| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੪. ਗਨ੍ਧਤ੍ਥੇਨਸੁਤ੍ਤવਣ੍ਣਨਾ
14. Gandhatthenasuttavaṇṇanā
੨੩੪. ਚੁਦ੍ਦਸਮੇ ਅਜ੍ਝਭਾਸੀਤਿ ਤਂ ਭਿਕ੍ਖੁਂ ਨਾਲ਼ੇ ਗਹੇਤ੍વਾ ਪਦੁਮਂ ਸਿਙ੍ਘਮਾਨਂ ਦਿਸ੍વਾવ – ‘‘ਅਯਂ ਭਿਕ੍ਖੁ ਸਤ੍ਥੁ ਸਨ੍ਤਿਕੇ ਕਮ੍ਮਟ੍ਠਾਨਂ ਗਹੇਤ੍વਾ ਸਮਣਧਮ੍ਮਂ ਕਾਤੁਂ ਅਰਞ੍ਞਂ ਪવਿਟ੍ਠੋ ਗਨ੍ਧਾਰਮ੍ਮਣਂ ਉਪਨਿਜ੍ਝਾਯਤਿ, ਸ੍વਾਯਂ ਅਜ੍ਜ ਉਪਸਿਙ੍ਘਂ ਸ੍વੇਪਿ ਪੁਨਦਿવਸੇਪਿ ਉਪਸਿਙ੍ਘਿਸ੍ਸਤਿ, ਏવਮਸ੍ਸ ਸਾ ਗਨ੍ਧਤਣ੍ਹਾ વਡ੍ਢਿਤ੍વਾ ਦਿਟ੍ਠਧਮ੍ਮਿਕਸਮ੍ਪਰਾਯਿਕਂ ਅਤ੍ਥਂ ਨਾਸੇਸ੍ਸਤਿ, ਮਾ ਮਯਿ ਪਸ੍ਸਨ੍ਤਿਯਾ ਨਸ੍ਸਤੁ, ਚੋਦੇਸ੍ਸਾਮਿ ਨ’’ਨ੍ਤਿ ਉਪਸਙ੍ਕਮਿਤ੍વਾ ਅਭਾਸਿ।
234. Cuddasame ajjhabhāsīti taṃ bhikkhuṃ nāḷe gahetvā padumaṃ siṅghamānaṃ disvāva – ‘‘ayaṃ bhikkhu satthu santike kammaṭṭhānaṃ gahetvā samaṇadhammaṃ kātuṃ araññaṃ paviṭṭho gandhārammaṇaṃ upanijjhāyati, svāyaṃ ajja upasiṅghaṃ svepi punadivasepi upasiṅghissati, evamassa sā gandhataṇhā vaḍḍhitvā diṭṭhadhammikasamparāyikaṃ atthaṃ nāsessati, mā mayi passantiyā nassatu, codessāmi na’’nti upasaṅkamitvā abhāsi.
ਏਕਙ੍ਗਮੇਤਂ ਥੇਯ੍ਯਾਨਨ੍ਤਿ ਥੇਨਿਤਬ੍ਬਾਨਂ ਰੂਪਾਰਮ੍ਮਣਾਦੀਨਂ ਪਞ੍ਚਕੋਟ੍ਠਾਸਾਨਂ ਇਦਂ ਏਕਙ੍ਗਂ, ਏਕਕੋਟ੍ਠਾਸੋਤਿ ਅਤ੍ਥੋ। ਨ ਹਰਾਮੀਤਿ ਨ ਗਹੇਤ੍વਾ ਗਚ੍ਛਾਮਿ। ਆਰਾਤਿ ਦੂਰੇ ਨਾਲ਼ੇ ਗਹੇਤ੍વਾ ਨਾਮੇਤ੍વਾ ਦੂਰੇ ਠਿਤੋ ਉਪਸਿਙ੍ਘਾਮੀਤਿ વਦਤਿ। વਣ੍ਣੇਨਾਤਿ ਕਾਰਣੇਨ।
Ekaṅgametaṃtheyyānanti thenitabbānaṃ rūpārammaṇādīnaṃ pañcakoṭṭhāsānaṃ idaṃ ekaṅgaṃ, ekakoṭṭhāsoti attho. Na harāmīti na gahetvā gacchāmi. Ārāti dūre nāḷe gahetvā nāmetvā dūre ṭhito upasiṅghāmīti vadati. Vaṇṇenāti kāraṇena.
ਯ੍વਾਯਨ੍ਤਿ ਯੋ ਅਯਂ। ਤਸ੍ਮਿਂ ਕਿਰ ਦੇવਤਾਯ ਸਦ੍ਧਿਂ ਕਥੇਨ੍ਤੇਯੇવ ਏਕੋ ਤਾਪਸੋ ਓਤਰਿਤ੍વਾ ਭਿਸਖਨਨਾਦੀਨਿ ਕਾਤੁਂ ਆਰਦ੍ਧੋ, ਤਂ ਸਨ੍ਧਾਯੇવਮਾਹ। ਆਕਿਣ੍ਣਕਮ੍ਮਨ੍ਤੋਤਿ ਏવਂ ਅਪਰਿਸੁਦ੍ਧਕਮ੍ਮਨ੍ਤੋ। ਅਖੀਣਕਮ੍ਮਨ੍ਤੋਤਿਪਿ ਪਾਠੋ, ਕਕ੍ਖਲ਼ਕਮ੍ਮਨ੍ਤੋਤਿ ਅਤ੍ਥੋ। ਨ વੁਚ੍ਚਤੀਤਿ ਗਨ੍ਧਚੋਰੋਤਿ વਾ ਪੁਪ੍ਫਚੋਰੋਤਿ વਾ ਕਸ੍ਮਾ ਨ વੁਚ੍ਚਤਿ।
Yvāyanti yo ayaṃ. Tasmiṃ kira devatāya saddhiṃ kathenteyeva eko tāpaso otaritvā bhisakhananādīni kātuṃ āraddho, taṃ sandhāyevamāha. Ākiṇṇakammantoti evaṃ aparisuddhakammanto. Akhīṇakammantotipi pāṭho, kakkhaḷakammantoti attho. Na vuccatīti gandhacoroti vā pupphacoroti vā kasmā na vuccati.
ਆਕਿਣ੍ਣਲੁਦ੍ਦੋਤਿ ਬਹੁਪਾਪੋ ਗਾਲ਼੍ਹਪਾਪੋ વਾ, ਤਸ੍ਮਾ ਨ વੁਚ੍ਚਤਿ। ਧਾਤਿਚੇਲਂવ ਮਕ੍ਖਿਤੋਤਿ ਯਥਾ ਧਾਤਿਯਾ ਨਿવਤ੍ਥਕਿਲਿਟ੍ਠવਤ੍ਥਂ ਉਚ੍ਚਾਰਪਸ੍ਸਾવਪਂਸੁਮਸਿਕਦ੍ਦਮਾਦੀਹਿ ਮਕ੍ਖਿਤਂ, ਏવਮੇવਂ ਰਾਗਦੋਸਾਦੀਹਿ ਮਕ੍ਖਿਤੋ। ਅਰਹਾਮਿ વਤ੍ਤવੇਤਿ ਅਰਹਾਮਿ વਤ੍ਤੁਂ। ਦੇવਤਾਯ ਚੋਦਨਾ ਕਿਰ ਸੁਗਤਾਨੁਸਿਟ੍ਠਿਸਦਿਸਾ, ਨ ਤਂ ਲਾਮਕਾ ਹੀਨਾਧਿਮੁਤ੍ਤਿਕਾ ਮਿਚ੍ਛਾਪਟਿਪਨ੍ਨਕਪੁਗ੍ਗਲਾ ਲਭਨ੍ਤਿ। ਤਸ੍ਮਿਂ ਪਨ ਅਤ੍ਤਭਾવੇ ਮਗ੍ਗਫਲਾਨਂ ਭਬ੍ਬਰੂਪਾ ਪੁਗ੍ਗਲਾ ਤਂ ਲਭਨ੍ਤਿ, ਤਸ੍ਮਾ ਏવਮਾਹ।
Ākiṇṇaluddoti bahupāpo gāḷhapāpo vā, tasmā na vuccati. Dhāticelaṃva makkhitoti yathā dhātiyā nivatthakiliṭṭhavatthaṃ uccārapassāvapaṃsumasikaddamādīhi makkhitaṃ, evamevaṃ rāgadosādīhi makkhito. Arahāmi vattaveti arahāmi vattuṃ. Devatāya codanā kira sugatānusiṭṭhisadisā, na taṃ lāmakā hīnādhimuttikā micchāpaṭipannakapuggalā labhanti. Tasmiṃ pana attabhāve maggaphalānaṃ bhabbarūpā puggalā taṃ labhanti, tasmā evamāha.
ਸੁਚਿਗવੇਸਿਨੋਤਿ ਸੁਚੀਨਿ ਸੀਲਸਮਾਧਿਞਾਣਾਨਿ ਗવੇਸਨ੍ਤਸ੍ਸ। ਅਬ੍ਭਾਮਤ੍ਤਂ વਾਤਿ વਲਾਹਕਕੂਟਮਤ੍ਤਂ વਿਯ। ਜਾਨਾਸੀਤਿ ਸੁਦ੍ਧੋ ਅਯਨ੍ਤਿ ਜਾਨਾਸਿ। વਜ੍ਜਾਸੀਤਿ વਦੇਯ੍ਯਾਸਿ। ਨੇવ ਤਂ ਉਪਜੀવਾਮਾਤਿ ਦੇવਤਾ ਕਿਰ ਚਿਨ੍ਤੇਸਿ – ‘‘ਅਯਂ ਭਿਕ੍ਖੁ ਅਤ੍ਥਿ ਮੇ ਹਿਤਕਾਮਾ ਦੇવਤਾ, ਸਾ ਮਂ ਚੋਦੇਸ੍ਸਤਿ ਸਾਰੇਸ੍ਸਤੀਤਿ ਪਮਾਦਮ੍ਪਿ ਅਨੁਯੁਞ੍ਜੇਯ੍ਯ, ਨਾਸ੍ਸ વਚਨਂ ਸਮ੍ਪਟਿਚ੍ਛਿਸ੍ਸਾਮੀ’’ਤਿ। ਤਸ੍ਮਾ ਏવਮਾਹ। ਤ੍વਮੇવਾਤਿ ਤ੍વਂਯੇવ। ਜਾਨੇਯ੍ਯਾਤਿ ਜਾਨੇਯ੍ਯਾਸਿ। ਯੇਨਾਤਿ ਯੇਨ ਕਮ੍ਮੇਨ ਸੁਗਤਿਂ ਗਚ੍ਛੇਯ੍ਯਾਸਿ, ਤਂ ਕਮ੍ਮਂ ਤ੍વਂਯੇવ ਜਾਨੇਯ੍ਯਾਸੀਤਿ। ਚੁਦ੍ਦਸਮਂ।
Sucigavesinoti sucīni sīlasamādhiñāṇāni gavesantassa. Abbhāmattaṃ vāti valāhakakūṭamattaṃ viya. Jānāsīti suddho ayanti jānāsi. Vajjāsīti vadeyyāsi. Neva taṃ upajīvāmāti devatā kira cintesi – ‘‘ayaṃ bhikkhu atthi me hitakāmā devatā, sā maṃ codessati sāressatīti pamādampi anuyuñjeyya, nāssa vacanaṃ sampaṭicchissāmī’’ti. Tasmā evamāha. Tvamevāti tvaṃyeva. Jāneyyāti jāneyyāsi. Yenāti yena kammena sugatiṃ gaccheyyāsi, taṃ kammaṃ tvaṃyeva jāneyyāsīti. Cuddasamaṃ.
ਇਤਿ ਸਾਰਤ੍ਥਪ੍ਪਕਾਸਿਨਿਯਾ
Iti sāratthappakāsiniyā
ਸਂਯੁਤ੍ਤਨਿਕਾਯ-ਅਟ੍ਠਕਥਾਯ
Saṃyuttanikāya-aṭṭhakathāya
વਨਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Vanasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੪. ਗਨ੍ਧਤ੍ਥੇਨਸੁਤ੍ਤਂ • 14. Gandhatthenasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੪. ਗਨ੍ਧਤ੍ਥੇਨਸੁਤ੍ਤવਣ੍ਣਨਾ • 14. Gandhatthenasuttavaṇṇanā
