идтиаад̣̇ивасзна агусалагамманд̇о д̣̇идтимохад̇ан̣хаад̣̇ивасзна аад̣̇ид̇о бадтааяа гусалагаммаанам̣ бадигкзбанад̇о. д̣̇идтивасзна жа гат̇инагагкал̣акариг̇ад̇ад̇д̇аа ‘‘акийн̣агамманд̇о гагкал̣агамманд̇о’’д̇и вуд̇д̇ам̣.
Tasminti tasmiṃ bhikkhusmiṃ. Ākiṇṇakammantoti taṇhādiṭṭhiādivasena akusalakammanto diṭṭhimohataṇhādivasena ādito paṭṭhāya kusalakammānaṃ paṭikkhepanato. Diṭṭhivasena ca kathinakakkhaḷakharigatattā ‘‘akhīṇakammanto kakkhaḷakammanto’’ti vuttaṃ.
аагин̣н̣алуд̣̇д̣̇од̇и аагин̣н̣о худ̇ваа гагкал̣о. д̇знааха ‘‘б̣ахубаабо’’д̇иаад̣̇и. магкид̇од̇и лид̇д̇о. д̇анд̇и д̣̇звад̇аажод̣̇анам̣. д̇асмаад̇и ад̇иггамма тид̇ад̇д̇аа‘‘д̇ван̃жаарахаами вад̇д̇авз’’д̇и звамааха.
Ākiṇṇaluddoti ākiṇṇo hutvā kakkhaḷo. Tenāha ‘‘bahupāpo’’tiādi. Makkhitoti litto. Tanti devatācodanaṃ. Tasmāti atikkamma ṭhitattā‘‘tvañcārahāmi vattave’’ti evamāha.
г̇авзсанд̇асса ад̇д̇ано санд̇аанз уббаад̣̇анавасзна бариязсанд̇асса. анзгаяож̇анааяаамавид̇т̇аарам̣ г̇аг̇анад̇алам̣ б̣яаабзд̇ваа уббаннавалаахагагуудаббамаан̣ам̣ вияа. суд̣̇д̇ход̇и сийлзна барисуд̣̇д̇хо аяанд̇и ж̇аанааси. суг̇ад̇инд̇и сунд̣̇араниб̣б̣ад̇д̇им̣. д̇зна ниб̣б̣аанассаби сан̇г̇ахо сид̣̇д̇хо.
Gavesantassa attano santāne uppādanavasena pariyesantassa. Anekayojanāyāmavitthāraṃ gaganatalaṃ byāpetvā uppannavalāhakakūṭappamāṇaṃ viya. Suddhoti sīlena parisuddho ayanti jānāsi. Sugatinti sundaranibbattiṃ. Tena nibbānassapi saṅgaho siddho.
г̇анд̇хад̇т̇знасуд̇д̇аван̣н̣анаа нидтид̇аа.
Gandhatthenasuttavaṇṇanā niṭṭhitā.
саарад̇т̇аббагаасинияаа сам̣яуд̇д̇анигааяа-адтагат̇ааяа
Sāratthappakāsiniyā saṃyuttanikāya-aṭṭhakathāya
ванасам̣яуд̇д̇аван̣н̣анааяа лийнад̇т̇аббагаасанаа самад̇д̇аа.
Vanasaṃyuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 14. г̇анд̇хад̇т̇знасуд̇д̇ам̣ • 14. Gandhatthenasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 14. г̇анд̇хад̇т̇знасуд̇д̇аван̣н̣анаа • 14. Gandhatthenasuttavaṇṇanā
