| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੪. ਗਨ੍ਧਤ੍ਥੇਨਸੁਤ੍ਤવਣ੍ਣਨਾ
14. Gandhatthenasuttavaṇṇanā
੨੩੪. ਗਨ੍ਧਾਰਮ੍ਮਣਂ ਉਪਨਿਜ੍ਝਾਯਤੀਤਿ ਗਨ੍ਧਸਙ੍ਖਾਤਂ ਆਰਮ੍ਮਣਂ ਉਪੇਚ੍ਚ ਨਿਜ੍ਝਾਯਤਿ, ਰੂਪਾਰਮ੍ਮਣੇਨ વਿਯ વਿਞ੍ਞਾਣੇਨ ਰੂਪਂ, ਗਨ੍ਧਾਰਮ੍ਮਣੇਨ ਤਂ ਉਪੇਚ੍ਚ ਨਿਜ੍ਝਾਯਤਿ ਪਚ੍ਚਕ੍ਖਤੋ, ਯਾਥਾવਤੋ ਸਭਾવਤੋ ਪਟਿવਿਜ੍ਝਤੀਤਿ ਅਤ੍ਥੋ। ਉਪਸਿਙ੍ਘਿਸ੍ਸਤੀਤਿ ਤਣ੍ਹਾવਸੇਨ ਉਪਗਨ੍ਤ੍વਾ ਸਿਙ੍ਘਿਸ੍ਸਤਿ।
234.Gandhārammaṇaṃupanijjhāyatīti gandhasaṅkhātaṃ ārammaṇaṃ upecca nijjhāyati, rūpārammaṇena viya viññāṇena rūpaṃ, gandhārammaṇena taṃ upecca nijjhāyati paccakkhato, yāthāvato sabhāvato paṭivijjhatīti attho. Upasiṅghissatīti taṇhāvasena upagantvā siṅghissati.
ਏਕਙ੍ਗਮੇਤਂ ਥੇਯ੍ਯਾਨਨ੍ਤਿ ਆਰਮ੍ਮਣવਸੇਨ ਥੇਯ੍ਯવਤ੍ਥੂਸੁ વਿਭਜਿਯਮਾਨੇਸੁ ਏਕਮਙ੍ਗਮੇਤਂ ਗਨ੍ਧਾਰਮ੍ਮਣਨ੍ਤਿ ਆਹ ‘‘ਥੇਨਿਤਬ੍ਬਾਨ’’ਨ੍ਤਿਆਦਿ। ਓਜਾਪੇਕ੍ਖਾਯ ਥੇਯ੍ਯਾਯ ਪવਤ੍ਤਮਾਨਾਯ ਧਮ੍ਮਾਰਮ੍ਮਣਤਾਪਿ ਤਸ੍ਸਾ ਸਿਯਾ, ਸਾ ਪਨ ਨ ਮਧੁਰਾ ਥੇਯ੍ਯਕਤਾ ਚਾਤਿ ‘‘ਪਞ੍ਚਕੋਟ੍ਠਾਸਾਨ’’ਨ੍ਤਿ વੁਤ੍ਤਂ। ਕਾਮਞ੍ਚ ਤਂ ਗਨ੍ਧਾਰਮ੍ਮਣਂ ਕੇਨਚਿ ਪਰਿਗ੍ਗਹਿਤਂ ਨ ਹੋਤੀਤਿ ਆਦਿਯਿਤੁਂ ਸਕ੍ਕਾ, ਸਤ੍ਥਾਰਾ ਪਨ ਅਨਨੁਞ੍ਞਾਤਤ੍ਤਾ ਨ ਯੁਤ੍ਤੋ ਤਸ੍ਸ ਪਰਿਭੋਗੋ। ਯਂ ਪਨ ਤੇਨ ਭਿਕ੍ਖੁਨਾ વੁਤ੍ਤਂ ‘‘ਨ ਹਰਾਮਿ ਨ ਭਞ੍ਜਾਮੀ’’ਤਿ, ਤਸ੍ਸਪਿ ਅਯਮੇવ ਪਰਿਹਾਰੋ। વਣ੍ਣੀਯਤਿ ਫਲਂ ਏਤੇਨਾਤਿ વਣ੍ਣਂ, ਕਾਰਣਨ੍ਤਿ વੁਤ੍ਤਂ ‘‘વਣ੍ਣੇਨਾਤਿ ਕਾਰਣੇਨਾ’’ਤਿ।
Ekaṅgametaṃtheyyānanti ārammaṇavasena theyyavatthūsu vibhajiyamānesu ekamaṅgametaṃ gandhārammaṇanti āha ‘‘thenitabbāna’’ntiādi. Ojāpekkhāya theyyāya pavattamānāya dhammārammaṇatāpi tassā siyā, sā pana na madhurā theyyakatā cāti ‘‘pañcakoṭṭhāsāna’’nti vuttaṃ. Kāmañca taṃ gandhārammaṇaṃ kenaci pariggahitaṃ na hotīti ādiyituṃ sakkā, satthārā pana ananuññātattā na yutto tassa paribhogo. Yaṃ pana tena bhikkhunā vuttaṃ ‘‘na harāmi na bhañjāmī’’ti, tassapi ayameva parihāro. Vaṇṇīyati phalaṃ etenāti vaṇṇaṃ, kāraṇanti vuttaṃ ‘‘vaṇṇenāti kāraṇenā’’ti.
ਤਸ੍ਮਿਨ੍ਤਿ ਤਸ੍ਮਿਂ ਭਿਕ੍ਖੁਸ੍ਮਿਂ। ਆਕਿਣ੍ਣਕਮ੍ਮਨ੍ਤੋਤਿ ਤਣ੍ਹਾਦਿਟ੍ਠਿਆਦਿવਸੇਨ ਅਕੁਸਲਕਮ੍ਮਨ੍ਤੋ ਦਿਟ੍ਠਿਮੋਹਤਣ੍ਹਾਦਿવਸੇਨ ਆਦਿਤੋ ਪਟ੍ਠਾਯ ਕੁਸਲਕਮ੍ਮਾਨਂ ਪਟਿਕ੍ਖੇਪਨਤੋ। ਦਿਟ੍ਠਿવਸੇਨ ਚ ਕਥਿਨਕਕ੍ਖਲ਼ਖਰਿਗਤਤ੍ਤਾ ‘‘ਅਖੀਣਕਮ੍ਮਨ੍ਤੋ ਕਕ੍ਖਲ਼ਕਮ੍ਮਨ੍ਤੋ’’ਤਿ વੁਤ੍ਤਂ।
Tasminti tasmiṃ bhikkhusmiṃ. Ākiṇṇakammantoti taṇhādiṭṭhiādivasena akusalakammanto diṭṭhimohataṇhādivasena ādito paṭṭhāya kusalakammānaṃ paṭikkhepanato. Diṭṭhivasena ca kathinakakkhaḷakharigatattā ‘‘akhīṇakammanto kakkhaḷakammanto’’ti vuttaṃ.
ਆਕਿਣ੍ਣਲੁਦ੍ਦੋਤਿ ਆਕਿਣ੍ਣੋ ਹੁਤ੍વਾ ਕਕ੍ਖਲ਼ੋ। ਤੇਨਾਹ ‘‘ਬਹੁਪਾਪੋ’’ਤਿਆਦਿ। ਮਕ੍ਖਿਤੋਤਿ ਲਿਤ੍ਤੋ। ਤਨ੍ਤਿ ਦੇવਤਾਚੋਦਨਂ। ਤਸ੍ਮਾਤਿ ਅਤਿਕ੍ਕਮ੍ਮ ਠਿਤਤ੍ਤਾ‘‘ਤ੍વਞ੍ਚਾਰਹਾਮਿ વਤ੍ਤવੇ’’ਤਿ ਏવਮਾਹ।
Ākiṇṇaluddoti ākiṇṇo hutvā kakkhaḷo. Tenāha ‘‘bahupāpo’’tiādi. Makkhitoti litto. Tanti devatācodanaṃ. Tasmāti atikkamma ṭhitattā‘‘tvañcārahāmi vattave’’ti evamāha.
ਗવੇਸਨ੍ਤਸ੍ਸ ਅਤ੍ਤਨੋ ਸਨ੍ਤਾਨੇ ਉਪ੍ਪਾਦਨવਸੇਨ ਪਰਿਯੇਸਨ੍ਤਸ੍ਸ। ਅਨੇਕਯੋਜਨਾਯਾਮવਿਤ੍ਥਾਰਂ ਗਗਨਤਲਂ ਬ੍ਯਾਪੇਤ੍વਾ ਉਪ੍ਪਨ੍ਨવਲਾਹਕਕੂਟਪ੍ਪਮਾਣਂ વਿਯ। ਸੁਦ੍ਧੋਤਿ ਸੀਲੇਨ ਪਰਿਸੁਦ੍ਧੋ ਅਯਨ੍ਤਿ ਜਾਨਾਸਿ। ਸੁਗਤਿਨ੍ਤਿ ਸੁਨ੍ਦਰਨਿਬ੍ਬਤ੍ਤਿਂ। ਤੇਨ ਨਿਬ੍ਬਾਨਸ੍ਸਪਿ ਸਙ੍ਗਹੋ ਸਿਦ੍ਧੋ।
Gavesantassa attano santāne uppādanavasena pariyesantassa. Anekayojanāyāmavitthāraṃ gaganatalaṃ byāpetvā uppannavalāhakakūṭappamāṇaṃ viya. Suddhoti sīlena parisuddho ayanti jānāsi. Sugatinti sundaranibbattiṃ. Tena nibbānassapi saṅgaho siddho.
ਗਨ੍ਧਤ੍ਥੇਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Gandhatthenasuttavaṇṇanā niṭṭhitā.
ਸਾਰਤ੍ਥਪ੍ਪਕਾਸਿਨਿਯਾ ਸਂਯੁਤ੍ਤਨਿਕਾਯ-ਅਟ੍ਠਕਥਾਯ
Sāratthappakāsiniyā saṃyuttanikāya-aṭṭhakathāya
વਨਸਂਯੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Vanasaṃyuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੪. ਗਨ੍ਧਤ੍ਥੇਨਸੁਤ੍ਤਂ • 14. Gandhatthenasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੪. ਗਨ੍ਧਤ੍ਥੇਨਸੁਤ੍ਤવਣ੍ਣਨਾ • 14. Gandhatthenasuttavaṇṇanā
